Inai babo risuru susya sumbran ro moḇ sbababoḇ ro Baguio, Filipina. Rodia sumam rak beroda ḇoi sumbran fanam rak ani ḇa. Imbesrar oso ḇenir ḇe Helen, ḇeyores ro andir rak ḇeroda ani imbrifaum yoḇ su. Inai babo ansuya sumbran pdef mboi sumarisen kukro Helen imbrif pyum yoḇ su.

Mura, fafisu inai ansuya subur ro marandan suḇena ro bus, sumam logo jw.org ḇyeḇepom naba ro Balai Karajan oso. Suswarepen logo ine imnis kuker logo sumam ro rak beroda ani. Inja, susabu ro bus anya ḇo sumam jadwal fananjur spom ro kedwa ḇero Balai Karajan ani.

Ḇarpur mura inai ansuya surama suyakso fananjur ya. Rofyor surama ḇe Balai Karajan ani mansei susrow ya? Helen i! Suswarepen ḇeri ima bin ḇembrif pyum yoḇ su ro ras susrow i anya. Helen doḇe, ”Rofyor surama sufanam aya, yamgak kero. Yakara yafrur sasar yoḇ su kwar.” Ḇape sukofenḇair ḇe Helen i rosai ḇejadi kaku ya.

Sumarisen suso fananjur ya ma sumgak fa sufarfyar kuker naek srar sya ḇa. Rofyor fananjur imnai, sumam naek srar sifrur sren Balai Karajan, inja manggunsu suyor fa suyakfrur sren pyan. Inai oser ya ḇyarek ro Filipina wer ḇa, mboi sumin ya iso fananjur ma fyarkor Refo kwar. Nanekam snar imbesrar oso imbrif pyum yoḇ su!