PORUVEZE orunamakuruhungi ndwi Bible Lands Museum moJerusalem, pe newe nda tjangwa pokati kozombura nḓa 700-600 K.O.Z. Ewe ndo ra vazewa mondimba ndja ungurisiwa otja eyendo popezu na Hebron moIsrael. Omambo nge ri kewe ndo ye tja: “Nga sengwe Hagaf omuzandu wa Hagav i Jehova Zebaot.” Hapo omambo ngo ye yandja vi oruvara kOmbeibela? Oyo ye raisa kutja ena ra Mukuru ndi Jehova, nda tjangwa mozoleṱera zOtjiheberi otjikuru nḓa YHWH, aari tjiukwa tjinene nokuungurisiwa moruveze rwOmbeibela. Mozondimba nḓo mwa ri nomambo warwe nga tjangerwe i yovandu mbaave hakaene nokurihoreka mo. Owo potuingi aave tjanga omana wovandu ngaaye kamburire mo ena ra Mukuru komakuma wozondimba.

Dr. Rachel Nabulsi wOmahongero wokombanda moGeorgia, wa hungirira komambo ngo. Eye wa tja: “Ena ndi YHWH rimunika povikando ovingi komawe ngo. Iho tji tu honga oviṋa ovingi. . . . Omambo nga tjangerwe komawe ngo ye raisa ounahepero wa YHWH mehupo rOvaisrael nOvajuda.” Omambo ngo ye yandja oruvara kOmbeibela, mena rokutja mOmbeibela ena ra Mukuru nda tjangerwe nozoleṱera zOtjiheberi nḓa YHWH ri munika povikando ovingi. Potuingi aave tjanga omana wovandu ngaaye kamburira mo ena ra Mukuru.

Omambo nga “Jehova Zebaot” nga tjangwa kewe ndo, ye heya kutja “Jehova omunamasaaehe.” Iho tji raisa kutja ovandu moruveze orukuru aave ungurisa tjinene ena ra Mukuru nomambo nga “Jehova omunamasaaehe.” Nu wina omambo nga “Jehova omunamasaaehe” ye munika povikando 283 mOmatjangwa wOtjiheberi, tjinenenene momambo nga tjangwa i Jesaja, Jeremia na Sakarja.