KOLA nango ce tro hnene la lue föe e Baguio, ketre traon e Philippines. Hnei nyidroti hna öhne la ketre présentoir, ngo tha easenyi ju kö nyidro. Hnei Helen, lo trejin ka cainöje fë présentoir, hna hnyimahnyima koi nyidro. Ngacama tha cile kö la lue föe, ngo hna ketr la hni nyidro hnene la aqane hnyimahnyima ne lai trejin.

Thupene lai, hnei nyidroti hna xomi kar me bëek koi hnalapa. Hnei nyidroti hna öhne la ketre hna cinyihane ngöne la Uma Ne Baselaia, ka hape, jw.org. Mekune ju hi nyidroti la hna cinyihan hune lo présentoir. E cili, hnei nyidroti hna uti qa ngöne kar me goeëne la hawa ne icasikeu ngöne la Uma Ne Baselaia.

Ame hë e thupen, hnei nyidroti hna sine la ketre icasikeu ngöne la Uma Ne Baselaia. Nge drei la hnei nyidroti hna iöhnyi memin? Helen! Hnei nyidroti hna canga wangatrehmekune lo föe ka hnyimahnyima! Öni Helen: “Ame la nyidroti a traqa troa wai ni, hnenge hna nango xou. Öning ka hape, ma hetre ewekë ka ngazo hnenge hna kuca.” Ngo hnene lai lue föe hna qaja la kepin matre traqa pi nyidroti kowe la icasikeu.

Madrine catre nyidro nge tha xoue nyidroti kö troa icasikeu memine la itre trejin. Ketre, ame la nyidroti a öhne la kola nyidrawane la Uma Ne Baselaia hnei itre xan, hnei nyidroti hna hane ixatua. Ame enehila, caasi e nyidro ka feke kowe la ketre nöj. Ngo ame la ketre, angeic a nyiqane sine la itre icasikeu me inine la Tusi Hmitrötr. Eje hi, ka hetre thangan e tro sa hnyimahnyima!