1. Guutimit asaneqaravit qanoq misigivit?

APUSTILI Johan­nesi ima al­lap­poq: ‘Guuti tas­saavoq asan­nin­neq.’ (1 Joh 4:8) Taman­na ilumoor­tumik tun­ngaviusumik matumin­nga eq­qaasin­neqaatigaar­put: Guuti, inuunerup pilerfia, aam­ma asan­nin­nerup pilerfigaa. Jehovap asavaatigut! Asam­matigut toq­qis­sisimavugut pil­luarlutalu.

2. Mat­thæusi 22:37-40 naaper­torlugit inas­sutit pingaar­ner­paat marluk suup­pat, aam­ma sooq inas­sutip aap­paata naalan­nis­saa saper­narsin­naava?

² Kristumiut asan­nin­nermik ersersitsinis­saat peq­qus­sutaam­mat taamaaliorusun­nerlutik nam­mineq aalajangersin­naan­ngilaat. (Matthæusi 22:37-40 atuakkit). Jehova ilisarisimal­lualeratsigu inas­sutip siul­liup naalan­nis­saa saper­nan­ngilaq. Jehovami naam­mal­luin­nar­tuuvoq uagutsin­nil­lu pin­nit­tar­nermini isumas­suisuul­lunilu inus­siar­nersuuvoq. Inas­sutil­li aap­paata naalan­nis­saa saper­nar­tis­sin­naavar­put. Sooq? Up­peqatigut naam­mal­luin­nan­ngitsuum­mata – taak­kulu tas­saap­put tul­ligut qaniginer­paasagut. Ilaan­nik­kut oqaatsimik­kut iliuutsimik­kul­lu nuan­nin­ngitsumik inus­siar­niitsumil­lu pisin­naavaatigut. Jehovap nalun­ngin­namiuk taamatut pineqar­tarsin­naasugut sooq aam­ma qanoq asaqatigiis­sasugut isumas­sarsisitsil­luni Biibilimik al­latsitami ilaat siun­nersuisip­pai. Al­lat­tut taak­kua ilagaat Johan­nesi. – 1 Joh 3:11, 12.

3. Johan­nesip suna erseq­qis­sar­paa?

 ³ Johan­nesip al­latamini erseq­qis­sar­paa kristumiut asan­nit­tuus­sasut. Jiisusip inuunera pil­lugu oqalut­tuamini iivangkiiliunik al­lat­tunit pingasunit al­lanit Johan­nesip asan­nin­neq eq­qar­tor­neruaa. Iivangkiiliu ateqaatigisani al­lak­kanilu pingasut al­lak­kamigit Johan­nesi hundredit mis­saan­nik ukioqar­poq. Al­lak­kani isumas­sarsiarititaasuni taak­kunani ersersin­neqar­poq kristumiut iliuusii tamarmik asan­nin­nermik tun­ngaveqar­tariaqar­tut. (1 Joh 4:10, 11) Johan­nesip nam­mineq taman­na ilin­niar­tariaqarsimavaa.

4. Johan­nesi al­lanut asan­nit­tuujuaan­narsimava?

⁴ Johan­nesi asan­nit­tuujuaan­narsiman­ngilaq. As­sersuutigalugu ilaan­ni Jiisusi ajoqersugaalu Samaria aq­qusaarlugu Jerusalemimukar­put. Samariami il­loqarfeeq­qamiut ilaasa tikil­luaq­qun­ngilaat. Johan­nesi qanoq qisuariar­pa? Aperivoq taak­ku nungutin­niarlugit in­neq qilam­mit nak­kaq­qus­sanerini! (Luk 9:52-56) Pisumi al­lami apustileqatiminut asan­nin­ngitsumik pis­suseqar­poq. Ilimanar­poq nam­mineq Jaakul­lu anaanar­tik Jiisusimut aperiar­tor­tik­kaat Kun­ngeqarfim­mi, tas­sa Naalagaaf­fim­mi, nuimasumik inis­sisimatis­sin­naaneraatsik. Taman­na apustileqataasa paasigamik­ku Jaaku Johan­nesilu kamaap­paat. (Matt 20:20, 21, 24) Johan­nesi taamatut kuk­koqat­taaraluarluni Jiisusimit asaneqar­poq. – Joh 21:7.

5. Al­laaserisami matumani suut sam­mis­savagut?

⁵ Al­laaserisami matumani sam­mis­savagut Johan­nesip asan­nin­neq pil­lugu al­lataasa ilaat aam­ma nam­mineq qanoq asan­nit­tuusoq. Taak­kua sam­mineran­ni paasis­savar­put up­peqatitsin­nut qanoq asan­nit­tuliorsin­naasugut. Aam­ma ilaqutariin­ni it­tuusoq pingaarutilitsigut ilaqut­taminut qanoq asan­nin­nermik ersersitsisin­naasoq sam­mis­savar­put.

6. Jehovap uagutsin­nik asan­nin­nini qanoq ersersis­simavaa?

⁶ Isumaqarsin­naavugut asan­nin­neq misigis­susiusoq nuan­nersoq inus­siar­nersumik oqaaseqar­nik­kut ersersin­neqar­tar­toq. Taman­nali naam­man­ngilaq, asan­nin­nivim­mi aam­ma iliuutsik­kut ersersin­neqar­tar­poq. (Naleq­qiuguk Jaaku 2:17, 26). Jehova uagutsin­nik asan­nit­tuusoq as­sersuutigeriar­tigu. (1 Joh 4:19) Asan­nin­nini ersersip­paa oqaatsini nuan­nersut Biibilimi al­las­simasut aq­qutigalugit. (Tuss 25:10; Rom 8:38, 39) Guutip oqaasii up­perigaluarlugit aam­mali iliuuseqarmat taas­sumin­nga asaneqar­ner­put  up­peril­luin­nar­par­put. Johan­nesi ima al­lap­poq: “Matumuuna Guutip asan­nin­nera akor­natsin­ni saq­qum­mersin­neqarsimavoq: Guutip er­nituani silarsuarmut aal­lar­tim­magu taas­sumuuna inooq­qul­luta.” (1 Joh 4:9) Jehovap er­nini asasani uagut pil­luta naal­liul­lunilu toqunis­saa akueraa. (Joh 3:16) Jehovamit asaneqar­ner­put qular­nan­ngil­luin­nar­poq!

7. Jiisusip uagutsin­nik asan­nin­nini qanoq ersersip­paa?

⁷ Jiisusip ajoqersuk­kani asanerarlugit oqarfigisar­pai. (Joh 13:1; 15:15) Taak­kunin­nga uagutsin­nil­lu asan­ningaar­nini oqaatsimigut iliuutsimigul­lu up­per­narsar­tar­paa. Ima oqar­poq: “An­nerusumik asan­nin­neqan­ngilaq ikin­ngutini pil­lugit inuunerminik akigin­nit­tup asan­nin­neranit.” (Joh 15:13) Jehovap Jiisusil­lu uagut pil­luta iliuuserisimasaat eq­qarsaatigigaangatsigit qanoq sun­ner­neqaatigis­savar­put?

8. Johan­nesip al­lagai siul­liit 3:18-imi soq­quneqar­pugut?

⁸ Jehovamik Jiisusimil­lu asan­nin­ner­put ersersit­tar­par­put taak­kua naalan­nerisigut. (Joh 14:15; 1 Joh 5:3) Jiisusil­lu peq­quaatigut asaqatigiis­sasugut. (Joh 13:34, 35) Qatan­ngutigut asanerarlugit oqarfigisariaqar­pagut, aam­mali iliuutsik­kut asan­nin­ner­put ersersit­tariaqar­par­put. (1 Johannesi 3:18 atuaruk). Susin­naavugut?

9. Asan­nin­neq kajumis­sis­sutigalugu Johan­nesi sua?

⁹ Johan­nesi aningaasarsiorluni ataatani aalisar­tooqatigiin­narsin­naagaluar­paa. Jehovali Jiisusilu pil­lugit ilumoor­toq al­lanik ilin­niar­titsinermi inuunermi sin­nera ator­paa. Johan­nesip inooriaaseriligaa oqitsuin­naan­ngilaq. Oqaluus­sinini pis­sutigalugu malersor­neqar­poq, ukiul­lu 100-p mis­saani utoq­qarsuul­luni aal­larus­saavoq. (ApS 3:1; 4:1-3; 5:18; Saqq 1:9) Jiisusi pil­lugu oqaluus­sinini pis­sutigalugu par­naarus­saaq­qagaluarluni Johan­nesip ersersip­paa inuit al­lat eq­qarsaatigisarlugit. As­sersuutigalugu Patmosimiitil­luni im­minut saq­qum­mersin­neqar­tut al­lap­pai, ilagiil­lu “qanit­tuk­kut piumaar­tus­sat” nalun­ngin­nias­sam­matigit al­latani taak­kunun­nga nas­siup­pai. (Saqq 1:1) Taava Patmosimit iperagaanermi kingor­naagunar­toq Jiisusip inuunera kif­far­tor­neralu pil­lugit Johan­nesi iivangkiiliumik al­lap­poq. Aam­ma up­peqatini qiim­mas­sar­niarlugit nakus­satsin­niarlugil­lu pingasunik al­lagaqar­poq. Johan­nesi im­minut pil­liutigeriaan­naasoq qanoq ilaarsin­naaviuk?

10. Inun­nik asan­nin­nerit qanoq ersersis­sin­naaviuk?

¹⁰ Inooriaatsik­kut ersersis­sin­naavat inun­nik asan­nit­tuul­lutit. Saatanip silarsuaata kis­saatigaa aningaasarsiorlutit tusaamasan­ngor­niarlutil­luun­niit pif­fis­sat nukitil­lu tamaasa im­minut atus­sagitit. Naalagaaf­fim­mil­li oqaluus­sisar­tut sumi tamaniit­tut im­minut pil­liutigeriaan­naasut nutaarsias­saq nuan­nersoq oqaluus­sis­sutigiumal­lugu inuil­lu Jehovamut qanil­linis­saan­nut ikiorumal­lugit pif­fis­sar­tik ator­tar­paat. Al­laal­lu ilaat pif­fis­saq tamaat kif­far­torsin­naap­put.

11. Oqaluus­sisar­tor­pas­suit aalajaatsut Jehovamik up­peqatimin­nil­lu asan­nin­ner­tik qanoq ersersit­tar­paat?

¹¹ Kristumior­pas­suit aalajaatsut ilaqut­tatik pilersor­niarlugit pif­fis­saq tamaat sulisariaqar­put. Taamaak­kaluar­toq oqaluus­sisar­tut aalajaatsut taak­kua sapin­ngisar­tik naaper­torlugit Guutip peqatigiis­sor­tai tapersersor­paat. Ilaat ajunaar­nersuaqar­til­lugu ikiuut­tar­put, al­lat sanaar­tor­nermi ikiuut­tar­put, tamat­talu aningaasanik tunis­suteqar­tarsin­naavugut. Guutimik inoqatitsin­nil­lu  asan­nin­ner­put kajumis­sis­sutigalugu taamaalior­tar­pugut. Sapaatit-akun­neri tamaasa ilagiit ataatsimiin­nerini najuun­nik­kut peqataanik­kul­lu up­peqatitsin­nik asan­nin­ner­put ersersit­tar­par­put. Qasoq­qagaluarluta ataatsimeeqataasar­pugut. An­nilaangagaluarluta akisar­pugut. Nam­minerlu ajor­nar­torsiuteqaraluarluta ataatsimiin­nerup sior­na kingor­nalu al­lanik qiim­mas­saasar­pugut. (Hebr 10:24, 25) Oqaluus­sisar­toqatigut qujamasuutigingaar­pagut!

12. Johan­nesip up­peqatiminik asan­nin­nini aam­ma qanoq ersersit­tar­paa?

¹² Johan­nesip up­peqatiminik nersualaarisar­nik­kut aam­ma oqaaq­qis­saarisar­nik­kut taak­kunin­nga asan­nin­nini ersersit­tar­paa. As­sersuutigalugu Johan­nesip al­lak­kamini up­peqatimi up­perluar­tuunerat ajun­ngitsulior­tar­neral­lu pil­lugit nersualaar­pai, aam­mali ajor­tulior­neq pil­lugu oqaaq­qis­saarivoq. (1 Joh 1:8–2:1, 13, 14) Uagut­taaq up­peqatigut ajun­ngitsulior­tar­nerat pil­lugu nersualaar­tariaqar­pagut. Ileq­qorlut­toqaler­pal­li eq­qun­ngitsumil­luun­niit isigin­nit­taaseqar­toqaler­pat asan­nit­tulior­nerus­saaq pis­suseril­luta oqaaq­qis­saarigut­ta. Ikin­ngum­mik oqaaq­qis­saaris­sagaan­ni sapiitsuusariaqar­poq, Biibilimili al­las­simavoq ikin­ngutigiit ipis­saqatigiit­tar­tul­lusooq, tas­sa oqaaq­qis­saaqatigiit­tar­tut. – Uss 27:17.

13. Sunaveersaar­tariaqar­pugut?

¹³ Ilaan­nik­kut up­peqatitsin­nik asan­nin­ner­put ersersit­tar­par­put iliuuseqan­ngin­nikkut. As­sersuutigalugu oqaaseqaraangata ajual­lajaval­laar­neq ajor­pugut. Jiisusip nunarsuarmiin­nerata naggataatungaani pisoq sam­meriar­tigu. Jiisusip ajoqersuk­kani oqarfigai taak­kua naas­saan­ngitsumik inuus­sagunik Jiisusip timaa nerisariaqaraat aavalu imerlugu. (Joh 6:53-57) Oqaatsit taak­ku tupas­sutigalugit ajoqersugaasa ilar­pas­suisa qimap­paat. Ikin­ngutaasali ilumoor­tut, ilaatigut Johan­nesip, qiman­ngilaat. Jiisusip oqaasii paasin­ngilaat, tupaal­laatigisimas­savaal­lu. Jiisusip ikin­ngutai aalajaatsut taan­na kuk­kusumik oqarsorin­ngin­namik­ku ajual­lan­ngil­lat. Tatigiuar­paal­li nalun­ngin­namik­ku ilumoor­tumik oqalut­tuaan­nar­toq. (Joh 6:60, 66-69) Ikin­ngutit­ta oqaasii pis­sutigalugit ajual­lajaval­laan­ngin­nis­sat­ta pingaaruteqas­susia! Nas­suiaanis­saan­nul­li periarfis­sit­tar­pagut. – Uss 18:13; Oqal 7:9.

14. Sooq up­peqatitsin­nik uumis­suin­ngisaan­nas­saagut?

 ¹⁴ Johan­nesip aam­ma up­peqatitsin­nik uumigin­neq­qunata oqaaq­qis­saar­paatigut. Oqaaq­qis­saarut taan­na maleruan­ngitsoorutsigu Saatanimit sun­ner­neqariaan­naas­saagut. (1 Joh 2:11; 3:15) Kristumiut siul­liit ilaat Saatanimit sun­ner­neqar­tip­put. Saatanip sapin­ngisaminik Guutip in­nut­tai uumis­suilersin­niarlugil­lu avis­saar­tuutsin­niar­pai. Johan­nesip al­lak­kamini eq­qaavai angutit Saatanitut anguniagaqar­tut ilagiin­nut ilan­ngus­simasut. As­sersuutigalugu Diotrefesi ilagiin­ni avis­saar­tuutsitsisimavoq. (3 Joh 9, 10) Siulersuisoqatigiin­nit aal­lar­titat ataq­qin­ngilai. Al­laat nam­mineq iluarin­ngisaminut inoroorsaar­tut ilagiin­nit peersin­niar­tar­pai. Makitas­susia! Ul­lumik­kut­taaq Saatani ilungersorluni Guutip in­nut­taanik avis­saar­tuutsitsiniar­tar­poq. Qanor­toq uumis­suineq avis­saar­tuus­sutigin­ngisaan­nar­tigu!

15. Ilaqutariin­ni it­tuusup suna eq­qaamasariaqar­paa?

¹⁵ Ilaqutariin­ni it­tuusup ilaqut­tami timik­kut pisariaqar­titaan­nik pilersoraangamigit taak­kunin­nga asan­nin­nini ersersit­tar­paa. (1 Tim 5:8) Eq­qaamasariaqar­paali anersaak­kut pisariaqar­titaan­nik isumagin­nin­neq pingaaruteqar­nerusoq. (Tuss 1:1-3) Jiisusi ilaqutariin­ni it­tuusunut maligas­siuivoq. Johan­nesip iivangkiiliuanit paasivar­put Jiisusi nap­pak­kami an­niar­titaaf­fim­mi toqungajalerluni ilaqut­taminik suli isumas­suerusut­toq. Johan­nesi Jiisusil­lu anaanaa Maria nap­pak­kap an­niar­titaaf­fiup eq­qaani qeqar­put. Jiisusip an­niangaaraluarluni Maria Johan­nesimut isumageq­quaa. (Joh 19:26, 27) Jiisusi qatan­nguteqar­poq qular­nan­ngitsumik Mariap timik­kut pisariaqar­titaanik isumagin­nit­tunik, taak­kuli suli Jiisusimut ajoqersugan­ngorsimar­pasin­ngil­lat. Taamaat­tumik Jiisusip qulak­keer­niar­paa Mariap timik­kut anersaak­kul­lu isumagineqar­nis­saa.

16. Johan­nesip suut akisus­saaf­figai?

¹⁶ Johan­nesi akisus­saaf­fip­pas­suaqar­poq. Apustiliugami oqaluus­sinermi siut­tunut ilaavoq. Aam­ma nuliaqarsimasin­naavoq, taamaat­tumil­lu ilaqut­tani timik­kut pilersor­tariaqarlugil­lu Guutimut at­taveqarluar­nisaan­nut ikior­tariaqar­pai. (1 Kor 9:5) Ul­lumik­kut ilaqutariin­ni it­tuusut Johan­nesi qanoq ilin­niarfigisin­naavaat?

17. Sooq it­tuusup ilaqut­taminik anersaak­kut isumagin­nin­nis­saa pingaaruteqar­pa?

 ¹⁷ Ilaqutariin­ni it­tuusoq pingaarutilin­nik akisus­saaf­fip­pas­suaqarsin­naavoq. As­sersuutigalugu sulif­fim­mini eqiasuitsuusariaqar­poq Jehova ataq­qinarsisin­niarlugu. (Ef 6:5, 6; Tit 2:9, 10) Aam­ma ilagiin­ni akisus­saaf­feqarsin­naavoq soorlu paarsisutut oqaluus­sinermilu siut­tuusutut. Nuliaminil­lu qitor­naminil­lu Biibilimik atuaq­qis­saaqatigin­nit­tar­nis­saa pingaaruteqar­poq. Ilaqutaasut timik­kut misigis­sutsik­kut anersaak­kul­lu isumas­sor­neqar­ner­tik qujamasuutigingaas­savaat. – Ef 5:28, 29; 6:4.

18. Johan­nesip suna qularutigin­ngilaa?

¹⁸ Johan­nesi inuuneq­qor­tuul­lunilu misigisar­pas­suaqar­poq. Up­per­nik­kut san­ngiil­lis­sutigisin­naasaminik ajor­nar­torsiuteqar­tarsimavoq. Jiisusil­li peq­qus­sutigisai, ilaatigut up­peqatinik asan­neq­qusinera, sapin­ngisamik maleruar­niar­tar­pai. Taamaat­tumik Jehovamit Jiisusimil­lu asaneqar­nini aam­ma an­nikil­liuuteqar­nermini nakus­satsin­neqarumaar­nini Johan­nesip qularutigin­ngilaa. (Joh 14:15-17; 15:10; 1 Joh 4:16) Saatanip inuil­luun­niit naalak­kersuif­figisaasa Johan­nesi asan­nit­tuliun­ngitsoor­tis­sin­naan­ngilaat.

19. Johan­nesip al­lagai siul­liit 4:7-imi sunis­satsin­nut kajumis­saar­neqar­pugut, aam­ma sooq?

¹⁹ Johan­nesitul­li Saatanip, silarsuup matuma guutiata uumis­suisup, pis­saaneqarfigisaani inuuvugut. (1 Joh 3:1, 10) Up­peqatitsin­nik asan­nik­kun­naarsin­niaraluar­paatigut, periarfis­sin­ngik­kutsiguli iluatsis­san­ngilaq. Qanor­toq up­peqatitsin­nik asan­nin­nis­sar­put, aam­ma tamatumin­nga oqaatsik­kut iliuutsik­kul­lu ersersitsisar­nis­sar­put, aalajangiusimaan­nar­tigu. Taamaaliorut­ta Jehovap ilaqutariis­sor­taanut ilaas­saagut, inuunerlu pil­luar­nangaas­saaq. – 1 Johannesi 4:7 atuaruk.