DUHA ka batan-ong babaye ang naglakawlakaw sa usa ka business area sa Baguio City, sa Pilipinas. Nakita nila ang usa ka public witnessing cart, pero wala sila moduol. Si Helen, ang sister nga nagbantay sa cart, mipahiyom pag-ayo kanila. Mipadayon silag lakaw, pero wala gyod sila malimot sa mahigalaong pahiyom ni Helen.

Sa ulahi, samtang nagsakay silag bus pauli sa ilang balay, nakakita silag dakong karatula nga jw.org diha sa usa ka Kingdom Hall. Nahinumdom sila nga parehas ni sa mga letra nga nakita nila sa cart. Nanganaog sila sa bus ug gitan-aw nila ang eskedyul sa tigom sa lainlaing kongregasyon nga makita diha sa gate sa Kingdom Hall.

Ang duha ka batan-on mitambong sa usa sa mga tigom. Ug kinsay ilang nakita pagsulod nila sa Kingdom Hall? Si Helen! Nailhan dayon nila nga siya tong mipahiyom pag-ayo nila. “Dihang nagpaingon sila nako,” miingon si Helen, “medyo gikulbaan ko. Naghunahuna ko kon naa ba koy nahimong sayop.” Pero gisultihan nila si Helen kon unsay nahitabo.

Giganahan sila sa tigom ug komportable sila sa mga igsoon. Dihang nakita nila ang mga igsoon nga nanglimpiyo human sa tigom, nangutana sila kon puwede ba silang motabang. Ang usa nila tua na sa laing nasod, pero ang usa nagsugod na pagtambong sa mga tigom ug pag-Bible study​—tungod lang sa usa ka pahiyom!