1. Jehovaba ra ǃoaba khoena mâ ǃgomsina ra hōǃâ?

KAI ǃgomsi-e du ūhâ sadu ûib ǃnâ? ǀNîsi i ge ǀhaohâb ǃnâ hâ khoe-e go tsûtsû du. (Jak. 3:2) Tamas ka ion ge ǂan du a khoena. Jehovaba du ra ǃoaba amaga ǁgaise ra hâ-ū du. (1Pet. 4:3, 4) ǀNîsin ge sadu omaris ǁanin tsîna ra mîba du î du tā ǀhoade ǃoa ī. Tamas ka io sadu ra ǂgom xūn xa ǃhoa. (Mat. 10:35, 36) Nēti i ǃgomsiga hōǃâs kaise a ǃgom amaga du ge ǀnîsi Jehovaba ra ǃoaba ǀû ǂgao. Xawe ǂâis ǃnâ ūhâ re. Taen hoana du ga ǃkharu ǃnâ xaweb ge Jehovaba gā-aisiba nî mā du. Î du ǃgâi mîǁguiga dī. Tsî ǀgaiba nî mā du, î du ǁnā ǃgomsi-e tani.

2. Romeǁîn 15:4 ǃoagu da mati nî huihe Elobmîsa da ga khomai o?

² Jehovab ge Elobmîs ǃnâ aiǁguade ge xoamâi. ǀOasa kurusa ūhâ tama khoen ge ǁîn ǃgomsiga gere tani ǀgausa ra ǁgauna. Tae-i ǃaromab ge nēsa dī? Î da sada ǁnapaxu ǁkhāǁkhāsen. Jehovab ge Apostel Pauluba Romeǁîn 15:4 ǃnâ nēsa ge xoamâi kai. (Khomai re.) ǁNā ǃâga da ga khomai o, o da ge ra ǂkhâǃnâhe. Tsî da ge ra mû sida mâsib tsîn ni dawasa. Xawe da ge tā Elobmîsa khomais ǀguisa nî hî. Mā-am da ge nî în khomai da ra xūna sida ǂgaoba tsâǀkhā. Tsî ǂâi da ra ǀgauba dawa. Aiǁgause, tae-e da nî dī ū da hâ ǃgomsi-i ǃgao da ga ǀapemā-e ga ra ôa o? Nē haka xūn ge nî hui da: (1) ǀGores, (2) Mûnanais, (3) ǂÂiǃgâs, tsî (4) sida ûib ǃnâ sîsenǂuis. Nē haka xūna da mati nî dīsa da ge nî mû. * ǁNapaxu da ge nē ǀgauba nî sîsenū. Î da gao-aob Davib tsî apostel Paulub di ûib ǃnâ ge ī xūna xu ǁkhāǁkhāsen.

3. Elobmîsa du nî khomais ais ai du tae-e nî dī tsî tae-i ǃaroma?

 ³ (1) ǀGore re. Elobmîsa du nî khomai tsoatsoas ais ai. Jehovaba ǂgan re î du ǁkhāǁkhāsen du nî se i xūna ǃgāsase mû. Aiǁgause, ǂgan re î du ǃgâi mîǁguiba dīs ǀkha nî hui du xūna mû.—Fil. 4:6, 7; Jak. 1:5.

4. Mati da sida ǃaroma Elobmîsa a ûitsama kai ǁkhā?

⁴ (2) Mûnanai re. Jehovab ge mûnanais ǁkhāsib ǀkha ge kuru da. Elobmîs ǃâs hîna du ra khomaisa du ga ûi-ûi ǂgao o. Xūn hîna ra īna mûnanai re. Tsî ǁnā khomaiǃâs ǃnâ hâ khoe-i di ǂaidi ǃnâ mâisen re. ǁNā khoe-i gere mû xūna mû re. Tsî ǁî i gere tsâ khami tsâ re.

5. ǂÂiǃgâsa a tae, tsî mati da a ǂâiǃgâ ǁkhā?

⁵ (3) ǂÂiǃgâ re. ǂÂiǃgâs ge ra ǂâibasen khomai da go xūn xa ǂâi. Tsî mati da sida ûib ǃnâ a ûiǂui ū ǁkhā ǀgaub xas tsîna. ǂÂiǃgâs ge ra hui da î da khomai da go xūna ǃgamse ǂâi. Elobmîsa ǂâiǃgâ tamase khomais ge tafels ai ǁgoe puzzles. Hîna a ǀkhomaxas ǀkha a ǀgopoǀnōhe ǁkhā. ǂÂiǃgâs ge ǁnā ǂkhari ǃâroga ǀhaoǀhaos tsî. ǀGui ai-īsiba kuruǂuisa ǃoas tsîna a ǁnaeǁgau ǁkhā. ǂÂiǃgâs ǃnâ huihes ǃaroma du saora dîde nî ǃeream: ‘Mâ ǀgaub ǃnâ i ge Elobmîs ǃnâ du ra khoma i. Khoe-e aitsama ge huisen. Tsî mâ ǀgaub ǃnâb ge Jehovaba ǁîna hui? Mati da nē ǁkhāǁkhāǃâsa nî sîsenū ǃgomsina da ga hōǃâ o?’

6. Tae-i ǃaroma da ǁkhāǁkhāsen da ra xūna nî ûiǂui?

⁶ (4) Sîsenǂui re. Jesub ge ge mî ǁkhāǁkhāsen da ra xūna ga ûiǂui tama io. O da ge aob hîna ǁîb di omsa. Tsaura ǃhūb ai ra ommi khami nî i. ǁÎb ge ǃgarise ra sîsen. Xawe-i ge huibi tama hâ. Tae-i ǃaroma? ǀGaisa ǂoab tsî ǀnanub ga hā o. O i ge omsa nî khôa tamas ka io dâubēhe. (Mat. 7:24-27) ǁNās khami da ga ǀgore, mûnanai. Tsî ǂâiǃgâ tama io ǁkhāǁkhāsen da ra xūna. O da ge sida di ǁaeba ra ǁore. ǁNās ǀkha da ga ra ǃgomsina hōǃâ. Tsî ga ra mâǃkhoahe o. O i ge sida di ǂgomsa nî ǂhabusa. Aiǁgause, ǁkhāǁkhāsen tsî da ga ûiǂui o. O da ge ǃgâi mîǁguiga ra dī. Tsî da ge ǃnāsa ǂkhîba hō. Tsî sida di ǂgoms ǃnâs ra ǀgai. (Jes. 48:17, 18) Nē haka xūn hîna da go ǃhoaǃgaona da ra sîsenūse. ǀKhī re da kō Gao-aob Davib di ûib aiǁgausa xū. Da tae-e a ǁkhāǁkhāsen ǁkhāsa.

7. Mâ Elobmîs ǃnaeǃkhaide da nēsi nî ǃhoaǃgao?

⁷ Omaris ǁani-i tamas ka io ǀhōsa-e. Sado ge tsûtsû tsâ hâ i? Î di du ga ǃeream o. O du ge Gao-aob Davib di ǀgôab Absalommi. Di aiǁgausa xu ǂgui xūna a ǁkhāǁkhāsen ǁkhā. Hîna ge ǁîb di dadasaba ǀhôakao ǀgaub ǃnâ. Gaosisa gere ūxu ǂgaoba.—2Sam. 15:5-14, 31; 18:6-14.

8. Tae-e du a dī ǁkhā i du Jehovaba xū huiba hō?

⁸ (1) ǀGore re. Nē ǃnaeǃkhaide du ǂâis ǃnâ ūhâse Jehovaba mîba re. Mati du ge ǃgâi tamase gere hâ-ūhe ǀgausa. (Psa. 6:6-9) Sadu ǂgaoba xū mîba re Jehovaba mati du ra tsâsa. Tsî ǁnapaxu Jehovaba ǂgan re. Îb daoǁgaude mā du. Hîna nē ǃgomsin ǃnâ a hui du ǁkhāna.

9. Tae-e Davib tsî Absalommi ǁaegub ǃnâ ra ī?

⁹ (2) Mûnanai re. Mûnanai re nē ǃnaeǃkhaidi ǃnâ ra ī xūna. Tsî kō re matib ge Gao-aob Daviba nē xūn xa a tsâǀkhāhe ǀgausa. Davib di ǀgôab Absalommi ge kurina gere sîsen, în khoena ǁîba ǀnam. (2Sam. 15:7) Tsîb ge Absalomma a mû o, ǃgâi ǁaeb ge nēba ti. Ob ǀhôakhaose khoena ra sîǂui Israelǁaesa ǃoa. Tsî ra khoena  aiǂhomi în ǁîba, gao-aose ǃkhōǃoa. Tsîb ge Gao-aob Davib di ǀgūse ra hâ khoeb Ahitofeli, tsîna ra mîba îb ǁîba mâǃoa. Tsîb ge Absalomma aitsama Gaose ra mâisen. Tsî ǁnapaxu ra dītsâ îb Daviba ǃkhō tsî ǃgam. Hîna ge ǀnîsi ǁnā ǁaeb ai kaise ǀgaisase ǀaesen hâ i ba. (Psa. 41:1-9) Xaweb ge Daviba ra ǂanǂui Absalommi ra dī ǂgao xū-e tsî Jerusalemsa xu ra ǃkhoe. Tsî i ge Absalommi di toro ǃkham-aoga Davib di gu ǃoagu ra ǃkham. Tsî i ge Absalommi di ǃkham-aoga ra ǃgamhe. Tsîb ge ǁnapa Absalommi tsîna ra ǃgamhe.

10. Gao-aob Daviba tae-e ga dī hâ?

¹⁰ Tsî mûnanai re matib ge Daviba gere tsâsa. Nē xūn hoan ge ǁîb ǀkhā gere ī o. ǁÎb ge Absalomma kaise ǀnam i. Tsîb Ahitofeli tsîna ge ǀnam i. Xawekha ge hoa ǀgamkha ǁîba ge ǀawexū. ǁÎkha ge ge tsûtsû bi tsî noxoba gere ǃkhambi ǂgao. Davib ge ǁîb di ǂgomsa ga ǂoaǃnâ hâ. Nau ǀhōsagu tsîn nē xūna ra dī ǂgao. Tsî Absalommi ǀkha ǀguiba ra mâǂgao tib ge ga ǂâi hâ. Tsî ǁnās ǀkha ǀguri tsâsen tsî ǃāsa xū ǀguriga ī hâ. Tsîb ge ǀnîsi amabes ǃnâ ga ǀûsen hâ. Xawe Davib ge ǁnān di ǀgui i tsîna ge dī tama hâ i. Xaweb ge nē ǃgom mâsigu hoaga ge mâǃkharu. Tae-i ǃaromab ge dīhō ǁkhā i?

11. Daviba tae-e ge dī nē ǃgom mâsib ǃnâ?

¹¹ (3) ǂÂiǃgâ re. Tae-e da nē ǃâba xū a ǁkhāǁkhāsen ǁkhā? Dîsa ǃeream re, “Daviba tae-e ge dī ib aitsama huisen?” Davib ge ge ǃhuri tama hâ i. Tsî ǂâiǃgâ tamase ǃgâi tama mîǁguiga ge dī tama hâ i. Tsîb ge ǃaob ra amaga nē xūna ge mâiǂui tama hâ i. Xaweb ge Jehovaba ǃoa ǀgore tsî huiba ge ǂgan. Tsîb ge ǁîb di ǀhōn ais tsîna huiba ge ǂgan. Tsîb ge ǃhaese mîǁguib ge xūna ge dī tsoatsoa. ǁAixab ge hâ i xaweb ge noxoba khoena gere ǂgomǃgâ. Tsî ǁîna ge ǃhui tama hâ i. Jehovaba ǂgomǃgâ, tsîb ge ǁîb ǀhōn tsîna noxoba gere ǂgomǃgâ.

12. Jehovab tae-e ge dī ib Daviba hui?

¹² Jehovaba mati Daviba ge hui? ǂKharirose du ga ôaǃnâ o, o du ge nî mû. Jehovab ge Daviba ǂhâb ge hâ i huiba a māsa. Nē ǃgom mâsigu ǃnâ. (Psa. 3:1-8) Jehovab ge Davib ge dī mîǁguiga ge ǀkhae. ǁÎb ge Davib di ǂgomǂgomsa, ǀhōsana gere ǂkhâǃnâ. ǁÎgu Gaoba gu gere hui ǁaeb ǃnâ.

13. Mati du Daviba a ǁgae ǁkhā, khoe-i ga kaise a tsûtsû du o? (Mateub 18:15-17)

¹³ (4) Sîsenǂui re. Dîsen re, ‘mati ta Daviba a ǁgae ǁkhā?’ ǃHaese da ge xū-e nî dī i da ǃgomsiba sîsenǂam. Sadu ǃgomsib ǃoagu du ge Jesub di mîdi. Hîna Mateub di 18ǁî danaǃâs ǃnâ hâde a sîsenū ǁkhā. Tamas ka io ǁnā ǂâis ǀkha ra ǀgau xū-e a dī ǁkhā. (Khomai re Mateub 18:15-17 sa.) Xawe du ge tā ǁaixa du hâ hîna ǃhaese mîǁguiga nî dī. Jehovaba ǃoa du ge nî ǀgore î du ǃnomsa ǂgaob. Tsî gā-aisib hîna du ǂhâ hâba māhe. Sadu ǀhōna noxoba ǂgomǃgâ re. Huib hîna du ra māheba ūǃoa re. (ǂKhm. 17:17) Xawe ǂhâǂhâsase Jehovab ra mā daoǁgausa. ǁÎb di mîs ǃnâ sa ūǃoa re.—ǂKhm. 3:5, 6.

14. Mâ ǁaes 2 Timoteub 1:12-16; 4:6-11, 17-22 sa nî hui du?

¹⁴ Sadu di omaris di ǁanina ra mâǃoa du? Tamas ka io du Jehovab di khoen ra dī sîsenni ra mâǃoahe ǃhūb ǃnâ ra hâ? Ti i ga ī o, o du ge 2 Timoteub 1:12-16 tsî 4:6-11, 17-22 sa khomais xa nî huihe. * Paulub ge nē ǃâba tronkhes ǃnâb ǂnôa hîna ge xoa.

15. Tae-e du Jehovab ai a ǂgan ǁkhā?

 ¹⁵ (1) ǀGore re. Nē ǃâba du nî khomais aiǃgâ Jehovaba sadu ǃgomsiba mîba re. Tsî mati du ǁnās xa ra tsâs tsîna. ǃGāsase ǁguiǃā re. ǁNapaxu ǂgan re Jehovaba îb hui du. Î du Paulub di ǃgomsina xu du a ǁkhāǁkhāsen ǁkhā xūna mû. Tsî mati du sadu di ǃgomsina nî sîsenǂam ǀgaus tsîna ǂan.

16. Tae-e Paulub ǀkha ge ī?

¹⁶ (2) Mûnanai re. Paulub di ǂaidi ǃnâ mâisen re. ǁÎb ge khedegu ǀkha Romes ǃnâ, tronkhes ǃnâ ǃgaesa. ǁÎb ge ǀnai tronkhes ǃnâ ge hâ i. Xawe nē ǃnâs aib ge a ǂan ǃgamheb nîsa. ǁÎb ǀhōn ge go ǁnaxu bi. Tsîb ge ǂkhabusase ra tsâ.—2Tim. 1:15.

17. Pauluba tae-e ga dī hâ?

¹⁷ Paulub ge ǃkharu ge xūn xa ga ǂâi tsoatsoa hâ. Tsî ǀnîsi ga mî hâ ǀnîhâ mîǁguigab ga dī hâ o. Ob ge tronkhes ǃnâ ga ǂnû tama hâ ti. Tsîb ge ǀnîsi khoegu hîna ge ǁîba Asiab di ǀkharib ǃnâ. A ǁnaxugu ǀkha kaise ga ǁaixa hâ. Tsîb ge ǁnās ǀkha nau ǀhōsagu ǁîb diga ga ǂgomǃgâ tama hâ. Xaweb ge Pauluba ǁnān di ǀgui-i tsîna ge dī tama hâ i. Tae-i ǃaromab gere ǂgom ǁîb di ǂgomǂgomsa ǀhōnsan ǁnaxubi tidesa? Tsîb Jehovaba ǁîba nî ǀkhaesa?

18. Pauluba nē ǃgom ǁaegu ǃnâ tae-e ge dī?

¹⁸ (3) ǂÂiǃgâ re. Dîsa ǃeream re, “Pauluba mati aitsama ge huisen?” Paulub ge ǀgū ǁaeb nî ǁō ǃkhaisa ge ǂan i. Xawe ǂhâǂhâsa xū-e ge ǀuru tama hâ i. Îb Jehovaba koasa mā. Tsîb ge noxoba aiǃgû tsî gere ǂâi matib nau khoena nî ǂkhâǃnâ ǀgausa. ǁÎb ge ǀgores ǃnâ-ū Jehovab ai gere ǂgomǃgâ. (2Tim. 1:3) ǁNān hîna ge ǁîba ǁnaxun ge dī xūn ai kō tama i. Tsîb ge Pauluba ǁnā ǀnamxaǃnâ ǀhōsan. Hîna ge ǁîba ǃgom ǁaegu ǃnâ gere huina kaise gere gangan. Tsîb ge Pauluba ge aiǃgû Elobmîsa ǁkhāǁkhāsensa. (2Tim. 3:16, 17; 4:13) Xaweb ge ǀgaisa ǂgomǃgâsiba ge ūhâ Jehovab tsî Jesub tsîn a ǀnambi ǃkhaisa. ǁÎkha ge ǁnaxubi tama ge hâ i. Tsîb ge ge ǂan i, ǁîb ǂgomǂgomsasib ǃaroma kha nî ǀkhaebi ǃkhaisa.

19. Matib ge Jehovaba Pauluba hui?

¹⁹ Jehovab ge Pauluba ge mîba hâ i. ǃGomsinab nî hōǃâsa Xristeǁî kaib ga o. (ǃNǃkh. 21:11-13) Jehovaba Pauluba mati ge hui? Jehovab ge Paulub di ǀgorede ge ǃeream, tsî ǁaeb ai ǀgaiba ge mābi. (2Tim. 4:17) Paulub ge ge mîbahe. ǁÎb ta ǃgarise sîsen ǃkhais ǃaromab nî ǀkhaehe ǃkhaisa. Tsî Jehovab tsîn ge Paulub di ǂgomǂgomsa ǀhōsana ge sîsenū. În huiba mābi.

20. Romeǁîn 8:38, 39 sa ǂâis ǃnâ ūhâse da mati Pauluba a ǁgae ǁkhā?

²⁰ (4) Sîsenǂui re. Dîsen re, mati ta Pauluba a ǁgae ǁkhā? Paulub khami da ge sida tsîna nî ǃâubasen. Jehovaba da ra ǃoaba amaga da nî ǁgâiǀāhesa. (Mrk. 10:29, 30) ǁGâiǀāgu ǃnâ sida di ǂgomǃgâsiba ǃkhōǀgaras ǃaroma da ge. Jehovab ai nî ǂgomaiǂnûi ǀgores ǃnâ. Tsî ǁnapaxu ǃgâi Elobmîs khomaisa nî dībasen. Tsî da ge hoaǁae nî ǂâi hō. Kaise ǂhâǂhâsa xū-i hîna da nî dī i ge Jehovab ǀons ai koasa ǀkhī-ūsa. ǂGomǃgâsiba da ge ūhâ ǁkhā Jehovab tātsēs tsîna ǁnaxu da tidesa. Tsî khoe-i tamas ka io xū-e a ǀkhaisa. ǁÎb sida ūba hâ ǀnamma nî ǁkhae-e.—Khomai re Romeǁîn 8:38, 39 sa; Heb. 13:5, 6.

21. Tae-e Ayas tsî Hectori tsîna ge hui î ra hōǃâ ra gere ǃgomsiba mâǃkharu?

²¹ Mâ mâsi-i hîna da ūhâ-i hoa-e. Xu da ge Elobmîs aiǁgaude xu a ǁkhāǁkhāsen  ǁkhā. Aiǁgause, Japani ǃnâ ra hâ aimâba-aos, Aya di ǀon hâs ge. Jonab di ǃâb xa ge huihe is trolidi tawa ǃao tamase aoǁnâ. Hector di ǀon hâ ǂkhamkhoeb hîna Indonesiab ǃnâ ra hâb di ǁgûra ge Jehovaba ǃoaba tama hâ. Xaweb ge ǁîba Ruts di aiǁgaus xa ge huihe. Îb Jehovab xa ǁkhāǁkhāsen tsî ǁîba ǃoaba.

22. Tae-e du nî di Elobmîs dramadi tsî “Imitate their faith” ǃâba xu du ga ǁkhāǁkhāsen ǂgao o?

²² Elobmîs aiǁgaudi hîna a ǂkhâǃnâ du ǁkhāde du mapa a hō ǁkhā? Sida vidiogu, audio dramadi tsî “Imitate Their Faith” ǃâgu ge Elobmîsa ra ûi-ûi. * Kō, ǃgâ tsî du nî khomais aiǃgâ du ge Jehovab ai huiba nî ǂgan. Î du sado nî hui xūna ǃgāsase mû ǁkhā. Khomai ǃâs ǃnâ hâ khoe-i di ǂaidi ǃnâ mâisen re. ǂÂiǃgâ re nē ǂgomǂgomsa ǃoaba-aon Jehovab din ge dī xūna. Tsî matib ge ǁîna nē ǃgom ǁaegu ǃnâ a hui ǀgaus tsîna. ǁNapaxu ǁkhāǁkhāsen du go xūna du nî sîsenū ǀgauba ôa re. Jehovaba gangan re ǀnaib ra mādu huib ǃgao. Tsî ama gangan du ra sa ǁgau re nau khoena ǂkhâǃnâ tsî huis ǃnâ-ū.

23. Jesajab 41:10, 13 ǃoagub Jehovaba tae-e ra mîmâi?

²³ Nē ǃhūbaib ǁGâuab xa ra ǂgaeǂguihe amaga i ge ǀnî ǁaega kaise a ǃgom. Tsî da ge a ǀū tae-e da nî dīsa. (2Tim. 3:1) Xawe da ge tā ǃao tsî nî ǂâiǂhansen. Jehovab ge a ǂan taena da ra hōǃâsa. ǁÎb ge ge mîmâi, ǁnā da ga ra o, ob amǀkhāb ǁôab ǀkha nî ǃkhōǀgara da ǃkhaisa. (Khomai re Jesajab 41:10, 13 sa.) ǂAn da ge a Jehovab nî huidasa. Tsî da ge Elobmîsa xu da ga ǁkhāǁkhāsen xūn ǀkhā hâ ga ǃgomsi-i hoa-i ǃnâ a mâǃkharu ǁkhā.