DUE gióvene le era drio caminar nel sentro dela cità de Baguio, nele Filipine. Lore le ga visto el careto ma no le se ga mia fermà. La sorela Helen, che la era nel careto, la ga fato una fàcia de contenta quando lore le ga passà. Lore le ga seità a caminar e ghe ga piasesto tanto la fàcia che la sorela la ga fato.

Dopo, quando lore le era drio ndar casa, lore le ga visto un Salon del Regno. Lì, ghen’era scrito jw.org, compagno del careto. Alora, lore le se ga fermà par saver la ora che le riunion le era fate. Ma in quel salon, ghen’era diverse congregassion.

Poco tempo dopo, le due gióvene le ze ndate a una riunion, e seto chi che lore le ga catà nel Salon del Regno? La Helen! Suito lore le ga visto che l’era la medèsima dona che la era nel careto. Helen la ga dito: “Quando lore le ze rivade darente de mi, son restada preocupada, parché go pensà che gavea fato qualcossa sbaliada.” Alora, le gióvene le ga parlà a Helen parché che lore le era lì.

Ghe ga piasesto tanto a queste due gióvene ndar ala riunion e cognosser i fradei. Quando lore le ga visto i fradei netar el salon dopo dela riunion, anca lore le ga volesto giutar. Una de queste gióvene le ze ndata via dele Filipine, ma quel’altra la ga scominsià a ndar ale riunion e a studiar la Bìblia. Tuto parché la sorela la ga fato una fàcia de contenta nel careto!