BAINHIRA feto naʼin-rua laʼo hamutuk iha sidade Baguio iha rai-Filipinas, sira haree ema haklaken ho karrosa maibé sira la hakbesik. Irmán Helen neʼebé hamriik besik karrosa hatudu oin-midar ba sira. Sira kontinua laʼo, maibé nafatin hanoin-hetan irmán Helen nia oin-midar.

Bainhira feto naʼin-rua neʼe saʼe bís atu fila ba uma, sira haree sinál jw.org iha Reuniaun-Fatin nia oin. Sira hanoin-hetan katak neʼe mak sinál neʼebé hanesan iha karrosa. Sira tun husi bís no bá Reuniaun-Fatin. Sira haree oráriu ba reuniaun neʼebé halaʼo iha Reuniaun-Fatin neʼe.

Feto naʼin-rua neʼe asiste reuniaun tuirmai. Sira hasoru sé iha Reuniaun-Fatin? Irmán Helen. Sira hanoin-hetan kedas katak nia mak hatudu oin-midar ba sira. Irmán Helen hatete: “Bainhira sira hakbesik mai haʼu, haʼu sente taʼuk. Haʼu hanoin karik haʼu halo sala ruma.” Feto naʼin-rua neʼe esplika ba irmán Helen katak sira haree nia bainhira nia hein karrosa.

Sira kontente atu tuir reuniaun no ransu ho irmaun-irmán sira. Bainhira sira haree ema seluk hamoos Reuniaun-Fatin, sira mós husu atu ajuda. Feto ida muda ona ba nasaun seluk, maibé feto seluk komesa tuir reuniaun no estuda Bíblia. Ida-neʼe bele akontese tanba irmán Helen hatudu oin-midar.