TSIMANI uátsïchaksï xanharapaxapti jimesïsï engaksï tiendecha jaka jini Baguio (Filipinas). Karritunksï ma exespti publikasionicha jingoni, joperuksï no andarhieraspti. Helen enga karriturhu máekandu japka eratiaspti ka tsípikuaspti. Uátsïchaksï no anhaxurhispti joperuksï ístu pakaraspti enga Helen tsípikuapka.

Ísï tátsekua engaksï uátsïcha kʼuánhatsentani japkia imecho autobusi jimbo, exeasptiksï letrechani jw.org engaksï Kʼumanchikua Reinurhu ma jaka. Miántasptiksï eskaksï ima mismu letrespka engaksï karriturhu exeapka. Kétsesptiksï autobusirhu ka nirasptiksï andarhierani ka exesptiksï na engaksï jandora tánguarhienga kúnguarhikuecha ima Kʼumanchikua Reinurhu jimbo.

Tsimarhanksï niraspti tánguarhikua ma jimbo. Ka, ¿nénksï orheta exespi engaksï inchapka Kʼumanchikua Reinuerirhu? ¡Helenini! Imaksï jirejiresï miántaspti na enga ima tsípikuapka. Heleni uandasïndi: “Sánisï chéspka jimbokani no mítespka andijtsïnisï andarhierani japi”. Joperu uátsïchaksï aianguspti Helenini andiksïsï jima japi.

Ima uátsïchaksï tsitispti tánguarhikuani ka erachicha jingoni jarhani; sésiksï pʼikuarheraspti. Engaksï exepka eskaksï erachicha limpiarixapka Kʼumanchikua Reinuerini enga na kʼamarhupkia tánguarhikua, imechaksï jarhuapispti. Jiáni uératini, ma ima uátsïcheri nóteru imani paisi jimbo irekastia, joperu máteru uénasti tánguarhikuecharhu nirani ka Bibliaeri ambe jorhenguarhini... ¡iámindu i ambe úkuarhispti jimboka pirenchi tsípikuaspka!