Harvey ke mo go le yene ye mogolo wa gona ga gabo. Ba mutši wa gabo ba krayye nnete ku Midland Junction, Bodikela bya Australia, ka nako tsa mo go wile tlala ye kgolo ka bo 1930. Harvey o gudiye a mo nyaka ka matla ga Jehova a boya a kolobetsiwa a na le 14 ya mengwaga. O tšhutiye taba ya go dula a yamogela mebereko yo a neyiwang yona ya Mmušo ka ho phutegong. Ka taba la mo go sa le mošomanyana tšatši le lengwana o yye a gana go bala Sewokamelo mogahlanong a tseya gore yene go sa le ye monyana ka matla. Mara mogageru ye mongwana o yye a bolabola le Harvey gore a nagane taba ya gore, “Mo ye mongwana ka ho mokgahlong wa Jehova a go kgopela gore o make se sengwana, o tseya gore o ka sa šitegi go se maka!”—2 Makor. 3:5.

Nna le mmane waka le sesi waka re tšhutiye nnete ku England. Papaka ke mo a sa kwane le Dihlatse tsa Jehova mara mo goya-goya le yene o yye a ba Hlatse. Le mo papa ne a sa di jabolele ke yye ka kolobetsiwa ke na le nkokwane ya mengwaga. So ne ke nyaka go se segelela ke gore ke be mošupatsela gore ke thogo ba morumiwa. Mara papa ne a ka sa dumele ke ba mošupetsela go segela ke ba le 21 ya mengwaga. Ne ke sa nyake go tseya nako ka mokgonone.  Byalo, mo ke na le 16 ya mengwaga o yye a ndumelela gore ke ye dula le sesi waka ga naga ye a dulang ga yona ku Australia. Wa tšiba mo ke šele ke gahlanisa 18 ya mengwaga ke yye ka thomisa go ba mošupatsela.

Ku Australia, ke yye ka gahlana le Harvey. Re yye ra bolabola ka taba ya go nabela go berekela Jehova re le barumiwa. Re šadhiye ka 1951. Ka nthago ga mo re berekiye mabedi ya mengwaga re le mašupatsela, ba yye ba re kgopela gore re bereke re le bapotulugi. Mo ne re potulugela gona ku Bodikela bya Australia ke mo go le poleke ye kgolo ka matla, byalo ke mo di nyaka re dula re drayiva ga poleke ya gore go f’lo re khwaša fote go le kgole le kgole.

Ka 1954 re yye ra memiwa go kena tlelase ya bo 25 ya sekolo sa Gilead. Ye lune, phela tsela ne re di nabela tsa go nyaka go ba barumiwa ne di šele di le thina ka matla! Re segele New York re sepela ka sekepe, ra thomisa go tšhuta Baebele re šwennye. Gana hone sekolong sa Gilead ne di nyaka re tšhuta le mmolabolo wa Spanish, taba yone ne go le morwalo ga Harvey ka gore hlaka ya “r” ne go ro ba mong ntshitshire go yi hlaya.

Mo re kene re le sekolong ye a re tšhutisang o yye a hlaya taba ya gore bo ba nyakang go berekela Japan di nyaka ba ngwale mabitso ya bona fase gore ba thogo kena sekolo sa mmolabolo wa Sejapane. Re fetsiye ka gore re lesetse mokgahlo wa Jehova wo re kgetele. Ka nthagonyana, Albert Schroeder ye mongwana ga bo ne ba re tšhutisa ga sekolo sone sa Gilead o yye a di bona gore a re ya ngwala mabitso ya rune. O yitseri ga rune: “Nagananeng ka taba yowa ša.” Mo re kene re sa jikajika Mogageru Schroeder o yitseri: “Nna le bo ke berekang nabo re le ngwadiye. Leketsaneng go tšhuta mmolabolo wa Sejapane.” Ga mmolabolo wowa Harvey o yye a fo teya moroba.

Re segele Japan ka 1955 mo go sa na le 500 ya batšhomayedi nageng ka mokana ga yona. Harvey ke mo a na le 26 ya mengwaga ke mokane nna ke na le 24. Ba yye ba re rumela toropong ya Kobe, ga gore re yye ra tšhomayela gona kanne ya mengwaga. Re yye ra jabola la go sa hlayisege mo ba re kgopela gore re boyele ga mmereko wa go potuluga fote ne re berekela thina le toropo ya Nagoya. Ke mo re jabolela dilo ka mokana ga tsona ga mmereko wa rune—magageru le dilo tsa hone nageng. Di soko ya kgole, re yye ra thulegela ke lešuba le lengwana la go maka tso Jehova a re kgopelang gore re di make.

Ka nthago ga kararo ya mengwaga re le ga mmereko wa go potuluga, ba lekala la Japan ba yye ba re kgopela gore re ye tšhomayela Taiwan ga batho ba mohlobo wa Maamis. Magageru ya mangwana ma yye ma kgeloga byalo ba lekala la  Taiwan ne ba nyaka mogageru wa gore o kgona go bolabola mmolabolo wa Sejapane gabutši gore a thogo gelepa ga seyemo sone. * Ke mo re kwana ka matla le mmereko wa rune ku Japan, byalo sowa ne go le sepheto sa go thathafa. Mara ka taba la gore Harvey o tšhutiye go sa gane go berekisiwa, re yye ra dumela go sepela.

Re segele ka November 1962. Ku Taiwan ke mo go na le 2 271 ya batšhomayedi, ba go tlala ba gona ke mohlobo wa Maamis. Mara ne re nyaka go thomisa ka go tšhuta mmolabolo wa Sechina. Ke mo re fo ba le puku ka yyoši ya go tšhuta mmolabolo wone le thitšere ya gore a yi kgone go bolabola Sekgowa mara re yye ra fo tšhuta.

Mo re sa tšwa go segela Taiwan, Harvey ba yye ba mo neya mmereko wa go wokamela lekala. Lekala lone ke mo go le le le nyana la gore Harvey ke mo a kgona go bereka mmereko wage wa ofisi a boye a bereke le magageru ya mohlobo wa Maamis kararo ya mabeke ho kgweding. Fote ke mo a bereka le go sepela a beya dipolabolo megahlanong ye megolonyana. Le mo Harvey a ka beya dipolabolo ka Sejapane magageru ya mohlobo wa Maamis ne ma nyoko di kwisisa. Mara, mmušo ne wo dumela gore megahlano ya sedumedi yi tshwariwe ka Sechina fela. Byalo, Harvey ke mo a sa kunkuretsa ka mmolabolo wone, ke mo a beya dipolabolo ka Sechina ke mokane mogageru a ba hlatollela ka Seamis.

Ka nako yonone polekeng ya Taiwan ne go ghada masole, byalo ne di nyaka gore magageru ba ma dumelele ka molawo gore ma thogo tshwara mogahlano wo mogolonyana. Ke mo go se lula go kraya lephephe la go dumelela ke molawo fote ga go tlala ke mo di tseya nako gore le šinye le tšwe. Mo go le beke ya mogahlano wo mogolonyana, maphodisa ma soko bane ma ntsha lephephe lone la go dumelediwa, Harvey ke mo a fo dula gana ku maphodiseng a sa tloge go segela ba mo neya tso a di nyakang. Ka taba la gore maphodisa ne ma tšebisa ke go dulelela ke motho wa gore o tšwa mafaseng ya ka tawong ne ma yakgoswa ma re neya lephephe lone la go re dumelela.

Ga mabeke ya re ma fetsiyeng re kene re na le magageru, ke mo re sepela awara kela go feta gana hone re kalama dithaba fote re tshela dinoka ka mawoto. Nka sa lebale nakwela go le la mathomothomo ke kalama thaba. Ka nthago ga go ja tsa ka bošego, re yye ra kalama bhase ya 5:30 ka bošego ya go ya ga poleke ya kgole, ra tshela noka ye kgolo ka mawoto ke mokane ra kalama thaba. Ke mo yi rotogela la go šinya ke bona mawoto ya mogageru ye ne a le mo mahlong gaka ma le thina le sefahlego saka.

Ka bošego byobyone, Harvey o yye a bereka tšhomo le magageru ya gana hone polekeng, nna nkene ke tšhomayela ke ntoši ga mmoto wo monyana wa gore go dula batho ba go bolabola Sejapane. Gana hala ga bo 1:00 motshegare, ke mo ke tikwa ke lelemela ka taba la gore ne go šele go fitiye diawara tsa go tlalanyana ke sa ja. Mo ke gahlana le Harvey, magageru ya mangwana ke mo ma sa sa le šiyo. Harvey o yye a tšhentšhisa dimakazini tse dingwana ka kararo ya makata ya go sa yapegiwa. O yye a nšupetsa ka mokgo nka le jang ka gona, ka go thula lešuba le lenyananyana ke mokane a le muna. Le mo le šupetsa le sa nabetse, ke yye ka fo leketsa ka lloši. Mara ke mang ye a tshwaneleng ke go kraya lekata la boraro? Le krayye ke nna, ka taba la gore Harvey ne a tikwa gore a ka sa ro thogo nkakola mo nka yidibala ka taba la go kwa tlala.

Ga mogahlano wo mogolonyana, ke yye ka phika ke selo sa go sa tlwayelega. Ke mo re dula ga ntlo ya mogageru ye mongwana thina le Holo ya Mmušo. Ka taba la gore Maamis ma tseyela gedimo taba ya go hlapa, mosadi wa mopotulugi o yye a re lukiselela ga go hlapela gona. Harvey ke mo a sa tshwaraganne, byalo o yye a nkgopela gore go thomise nna go hlapa. Kararo ya tsa go hlapa tso ne re lukiselediwwe tsona ke: pakete ya meetši ya go bata, ye nngwana yi na le meetši ya go fisa le lepolete la gore a le na selo. Sa go mmakatsa ka matla ke gore mosadi wa mopotulugi o beyye dilo tsone tawong ga ntlo ga gore nka bona ke magageru ya ma lukiselelang mogahlano wo mogolonyana hala Holong ya Mmušo. Ke yye ka mo kgopela gore a nneye legaredeni kela llapi nyana. O yye a nneya lephephe la go bonabona! Ke yye ka nagana ka go wutama ka nthago ga ntlo, mara gana hone ke mo go na le maganse ya gore ma šunyelele dihlogo tsa wona terateng, ma yemele go tšobola ye a šutelang ho thina nawo. Ke yye ka tiputsa gore: ‘Magageru ma tshwaraganne ka matla la gore ma ka sa ro mpona gore ke ya hlapa. Fote mo nka sa hlape, taba yone yi ka sa ma tshware gabutši. Yema ke hlape ša!’ Ke yye ka maka ka mokgonone.

Harvey o yye a di bona gore magageru ya Maamis a di lula gore ma hluhlutele ga tso tsa Modimo ka taba la gore ya go tlala ya wona a ma di kgone go bala fote ke mo go se na dikgatiso ka mmolabolo ya wona. Ka taba la gore mmolabolo wa Seamis ke mo go se botala wo thomisiye go ngwadiwa go berekisiwa dihlaka tsa Seroma, byalo ke mo di kwagala ka matla gore magageru ma tšhutisiwe go bala ka mmolabolo ya wona. Ke mo yi le mmereko wo mogolo, mara mo nako yi kene yi ya magageru ke mo ma thogo tipalela ma le ntoši. Dikgatiso tsa Seamis di thomisiye go ba gona gana hala ga mongwaga wa bo 1960, ke mokane ka mongwaga wa 1968, go yye gwa gatisiwa Sewokamelo la mathomo ka Seamis.

Le mo go le ka mokgonone, ba mmušo ke mo ba sa re dumelele go sipidisa dikgatiso tsa gore a yi tsa Sechina. Byalo, gore re sa tipakele mathatha, Sewokamelo sa Seamis se yye sa gatisiwa ka mokgwa wa go sa tshwane. Mo re beyisa, re tsere nako ya go tlalanyana re berekisa Sewokamelo sa gore se hlakanisiye mebolabolo ka mmedi ya Semandarin-Amis. Mo ye mongwana a na le diputsiso, ke mo di šupetsa nkare ne re berekisa dimakazini go tšhutisa batho ba poleke yone Sechina. Go tlugisela gana hone, mokgahlo wa Jehova wo yye wa gatisa dikgatiso tsa go tlala ka Seamis gore wo thogo  gelepa batho bone go tšhuta nnete ya Baebele.—Meber. 10:34, 35.

Gana hala ga mengwaga ya bo 1960 le 1970, magageru ya Maamis ne ma sa sa phela go ya ka melawo ya Modimo. Ka taba la gore ke mo ma sa kwisisi ditšhiko tsa Baebele gabutši, ya mangwana ke mo ma šitega go titswhara, ma tlayila kela ma kgokga lefole le betel nut. Harvey o yye a vakašela diphutego tsa go tlala, a leketsa go gelepa magageru gore ma thogo kwisisa ka mokgo Jehova a lebelelang dilo tsa mošaga wonone ka gona. Ga leyeto le lengwana la wona, re yye ra gahlana le tso ke yyeng ka di yanega mo go thomisa hlogotaba yowa.

Magageru ya gore ma tinyanafatsiye ke mo ma tikemisele go tšhentšha, mara tsa go kwisa go baba ke gore ya mangwana ya go tlala a sanka ma tšhentšha fote nombhoro ya batšhomayedi ya ku Taiwan yi yye ya pomega yi tloga kgakala 2 450 ya napa ya segela gana hala ga 900 ka 20 ya mengwaga. Taba yone ke mo yi kgongwetsa ka matla. Le mo go le ka mokgonone, ke mo re di tšiba gore Jehova a ka sa ro rufa mokgahlo wa go sa yela. (2 Makor. 7:1) Ka nthagonyana, diphutego ke mo di berekela Jehova ka tsela ya gabutši, fote ka taba la go rufiwa ke Jehova, Taiwan gana byalo yi na le batšhomayedi ba go teya ka ku ga 11 000.

Go tlugisela ka mongwaga wa bo 1980 go ya mahlong, re yye ra bona seyemo sa diphutego tsa Seamis se hluhlutela ga tso tsa Modimo, fote Harvey ke mo a fetsa nako ya go tlala le Machina. Sa go napa se mo jabodisa ke go gelepa banna ba gore a yi Dihlatse ba magageru ya basadi ya go tlalanyana gore ba feleletse go le Dihlatse tsa Jehova. Ke gopola a hlaya ka mokgo di yyeng dya mo jabodisa ka gona mo ye mongwana wa banna bone a rapela Jehova la mathomo. Le nna di ro njabodisa gore ke kgonne go tšhutisa batho ba go tlala gore ba thogo šutela thina le Jehova. Ke yye ka ba le mojabolo wa go berekela lekaleng la Taiwan le bana ka babedi ba ye mongwana wa bo ne ke tšhuta nabo Baebele.

Gana byalo monghanaka aa sa le šiyo. Ka nthago ga gana hala ga 59 ya mengwaga re šele re šadhiye, Harvey waka o yye a hlokofala ka di 1 tsa January, 2010, ka bolwele bya khensa. O fetsiye gana hala ga 60 ya mengwaga a le ga mmereko wa nako ka moka! Ke mo hlologela ka matla wa tšiba. Mara ke mo ke jabola ka matla go bereka naye ga dinaga tsowa ka dipedi! Re tšhutiye go bolabola—ke mokane Harvey le yene a tšhuta go ngwala—mebolabolo ka mmedi ya ku Asia.

Ka nthago ga mengwaganyana, Mogoba wa go Lawola wo yye wa segelela sepheto sa gore ka taba la gore ke šele ke gudiye go kawone gore ke boyele Australia. Mathomisong ke yye ka tipotsa gore, ‘A ke nyake go tloga Taiwan.’ Mara Harvey o yye a ntšhutisa gore ke dule ke maka so mokgahlo wa Jehova wo kgopelang gore ke se make, byalo ke yye ka tloga. Mo goya-goya, ke yye ka di bona gore ke mo go le sepheto sa gabutši gore ke boyele nthago.

Lekgono, ke bereka lekaleng la Australasia gare ga beke fote ke tšhomayela le phutego ya gana hone polekeng ka Mekibela le Masonto. Ku Bethele, ke jabolela go berekisa Sejapane le Sechina go šupetsa divakaši poleke. Byalo, ke yemele tsogo yo Jehova a re tshepisiyeng yona fote ke ya di tšiba gore o nyoko gopola Harvey ye a yyeng a tšhuta go maka so Jehova a mo kgopelang gore a se make.—Joh. 5:28, 29.