NËT tak nak rēlö hamòlröön re nö kiröön nö i Pākiō, Filipāins. Chööḵngen Sistör Helen cha-a ök samökhak nö i taseū ngam vitnësing kart re. Hayīölkökuö cha anga-aṅ, kööpölōn mina kikānö tö arëkūö sistör Helen.

Im hēḵ e angu-ö sakamö, ik sā cha nö havan nö chuh patī re nö lökngö el pös, meuk tam cha-a tök sāën pōt la-uk ök Patī Pūlngö. Kirööngö kinūchö ngam jw.org nö imat e. Fē-ělre cha-a töre nö meūkö e taheui nö ikui ök vitnësing kart. Yôkti cha-a nö ṙa-ang el ök Pös ngaich ngëchngöre tö ṙētak minë mīting.

Yihtökūö cha-a nö el ngam mīting im tahëng afta. Achīö ngam maheuk kūö cha tölōn meh nö el Patī Pūlngö? Öt tahëngu pön höng sistör Helen! Ilöö akahakūö mina kikānö tö ò. “Ik sā cha nö yihtöre nö chuh in chu,” ngö ṙô Helen, “ngölōn chū-ö, sitih öich vö nö chuh in chu nā kikanö.” Vë-eny nang Helen ngaich cha-a töre nö meuk kūö ò hē e ik sā ò nö hayīölkö kūö cha.

Ṙāmölōn mina kikānö nö yihtökūö nö el mīting. Sā töng hā-eh cha-a nö ihôi më prötör sistör. Ik sā cha hēk nö meuk inlahen cha nö ha-et ngam hôl unôichrit ngam mīting ngaich hòṅ holṙen cha acha-a. Hameng tit tak ngam kikānö tö höng ngöh nö i Filipāins, anga-aṅ tö iṙūöhen nö chuh el minë mīting kēḵě istötī inrē anga-aṅ—ṙòkhöre nöng ṙòng ngam tövai tinhenylökūö!