DUA kalak singuda-nguda sangana erdalan bas daerah bisnis i kota Baguio, Pilipina. Idah kalak e lit gerai Saksi-Saksi Jahwe i je, tapi la ideherina. Sekalak turang seninata si gelarna Helen si sangana njaga gerai cirem man kalak e. Tapi tetap iterusken kalak e erdalan. Aminna pe bage, kena kel ku pusuh kalak e ngidah cirem Helen e.

Kenca si e, sanga duana diberu e bas bus muat mulih, idah kalak e tulisen jw.org si galang bas Bale Kerajan. Inget kalak e maka tulisen e seri ras si idahna ndai bas geraita. Nusur me kalak e janah nenna jadwal perpulungen si lit bas gerbang Bale Kerajan.

Reh me duana singuda-nguda e ku perpulungen. Ise si idahna sanga masuk ku Bale Kerajan? Helen. Mis itandai kalak e ia perban pernah ia cirem man kalak e. Nina Helen, “Sanga ideheri kalak e aku, agak gugup aku. Kuakap lit salahku man kalak e.” Tapi ijelasken singuda-nguda e man Helen kai situhuna si enggo terjadi.

Meriah iakap duana singuda-nguda e reh ku perpulungen janah jumpa ras turang senina. Sanga idahna turang senina mbersihken Bale kenca perpulungen, nungkun kalak e banci nge ikut ia nampati ntah lang. Salah sada arah singuda-nguda e lanai tading bas Pilipina. Tapi si sada nari enggo mulai reh ku perpulungen ras erlajar Pustaka. E kerina perban cirem.