1. Jehovap kif­faasa suut ajor­nar­torsiutigisin­naavaat?

ALIASUUTIGISAN­NIK ajor­nar­torsiuteqar­pit? Im­maqa up­peqativit ilaata ajual­latsip­paatit. (Jaak 3:2) Im­maqaluun­niit suleqativit atuaqativil­luun­niit Nalunaajaasuunerit pis­sutigalugu il­laruaatigaatsit. (1 Petr 4:3, 4) Aam­ma imaas­sin­naavoq ilaqut­tavit ilaata oqaluus­sisarun­naar­tin­niarlutil­lu ataatsimiigiar­tarun­naar­tin­niarsarigaatit. (Matt 10:35, 36) Ajor­nar­torsiutin­nit ar­torsin­neqar­tutut misigiguit im­maqa Jehovamut kif­far­torun­naarusulis­saatit. Qularutigis­san­ngilal­li qanorluun­niit ajor­nar­torsioraluaruit Jehovap ilisimas­suseqar­til­lutil­lu piner­tusaar­nis­san­nut nukis­saqar­tis­sagaatit.

2. Romamiut 15:4 naaper­torlugu Guutip oqaasianik atuar­tar­neq qanoq iluaqutigisar­par­put?

² Inuit naam­mal­luin­nan­ngitsut ajor­nar­torsior­til­lutik piner­tusaarsimaneran­nik oqalut­tuat Jehovap oqaatsimini al­laatigitip­pai. Sooq? Apustilip Paulusip isumas­sarsisin­neqarluni Romamiut 15:4-mi al­laatigisaatut ilin­niarfiginias­sagatsigit. (Atuaruk). Oqalut­tuat taak­ku atuar­tarutsigit tup­pal­lersaatigalugil­lu neriuuteqalis­sutigisin­naavagut. Biibilimil­li atuar­tar­neq naam­man­ngilaq. Atuak­kagut eq­qarsar­taatsitsin­nut uum­matitsin­nul­lu sun­niuteqar­tit­tariaqar­pagut. Ajor­nar­torsiuter­put pil­lugu siun­nersuutis­sarsiorusuk­kut­ta susin­naavugut? Uku sisamat iliuuserisin­naavagut: (1) Qinugit, (2) takorluuigit, (3) eqqarsaatigin­neq­qis­saarit aam­ma (4) ilikkakkatit  maleruakkit. Taak­ku sisamat ataasiak­kaarlugit sam­meq­qaariar­tigit. * Taava atuaq­qis­saariaaseq taman­na atorlugu kun­ngi Daavi apustililu Paulusi ilin­niarfigis­savagut.

3. Biibilip atuan­ngin­nerani susariaqar­pit, aam­ma sooq?

³ (1) Qinugit. Biibilip atuan­ngin­nerani atuak­katit ilin­niarfigil­luarumal­lugit Jehovamut ikioq­qugit. As­sersuutigalugu ajor­nar­torsiutit pil­lugu iluaqutis­sarsioruit najoq­qutas­sianik atorsin­naasan­nik nas­saarsin­naaq­qul­lutit Jehova qin­nuigiuk. – Fil 4:6, 7; Jaak 1:5.

4. Oqalut­tuaq Biibilimeersoq qanoq pis­sarsif­figinerusin­naaviuk?

⁴ (2) Takorluuigit. Jehovap tupin­naan­nar­tumik pigin­naas­suseqar­til­luta pin­ngor­tip­paatigut – tas­sa takorluuisin­naas­suseqar­tip­paatigut. Oqalut­tuaq Biibilimeersoq atuar­til­lugu takorlooruk il­lit pineqar­tutit susoqar­nersorlu. Oqalut­tuami inut­taasup pingaar­nerup takusai misigis­susiilu takorluuk­kit. Taamaalioruit atuak­katit pis­sarsif­figinerus­savatit.

5. Eq­qarsaatigin­neq­qis­saar­neq qanoq iluaqutaasar­pa, aam­ma qanoq eq­qarsaatigin­neq­qis­saarsin­naavit?

⁵ (3) Eqqarsaatiginneqqissaarit. Atuak­katit eq­qarsaatigeq­qis­saaraangak­kit ilik­kak­katit inuunin­ni qanoq maleruarsin­naanerlugit aam­ma eq­qarsaatigisariaqar­pat. Taamaalioruit atuak­katit paasil­luar­nerul­lugil­lu ilisimariik­kan­nut atas­suser­nerusin­naas­savatit. Biibilimi atuak­katit eq­qarsaatigeq­qis­saar­tan­ngik­kuk­kit as­sigiin­nas­savaa katiter­tak­kat katiter­nagit isigin­naagin­naritit. Eq­qarsaatigin­neq­qis­saar­nerup as­sigaa katiter­tak­kat as­sitaa tamaat takujumal­lugu taak­kunin­nga katiterineq. Apeq­qutit ukua akis­sutaat eq­qarsaatigisin­naavatit: ‘Oqalut­tuap inut­taa pingaar­neq ajor­nar­torsiutini aaq­qik­kumal­lugu sua? Jehovamit qanoq ikior­neqar­pa? Ilik­kak­ka piner­tusaar­nis­san­nut qanoq iluaqutigisin­naavak­ka?’

6. Sooq ilik­kak­kagut maleruar­tariaqar­pagut?

⁶ (4) Ilikkakkatit maleruakkit. Jiisusi oqar­poq ilik­kak­kagut maleruan­ngik­kutsigit as­sigiin­nas­sagip­put inuk sioq­qani il­lulior­toq. Taan­na asuliin­naq sulivoq. Sooq? Anorersualerlunilu sialus­sualer­pat il­luliaa isas­sam­mat. (Matt 7:24-27) Uagut­taaq ilik­kak­kagut maleruan­ngik­kutsigit qinuner­put, takorluuiner­put eq­qarsaatigin­neq­qis­saar­ner­pul­lu asuliin­nas­sap­put. Ajor­nar­torsiulerut­ta malersor­neqalerut­taluun­niit up­per­nik­kut inorsas­saagut. Atuaq­qis­saaraangat­tali ilik­kak­kagul­lu maleruaraangatsigit aalajangiil­luar­nerulersin­naal­lutalu eq­qis­sisimanerul­lutalu up­per­nik­kut nakus­satsit­tar­pugut. (Es 48:17, 18) Maan­na siun­nersuutit taak­ku sisamat atorlugit kun­ngip Daavip misigisaanit suna ilik­karsin­naanerip­put misis­sus­savar­put.

7. Oqalut­tuaq Biibilimeersoq sorleq sam­mis­savar­put?

⁷ Ikin­ngutin­nit ilaqut­tan­nil­luun­niit ajual­latsin­neqar­nikuuit? Taamaap­pat kun­ngip Daavip er­nera Absalomi, ataataminut ilumuun­ngitsuliorluni kun­ngius­susianik arsaarin­neriaraluar­toq, pil­lugu oqalut­tuap sam­minera iluaqutigis­savat. – 2 Sam 15:5-14, 31; 18:6-14.

8. Jehovamit ikior­neqarumal­lutit susin­naavit?

⁸ (1) Qinugit. Oqalut­tuap atuan­ngin­nerani ajor­tumik pineqarsimanerit pil­lugu Jehova oqalut­tuuguk. (Tuss 6:7-10) Misigis­sutsitit tamaasa oqalut­tuarik­kit. Taava najoq­qutas­siat ajor­nar­torsior­nin­ni iluaqutigisin­naasatit nas­saarisin­naaq­qul­lugit ikioq­qugit.

9. Daavi Absalomilu pil­lugit oqalut­tuaq naatsumik oqalut­tuariuk.

 ⁹ (2) Takorluuigit. Pisut oqalut­tuarineqar­tut eq­qarsaatigik­kit, kun­ngilu Daavi qanoq misigisoq takorlooruk. Daavip er­nera Absalomi ukiuni arlalin­ni Israelik­kun­nit iluareq­qusaar­poq. (2 Sam 15:7) Pif­fis­saasorileramiuk Israelik­kun­nut nam­mineq kun­ngiuler­nis­saminut akuersisitsiniar­tus­sanik tapersersor­timinik aal­lar­titsivoq. Al­laat Daavip ikin­ngutigil­luagaa siun­nersor­taalu Akitofeli pikitsitsisip­paa. Absalomip kun­ngiunerarluni im­minut suaarutigeriarluni Daavi, taamani im­maqa nap­parsimal­luni perulut­toq, toqun­niarlugu tigusariniarsarigaluar­paa. (Tuss 41:2-10) Qanoq pisoqalersoq Daavip paasigamiuk Jerusalemimit qimaavoq. Naggataatigut Absalomip sak­kutuui Daavil­lu sak­kutuui akersuup­put. Pikitsitsisut ajorsar­put, Daavil­lu er­nera Absalomi toqutaavoq.

10. Kun­ngi Daavi susimasin­naagaluar­pa?

¹⁰ Taava takorlooruk Daavi nalaatani pil­lugit qanoq misigisimas­sasoq. Absalomi asavaa Akitofelilu tatigisimal­lugu. Taak­kuali marluul­lutik Daavi ilumuun­ngitsuliorfigaat. Aliasutsingaar­paat al­laal­lu toqun­niarsaralugu. Daavi qanoq qisuariar­pa? Ikin­ngutini al­lat Absalomimut ililius­simas­sasoralugit tatigiun­naarsimasin­naagaluar­pai. Im­minuin­naq eq­qarsaatigaluni kisimiil­luni nunamut al­lamut qimaasimasin­naagaluar­poq. Neriuutaarul­luniluun­niit tun­niutiin­narsimasin­naagaluar­poq. Taak­kua arlaan­naal­luun­niit iliuuserinagit misilin­neqaatini anigor­pai. Qanoq ilil­luni?

11. Daavi ajor­nar­torsiulerami qanoq ilior­pa?

¹¹ (3) Eqqarsaatigin­neq­qissaarit. Oqalut­tuaq taan­na qanoq ilin­niarfigisin­naavar­put? Apeq­qut una eq­qarsaatigiuk: “Ajor­nar­torsiutini aaq­qik­kumal­lugu Daavi sua?” Paatsiveerul­luni aalajangiinerlun­ngilaq, an­nilaanganinilu soriarsin­naajun­naas­sutigilin­ngilaa. Jehovamul­li ikioq­qul­luni qinuvoq ikin­ngutinilu ikior­tisiaralugit. Aalajanger­nermisul­lu iliupal­lap­poq. Ajual­latsineqangaarsimagaluarluni al­lanik tatigin­nik­kun­naar­nanilu narrutsas­simaalin­ngilaq. Jehova ikin­ngutinilu tatigiuar­pai.

12. Jehovap Daavi qanoq ikior­paa?

¹² Daavi Jehovamit qanoq ikior­neqar­pa? Misis­sueq­qis­saaruit paasis­savat Jehovap Daavi piner­tusaarsin­naaq­qul­lugu pis­satsik­kaa. (Tuss 3:1-9) Daavip aalajangius­sai Jehovap pil­luaq­quai. Aam­ma Daavip ikin­ngutai aalajaatsut kun­ngimin­nik il­lersuisut Jehovap ikior­pai.

13. Ingasat­tumik ajual­latsin­neqarsimaguit Daavi qanoq ilaarsin­naaviuk? (Mat­thæusi 18:15-17)

¹³ (4) Ilikkakkatit maleruakkit. Daavi qanoq ilaarsin­naaviuk? Ajor­nar­torsiut aaq­qik­kumal­lugu iliuuseqapal­lat­tariaqar­putit. Jiisusip siun­nersuutaa Mat­thæusi kapitali 18-imiit­toq maleruarsin­naavat najoq­qutas­sarsif­figaluguluun­niit. (Matthæusi 18:15-17 atuakkit). Misigis­sutsin­nil­li aqun­neqarlutit aalajangiiniapal­las­san­ngilatit. Jehovamut qinusariaqar­putit eq­qis­sisimaq­qul­lutit aalajaal­luar­nis­samul­lu ilisimas­suseqaq­qul­lutit. Ikin­ngutitit tatigiun­naar­nagit ikior­tigik­kit. (Uss 17:17) Pingaar­ner­paamil­lu Jehovap oqaatsimini siun­nersuutai maleruak­kit. – Uss 3:5, 6.

14. Qanoq atugaqar­nin­ni Timotheusimut al­lak­kat aap­paan­ni versit eq­qaaneqar­tut qiim­maal­laatigisin­naavigit?

¹⁴ Ilaqut­tan­nit akerlilersor­neqar­pit? Nunamiluun­niit Jehovap in­nut­taasa suliaan­nik kil­lilersuif­fiusumi iner­teq­qutaaf­fiusumiluun­niit najugaqar­pit? Taamaap­pat Timotheusimut al­lak­kat aap­paat 1:12-16 aam­ma 4:6-11,  17-22 atuaruk­kit qiim­maal­las­sagunar­putit. * Paulusip par­naarus­sivim­miitil­luni taak­ku al­lap­pai.

15. Suut pil­lugit Jehovamut qinusin­naavit?

¹⁵ (1) Qinugit. Versit taak­kua atuan­ngin­neran­ni ajor­nar­torsiutit misigis­sutsitil­lu pil­lugit Jehova oqalut­tuuguk – am­masumik oqalut­tuarit. Paulusip misilin­neqaatigisaasa atuar­nerini il­lit ajor­nar­torsior­nin­ni iluaqutigisin­naasatit malugisin­naaq­qul­lugit Jehovamut ikioq­qugit.

16. Paulusi qanoq atugaqar­pa?

¹⁶ (2) Takorluuigit. Paulusip atugai takorluuk­kit. Romami par­naarus­saaq­qavoq. Aatsaat taman­na misigilin­ngilaa, maan­nak­kul­li nalun­ngilaa toqutaasus­saal­luni. Ikin­ngutimi ilaan­nit im­mineer­neqarsimal­lunilu timik­kut nukis­saarus­simavoq. – 2 Tim 1:15.

17. Paulusi susimasin­naagaluar­pa?

¹⁷ Paulusi pereersut isumaliuutigival­laarunigit ima eq­qarsarsimasin­naagaluar­poq: ‘Kristumiutut aal­lus­sil­luar­tuusiman­ngik­kaluaruma par­naarus­saasimas­san­ngik­kaluar­punga.’ Nunap im­mik­koor­tuani Asiameersut im­minik tunus­sisimasut kamaatigisimasin­naagaluar­pai ikin­ngutinilu al­lat tatigiun­naarlugit. Taamaaliun­ngilarli. Sooq tatigin­nil­lunilu isumal­luarsin­naasimava?

18. Paulusi ajor­nar­torsioraluarluni sua?

¹⁸ (3) Eqqarsaatigin­neq­qissaarit. Paulusi qanoq ilior­pa? Toqutaanis­sani nalun­ngik­kaluarlugu puiun­ngilaa pingaar­neq – tas­sa Jehovap aq­qata il­ler­narsisin­nis­saa. Aam­ma eq­qarsaatigiuar­paa al­lanik qanoq kajumis­saarisin­naanerluni. Jehova tatigalugu qinukulasar­poq. (2 Tim 1:3) Im­minik tunus­sisut eq­qarsaatigival­laar­nagit ikin­ngutini aalajaatsut asan­nil­lutik im­minik ikiuisut pil­lugit qujamasun­nini ersersit­tar­paa. Aam­ma Guutip oqaasianik atuaq­qis­saar­tuar­poq. (2 Tim 3:16, 17; 4:13) Pingaar­ner­paamik Jehovamit Jiisusimil­lu asaneqar­nini qularin­ngil­luin­nar­paa. Taamaat­tumik nalun­ngilaa taak­kunan­nga tunun­neqar­nani aam­ma aalajaal­luni kif­far­tor­nini pil­lugu akis­sarsisin­neqas­sal­luni.

19. Jehovap Paulusi qanoq ikior­paa?

¹⁹ Jehovap Paulusi ilisimatereer­paa kristumiuunera pis­sutigalugu malersor­neqar­tarumaar­toq. (ApS 21:11-13) Jehovap Paulusi qanoq ikior­paa? Qin­nutai akisarlugil­lu pis­satsit­tar­paa. (2 Tim 4:17) Paulusi neriorsoq­qis­saar­neqar­poq suleruloor­nini pil­lugu akis­sarsias­sani piumaaraa. Aam­ma Paulusip ikin­ngutai aalajaatsut atorlugit Jehovap ikior­paa.

20. Romamiut 8:38, 39-lu eq­qarsaatigalugit Paulusi qanoq ilaarsin­naavar­put?

²⁰ (4) Ilikkakkatit maleruakkit. Paulusi qanoq ilaarsin­naavar­put? Up­per­ner­put pil­lugu Paulusitut malersor­neqar­nis­sar­put ilimagisin­naavar­put. (Mark 10:29, 30) Misilin­neqar­nermi aalajaatsuus­sagut­ta Jehovamut qinukulasariaqar­pugut atuaq­qis­saar­tarlutalu. Eq­qaamajuas­savar­pul­lu pingaar­ner­paaq tas­saasoq Jehovap aq­qata il­ler­narsisin­neqar­nis­saa. Up­peril­luin­narsin­naavar­put Jehovap tunun­ngisaan­nas­sagaatigut suul­luun­niil­lu Jehovap asan­nis­susianit avis­saar­tis­sin­naan­ngik­kaatigut. – Romamiut 8:38, 39 atuakkit; Hebr 13:5, 6.

21. Ayap aam­ma Hectorip ajor­nar­torsiutimin­nik qaangiiniar­nermin­ni suut iluaqutigaat?

²¹ Qanorluun­niit atugaqaraluarut­ta Biibilimi oqalut­tuarineqar­tut nakus­satsis­sutigisin­naavagut. As­sersuutigalugu Aya Japanimi pioneriusoq  oqalut­tuar­poq Jona ilin­niarfigalugu tamanut oqaluus­sinis­sani an­nilaangagiun­naarsimal­lugu. Hectorip, inuusut­tup Indonesiami najugal­lip Nalunaajaasuun­ngitsunik angajoq­qaal­lip, Ruthimik oqalut­tuaq kajumis­sis­sutigalugu Jehova ilisarisimanerulerusul­lugulu kif­far­torfigerusuler­paa.

22. Isigin­naagas­siat Biibilimut tun­ngasut aam­ma al­laaserisat ataqatigiit “Up­persusiat maliguk” qanoq pis­sarsif­figil­luar­ner­paasin­naavigit?

²² Biibilimi oqalut­tuarineqar­tut nakus­satsis­sutigisin­naasatit pil­lugit sumi paasisaqar­nerusin­naavit? Isigin­naagas­siaatitsin­ni tusar­naagas­siaatitsin­nilu aam­ma al­laaserisani ataqatigiin­ni “Up­persusiat maliguk”-mi oqalut­tuat Biibilimeersut takorlooruminarsar­neqar­put. * Taak­kunin­nga isigin­naalin­ngin­nin­ni, tusar­naalin­ngin­nin­ni atualin­ngin­nin­niluun­niit Jehova qin­nuigiuk iluaqutigisin­naasan­nik nas­saar­nis­san­nik ikioq­qul­lutit. Takorlooruk il­lit pineqar­tutit. Jehovap kif­fai aalajaatsut susimanerat ajor­nar­torsior­nermin­nilu Jehovamit ikior­neqar­nerat eq­qarsaatigeq­qis­saaruk. Taava ilik­kak­katit maleruak­kit. Jehovamit ikior­neqareer­nerit pil­lugu qutsavigiuk. Al­lanil­lu qiim­mas­saanis­samut ikiuinis­samul­lu periarfis­sarsior­tar­nik­kut il­lit ikior­neqar­nin­nik qujamasuutigin­nin­nerit ersersit­taruk.

23. Esaja 41:10, 13-ilu naaper­torlugit Jehovap qanoq neriorsor­paatigut?

²³ Silarsuarmi matumani Saatanimit aqun­neqar­tumi inuuneq imaan­naan­ngitsuuvoq, al­laal­lu ilaan­nik­kut ar­torsin­neqar­tar­pugut. (2 Tim 3:1) An­nilaangasariaqan­ngilagul­li. Jehovam­mi ajor­nar­torsiutigut nalun­ngilai. Neriorsuivoq ikior­neqar­tariaqaraangat­ta ikiorlutalu nakus­satsik­kumal­luta. (Esaja 41:10, 13 atuakkit). Up­peril­luin­nar­par­put Jehovap ikiorumaaraatigut Biibililu qanorluun­niit ajor­nar­torsioraluarut­ta piner­tusaar­nis­samut nakus­satsis­sutigisin­naal­lugu.