6-زەرتتەۋ ماقالاسى
«ايەلدىڭ باسى — ەركەك»
«ايەلدىڭ باسى — ەركەك» (قور. 1-ح. 11:3).
13-ٵن ٴماسىحتى ۇلگى تۇتايىق
اڭداتپا *
1. جار تاڭداعان كەزدە قىز باۋىرلاستىڭ نە جايلى ويلانعانى ٴجون؟
بارلىق ماسىحشىلەر يساعا باعىنادى. ول — كەمەلدى باسشى. ٴبىراق تۇرمىس قۇرعاننان كەيىن ايەل كۇيەۋىنە، ياعني كەمەلسىز ادامعا باعىنادى. ايەلگە كۇيەۋىنە باعىنۋ ٵردايىم وڭاي بولا بەرمەيدى. سوندىقتان جار تاڭداعان كەزدە قىز باۋىرلاستىڭ جاقسىلاپ ويلانىپ العانى ماڭىزدى. مىسالى، بىلاي دەپ ويلانعانى ٴجون: «بۇل ەر باۋىرلاستىڭ وتباسىندا جاقسى باسشى بولا الاتىنى بايقالا ما؟ ول رۋحاني ىستەردى ومىرىندە باستى ورىنعا قويا ما؟ ولاي ەتىپ جۇرمەگەن بولسا، ۇيلەنگەننەن كەيىن وتباسىن رۋحاني جاعىنان العا تارتىپ جۇرە الا ما؟» ال وزىنە قاتىستى: «بويىمدا نەكەمىزدى باقىتتى ەتۋگە كومەكتەسەتىن قاسيەتتەر بار ما؟ مەنى شىدامدى، جومارت ادام دەۋگە بولا ما؟ ال ەحوبامەن قارىم-قاتىناسىم قانشالىقتى مىقتى؟»— دەپ ويلانسا بولادى (ۋاع. 4:9، 12). ايەلدىڭ نەكەدە قانشالىقتى باقىتتى بولاتىنى ونىڭ نەكەگە دەيىن قانداي شەشىمدەر قابىلداعانىنا بايلانىستى.
2. بۇل ماقالادا ٴبىز نە قاراستىرامىز؟
2 بۇگىندە ميلليونداعان ٴماسىحشى ايەلدەر كۇيەۋلەرىنە باعىنىپ، تاماشا ۇلگى كورسەتىپ ٴجۇر. ولار ماقتاۋعا ابدەن لايىق! وسىنداي ادال ايەل باۋىرلاستارىمىزبەن بىرگە يىق تىرەسە قىزمەتتەسىپ جۇرگەنىمىزگە سونداي قۋانامىز. بۇل ماقالادا ٴبىز ٷش سۇراقتى قاراستىرامىز: 1) وتباسىندا ايەلدەر كەزىگەتىن كەيبىر قيىندىقتار قانداي؟ 2) نەلىكتەن ايەلدەردىڭ ٶز كۇيەۋلەرىنە باعىنعاندارى دۇرىس؟ 3) كۇيەۋلەر مەن ايەلدەر يسادان، ابيگەلدەن جانە ٴجۇسىپتىڭ ايەلى، يسانىڭ اناسى بولعان ٴماريامنان نە نارسەگە ۇيرەنە الادى؟
ايەلدەردىڭ وتباسىندا كورەتىن قيىندىقتارى
3. قيىندىقسىز نەكە بولا ما؟
3 نەكە — كەمەلدى سي. ٴبىراق سول نەكەنى قۇراتىندار كەمەلسىز (جوح. 1-ح. 1:8). كيەلى كىتاپتا نەكە قۇرعاننان كەيىن ەرلى-زايىپتىلار «جاڭا قيىندىقتارعا» كەزىگەتىنى ايتىلعان (قور. 1-ح. 7:28). قازىر نەكەدەگى ايەلدىڭ كورەتىن كەيبىر قيىندىقتارىنا نازار اۋدارايىق.
4. نەلىكتەن كەيبىر ايەلدەر كۇيەۋگە باعىنۋ ايەلدىڭ قادىرىن تۇسىرەدى دەپ ويلاۋى مۇمكىن؟
4 كەيبىر ايەلدەر كىشكەنتايىنان كۇيەۋگە باعىنۋ ايەلدىڭ قادىرىن تۇسىرەدى دەگەندى ەستىپ وسكەن. سوندىقتان كەيبىرەۋلەرگە كۇيەۋلەرىنە باعىنۋ قيىنعا سوعىپ جاتادى. قۇراما شتاتتاردا تۇراتىن ماريسول ەسىمدى ايەل باۋىرلاس بىلاي دەيدى: «مەن تۋىپ-وسكەن جەردە ەر مەن ايەل بارلىق جاعىنان تەڭ بولۋ كەرەك دەگەن ۇعىم ايەلدەردىڭ ساناسىنا ابدەن قۇيىلىپ قالعان. مەن ەحوبانىڭ قۇرىلىمى بويىنشا، كۇيەۋ ايەلدىڭ باسى ەكەنىن جانە بۇل قۇرىلىم ايەلدىڭ ەش قادىرىن تۇسىرمەيتىنىن جاقسى تۇسىنەمىن. سوندا دا كەيبىر كەزدەرى كۇيەۋىمنىڭ بيلىگىن قۇرمەتتەۋ ماعان قيىن بولىپ جاتادى».
5. كەيبىر ەر ادامدار ايەلدەرگە قاتىستى قانداي قاتە كوزقاراس ۇستانادى؟
5 ال كەيبىر ەر ادامدار ايەلدەر ەكىنشى سورتتى ادام دەگەن كوزقاراستى ۇستانادى. وڭتۇستىك امەريكادا تۇراتىن ٴبىر ايەل باۋىرلاس بىلاي دەيدى: «ٴبىز تۇراتىن جەردە الدىمەن ەر ادامدار، سودان كەيىن ايەل ادامدار تاماقتانادى. قىزدار كىشكەنتايىنان تاماق ىستەپ، ٷي جيناۋدى ۇيرەنەدى. ال ۇل بالالاردى «سەن ٷيدىڭ پاتشاسىسىڭ» دەپ وسىرەدى. ولارعا كىشكەنتايىنان اناسى مەن اپكە-قارىنداستارى قىزمەت كورسەتىپ جۇرەدى». ال ازيادا تۇراتىن ٴبىر ايەل باۋىرلاس بىلاي دەيدى: «قىتاي تىلىندە ايەلگە اقىل مەن قابىلەتتىڭ ەشقانداي دا قاجەتى جوق دەگەنگە مەڭزەيتىن ماقال بار. ٴبىزدىڭ جاقتا ايەل تەك ٷي شارۋاسىمەن اينالىسۋ كەرەك، ونىڭ كۇيەۋىنە ٶز پىكىرىن ايتۋعا قۇقى جوق دەگەن كوزقاراس قالىپتاسىپ قالعان». كيەلى كىتاپقا مۇلدەم جات، قاتىگەز وسىنداي كوزقاراستىڭ ىقپالىنا بەرىلگەن ەر ادامدار ايەلدەرىن باقىتسىز ەتەدى، ٵرى ولار يسانىڭ ۇلگىسىنە ەلىكتەۋدەن قالادى، ەحوبانىڭ ىقىلاسىنا دا بولەنبەيدى (ەفەس. 5:28، 29؛ پەت. 1-ح. 3:7).
6. ەحوبامەن جەكە قارىم-قاتىناس دامىتۋ ٷشىن ايەلدەردىڭ نە ىستەگەنى ماڭىزدى؟
6 الدىڭعى ماقالادان بىلگەنىمىزدەي، ەحوبانىڭ تالابى بويىنشا ٴماسىحشى كۇيەۋلەر وتباسىنىڭ رۋحاني، ەموسيالىق، ماتەريالدىق قاجەتتىلىگىن قامداۋ كەرەك (ٴتىم. 1-ح. 5:8). ٴبىراق ٴماسىحشى ايەلدەردىڭ وزدەرى دە كۇندەلىكتى كيەلى كىتاپ وقۋعا، وي جۇگىرتۋگە جانە ەحوباعا دۇعا ەتۋگە ۋاقىت ٴبولۋ كەرەك. بۇلاردى ىستەۋ ايەلدەرگە كەيدە قيىن بولىپ جاتادى. اتقاراتىن تىرلىكتەرى كوپ بولعاندىقتان، ولاردىڭ كۇشتەرى مەن ۋاقىتتارى قالماۋى مۇمكىن. ٴبىراق ايەلدەردىڭ رۋحاني ىستەرگە ۋاقىت تاپقاندارى اسا ماڭىزدى. سەبەبى ەحوبا ٵرقايسىسىمىز ونىمەن جەكە قارىم-قاتىناس دامىتقانىمىزدى قالايدى (ەل. ٸس. 17:27).
7. كۇيەۋگە باعىنۋ وڭاي بولۋ ٷشىن ايەل نەنى ٴتۇسىنۋ كەرەك؟
7 كەمەلسىز كۇيەۋلەرىنە باعىنۋ ٷشىن ايەلدەرگە كوپ كۇش سالۋعا تۋرا كەلىپ جاتادى. ەگەر ايەل كۇيەۋگە باعىنۋدىڭ نە ٷشىن ماڭىزدى ەكەنىن جەتە ٴتۇسىنىپ السا، وعان ەحوبا جۇكتەگەن تاپسىرمانى اتقارۋ الدەقايدا جەڭىل بولادى.
نەلىكتەن ايەلدىڭ كۇيەۋىنە باعىنعانى دۇرىس؟
8. ەفەستىكتەرگە 5:22—24-تارماقتاردان كورىنەتىندەي، ٴماسىحشى ايەلدەر كۇيەۋلەرىنە نە سەبەپتى باعىنادى؟
8 ٴماسىحشى ايەلدەر ەحوبانىڭ ايتقانىنا قۇلاق اسىپ، كۇيەۋلەرىنە باعىنادى (ەفەستىكتەرگە 5:22—24 وقىڭىز). ولار كوكتەگى اكەلەرىنە تولىقتاي سەنىپ ارتىپ، ول ٴبىر نارسە وتىنسە، تەك ولاردى جاقسى كورگەندىكتەن جانە قامدارىن ويلاعاندىقتان وتىنەتىنىن جاقسى تۇسىنەدى (مۇس. 5-ج. 6:24؛ جوح. 1-ح. 5:3).
9. ايەل كۇيەۋىنىڭ بيلىگىن قۇرمەتتەسە، بۇنىڭ قانداي پايداسىن كورەدى؟
9 وسى دۇنيەدە ايەل كۇيەۋىنە باعىنسا، قادىرى تۇسەدى دەگەن كوزقاراس كەڭ تارالعان. ٴزاب. 119:165). ال وتباسىنىڭ بەرەكەلى بولعانى وزىنە دە، كۇيەۋىنە دە، بالالارىنا دا جاقسى.
سوندىقتان كوپ ايەلدەر كۇيەۋلەرىنە باعىنعىسى كەلمەيدى. ٴبىراق بۇنداي كوزقاراستى ۇستاناتىن ادامدار ەحوبانىڭ سۇيىسپەنشىلىگى مول قۇداي ەكەنىن بىلمەيدى. ەحوبا ٶزىنىڭ اياۋلى قىزدارىنان ولاردىڭ قادىرىن تۇسىرەتىن نارسەنى ەشقاشان تالاپ ەتپەس ەدى. ەگەر ايەل ەحوبا جۇكتەگەن تاپسىرمانى ورىنداۋعا بارىنشا تىرىساتىن بولسا، وتباسىندا تىنىشتىق پەن بەرەكە ورنايدى (10. كەرل باۋىرلاستىڭ سوزدەرىنەن قانداي ساباق الۋعا بولادى؟
10 كەمەلسىز كۇيەۋلەرىنە مويىنسۇنۋلارىمەن ايەلدەر باسشىلىق ٴپرينسيپىن ورناتقان ەحوبانى قۇرمەتتەيتىندەرىن جانە جاقسى كورەتىندەرىن كورسەتەدى. وڭتۇستىك امەريكادا تۇراتىن كەرل ەسىمدى ايەل باۋىرلاس بىلاي دەيدى: «كۇيەۋىمنىڭ قاتەلىكتەر جاساپ قويۋى ابدەن مۇمكىن ەكەنىن بىلەمىن. سونداي كەزدەرى دۇرىس ارەكەت ەتەتىن بولسام، ەحوبامەن قارىم-قاتىناسىمدى قانشالىقتى باعالايتىنىمدى كورسەتەمىن. كوكتەگى اكەمدى قۋانتۋ ٷشىن كۇيەۋىمە ٵرى قاراي دا باعىنا بەرەمىن».
11. اننيس باۋىرلاسقا كەشىرىمدى بولۋعا نە كومەكتەسەدى جانە ودان قانداي ۇلگى الساق بولادى؟
11 كۇيەۋى سەزىمىن ەسكەرمەسە، نە نارسەگە مازالانىپ جۇرگەنىن تۇسىنۋگە تىرىسپاسا، ايەلىنە ونى قۇرمەتتەۋ، وعان باعىنۋ قيىن بولۋى مۇمكىن. وسىنداي كەزدەرى قالاي ارەكەت ەتەتىنىن ايتىپ، اننيس ەسىمدى ايەل باۋىرلاس بىلاي دەدى: «مەن كۇيەۋىمە رەنجىمەۋگە تىرىسامىن. بارلىعىمىز قاتەلەسەمىز، ەحوبا ٴبارىمىزدى كەشىرەدى. مەن دە ەحوبا سياقتى كەشىرىمدى بولعىم كەلەدى. كەشىرگەن كەزدە كوڭىلىم كادىمگىدەي ورنىعىپ قالادى» (ٴزاب. 86:5). كەشىرە بىلەتىن ايەلگە كۇيەۋىنە باعىنۋ الدەقايدا جەڭىل بولادى.
كيەلى كىتاپ كەيىپكەرلەرىنەن ۇلگى الىڭىز
12. كيەلى كىتاپتا قانداي ادامداردىڭ وقيعالارى بار؟
12 كەيبىرەۋلەر تەك ٵلسىز ادام عانا بىرەۋگە باعىنادى دەپ ويلاۋى مۇمكىن. ٴبىراق بۇل مۇلدەم ولاي ەمەس. كيەلى كىتاپتا رۋحى مىقتى تۇلعالاردىڭ وزگەلەرگە باعىنعانى جايلى وقيعالار كوپ. قازىر يسادان، ابيگەل مەن ٴماريامنان نە نارسەگە ۇيرەنە الاتىنىمىزدى قاراستىرايىق.
13. يسا ەحوباعا نە ٷشىن باعىنادى؟ ٴتۇسىندىرىڭىز.
جوح. 7:45، 46). بۇدان ونىڭ وتە اقىلدى ٵرى دانا ەكەنى كورىنەدى. ال قولىنان تۇك كەلمەگەندە، ەحوبا وعان ەشقانداي تاپسىرما بەرمەس ەدى. ەحوبا يسانىڭ قابىلەت-دارىندارىن باعالاعانى سونشا — بۇكىل عالامدى ونىمەن بىرگە جاراتتى (ناق. س. 8:30؛ ەۆر. 1:2—4). ال يسانى قايتا تىرىلتكەننەن كەيىن وعان ٴتىپتى «كوك پەن جەردەگى بارلىق بيلىكتى» سەنىپ تاپسىردى (مات. 28:18). قانشا جەردەن دارىندى بولسا دا، يسا ٵردايىم ەحوبادان اقىل-كەڭەس سۇرايدى. ويتكەنى ول اكەسىن جاقسى كورەدى (جوح. 14:31).
13 يسا ەحوباعا باعىنادى. يسانىڭ بۇلاي ەتكەنى ونىڭ اقىلى تاياز، قولىنان تۇك كەلمەيدى دەگەندى بىلدىرمەيدى. سەبەبى يسا ادامدارعا ٴتالىم بەرگەندە، ويلارىن وتە تۇسىنىكتى ٵرى قاراپايىم ەتىپ جەتكىزگەن (14. ا) كۇيەۋلەر ايەلدەرگە قاتىستى ەحوبادان نە نارسەگە ۇيرەنسە بولادى؟ ٵ) كۇيەۋلەر ناقىل سوزدەر 31-تاراۋداعى سوزدەردەن نە تۇيسە بولادى؟
14 كۇيەۋلەردىڭ ۇيرەنەرى. ەحوبا ايەلدەردەن كۇيەۋلەرىنە باعىنۋدى تالاپ ەتەدى. ٴبىراق بۇل ەحوبا ايەلدەردى تومەن سانايدى دەگەندى بىلدىرمەيدى. ەگەر ول تومەن ساناعاندا، يسامەن بىرگە بيلىك ەتۋگە ايەلدەردى دە تاڭداماس ەدى (عال. 3:26—29). كۇيەۋلەر ەحوبادان ۇلگى السا بولادى. ەحوبا ٶزىنىڭ ۇلىنا سەنىم ارتىپ، وعان بيلىك بەردى. ەحوباعا ەلىكتەيتىن كۇيەۋلەر ايەلدەرىنە ٴبىرشاما بيلىك بەرەدى. كيەلى كىتاپتا ايەلدەردىڭ كوپ نارسە ىستەۋگە قابىلەتتى ەكەنى ايتىلعان. مىسالى، ناقىل سوزدەردە ايتىلعان ايەل ٷي تىرلىكتەرىن باسقارادى، تاناپتى الىپ-ساتۋمەن اينالىسادى، ساۋدا-ساتتىق جۇرگىزەدى (ناقىل سوزدەر 31:15، 16، 18 وقىڭىز). كۇيەۋى بولسا ونى ٶز پىكىرىن ايتۋعا قۇقى جوق قۇل سانامايدى. قايتا، وعان سەنىم ارتىپ، ايتقان ۇسىنىستارىن تىڭدايدى (ناقىل سوزدەر 31:11، 26، 27 وقىڭىز). كۇيەۋلەر ايەلدەرىنە وسىلاي قۇرمەت كورسەتەتىن بولسا، ايەلدەرى ولارعا قۋانا باعىناتىن بولادى.
يسا ٵردايىم ەحوباعا باعىنادى. بويىندا قابىلەت-دارىندارى بار ايەلدەر يسادان ۇلگى السا بولادى (15-ابزاستى قاراڭىز)
15. ايەلدەر يساعا قالاي ەلىكتەسە بولادى؟
15 ايەلدەردىڭ ۇيرەنەرى. يسا ۇلى ىستەر اتقارعان. ٴبىراق ول ەشقاشان «اكەمە باعىنسام، قادىرىم تۇسەدى» دەپ ويلاماعان (قور. 1-ح. 15:28؛ ٴفىلىپ. 2:5، 6). بويىندا قابىلەت-دارىندارى بار ايەلدەر يساعا ەلىكتەيتىن بولسا، «كۇيەۋىمە باعىنسام، قادىرىم تۇسەدى» دەپ ويلامايدى. ونداي ايەل كۇيەۋىن جاقسى كورگەندىكتەن وعان قولداۋ كورسەتەدى. ول مۇنى ٴبىرىنشى كەزەكتە ەحوبانى جاقسى كورىپ، قۇرمەتتەگەندىكتەن ىستەيدى.
ابيگەل ٴداۋىت پەن ونىڭ جىگىتتەرىنە ازىق-تۇلىك جىبەرىپ، ارتىنان ٶزى كەلدى. ول ٴداۋىتتىڭ اياعىنا جىعىلىپ، ودان كەك الىپ ۇلكەن قاتەلىك جاساماۋدى ٶتىندى (16-ابزاستى قاراڭىز)
16. سامۋيلدىڭ 1-جازباسى 25:3، 23—28-تارماقتارعا ساي، ابيگەل ومىرىندە قانداي بەينەت كوردى؟ (مۇقاباداعى سۋرەتتى قاراڭىز.)
16 ال ابيگەلدىڭ ۇلگىسىنە كەلسەك، ونىڭ كۇيەۋى نابال ٶزىمشىل، كوكىرەك، العىستى بىلمەيتىن ادام ەدى. بىردە ٴداۋىت ٶزىنىڭ ادامدارىمەن نابالدى ولتىرۋگە اتتاندى. سول كەزدە ابيگەل جامان كۇيەۋىمنەن قۇتىلاتىن بولدىم دەپ، قول قۋسىرىپ وتىرمادى. ول نابالدى جانە بۇكىل ٷي ٸشىن امان الىپ قالۋ ٷشىن دەرەۋ ارەكەت ەتۋگە كىرىستى. ابيگەل نەتكەن باتىل ەدى! ول 400 جاۋىنگەر مەن ٴداۋىتتىڭ الدىندا تۇرىپ ماسەلەنىڭ باسىن اشۋعا تىرىسقان. ول داۋىتكە قۇرمەتپەن سويلەپ، نابالدىڭ بار كىناسىن ٶز موينىنا الىپ، كەشىرىم سۇرادى (سامۋيلدىڭ 1-جازباسى 25:3، 23—28 وقىڭىز). ال ٴداۋىت ەحوبا ونى اۋىر كۇنا جاساۋدان ساقتاپ قالعىسى كەلىپ جاتقانىن ٴتۇسىنىپ، ابيگەلدىڭ كەڭەسىنە قۇلاق استى.
17. داۋىتپەن جانە ابيگەلمەن بولعان جاعدايدان كۇيەۋلەر نە نارسەگە ۇيرەنە الادى؟
17 كۇيەۋلەردىڭ ۇيرەنەرى. ابيگەل پاراساتتى ايەل بولعان. ٴداۋىتتىڭ ونىڭ كەڭەسىنە قۇلاق اسقانى دۇرىس بولدى. ايتپەسە ول جازىقسىز ادامداردىڭ قانىن توگىپ، اۋىر كۇنا جاساپ
قويار ەدى. دانا ارەكەت ەتكىسى كەلەتىن كۇيەۋ وسى وقيعادان ساباق الىپ، ماڭىزدى ٴبىر شەشىم قابىلداماس بۇرىن ايەلىنىڭ پىكىرىنە قۇلاق تۇرەدى. ايەلىنىڭ پىكىرى ۇلكەن قاتەلىكتىڭ الدىن الۋعا كومەكتەسۋى مۇمكىن.18. ايەلدەر ابيگەلدەن قانداي ۇلگى السا بولادى؟
18 ايەلدەردىڭ ۇيرەنەرى. كۇيەۋى كۋاگەر بولماسا دا، يا كۋاگەر بولا تۇرا كيەلى كىتاپ پرينسيپتەرىنە ساي ٴجۇرىپ-تۇرماسا دا، ەحوبانى جاقسى كورەتىن ايەل ٶز وتباسىنىڭ يگىلىگىن ويلاي بەرەدى. مۇنداي ايەل نەكەسىن ٷزۋدىڭ جولىن ىزدەپ، كيەلى كىتاپ پرينسيپتەرىن اتتامايدى. قايتا، كۇيەۋىنە باعىنىپ، وعان قۇرمەت كورسەتەدى. وسىلاي ٸس-ارەكەتىمەن ونى ەحوبانى جاقىنىراق تانىپ-بىلۋگە تالپىندىرادى (پەت. 1-ح. 3:1، 2). بۇدان ەش نارسە وزگەرمەگەن كۇندە دە، ەحوبا بۇنداي ايەلدىڭ كۇيەۋىنە باعىنعانىن وزىنە تانىتىلعان ادالدىق دەپ بىلەدى. بۇنداي ايەلدەر ەحوبانى قاتتى قۋانتادى.
19. ايەل قانداي جاعدايدا كۇيەۋىنە باعىنبايدى؟
19 ٴماسىحشى ايەل بارلىق كەزدە كۇيەۋىنە باعىنادى. ٴبىراق كيەلى كىتاپقا قايشى كەلەتىن نارسەلەردى تالاپ ەتكەن جاعدايدا ول كۇيەۋىنىڭ ايتقانىن ىستەمەيدى. مىسالى، ەحوباعا سەنبەيتىن كۇيەۋى ٴماسىحشى ايەلدى وتىرىك ايتۋعا، ۇرلىق جاساۋعا نە باسقا دا قۇدايعا ۇنامسىز ىستەردى ىستەۋگە يتەرمەلەۋى مۇمكىن. مۇندايدا ول كۇيەۋىنىڭ ايتقانىن ىستەۋدەن باس تارتىپ، وعان ٶزىنىڭ كوزقاراسىن جۇمساقتىقپەن ٵرى ناقتى تۇسىندىرەدى. بارلىق ماسىحشىلەر، سونىڭ ىشىندە نەكە قۇرعان ايەل باۋىرلاستار دا ٴبىرىنشى كەزەكتە ەحوباعا ادال بولۋلارى كەرەك (ەل. ٸس. 5:29).
20-ابزاستى قاراڭىز *
20. ٴماريام ەحوبامەن جەكە قارىم-قاتىناس دامىتقانىن قايدان بىلەمىز؟
20 ەندى ٴماريامنىڭ ۇلگىسىن كورەيىك. ول ەحوبامەن جەكە قارىم-قاتىناس دامىتقان. بۇنى نەدەن بايقاۋعا بولادى؟ ٴماريام جازبالاردى وتە جاقسى بىلگەن. بىردە ول جاقيانىڭ اناسى ەلىزابەتكە كەلگەندە، ەۆرەي جازبالارىنان 20 دان اسا ٷزىندى كەلتىردى (لۇقا 1:46—55). ٴماريام مەن ەحوبانىڭ اراسىندا جەكە قارىم-قاتىناس بولعانى مىنا جاعدايدان دا كورىنەدى: ٴماريام جۇسىپپەن اتاستىرىلعان بولسا دا، ەحوبا ٶزىنىڭ پەرىشتەسى ارقىلى ۇلىنىڭ تۋىلاتىنى جايلى ٴبىرىنشى بولىپ جۇسىپكە ەمەس، ٴماريامنىڭ وزىنە ايتتى (لۇقا 1:26—33). بۇدان ەحوبا ٴماريامدى وتە جاقسى بىلگەنىن كورەمىز. ول ٴماريام يسانى جاقسى كورىپ، قامقورلاي الاتىنىنا سەنىمدى بولدى. ٴماريام يسا قايتىس بولىپ، كوككە قايتا تىرىلگەننەن كەيىن دە ەحوبامەن قارىم-قاتىناسىن ٵرى قاراي دا دامىتا بەردى (ەل. ٸس. 1:14).
21. ٴماريامنىڭ ۇلگىسىنەن كۇيەۋلەر نە تۇيە الادى؟
21 كۇيەۋلەردىڭ ۇيرەنەرى. ٴماسىحشى ايەل كيەلى جازبالاردى وتە جاقسى ٴبىلۋى مۇمكىن. مۇندايدا رۋحاني تولىسقان كۇيەۋ «ايەلىم مەنەن اسىپ، وتباسىمدى باسقارىپ كەتەتىن بولدى» دەپ قورىقپايدى، قايتا، قۋانادى. سەبەبى كيەلى كىتاپ پرينسيپتەرىن جەتىك بىلەتىن ايەل وتباسىنا جاقسى جاعىنان ىقپال ەتەتىنىن تۇسىنەدى. ٴبىراق كۇيەۋلەر مىنانى ۇمىتپاۋ كەرەك: رۋحاني جاعىنان بولسىن نە باسقا جاعىنان بولسىن، ايەلى وزىنەن بىلىمدىرەك بولسا دا، وتباسىنىڭ رۋحاني قاجەتتىلىگىن قامداۋ، مىسالى وتباسىلىق عيباداتتى ۇيىمداستىرۋ، ٵردايىم كۇيەۋدىڭ جاۋاپكەرشىلىگىندە (ەفەس. 6:4).
ايەلدەر كيەلى كىتاپتى زەرتتەۋ مەن وي جۇگىرتۋگە قاتىستى يسانىڭ اناسى ٴماريامنان قانداي ۇلگى السا بولادى؟ (22-ابزاستى قاراڭىز) *
22. ايەلدەر ٴماريامنان قانداي ۇلگى الا الادى؟
22 ايەلدەردىڭ ۇيرەنەرى. وتباسىن رۋحاني جاعىنان قامداۋ كۇيەۋدىڭ مىندەتى بولعانمەن، ايەل ٶزىنىڭ رۋحاني كۇيى ٷشىن ٶزى جاۋاپتى ەكەنىن ٴتۇسىنۋ كەرەك (عال. 6:5). ول جەكە زەرتتەۋگە جانە وي جۇگىرتۋگە ارنايى ۋاقىت ٴبولىپ قويۋى قاجەت. سونىڭ ارقاسىندا ونىڭ ەحوباعا دەگەن قۇرمەتى مەن سۇيىسپەنشىلىگى ارتىپ، كۇيەۋىنە قۋانا باعىنا بەرەتىن بولادى.
23. ايەلدىڭ كۇيەۋىنە باعىنعانى وزىنە، وتباسىنا، قاۋىمعا قاي جاعىنان پايدالى؟
23 كۇيەۋلەرىنە ەحوبانى جاقسى كورگەندىكتەن باعىناتىن ايەلدەر ەحوبانىڭ باسشىلىق ٴپرينسيپىن مويىندامايتىن ادامداردان الدەقايدا باقىتتى ٶمىر كەشەدى. ولار جاس ەر باۋىرلاستار مەن قىز باۋىرلاستار ٷشىن تاماشا ۇلگى. بۇنداي ايەلدەر وتباسىندا عانا ەمەس، قاۋىمدا دا سۇيىسپەنشىلىك پەن جىلۋلىقتىڭ بولۋىنا ۇلەس قوسادى (تيت. 2:3—5). ەحوباعا ادال قىزمەت ەتىپ جۇرگەن ايەلدەر قۇداي حالقىنىڭ باسىم بولىگىن قۇرايدى (ٴزاب. 68:11). ٴبىراق ايەل بولايىق، ەر بولايىق — ٵرقايسىسىمىزدىڭ قاۋىمعا قوسار ٶز ۇلەسىمىز بار. بۇل تۋرالى كەلەسى ماقالادا ٴسوز قوزعايمىز.
131-ٵن «قۇداي قوسقان جۇپتى»
^ 5-ابزاس ەحوبا ورناتقان باسشىلىق پرينسيپىنە ساي، تۇرمىس قۇرعان ايەل كۇيەۋىنە باعىنۋ كەرەك. ٴبىراق باعىنۋ دەگەندى قالاي تۇسىنگەنىمىز دۇرىس؟ قازىر يسانىڭ جانە كيەلى كىتاپتاعى تاماشا ۇلگى قالدىرعان كەيبىر كەيىپكەرلەردىڭ وقيعالارىنا نازار اۋدارايىق. كۇيەۋلەر مەن ايەلدەر ولاردان كوپ نارسەگە ۇيرەنە الادى.
^ 68-ابزاس سۋرەت سيپاتتاماسى: ٴماريام جاقيانىڭ اناسى ەلىزابەتپەن سويلەسكەن كەزدە، ەۆرەي جازبالارىنان ۇزىندىلەردى جاتقا كەلتىردى.
^ 70-ابزاس سۋرەت سيپاتتاماسى: بۇگىندە ٴماسىحشى ايەلدەر دە رۋحاني كۇيلەرىن نىعايتۋ ٷشىن كيەلى كىتاپتى زەرتتەۋگە ارنايى ۋاقىت بولەدى.