1. Mwasiwa ngwan’ni Yesu atomvepa Yohova ira aaing’anelenga anama-arelee?

VAISIYEE yogomi-edha ninga mutu vailambo yavathivano, Yesu athuulela mwasa wa vyorucha vyevyo anama-arele vyafuna aliwa gumanangana. Udhivela waona liye waaxamwale watommwiri-a Yesu ira aode mvepa Babee ira: “Mwaaing’anelenga aliwa na mwasa wa Othakaluo.” (Juwau 17:14, 15) Yesu anoidhiwa ira liye unowelela dhulu ira Satana, Namanami-a angadhowilenave nami-anga atu othene anaifunelo yomlambela Yohova, mbwenye mbumba ya Yohova inofwanela vuneliwa.

2. N’nga ninaire a-vi ira niode kaana imbarimbari yoi Yohova unorumela malobelwi-u?

² Va mwasa waudhivela uoni liye wa mwanee, Yohova utoira vyevyo vyavepile Yesu, akala i-yo ninovilimbi-edha vomvvwela Yohova liye thitho unongo nidhiveliwana nalobelanga mvepa kami-iwa liye unodha nirumela. Yohova uli ninga Muru wavabanjani unosamalela banjalee, kanodha-iya ing’anela a-imee mwaudhivela akala ira ingumiinyu venango dhinalinyu venango na limbili linyu vili vanyarwani.

3. Mwasiwa ngwan’ni ninofwanela vuneliwa na Yohova?

³ Romela wale lothene i-yo chipo kaninafunenga vuneliwa na Yohova ninga malambo ano. Satana utotamangi-iwa dhulu, ee-no uthithele vailambo yavathi “na raiva nlukulu.” (Apok. 12:12) Liye utoairi-a atu enango ira tathuulelelanga vyooda ni-ara-aranga kalanga ninga chiikundu imbo-i yolaba basa lopambuleya la Nlungu. (Juwau 16:2) Atu enango a-anaroromela ira utokala Nlungu, anoni-ara-ara na mwasa oi i-yo nili o-iyana na ilamboi. Kavinobala ira ngumwasa waan’ni atu anoni-ara-ara i-yo kaninofwanela ova. Mwasiwa ngwan’ni? Mwasiwa ngoi Madhu a Nlungu anoonga ira: “Mbwiye ngororomeleya liye thitho unodha ulimbi-ani na uvunelani wa othakaluo.” (2 Atez. 3:3) N’nga Yohova unanivunela a-vi? Dhoweni nitapanyeni ndhila mbili.

4. Movwelana na lemba la Aefeso 6:13-17, Yohova univa-idhen’ni ira jiode nibarela?

⁴ Yohova utoniva-a yodhibarelana Satana afunanga ninonga. (Muleri Aefeso 6:13-17.) Mbwenye yobarelelanajo jinodha oda nibarela akala ira i-yo ninowara pama mwaimbo-i na imbo-i mwa jobarelanajo thitho akala ira na-ajiungule.

5. N’nga sithirau laimbarimbari chini, n’nga ninaliware a-vi?

⁵ Sithirau laimbarimbari linoimelela imbarimbari inofwanyeya mu madhu a Nlungu Bibilya. Mwasiwa ngwan’ni ninofwanela liwara? Mwasiwa ngoi Satana ngu “baba onama.” (Juwau 8:44) Liye utomala vyawa mamiliyau manjinji alabanga basa leli lonama “unonami-a atu vailambo yothene yavathi.” (Apok. 12:9) Mbwenye imbarimbari ya Bibilyani, inonikami-a ira liye a-aode ninami-a. N’nga sithirau leli ninaliware a-vi? Ninaliware vofunjedha imbarimbari yoonga vya Yohova molambela liye na rima waimbarimbari thitho nairanga vyongo vyooni-a ira ninalambela liye.—Juwau 4:24; Aef. 4:25; Aeb. 13:18.

6. Chini jinothapulela jobarelana varimani jolongomana, n’nga mwasiwa ngwan’ni ninofwanelela jiwara?

⁶ Yobarelana varimani yolongomana jinoimelela makalelo olongomana a Yohova. N’nga mwasiwa ngwan’ni ninofwanelela jiwara? Ndulimu jobarelana varimani jaanyathropa janooda mvunela nyathropa varimani afunanga kakatiwa na sarasada variamani naamwidani venango lathiwa na mwalango. Saasawa na vyevyo jobarelana varimani jolongomana jinooda nibarela rimi-u venango tundu wenuo uli-iyo wa mwari. Jobarelana jeji kajinorumeli-a ira niode landi-iwa makalelo othakala ailamboi. (Sang. 4:23) Yohova unofuna ira i-yo nimdhiveliwengana thitho nilabelenga liye na rima wethene. (Mat. 22:36, 37) Ngumwasiwa Satana, unodhilimbi-edha ira aode gawa rimi-u ira niodenga dhiveliwanga vyongo vyailambo vinoidanana Yohova. (Tiy. 4:4; 1 Ju. 2:15, 16) Ndhila dhedhi dha-a-indenga basa, liye unodhilimbi-edha niluluvi-a ira niode a-rela ndhila yo-ovwelana na yamakalelo olongomana a Yohova.

7. N’nga ninaware a-vi jobarelana varimani jolongomana?

⁷ I-yo ninowara jobarelana varima jolongoma narumela ira makalelo olongomana a Yohova oonga vyongo vyothakala na vyapama, thitho naa-arelanga makundwao. (Sal. 97:10) Atu enango anoona ira makalelo olongomana a Yohova, kanoniva-a ufulu. Mbwenye namalaba wa Yohova uno-iyachi a-rela makundo a Bibilyani vaingumiyee, unokala ninga nyathropa unoungula jobarelana varimani vaari vanowana aliwa khondo thuulelanga ira jobarelana varimanijo jinomnyemela. Irana vyevyo, nakala a-kaana zelu. Mutu unodhiveliwana Yohova kanoona ira “malamulwee mbonyemela.”—1 Ju. 5:3.

8. N’nga manyalo owara xango okozeya vofuna lalela milanyu yapama anothapulelan’ni?

⁸ Paulo thitho atonilimbi-a ira manyalwi-u akalengave owarene xango dhofuna limbana volaleela milanyu yapama yarendele. Mwamadhu enango nionge ira ninofwanela hora iliyothene kala okozeene volaleela milanyu yapama. Nawandelanga atu enango milanyu yapama ya Bibilyani iroromelo yi-u inooda limba. Pyosangalali-a ona mbumba ya Yohova yavailambo yothene yavathi ira inooda sakasaka hora yofuna laleela milanyu yapama, basani, xikolani, mamburo oguli-iwa vyongo, volaleela nyumba na nyumba, hora inogula aliwa vyongo viwa, tadhowa mawaredhana abaliwa a-ali imbarimbarini, tatapanyangana amwandamaniwa thangani-avo hora ya-anooda aliwa wenda hora injinji ira tamaire vyongo vinango. Naova no-iya laleela ninokala ninga nyathropa unoungula xango vahora yowana khondo. Nyathropa unaira vyevyo liye unooda latheya mo-orucha hora  yowana kondo. Vyo-arelavo viwa liye unooda fwanyiwa naamwidani thitho uno-iyachi a-rela malangi-o akomandatiwa.

9. Mwasiwa ngwan’ni ninofwanelela wara jobarelana jilukulu jairoromelo?

⁹ Yodhibarelana jilukulu jairoromelo inothapulela iroromeloi-u wa Yohova. I-yo ninomroromela Yohova ira unodha kwakwaneli-edha vyotene vilanyedhile liye. Iroromelo yei inonikami-a “timi-a myalango yothene yo-inda ya othakaluo.” Mwasiwa ngwan’ni ninofwalelela wara jobarelana jilukulu? Mwasiwa ngoi aliwa jinooda nivunela nafunanga nami-wa na mafunji-edho aatu opanduwa thitho na hora inokala i-yo nituchiwanga naatu ale anoruni-a vinororomela i-yo. Na-akaena iroromelo kanooda kaana kopolo ira niode limbanana nagumanana vyowesedha, thitho atu enango taniwesedhanga ira niode pwaza makalelo olongomana a Yohova. (1 Pe. 3:15) Hora inokonda i-yo ngari yofwanya basa lapama laodenga niva-anga kobiri dhinjinji na mwasa oi i-yo nitoidhiwa ira basalo lingaodile nonga makalelwi-u auzimu, ninaawara jobarelana jilukulu. (Aeb. 13:5, 6) Thitho hora ili yothene inodhowanave i-yo mlabela Yohova angalive ira ninoruni-wa ninokala nivuneliwanga na jovunelana ji-u yairoromero.—1 Atez. 2:2.

10. N’nga kapaseti waivulumucho chini, n’nga mwasiwa ngwan’ni ninofuneela uwara?

 ¹⁰ Kapaseti waivulumucho chiidedi-edho inoniva-a Yohova. Idedi-edho yoi liye unodha nivulumucha muukwani na thitho unodha ava-a vyoganyali-a atu othene anoira ifuneloyee. (1 Atez. 5:8; 1 Timo. 4:10; Titu 1:1, 2) E-no ninga kapaseti munooda aliwa barela muru wanyathropa, kapaseti waivulumucho unooda barela mathuulelwi-u. Moi a-vi? Idedi-edho inoniva-a Yohova inooda nikali-ave othuulelanga vilanyedhile liye nonikami-a kaana maonelo apama vokaana madile va nyarwa dhinogumana i-yo. N’nga ninaware a-vi kapaseti-u? Ninoviirana vyevyo nakaana mathuulelo apama ninga munothuulela Yohova. Mofwanafwani-a, i-yo idedi-edho yi-u kinokala va fuma yo-ofwanelela mbwenye inokala wa Nlungu.—Sal. 26:2; 104:34; 1 Timo. 6:17.

11. N’nga sarasada lazimu chini, n’nga mwasiwa ngwan’ni ninofwanela li-indi-edha pama basa?

¹¹ Sarasada lazimu mbamadhu a Nlungu a Bibilyani. Sarasada leli litokaana kopolo yooda kondi-a makalelo aliothene onama na yooda nikondi-a na nikumi-a wa makalelo aatu othakala na anofunji-a vyonama. (2 Akor. 10:4, 5; 2 Timo. 3:16, 17; Aeb. 4:12) Ninofunjedha i-ndi-edha pama basa sarasada leli vahora inofunjedha i-yo va o-ekeni Bibilya na moda unofunji-iwa i-yo na gulu la Yohova. (2 Timo. 2:15) I-yavo va-iwa jobarelanana jolimba, n’nga pyobarelana viivi vinango vyakopolo dhinjinji vinoniva-a Yohova?

12. Chini jinofuneela i-yo n’nga mwasiwa ngwan’ni?

¹² Nyathropa oidhiwa pama basalee unoidhiwa ira liye kanooda ganyali ekene anyathropa anjinji amwidanee. Mbwene liye unofuneela kami-wa na anyathropa afwee. Saasawa na vyevyo, i-yo kaninaoda mganyali Satana vambo-i naanama-arelee akala ira ninommwanana okave. I-yo ninofuneela kami-iwa naabali vambo-i naarongoli-u. Ngumwasiwa Yohova utoniva-a ubali wavailambo yothene abali enano ali okozeya hora dhothene ira taode nikami-a.—1 Pe. 2:17.

13. Movwelana na lemba la Aebere 10:24, 25, n’nga migumano inanikami-e a-vi?

¹³ Ndhila inango inokami-wana i-yo mofwanelela kufwanyeyanga vamigumanoni yapingo. (Muleri Aebere 10:24, 25.) I-yo othene ninooda kumudwa hora dhinango. Vyevyo vyaireya migumano inooda weleli-edhamo kopolo dhi-u. Vyowakula vyaabali naarongola vyo-inda rima vinooda nilimbi-a. Myasa ya Bibilyani thangani-avo na vyoireya vinango vinooni-iwa vamigumanoni vinooda nilimbi-a ira nidhowenave mlabela Yohova. Thitho tapanya naabali vambo-i naarongola migumano ya-ana rome na vanduli vamigumano, vinoonda nisangalali-a pama. (1 Atez. 5:14) I-yavo vyevyo, vamigumanoni ninooda kala aimwerumweru vokami-a atu enango. (Mayir. 20:35; Aroma 1:11, 12) Migumano thitho inooda nikami-a mwandhila inango. Aliwa inooda wenjedela dodoliso li-u ninga laleela no funji-a. Mofwanafwani-a, dhela vamigumanoni i-yo ninooda funjedha moda o-indi-edha basa pama kaxa lamafaramento ofunji-ana. Moi e-no muodenda kozeela paama mwadhowanga migumanoni. Vamigumanoni muodenga vuruwana paama. Vanduli vamigumano mu-indi-edhelenga pama basa vifunjile nyo. Mwairanga vyevyo munodha kala “nyathropa wapama wa Yesu.”—2 Timo. 2:3.

14. Chokami-a ivi inango ina-iyo?

¹⁴ I-yo thitho ninokami-wa na mamiliyau manjinji aangelo akopolo. Kathuulelani basa lino-inda ngelo m’mbo-i! (Esaya 37:36) Muone ira n’nga angelo anjinji tibasa livi linaoda aliwa laba mo-iyana na m’mbo-i. Kavali mutu waututu masiki minemba yothakala kinaoda landana na angelo anjinji ninga enala akopolo a Yohova. Atu enango anoongecha ira kavinobala ira amwidani-u anoniidanana mbaangasi,  mbwenye mutu m’mbo-i na Yohova hora ili yothene aliwa mbaanjnji. (Anam. 6:16) Yeyo chiimbarimbaridi! Moi e-no akala ira munoona kala okumudwa va jongo jinango jiuireleni fwinyu waxikolani venango wabasani venango balinyu a-ali muimbarimbarini va vyongo viuireleni aliwa, muthuulelenga ira mbani uli vambo-i na nyo. Muthuulelenga vyoi kamuli mwekene va khondo yen’na. Yohova uli vasogolo vinyu usogolelangani.

15. Movwelanana lemba la Esaya 54:15, 17, mwasiwa ngwan’ni kavali unaode miyali-a mbumba ya Nlungu?

¹⁵ Ilambo inoing’aneliwana satanayi vatokala vyongo vinjinji vyoira jinooda niidananela. I-yo kaninovolowela ndale dhailamboni venango dhowa khondoni. I-yo ninovwei-a dhina la Nlungu ninolaleela ira Umwene wa Nlungu ngunofuna dhadhi-a rendele waatu othene thitho ninovwela makundo amakalelo olongomana. I-yo ninooni-a atu ira namatonga wailamboi ngu namanama nlukulu thitho ngu malimbo upa waatu othene. (Juwau 8:44) I-yo ninolaleya ira mwachineneeva ilambo yotongiwana Satanai inodha nongiwa. Mbwenye Satana naatu anom-ara katinodha oda nimiyali-a. Mo-iyana na vyevo i-yo ninongo dhowanave m’titimi-a Yohova mwamakalelo aliothene anaode i-yo. Masiki ira satana akale wakopolo moi a-vi liye na atwee kanodha miyali-a ira milanyu yaumwene iode afiedha atu availambo yothene yavathi. Vyothene vyevyo vinoodeya na mwasa oi i-yo ninovuneliwa na Yohova.—Muleri Esaya 54:15, 17.

16. N’nga Yohova unodha vulumucha a-vi mbumbee va isauso ilukulu?

¹⁶ Chini jinofuna ireya mo-odimbela? Wari mwaisauso ilukulu, Nlungu unodha nivulumucha modabwi-a mwandhila mbili. Ndhila yoroma, liye unodha vulumucha arumiwee ororomeleya adhairi-a ira anamatonga ailambo tadhimbinuele na nonga Babulo, Nlukulu, utongi nlukulu wenuo unoimelela kala mareligiau onama. (Apok. 17:16-18; 18:2, 4) Moi e-no liye unodha vulumucha mbumbee fendo yanambili, adhanonganga ilambo yo-alela ya satana va khondo ya Armagedo.—Apok. 7:9, 10; 16:14, 16.

17. Mwasiwa ngwan’ni ninofwanela kala vauxamwalini na Yovova?

¹⁷ I-yo nadhowanave m’mwandamela Yohova, Satana kavali jinofuna liye dhaira ira aninonge mwa dhowa no dhowa. Mwaimbarimbari liye ngunofuna dhanongiwa mwa dhowa nodhowa. (Aroma 16:20) Moi e-no chipo kamudhaungule jobarelana jinyu jothene! Kamuwesedhenga wana mwekene. Mukami-enga abalinyu naarongolinyu. Mu-arelenga malangi-o a Yohova. Mwaira e-no, munooda sikimiza ira Babinyu waudhivela wa dhulu unodha ulimbi-ani na uvunelani.—Esaya 41:10.