1. Ala holong roha ni Debata tu hita, aha ma na boi tahilala?

DISURAT Apostel Johannes do, “Holong do Debata.” (1 Joh. 4:8) Hata on paingotton hita, Debata do mual ni hangoluan dohot holong. Holong ni Debata boi mambahen hita merasa aman, marlas ni roha, jala mambahen hita dang hurangan manang aha.

2. Sesuai tu Mateus 22:37-40, aha do dua paretta na umbalga, jala boasa ummaol mangulahon paretta na paduahon?

² Adong do paretta na ikkon diulahon halak Kristen jala dang pilihan i, i ma patuduhon holong. Na parjolo tu Jahowa, na paduahon tu dongan jolma. (Jaha Mateus 22:37-40.) Ala parholong do Jahowa gabe ummura do di hita mangulahon paretta na parjolo. Sude do hita mamboto sempurna do Jahowa, burju, jala parduli tu hita. Alai ummaol do mangulahon paretta na paduahon. Boasa? Ala dang sempurna donganta sahaporseaon, i ma na didokna “donganmu jolma” di Bibel. Olo do sipata nasida mambahen haccit rohatta ala dang dipatudu nasida holong. Diboto Jahowa do sipata maol mangulahon paretta na paduahon on. Alani i do dipakke Ibana piga-piga halak manuratton di Bibel, boasa ikkon tapatudu holong tu dongan jolma jala songon dia cara patuduhon i. Misalna dipakke Jahowa ma si Johannes manurat taringot i.​—1 Joh. 3:11, 12.

3. Aha do na disuratton si Johannes taringot holong?

³ Disurat ni si Johannes, jotjot didok ibana molo halak Kristen ikkon patuduhon holong. Buktina tikki manuratton taringot parngoluan ni Jesus, jotjot do dipakke si Johannes hata “holong”. Unjotjot sian si Mateus, si Markus, dohot si Lukas. Hira-hira marumur 100 taon ma si Johannes tikki manuratton bukku Johannes dohot tolu suratna na asing. Sian sude surat ni si Johannes on, takkas ma  taboto ikkon torus do halak Kristen patuduhon holong di parngoluanna. (1 Joh. 4:10, 11) Alai di si Johannes sandiri dang mura mangulahon i jala leleng do asa boi diattusi ibana i.

4. Boi do si Johannes torus patuduhon holong tu na asing?

⁴ Tikki poso dope si Johannes dang sai mura di ibana patuduhon holong. Misalna hea do Jesus dohot akka siseanna lao tu Jerusalem mangalewati Samaria. Alai adong sada huta di Samaria i na so manjalo nasida. Aha do didok si Johannes? Pittor didok ibana do tu Jesus asa dijou ibana api turun sian langit lao manutung parhuta i. (Luk. 9:52-56) Asing ni i hea do si Johannes dang patuduhon holong tu donganna apostel. Disuru ibana dohot si Jakobus do omak ni nasida mangido tu Jesus asa dilehon tu nasida inganan na ussangap di Harajaon ni Debata na di surgo. Alani i, gabe muruk ma akka apostel na asing tu nasida. (Mat. 20:20, 21, 24) Nang pe songon i toktong do dihaholongi Jesus si Johannes.​—Joh. 21:7.

5. Aha do na lao taulas di artikel on?

⁵ Di artikel on, lao taulas ma surat ni si Johannes taringot holong jala na boi taparsiajari sian i. Dung i boi ma taboto songon dia carana patuduhon holong tu akka dongan sahaporseaon. Taparsiajari ma muse songon dia akka kepala keluarga boi patuduhon holong tu keluargana.

6. Songon dia do Debata patuduhon holongna tu hita?

⁶ Olo do ra tapikkir nungnga tahaholongi akka donganta ala akka na denggan do na taingot sian nasida jala akka na denggan do na tahatahon tu nasida. Alai molo na tutu do holong rohatta tu nasida, ikkon tarida do i sian parniulaon. (Bandingkon tu Jakobus 2:17, 26.) Misalna dihaholongi Jahowa do hita sude. (1 Joh. 4:19) Dihatahon Ibana do holongna i. (Ps. 25:10; Rom 8:38, 39) Alai dang holan i, dipatuduhon Ibana do muse holongna i marhite pambahenanna. Didok si Johannes, “Marhite on do Debata patuduhon holongna tu hita: Disuru Ibana do Anakna na sasada i tu portibi on asa boi hita mandapot hangoluan marhite ibana.” (1 Joh. 4:9) Dilehon Jahowa do anak haholonganna i mate humokkop hita. (Joh. 3:16) Sudena on paposson rohatta na tutu do Jahowa makkaholongi hita.

7. Aha do na diulahon Jesus lao patuduhon holongna tu hita?

⁷ Dihatahon Jesus do tu akka siseanna na holong rohana tu nasida. (Joh. 13:1;  15:15) Dibuktihon ibana do na tutu holong rohana tu akka siseanna dohot tu hita marhite hatana dohot parniulaonna. Didok Jesus, “Dang adong holong na umbalga sian holong ni halak na olo mangalehon ngoluna humokkop akka donganna.” (Joh. 15:13) Ala nungnga taboto na dihaholongi Jahowa dohot Jesus do hita, aha ma na ikkon taulahon?

8. Sesuai tu 1 Johannes 3:18, songon dia do hita patuduhon na holong rohatta tu akka donganta?

⁸ Molo na tutu holong rohatta tu Jahowa dohot tu Jesus, ikkon taoloi do paretta ni nasida. (Joh. 14:15; 1 Joh. 5:3) Diparettahon Jesus do tu hita asa marsihaholongan. (Joh. 13:34, 35) Denggan do molo tahatahon na holong rohatta tu akka dongan jala tapatudu i marhite pambahenatta. (Jaha 1 Johannes 3:18.) Songon dia do hita patuduhon holong tu akka donganta?

9. Alani holongna aha do na diulahon si Johannes?

⁹ Sasittongna boi hian do gabe parhepeng si Johannes molo torus didalatton ibana usaha ni keluarga ni nasida manjala dekke. Alai dang i na dipillit ibana, dipakke ibana do saluhut ngoluna mangajarhon hasittongan taringot Jahowa dohot Jesus. Sasittongna gabe susa do ngolu ni si Johannes alani pilihanna i, ai gabe dianiaya jala diasingkan do ibana hape nungnga matua ibana. (Ul. 3:1; 4:1-3; 5:18; Pgk. 1:9) Nang pe nungnga dipenjarahon si Johannes ala mambaritahon taringot Jesus, alai toktong do dipikkirhon ibana akka dongan sahaporseaon. Misalna tikki di pulo Patmos si Johannes mandapot parnidaan ma ibana. Disuratton ma i jala dikirim ma tu akka huria asa diboto nasida “akka na lao masa satokkin nai”. (Pgk. 1:1) Dung malua ibana sian pulo Patmos, disurat ma bukku Johannes na patorakkon parngoluan ni Jesus. Dung i disurat ibana ma muse bukku 1, 2, dohot 3 Johannes lao patoguhon akka dongan sahaporseaon. Songon dia do hita boi maniru si Johannes?

10. Aha do na diulahon halak Kristen lao patuduhon holongna tu akka jolma?

¹⁰ Dijujui portibi ni Sibolis on do hita mamakke sude gogo dohot tikkitta mangalului hepeng dohot pasangappon diri sandiri. Alai adong do na boi diulahon halak Kristen lao patuduhon holongna tu akka jolma. Dipakke nasida do ngolu dohot tikki ni nasida paboahon barita na uli taringot Harajaon jala mangurupi akka halak asa jonok tu Jahowa. Alani i adong do sian nasida na gabe pelayan sepenuh waktu.

11. Aha do na diulahon halak Kristen ala holong rohana tu Jahowa dohot tu dongan sahaporseaon?

¹¹ Godangan halak Kristen karejo do mangalului hepeng asa boi diparade kebutuhanna dohot kebutuhan ni keluargana. Nang pe songon i disangahon nasida do asa boi dohot tu ulaon ni organisasi. Misalna adong do sian nasida na gabe relawan tikki masa bencana, gabe relawan konstruksi, jala sude do hita boi mangalehon sumbangan tu ulaon marbarita di liat portibi on. Diulahon nasida pe sudena i ala holong do roha ni nasida tu Debata dohot tu dongan jolma. Tapatudu do muse holongta tu dongan sahaporseaon tikki ro hita marpungu ganup minggu. Nang pe loja hita tausahahon do asa ro torus marpungu. Nang pe taroktokon hita taupayahon do mangalean  komentar. Jala nang pe adong masalahta sandiri alai tapatogu do akka dongan na asing tikki makkata-hatai dohot nasida di parpunguan. (Heb. 10:24, 25) Pasti mandok mauliate do hita di sude upaya ni akka donganta on.

12. Alani holong tu dongan sahaporseaon aha do na diulahon si Johannes?

¹² Holong do roha ni si Johannes tu dongan sahaporseaon. Alani i dipuji ibana do nasida. Alai dang holan i, alani holongna tong do dipasingot ibana nasida. Misalna di suratna, dipuji si Johannes do akka dongan sahaporseaon ala setia do nasida jala kerja keras. Alai dipissang ibana do tong nasida ala dang olo mangakkui dosa. (1 Joh. 1:8–2:1, 13, 14) Memang porlu do tapuji akka dongan molo adong na denggan na diulahon nasida. Alai molo adong donganta na taida mulai mandao sian Jahowa, denggan ma tapasingot ibana. Memang porlu do hita barani tikki pasingotton donganta. Alai Bibel mandok dongan na burju olo do pasingotton donganna asa lam denggan.​—Poda 27:17.

13. Boasa dang boi mura-mura hita tersinggung tu donganta?

¹³ Molo holong rohatta tu akka dongan sahaporseaon, unang ma mura-mura tersinggung hita tu hata ni donganta. Andorang so mate Jesus, hea do didok ibana tu akka siseanna asa boi dapot ni nasida hangoluan na saleleng ni lelengna ikkon mangallang dagingna dohot manginum mudarna. (Joh. 6:53-57) Gabe tarsonggot do godang sisean ni Jesus mambege i jala ditinggalhon ma ibana. Alai anggo akka ale-ale ni Jesus dang olo maninggalhon ibana, termasuk ma i si Johannes. Memang tarsonggot do tong nasida jala dang diattusi lapatan ni hata i. Alai toktong do nasida setia tu Jesus. Dang tersinggung nasida tu hata ni Jesus i. Jala dang didok nasida ajaran na sala i, alai porsea do nasida ajaran na sittong do na didok ni Jesus i. (Joh. 6:60, 66-69) Hita pe saonari, unang ma mura-mura hita tersinggung tu hata ni donganta. Jadi asa unang sala paham hita tapaloas ma donganta i paboahon aha do sasittongna maksud ni hatana i.​—Poda 18:13; Pjm. 7:9.

14. Boasa berbahaya molo torus sogo rohatta tu donganta?

¹⁴ Dipasingot si Johannes do hita asa unang marsogo ni roha tu akka dongan  sahaporseaon. Molo dang taoloi sipasingot on, gabe dimanfaatton Sibolis ma hita. (1 Joh. 2:11; 3:15) Hea do masa on di abad na parjolo. Marsitutu do Sibolis mamola-mola naposo ni Debata asa tarbagi di huria. Tikki dibahen si Johannes suratna na patoluhon adong do na mamola-mola di huria, contohna si Diotrepes. (3 Joh. 9, 10) Dang diargai ibana akka sintua na disuru ni Punguan na Mangaradoti Organisasi di tikki i. Molo adong dongan di huria na burju tu halak na so dihalomohon rohana, dipakaluar ibana do i sian huria. Siginjang roha do si Diotrepes on. Sahat tu saonari pe marsitutu do Sibolis mamola-mola huria asa unang marsada hita. Unang ma sai torus sogo rohatta mamereng donganta, ala boi do i mambahen tarbagi huria.

15. Aha do na boi diparsiajari sahalak kepala keluarga sian Jesus?

¹⁵ Sahalak kepala keluarga na parholong, diparade do na dihaporluhon ni keluargana. (1 Tim. 5:8) Alai na uppetting, ikkon urupanna do keluargana asa toktong jonok tu Jahowa. (Mat. 5:3) Boi do marsiajar akka kepala keluarga sian Jesus. Songon na tarsurat di bukku Johannes, nang pe nungnga targattung Jesus di hau partinaonan alai dipikkiri ibana dope keluargana. Tikki na targattung i Jesus disi do si Johannes jongjong di labbung ni si Maria omak ni Jesus. Nang pe nungnga haccitan Jesus tikki i, alai disangahon ibana do mangido tu si Johannes asa diurus si Maria. (Joh. 19:26, 27) Memang adong do adek tiri ni Jesus na boi paradehon kebutuhan ni si Maria, alai dang adong dope nanggo sada sian nasida na gabe siseanna. Jadi dipastihon Jesus do asa adong sasahalak na mangurus si Maria jala na patoguhon ibana asa toktong marale-ale tu Jahowa.

16. Aha do tanggung jawab ni si Johannes?

¹⁶ Godang do tanggung jawab ni si Johannes. Sahalak apostel do ibana, jadi dohot do ibana mamimpin ulaon marbarita na uli. Ala mangoli do ra si Johannes jadi ikkon paradeonna do kebutuhan ni keluargana jala ikkon urupanna do nasida asa toktong marale-ale tu Debata. (1 Kor. 9:5) Aha do parsiajaranna tu akka kepala keluarga saonari?

17. Aha do tanggung jawab ni sahalak kepala keluarga?

 ¹⁷ Godang do tanggung jawab ni sahalak kepala keluarga. Misalna ikkon ringgas do ibana karejo, ai parohon sangap do i tu goar ni Jahowa. (Eps. 6:5, 6; Tit. 2:9, 10) Jala olo do ra adong tanggung jawabna di huria. Misalna penggembalaan dohot mamimpin ulaon marbarita. Asing ni i, adong do tanggung jawabna di jabu, ikkon urupanna do istrina dohot gellengna marsiajar Bibel. Molo torus diupayahon kepala keluarga asa rade kebutuhan ni keluargana, pasti mandok mauliate do nasida tu ibana.​—Eps. 5:28, 29; 6:4.

18. Aha do pos ni roha ni si Johannes?

¹⁸ Ganjang do umur ni si Johannes. Jadi godang do pengalaman dohot tantangan na diadopi ibana na manguji haporseaonna tu Jahowa. Alai nang pe songon i marsitutu do ibana mambahen na dumenggan lao mangoloi paretta ni Jesus, termasuk ma i makkaholongi akka dongan sahaporseaon. Hasilna gabe pos ma rohana na toktong do ibana dihaholongi Jahowa dohot Jesus. Asing ni i pos do muse rohana na urupan ni Jahowa do ibana nang pe gok sitaonon. (Joh. 14:15-17; 15:10; 1 Joh. 4:16) Takkas ma dang boi Sibolis dohot akka na di portibi on, pasohon si Johannes patuduhon holongna tu akka dongan sahaporseaon. Gariada torus do dipatudu ibana i marhite hata dohot pambahenanna.

19. Sesuai tu 1 Johannes 4:7, aha do na ikkon taulahon jala boasa?

¹⁹ Hita pe saonari mangolu di portibi na dirajai Sibolis do. Dang adong holong ni roha di Sibolis. (1 Joh. 3:1, 10) Lomo do rohana asa unang tahaholongi be akka dongan sahaporseaon. Alai dang boi saut lomo ni rohana i molo dang talean kesempatan tu ibana. Toktong ma tapatudu holong tu akka dongan sahaporseaon marhite pakkataionta dohot pambahenatta. Molo taulahon i marlas ni roha ma hita di ngolutta ala nungnga gabe bagian ni keluarga ni Jahowa.​—Jaha 1 Johannes 4:7.