FILIP­PINERINI il­loqarfim­mi Baguiomi ar­nat marluk inuusut­tut pisut­tuar­put. Ungasianiit atuagaasivik angal­lat­tagaq takuaat, or­nin­ngilaal­li. Qatan­ngutip ar­nap Helenimik atil­lip atuagaasiviup angal­lat­tak­kap sanianiit­tup as­sut qungujulaf­figai. Ar­nat taak­ku marluk ingerlaq­qiin­nar­put, qungujulaf­figineqar­ner­til­li nuan­naarutigaat.

Kingusin­nerusuk­kut angerlamut bus­ser­til­lutik naalagaaf­filersaarfiit ilaan­ni al­lagar­taq jw.org-imik al­las­simasoq takuler­paat, eq­qaaler­paal­lu atuagaasivim­mi angal­lat­tak­kami taamatoq­qis­saaq al­lagar­taqar­toq. Taan­na takugamik­ku bus­sinit niup­put naalagaaf­filersaarfim­mukarlutil­lu, taakanilu qaquguk­kut ataatsimiit­toqar­tar­nersoq takuaat.

Taava ataatsimiit­toqaq­qim­mat najuup­put. Naalagaaf­filersaarfim­mul­lu iseramik ar­naq ilisariler­paat. Eq­qaaler­paat taan­na tas­saasoq im­min­nut qungujulaf­figin­nit­toq! Helen ima oqar­poq: “Or­nim­man­nga pis­sangaam­meraluar­punga. Isumaqar­punga arlaatigut ajor­tuliorsimagama or­nik­kaan­nga.” Ar­nal­li taak­ku marluk Helen nas­suiaap­paat atuagaasiviup angal­lat­tak­kap saniani takusimal­lugu.

Ataatsimeeqataaner­tik qatan­ngutil­lu akor­nan­niin­ner­tik nuan­naarutigaat. Ataatsimiin­nerul­lu kingor­na qatan­ngutit eq­qiaasut takuleramik­kit aperip­put ikiuutaasin­naanerlutik. Maan­na ar­nat aap­paa nunamut al­lamut nuus­simavoq. Aap­paali ataatsimiigiar­talersimavoq Biibilimil­lu atuaq­qis­saar­talersimal­luni – tas­sa qungujulaf­figineqar­nerup kingunera!