1. Diyin bibee ayóóʼóʼóʼní haitʼéego naʼiiłná?

YILʼAADII John éí “Diyin God ayóóʼóʼóʼníinii nilı̨́,” níigo akʼeʼashchı̨́. (1 John 4:8) Díí éí ayóóʼóʼóʼní Diyin bitsʼą́ą́dę́ę́ʼ átʼéego yéénihiyiiłnííh, háálá éí iiná áyiilaa. Jiihóvah ayóóʼánihóʼní! Áko bibee ayóóʼóʼóʼní nihił hasihgo hazʼą́ índa nihił dahózhǫ́ǫgo ánihósin.

2. Matthew 22:37-40 éí haʼátʼíí naakigo bee hazʼáanii ályaa, áádóó naaki góneʼígíí haʼátʼíí biniinaa nantłʼa?

² Oodlání éí ayóóʼíʼííníshʼníí daatsʼí dooleeł, doo jinízin da doo. Ayóóʼádaʼíínóhʼní danihidiʼníigo bee hazʼáanii nihá ályaa. (Matthew 22:37-40 yíníłtaʼ.) Jiihóvah éí áłtsé ayóóʼdeínóhʼní nihidiʼní, éí Jiihóvah yéigo bił ahééhoniilzingo díí doo nantłʼa da. Háálá Jiihóvah éí hadaałtʼéii nilı̨́, nihaa joobaʼgo aa áhályą́. Naaki góneʼ ayóóʼóʼóʼníi dooleełii éí nihá nantłʼa dooleełgoda átʼé. Áhą́dígo bił kééhwiitʼíinii danilínígíí brothers dóó sisters éí nidaʼiisíihii danilı̨́. Éí łahda saad doo joobaʼii yee nihichʼįʼ hadoodzih doodaiiʼ doo yáʼátʼéhígida ánihidoolííł. Jiihóvah tʼáá íídą́ą́ʼ bił bééhózingo díí nihá nantłʼa doo. Áko haʼátʼíí biniyé índa haitʼéego ayóóʼádaʼáhííníiʼníi dooleełgo Diyin Bizaad biiʼdę́ę́ʼ yee nanihinitin doogo nihá áyiilaa.—1 John 3:11, 12.

3. John éí haʼátʼíí nihiłní?

³ John éí Oodlání dajílínígíí ayóóʼádaʼahíínóhʼní yiłníigo yichʼįʼ áʼiilaa. Jesus beʼiiná yaa halneʼgo éí “ayóóʼóʼóʼní” ląʼídi chʼínéiniʼą́. Éí Matthew, Mark, dóó Luke tʼáá  táaʼgo ahiiyiʼnilgo biláahdi yaa chʼíhwiizʼą́. John éí neeznádiin daatsʼí honááhaigo naaltsoos John índa 1, 2, dóó 3 John ájiilaa. Éí biiʼ ájíníigo Oodlání éí tʼáá ałtsojįʼ ádajooníiłii ayóóʼóʼóʼní bee nidahwiiłnáa doo. (1 John 4:10, 11) Ndi áłtséedi, John éí ayóóʼájóʼníi dooleełgi há nantłʼa ńtʼééʼ.

4. Johnísh tʼáá áłahjįʼ ayóóʼóʼóʼníí ńtʼééʼ?

⁴ John éí tʼah ániid nijigháago doo áłahjįʼ ayóóʼájóʼníi da. Éí łah Jesus dóó bídahoołʼaahii Jerúsalemgóó jookahgo Samériya bidineʼé bikin sinil góneʼ jookah. Ńtʼééʼ tʼáadoo kóshdę́ę́ʼ nidaakaí dahodooʼniid. Áko John haajiidzaa? Éí Jesus ábijiníigo yádiłhił biyiʼdę́ę́ʼ kǫʼ bee áníłdįįh. (Luke 9:52-56) Áádóó náánáłah, John éí yilʼaadii bił dajílínígíí doo ayóóʼájóʼníígóó éí hatsilí James bił hamá éí Jesus nihá kóbidiní bijiní. Éí Jesus bee bóhólníihgo bił hazʼáanii biyiʼ aláahdi dah asdáa dooleełígíí nihá bííníkeed bizhdííniid. Daalʼaadii bił béédahózingo doo bił dahóózhǫǫd da. (Matt. 20:20, 21, 24) Áko John kódaatʼéégóó niʼiisih ndi, Jesus ayóóʼábóʼní.—John 13:23.

5. Haʼátʼíí baa nídadíitʼįįł?

⁵ John ayóóʼóʼóʼníí ńtʼééʼ yę́ęgi áádóó ayóóʼóʼóʼní óolyéegi baa nídadíitʼįįł. Áádóó díí baa ídahwiilʼaahgo éí brothers dóó sisters haitʼéego ayóóʼádeíníiʼníi doo. Índa hooghangi á jizíinii bił dahaghanígíí haitʼéego ayóóʼájóʼníi dooleełgi ałdóʼ baa ídahwiidiilʼááł.

6. Jiihóvah ayóóʼóʼóʼníigi haitʼéego nihił ííshjání áyiilaa?

⁶ Ayóóʼájóʼníigo éí hazaad yáʼátʼéehgo bee yájíłtiʼgo óolyé hwiinidzin. Ndi, tʼáá aaníí ayóóʼájóʼníigo éí bééhózínígo óʼooʼníiłii bąąh ádingo tʼáadoo nánídlíní da. (Compare James 2:17, 26.) Jó, Jiihóvah ayóóʼánihóʼní. (1 John 4:19) Éí Bizaad biiʼdę́ę́ʼ saad tsʼídá nizhónígo yee nihichʼįʼ yáłtiʼ. (Ps. 25:10; Rom. 8:38, 39) Nihił béédahózingo Diyin éí tʼáá aaníí ayóóʼóʼóʼní, ayóóʼánihóshʼní, doo tʼóó nihiłníi da. Nihá ááníiłgi bee bééhózingo ííłʼı̨́. John kóníigo akʼeʼashchı̨́: “Jó, Diyin God biYeʼ tʼááłáʼí bá yizhchínígíí bee dahiniiʼnáa doo biniyé nihokááʼ dineʼé yitahjįʼ yiníłʼaʼ. Díí bee Diyin God ayóóʼánihóʼnínígíí nihił béédahoozin.” (1 John 4:9) Jiihóvah éí bił lą́go biYeʼ ayóóʼóʼóʼníinii tiʼhoozniiʼgo nihá daaztsą́. (John 3:16) Áko tʼáá aaníí Jiihóvah ayóóʼánihóʼní.

7. Jesus ayóóʼánihóʼníigi haitʼéego nihił ííshjání áyiilaa?

 ⁷ Jesus éí bídahoołʼaahii ayóóʼádanihííníshʼní néiidiʼniih. (John 13:1; 15:15) Ndi, éí áátʼįįdgi yee ayóóʼáyóʼníigo yee ííshjání áyiilaa. Éí ání: “Diné bikʼisóó ayóóʼádayóʼníinii yá nináʼádeetʼáanii yá daaztsą́ągo, kótʼéego ayóóʼóʼóʼní ayóó átʼéii náánáłaʼ diné doo hwee nááhódlǫ́ǫ da.” (John 15:13) Áko Jiihóvah dóó Jesus nihá áátʼįįdgi baa nitsíikeesgo, haʼátʼíí ádiiʼnííł niidzin doo?

8. 1 John 3:18 éí haʼátʼíí ádiiʼnííł nihiłní?

⁸ Jiihóvah dóó Jesus ayóóʼííníiʼníigo éí bikʼeh honiilʼı̨́į doo. (John 14:15; 1 John 5:3) Jesus éí ayóóʼádaʼahíínóhʼní nihidííniid. (John 13:34, 35) Áko brothers dóó sisters ayóóʼánííníshʼní bidiʼníi doo. Ndi, tʼáá aaníí ayóóʼííníiʼníigo bił ííshjání íilʼı̨́į doo. (1 John 3:18 yíníłtaʼ.) Éí haitʼéego bił ííshjání íilʼı̨́ doo?

9. Ayóóʼóʼóʼní bee John haʼátʼíí ádzaa?

⁹ John éí hazhéʼé tʼáá bił tázhdiʼaashgo łóóʼ hahadleehjí bijoolnishgo béeso bee ájíłʼı̨́į doo ńtʼééʼ. Azhą́ nantłʼa ndi, Jiihóvah dóó Jesus tʼáá aanííjí baa haneʼgi bee ádaazhdeetʼą́ągo honaanish ájiilaa. Atíhoʼdoolʼįįd áádóó hajistih ndi, hoʼdiiltsood. Awáalya jizdáa ndi, Jesus baa nahojisneʼ. (Acts 3:1; 4:1-3; 5:18; Rev. 1:9) Áko éí bee bééhózingo diné ayóóʼájóʼní. Táyiʼdę́ę́ʼ kéyah hááʼáago Pátmos hoolyéegi naaltsoos Revelation ájiilaago éí “tʼóó hodíínááʼígo ádahodooníiłii” congregation bił béédahodoozįįł biniyé bichʼįʼ ájiilaa. (Rev. 1:1) Áádóó Pátmosdóó hwee ílniiʼgo éí Jesus beʼiiná índa nahasneʼ yę́ęgi baa hojilneʼgo akʼeʼjishchı̨́. Naaltsoos táaʼgo ałdóʼ ájiilaa, éí habrothers dóó hasisters dabidziil índa hadaʼólníi doo biniyé. Áko John éí nahaneʼ yaa ádeetʼą́ągi haitʼéego beʼdiilnííł?

10. Diné ayóóʼííníʼníigo éí haʼátʼíí bee ííshjání ádíílííł?

¹⁰ Diné ayóóʼííníʼníigo éí neʼiiná bee ádaa díínítʼánígíí bee bééhózin. Séítan éí tʼáá ni tʼéiyá ádaa nitsíníkees, béeso ląʼí áshʼįįh doo, doodaiiʼ ayóó shééhoʼdílzin nínízin doo nóʼní. Ndi nahasdzáán nidahoneesʼą́ą́góó Oodlání éí Diyin biNahatʼaʼ baa nahaneʼgi yee ádaa deideestʼą́ índa Jiihóvah ahą́dí bił ídlı̨́į dooleełgi yee áká anájah. Łaʼ éí full-time ndahalneʼ índa nidanitin.

11. Jiihóvah índa brothers dóó sisters ayóóʼádayóʼníigi haitʼéego ííshjání íilʼı̨́?

¹¹ Ląʼí Oodlání éí haghan hazʼą́ą́dóó índa tʼáá bí ádá deílníishgo yee ákʼindaaldzil. Áádóó Diyin biorganization ałdóʼ bíká aníjíjah. Éí disaster relief ádaatʼéégóó, kin álʼı̨́ı̨́jí boʼoonishgi, áádóó nahasdzáán tʼáá siʼą́ą́ ńtʼééʼ Diyin bá oonishgi béeso yee áká anídaalwoʼ. Háálá Diyin índa yił kéédahatʼíinii ayóóʼádayóʼní. Nihibrothers dóó nihisisters ayóóʼííníiʼníigo éí tʼáá damóo náʼoodleeł áłah náʼádleehgi néiidáahgo atah comment íʼiilʼı̨́į doo. Azhą́ chʼééh nídiidáah ndi, akǫ́ǫ́ ałnánéidááh. Bikʼee nihił yéeʼ ndi, comment ánáʼiilʼįįh. Tʼáá áníiltso nihichʼįʼ anídahwiiztʼiʼ, ákótʼée ndi, áłah náʼádleehgi yiidáahgo doodaiiʼ tʼáadoo dah nídiidáhí saad bee haʼahóníinii łaʼda bee bichʼįʼ hanéiidzih. (Heb. 10:24, 25) Áko díí brothers dóó sisters ayóóʼádeíníiʼníigo kótʼéego binaanish ádeiłʼı̨́įgo baa ahééh daniidzin.

12. John éí haitʼéego bibrothers dóó bisisters ayóóʼáyóʼníí ńtʼééʼ?

 ¹² John éí bibrothers dóó bisisters nizhónígo yáʼátʼéehgo ádaʼółʼı̨́ néidiʼniih, ndi hazhóʼó kótʼéego yiłníigo ałdóʼ yichʼįʼ hanádzih. Éí beʼoodląʼ índa binaanish ádeiłʼı̨́įgi nizhónígo yee yichʼįʼ hanádzihgo áʼiilaa. Bąąhági átʼįįhgoda yee yichʼįʼ haadzih. (1 John 1:8–2:1, 13, 14) Áko nihí ałdóʼ nihibrothers dóó nihisisters yáʼátʼéehgo ádaaníiłgi nizhóní bidiiʼníi doo. Ndi doo yáʼátʼééhgóó nitsíkees silı̨́įʼgo doodaiiʼ Jiihóvah yił kʼéʼahidiʼníigi tʼóó yiʼniiłchxǫʼgo baa ákoniidzı̨́įʼgo ayóóʼóʼóʼní bee hazhóʼó bichʼįʼ hadiidzih. Kótʼéego hakʼis łaʼ bee bichʼįʼ hazhdoodzihgi tʼáá nantłʼago átʼé. Ndi Diyin Bizaad ánihiłníigo éí ałkʼis jílı̨́įgo éí hazhóʼó kótʼé áhizhdiʼníi doo.—Prov. 27:17.

13. Haʼátʼíí bee ádaa áhwiilyą́ą doo?

¹³ Łahda éí nihibrothers dóó nihisisters ayóóʼííníiʼníigo éí bizaad yee hahadziihii doo bikʼee neiltal da doo. Jesus nahasdzáán bikááʼ beʼiiná nidootʼih bichʼįʼ hodeeshzhiizhgo áhóótʼįįd yę́ę baa nitsíníkees. Jesus éí bídahoołʼaahii iiná nididoolyéełgo shitsʼíís dadoohsı̨́ı̨́ł áádóó shidił dadoohdlı̨́ı̨́ł yidííniid. (John 6:53-57) Kótʼéego yáłtiʼgo bídahoołʼaahii ląʼí yikʼee tsídadeesyizgo bitsʼą́ąjįʼ dah diikai, ndi ayóó dabikʼisígíí, éí John ałdóʼ tʼáadoo ákódaadzaa da. Éí yéigo bikééʼ ádahideezı̨́įgo tʼáá bikééʼ deíkai. Jesus ádííniidígíí tʼáadoo shı̨́ı̨́ yikʼidaʼdiitą́ą da ndi, yikʼee shı̨́ı̨́ tsídadeesyizgo átʼé. Ndi tʼáadoo yikʼee haada daadzaa da. Jesus tʼóó yadaʼólíigo éí tʼáá aaníí áníigo yáłtiʼ daniizı̨́ı̨́ʼ. (John 6:60, 66-69) Áko nihikʼis łaʼ bizaad bikʼee tsídadeesyizgo tʼáadoo bikʼee haadaniitʼéhí da doo, ndi ááhyiłníigi hazhóʼó yee nihił hodoolnih.—Prov. 18:13; Eccl. 7:9.

14. Haʼátʼíí biniinaa tʼáadoo ajiiniidláhí doo?

¹⁴ John éí brothers doodaiiʼ sisters tʼáadoo dajiinohłáhí yidííniid. Háálá ákóniitʼéegoda Séítan yóóʼanihidínóoʼaah. (1 John 2:11; 3:15) First century C.E. ayííłką́ągo łaʼ ákódaadzaa. Íídą́ą́ʼ Séítan wołí bee átʼı̨́įgo Diyin bá ndaalʼaʼí dahiʼjoodláago ałtsʼáʼáldahgo áyiilaa. John binaaltsoos ííléehgo diné éí Séítan nitsíkeesígi  ádaatʼéego congregation yiih heeskai. Éí Daiyátrifiiz joolyéego ayóó átʼéego ałtsʼáʼáldahgo áʼjiiłʼįįd. (3 John 9, 10) Éí elders atah nídadikahígíí governing body ánídabiłʼaahgo tsʼídá doo bił nilı̨́į da. Áko Daiyátrifiiz éí tʼáá háiida díí brothers bichʼįʼ kʼé daznidzin dooleeł yę́ęgi hachʼą́ą́h naagháago oodlání áłah nádleehii bitahgi kʼé daznidzinígíí nahjįʼ hahodiiʼníił doo nízin. Yóweh átʼéego ádeijódlíí lá! Séítan tʼahdii tʼáá ákótʼéego Diyin bidineʼé ałtsʼazhdookah hóʼní. Áko haaʼíshąʼ ajoodlá biniinaa tʼáadoo ałtsʼéikahí.

15. Hooghangi á jizíinii haʼátʼíí bééjílniih doo?

¹⁵ Hooghandóó á jizíinii éí ayóóʼájóʼníigo bídin dahóyéeʼii á jisłáa doo. Ndi łahgo bééjílniih doogo éí naadeełii ádaatʼéii doo ił hóshǫ́ǫ da. (1 Tim. 5:8) Haghan hazʼą́ą́dóó Jiihóvah yił kʼéʼdaʼahídiʼníi dooleełgi bee bíká aníjílwoʼ doo. (Matt. 5:3) Jesus éí hooghandóó á naazíinii nizhónígo yá áʼiilaagi baa nitsíníkees. John naaltsoos áyiilaaígíí nihił halneʼgo éí tsin bąąh atíʼélʼíinii Jesus bąąh dahizhdełtı̨́įgo éí tʼáá hó haghan hazʼą́ą́dóóígíí baa nitsídzíkees. Éí Jesus ákwii hodiʼniilyı̨́įgo John éí hamá Mary yił sizı̨́įgo jinéłʼı̨́. Azhą́ ayóó átʼéego hachʼįʼ nahwiiʼnáa ndi, Jesus éí John shimá Mary baa áhólyą́ yiłní. (John 19:26, 27) Jesus bił hajííjééʼ éí ákwii nahalzhiishgo tʼah doo dahoodląąh da. Áko éí biniinaa John áko bizhdííniid. Éí Jiihóvah bá naʼaʼaʼgi ałdóʼ bee baa áhólyą́ą doo bizhdííniid.

16. John éí haʼátʼíí binaanish ńtʼééʼ?

¹⁶ John éí honaanish tʼóó ahayóí ńtʼééʼ. Yilʼaadii jiníigo nahaneʼgi bízhneedlı̨́įgo bá sizı̨́. Hachʼooní shı̨́ı̨́ ałdóʼ hólǫ́, áko haghan hazʼą́ą́dóó bídin dahóyéeʼii baa jisłá. Áádóó Jiihóvah bił kʼé haʼníigi bá jisłáago bee bíká aníjílwoʼ. (1 Cor. 9:5) Áko hooghandóó á naazíinii díí haʼátʼíí bitsʼą́ą́dóó bídahojiiłʼaah doo?

17. Hooghangi á sizíinii haitʼéego haghandóó ayóóʼájóʼníigo ájósin?

¹⁷ Nihibrother łaʼ bighan hazʼą́ą́dóó á jizíinii jílı̨́įgo tʼóó ahayóígóó shı̨́ı̨́ honaanish. Éí nijilnishgi yáʼátʼéehgo áʼjíłʼı̨́įgo Jiihóvah bee baa haʼniih. (Eph. 6:5, 6; Titus 2:9, 10) Áádóó elder doodaiiʼ ministerial  servant shı̨́ı̨́ jílı̨́ áádóó nahaneʼgi bá á jizı̨́. Áádóó tʼáá bił hachʼooní índa haʼáłchíní tʼáá ahą́ą́h Diyin Bizaad bee nazhnitin. Áko doo bąąh daatééhgóó bił dahózhǫ́ǫgo bá ájósingo yaa ahééh danízin. Áádóó Jiihóvah yá ndaalʼaʼgi wołí bee yidadiilkaal dooleełgo bee bíká aníjílwoʼ.—Eph. 5:28, 29; 6:4.

18. John éí haʼátʼíí tʼáá aaníí jinízin ńtʼééʼ?

¹⁸ John éí ląʼí honááhai áádóó bóhoneedlı̨́įgo tázhdííyá. Achʼįʼ anáhóótʼiʼii yiiʼ níyá, éí beʼoodląʼ doo bidziil da áyiilaa doo ńtʼééʼ. Ndi Jesus yee hasʼáanii bikʼeh jiníyá, éí brothers dóó sisters ayóóʼádeínóhʼnínę́ęgi ałdóʼ bikʼehgóó áʼjiilaa. Áko azhą́ achʼįʼ nahwiiʼná biiʼ tázhdígháah ndi, hoł bééhózingo Jiihóvah dóó Jesus ayóóʼáhóʼní índa hadziil ánáhoodlííł. (John 14:15-17; 15:10; 1 John 4:16) Séítan índa bił hoogáłígíí éí brothers dóó sisters ayóóʼájóʼníigi doo hatsʼą́ą́ʼ deidínóołtłʼah da.

19. 1 John 4:7 haʼátʼíí nihiłní, éí haʼátʼíí biniyé ákóní?

¹⁹ John bíiníłkánę́ęgi átʼéego Séítan ayóó átʼéego ajoołáago hooʼáłígíí biiʼ kééhwiitʼı̨́. (1 John 3:1, 10) Nihibrothers dóó nihisisters doo ayóóʼádajóʼníi da doo nihóʼní. Áko tʼááká yíilaʼ díí yee nihikʼeh dódleʼ lágo. Nihibrothers dóó nihisisters éí nihizaad bee índa íiʼníiłgi bee ayóóʼádeíníiʼníi doo. Ákódeitʼı̨́įgo baa nihił dahózhǫ́ǫgo Jiihóvah bifamily bitahdóó niidlı̨́į doo áádóó tʼáá ákónéehee hinishná niidzin doo.—1 John 4:7 yíníłtaʼ.