1-2. Biibilimik atuaq­qis­saar­tar­tup Nalunaajaasun­ngor­nis­saanut kik­kut ikiuus­sin­naap­pat?

AMY Fijimi najugalik ima oqar­poq: “Atuaq­qis­saar­nin­ni ilik­kak­kak­ka nuan­nareqaak­ka. Nalun­ngilara sal­lusuis­sutaasut. Qatan­ngutil­li aatsaat peqatigisalerak­kit pisariaqar­tunik al­lan­nguisaler­punga Nalunaajaasun­ngorlungalu.” Taman­na pingaarutilim­mik ilin­niarfigaar­put: Biibilimik atuaq­qis­saar­tar­toq ilagiin­nit ikior­neqaraangami Nalunaajaasun­ngor­nis­saa ilimanar­nerusar­poq.

² Oqaluus­sisar­tut tamarmik ikiuun­nerisigut atuaq­qis­saar­tar­toq ilagiin­nut akuul­lualersin­naavoq. (Ef 4:16) Leilani Vanuatumi pioneri ima oqar­poq: “Oqar­toqar­tar­poq meeraq perorluas­sap­pat nunaq­qataasut tamarmik ikiuut­tariaqar­tut. Taamatut­taaq ajoqersugan­ngor­toqas­sap­pat ilagiin­niit­tut tamarmik ikiuut­tariaqar­put.” Soorlu meeraq peroriar­tor­nermini ilaqut­taminit, ikin­ngutiminit ilin­niar­titsisuminil­lu ikior­neqar­tariaqar­tar­toq, taamatut­taaq oqaluus­sisar­tut siun­nersuinermik­kut, kajumis­saarisar­nermik­kut maligas­siuil­luar­nermik­kul­lu Biibilimik atuaq­qis­saar­tar­toq Nalunaajaasun­ngor­nis­saanut ikiorsin­naavaat. – Uss 15:22.

3. Anap, Danielip Leilanil­lu oqaasiinit suna paasiviuk?

³ Sooq oqaluus­sisar­tup atuaq­qis­saaqatimi al­lanit ikior­neqar­nera nuan­naarutigisariaqar­paa? Ana Moldovami specialpioneri qanoq oqar­toq maluginiaruk: “Biibilimik atuaq­qis­saar­tar­tup inum­mit ataasiin­narmit ikior­neqarluni siumukar­nis­saa ajor­nakusoor­torujus­suuvoq.” Moldovami specialpioneri al­la Danielimik atilik * ima oqar­poq: “Oqaluus­sisar­tut al­lat atuaq­qis­saaqatigisar­tak­kama  kil­litsis­sutigisaanik uangalu nam­mineq eq­qarsaatiginikuun­ngisaan­nak­kan­nik oqaaseqak­kajut­tar­put.” Leilani al­latut ima tun­ngavilersuivoq: “Atuaq­qis­saaqatigineqar­tup asaneqar­tutut isumas­sor­neqar­tutul­lu misigisup paasisin­naalis­savaa uagut tas­saasugut Jehovap in­nut­tai.” – Joh 13:35.

4. Al­laaserisami matumani suut sam­mis­savagut?

⁴ Im­maqali ima eq­qarsar­putit: ‘Atuaq­qis­saar­tar­toq al­lamit atuaq­qis­saaqatigineqar­tar­pat uanga anersaak­kut qanoq ikiorsin­naagak­ku?’ Atuaq­qis­saar­nermut ilaserineqarut­ta Biibilimil­lu atuaq­qis­saar­tar­toq ataatsimiigiar­taler­pat qanoq iliorsin­naasugut maan­na sam­meriar­tigu. Aam­ma utoq­qaaner­tat atuaq­qis­saar­tar­tup Nalunaajaasun­ngor­nis­saanut qanoq ikiuisin­naanerat paasis­savar­put.

5. Atuaq­qis­saar­nermut ilaserineqaruit susariaqar­pit?

⁵ Atuaq­qis­saar­tar­tup Biibilimik ilisimasaqarlualer­nis­saa atuaq­qis­saaqatigin­nit­tar­tup pingaar­ner­tut akisus­saaf­figaa. Atuaq­qis­saar­nermut ilaserineqaruit tapersersuisus­satut im­minut isigisariaqar­putit. (Oqal 4:9, 10) Atuaq­qis­saar­nermi qanoq tapersersuil­luarsin­naavit?

6. Atuaq­qis­saar­nermut ilaserineqaruit Us­satit 20:18-imi al­las­simasut qanoq maleruarsin­naavigit?

⁶ Piareersarit. Atuaq­qis­saaqatigin­nit­tar­toq aperiuk atuaq­qis­saaqatigisar­tak­kani oqalut­tuarilaarsin­naaneraa. (Ussatit 20:18 atuaruk). Ima aperisin­naavat: “Taan­na qanoq ilisimasaqarfigaajuk? Suna atuaq­qis­saar­tus­saavisiuk? Atuaq­qis­saalerus­si suna paasitik­kusup­piuk? Atuaq­qis­saar­nitsin­ni arlaan­nik eq­qumaf­figisas­saqar­punga? Atuaq­qis­saar­tar­toq siumukar­nis­saanut qanoq kajumis­saarsin­naavara?” Soorunalimi atuaq­qis­saaqatigin­nit­tar­tup atuaq­qis­saaqatimi iser­tuus­sai ingerlateq­qin­navian­ngilai, oqalut­tuarisaali piareersar­nis­san­nut iluaqutigisin­naavatit. Ajoqersuiar­tor­titap Joyimik atil­lip atuaq­qis­saar­nermut ilaserisani tamak­kunin­nga eq­qar­tueqatigisar­pai. Ima oqar­poq: “Paasis­sutis­sat taamaat­tut ilaserisama iluaqutigalugit atuaq­qis­saaqatigisara soqutigin­nin­nermik takutitsivigisin­naaler­tar­paa atuaq­qis­saar­nitsin­nilu qanoq tapersersuil­luarsin­naanini paasisarlugu.”

7. Sooq atuaq­qis­saar­nermut ilaserineqaruit piareersar­tariaqar­pit?

⁷ Atuaq­qis­saar­nis­samut ilaserineqarsimaguit sam­misas­sas­sin­nik piareersarsimanis­sat iluaqutaas­saaq. (Ezra 7:10) Daniel, qatan­ngut angut eq­qaaneqareersoq, ima oqar­poq: “Ilaserisara piareersarsimagaangat qujamasut­tar­punga. Taamaaliorsimagaangamimi tapersersuil­luarsin­naasar­poq.” Tamatuma saniatigut piareersarluarsimanerit atuaq­qis­saaqatigineqar­tup maluginias­san­nguatsiar­paa, maligas­siuis­saatil­lu. Aam­ma atuagas­sasi  sukumiisumik piareersarsin­naasiman­ngik­kaluaruk­kil­luun­niit imarisai pingaar­nerit paasiniarsin­naavatit.

8. Atuaq­qis­saaqatigiin­nermi qinoq­quneqaruit qin­nutivit sun­niuteqarluar­nis­saa qanoq qulak­keersin­naaviuk?

⁸ Qinuneq Biibilimik atuaq­qis­saaqateqar­nermi pingaaruteqar­poq. Taamaat­tumik atuaq­qis­saar­nermi qinoq­quneqas­saguit qanoq oqar­nis­sat eq­qarsaatigereeruk. Taava qin­nutit atuaq­qis­saar­tar­tumut sun­niuteqarluar­nerus­saaq. (Tuss 141:2) Hanaep, ar­nap Japanimi najugal­lip, atuaq­qis­saaqatigin­nitsimi ilagisaata qin­nutaa suli eq­qaamavaa. Hanae ima oqar­poq: “Taas­suma Jehovamut at­taveqarluar­nera maluginiar­para, ilaarusuler­paralu. Aam­ma atik­kut taal­lunga qin­nutiminut ilan­ngum­manga misigivunga asaneqarlunga.”

9. Jaaku 1:9 naaper­torlugu atuaq­qis­saar­nermi qanoq tapersersuil­luarsin­naavit?

⁹ Atuaqqis­saarnermi taper­sersuigit. Nigeriami specialpioneri ar­naq, Omamuyovbi, ima oqar­poq: “Oqaluus­seqataasoq atuaq­qis­saar­nermi malin­naal­luar­toq iluaqutaal­luar­tar­poq. Ajun­ngitsunik oqaaseqar­tar­poq, atuaq­qis­saar­nermili nam­mineq aqutsisuun­ngin­nini nalun­ngin­namiuk oqalup­pal­laar­neq ajor­poq.” Taavami qaquguk­kut qanorlu oqaaseqarsin­naavit? (Uss 25:11) Atuaq­qis­saaqateqar­toq atuaq­qis­saaqatinilu oqaloqatigiik­kaangata tusar­naarluar­tarit. (Jaaku 1:19 atuaruk) Taamaalioruit pif­fis­san­ngor­pat tapersersuisin­naas­saatit. Soorunami naliliisin­naas­suseqar­tariaqar­putit. As­sersuutigalugu oqalup­pal­laarusun­navian­ngilatit, atuaq­qis­saaqateqar­toq nas­suiaasoq akor­nusersor­navian­ngilat sam­misarluun­niit al­lamut saatsin­navian­ngilat. Naatsun­nguamil­li oqaaseqar­nik­kut, as­sersuuteqar­nik­kut apeq­quteqar­nik­kul­lu eq­qar­tor­neqar­tumik erseq­qis­saaqataasin­naavutit. Ilaan­nik­kut misigisarsin­naavutit ilas­sutis­saqar­pal­laar­nak. Atuaq­qis­saar­tar­torli nersualaaruk­ku soqutigin­nin­nermil­lu ersersitsivigalugu anersaak­kut siuariar­tor­nis­saanut ikiungaas­savat.

10. Misigisalik­kersaar­nerit Biibilimik atuaq­qis­saar­tar­tup qanoq iluaqutigisin­naavaa?

¹⁰ Misigisimasatit oqaluttuarikkit. Naleq­qup­pat atuaq­qis­saar­tar­toq oqalut­tuus­sin­naavat qanoq sal­lusuis­sut ilin­niarsimanerlugu, qanoq unam­miniar­nar­toq anigorsimanerlugu imaluun­niit Jehovap qanoq ikiorsimaneraatit. (Tuss 78:4, 7) Imaas­sin­naasoq atuaq­qis­saar­tar­tup taman­nar­piaq pisariaqar­tik­kaa. Im­maqa up­per­nik­kut nakus­satsis­sutigis­savaa Nalunaajaasun­ngor­nis­samul­luun­niit kajumis­sis­sutiginerulerlugu. Aam­ma imaas­sin­naasoq paasigaa misilin­neqar­nini qanoq anigorsin­naal­lugu. (1 Petr 5:9) Gabrielip, Brasiliami najugal­lip maan­nalu pioneriusup, eq­qaamavaa atuaq­qis­saar­taral­larami suna nam­mineq iluaqutigisimal­lugu. Ima oqar­poq: “Paasigak­ku  qatan­ngutit qanoq nalaataqar­tarsimasut paasivarat­taaq Jehovap ajor­nar­torsiutigut tamaasa takusin­naagai. Ajor­nar­torsiutitik anigorsin­naap­patigit uangat­taaq taamaaliorsin­naas­saanga.”

11-12. Sooq atuaq­qis­saar­tar­tut ataatsimiigiar­tut asan­nit­tumik tikil­luaq­qusariaqar­pagut?

¹¹ Biibilimik atuaq­qis­saar­tar­toq Nalunaajaasun­ngus­saguni ataatsimiigiar­taler­tariaqar­poq. (Hebr 10:24, 25) Ilimanar­poq atuaq­qis­saaqatigin­nitsiminit ataatsimiigiaq­qaar­nis­saminut qaaq­quneqarsimas­sasoq. Ataatsimiigiar­pal­lu ataatsimiigiar­tuar­nis­saanut tamat­ta kajumis­sisis­sin­naavar­put. Qanoq taamaaliorsin­naavugut?

¹² Atuaqqis­saartartoq asan­nittumik tikilluaq­qujuk. (Rom 15:7) Atuaq­qis­saar­tar­toq ataatsimiin­ner­nut tikil­luaq­qusaasutut misigitik­kutsigu ataatsimiigiar­tuar­taler­nis­saa ilimanar­nerus­saaq. Peq­qusiileqitin­ngik­kaluarlugu asan­nit­tumik ilas­sioruk al­lanul­lu ilisaritil­lugu. Ilimageqinagu al­lanit isumagineqar­toq, imaas­sin­naavormi atuaq­qis­saaqatigin­nit­tar­toq suli tak­kus­siman­ngitsoq ilagiin­niluun­niit sulias­sanik akisus­saaf­feqar­toq. Atuaq­qis­saaqatigineqar­tar­tup oqaasii tusar­naarluar­tak­kit soqutigin­nin­nermil­lu ersersitsivigisarlugu. Asan­nit­tumik tikil­luaq­qusinerit qanoq sun­niuteqarsin­naava? Dimitrijip ukiualuit matuma sior­na Nalunaajaasun­ngorsimasup maan­nalu ilagiin­ni kif­far­tor­tuusup oqaasii maluginiak­kit. Ataatsimiigiaq­qaar­nini pil­lugu ima oqar­poq: “Naalagaaf­filersaarfiup silataani pis­sangal­lunga utaq­qisunga qatan­ngutit ilaata takugaminga iseqatiseraanga. Iserat­ta tupaal­laatigeqisan­nik amerlasuunit ilas­sior­neqar­punga. Nuan­ninaangaarak­ku ul­lut tamaasa ataatsimiit­toqar­tar­nis­saa kis­saatigigaluar­para. Aatsaavis­suaq taamatut misigisaqar­punga!”

13. Maligas­siuil­luar­nerit atuaq­qis­saar­tar­tumut qanoq sun­niuteqarsin­naava?

¹³ Maligas­siuilluarit. Maligas­siuil­luaruit atuaq­qis­saar­tar­tup qulariun­naarsin­naavaa uagut kristumiuusugut ilumoor­tut. (Matt 5:16) Vitalij Moldovami pioneri ima oqar­poq: “Ilagiin­ni al­lat inooriaasiat, eq­qarsariaasiat pis­susilersoriaasial­lu maluginiar­para. Taman­na pis­sutigalugu qulariun­naar­para Jehovamik Nalunaajaasut up­perisaat eq­qor­tuusoq.

14. Maligas­siuinerit al­lat siumukar­tuar­nis­samin­nut qanoq iluaqutigisin­naavaat?

¹⁴ Atuaq­qis­saar­tar­toq Nalunaajaasun­ngus­saguni Biibilimi ilik­kak­kaminik maleruaasariaqar­poq. Taman­na ajor­naatsuin­naan­ngilaq. Najoq­qutas­sial­li Biibilimiit­tut qanoq iluaqutigineritit takuguniuk ilaarusulersin­naavaatit. (1 Kor 11:1) Hanaep siusin­nerusuk­kut eq­qaaneqar­tup misigisimasaa eq­qarsaatigiuk.  Ima oqar­poq: “Qatan­ngutit atuaq­qis­saar­nin­ni ilik­kak­kat­tut inooriaaseqar­put. Taak­kunan­nga ilik­kar­para qanoq al­lanut qiim­mas­saasin­naal­lunga, isumak­keerfigin­nis­sin­naal­lunga asan­nit­tuliorsin­naal­lungalu. Taak­ku al­lat pil­lugit ajun­ngitsuin­nar­nik eq­qar­tuisar­put. Ilaarusup­pak­ka.“

15. Biibilimik atuaq­qis­saar­tar­tumut tun­ngatil­lugu Us­satit 27:17 qanoq maleruarsin­naavar­put?

¹⁵ Atuaq­qis­saartartoq ikinngutigileruk. Atuaq­qis­saar­tar­toq ataatsimiigiar­talersimasoq soqutigin­nin­nermik ersersitsivigisaruk. (Fil 2:4) Oqaloqatigisaruk. Siumukar­nera maluginiarsimal­lugu oqarfigisin­naavat aam­ma Biibilimik atuaq­qis­saar­tar­nera, ilaqutai sulif­fialu pil­lugit aperisarlugu. Peq­qusiileqis­sutigisin­naasaanil­li apersor­naveersaaruk. Taamaalior­nik­kut ikin­ngutigiin­nerulerus­si atuaq­qis­saar­tar­toq Nalunaajaasun­ngorusun­nerulersin­naavoq. (Ussatit 27:17 atuaruk). Hanae maan­na pioneriuvoq. Ataatsimiigiar­taleq­qaar­nini pil­lugu ima oqalut­tuar­poq: “Ilagiin­ni ikin­ngutitaar­torama qasugaluaraangamaluun­niit ataatsimiigiar­nis­sara qilanaarisaler­para. Ikin­ngutitaama ilagisar­neri nuan­nareqaara, taman­nalu up­perisaqatigin­ngisan­nik ikin­nguteqarun­naar­nis­san­nut iluaqutigaara. Jehovamut qatan­ngutinul­lu qanin­nerulerusuk­kama imermut morsutsin­neqar­niarlunga aalajanger­punga.”

16. Atuaq­qis­saar­tar­toq ilagiin­ni toq­qis­sisimaler­tin­niarlugu qanoq al­latut ikiorsin­naaviuk?

¹⁶ Atuaq­qis­saar­tar­toq anersaak­kut siumukar­til­luni ilagiin­nut ilaasutut misigiler­nias­sam­mat ikioruk, soorlu inoroorsaarfigineratigut. (Hebr 13:2) Denis, Moldovami najugalik, atuaq­qis­saar­taral­larami misigisaminik ima oqalut­tuar­poq: “Nuliaralu qatan­ngutinit arlalin­nit qaaq­quneqar­tar­pugut. Jehovamit qanoq ikior­neqarsimanermin­nik oqalut­tuut­tar­paatigut. Tamak­ku qiim­maal­laatigalugit Jehovamut kif­far­torusun­ner­put qulariun­naar­par­put nalunagu taamaaliorut­ta nuan­nersumik inuuneqarumaarluta.” Atuaq­qis­saar­tar­toq oqaluus­sisar­tun­ngor­pat oqaluus­seqatiserisin­naavat. Diego, Brasiliami najugalik, ima oqar­poq: “Qatan­nguter­pas­suit oqaluus­seqatiserisar­nikuuaan­nga. Oqaluus­seqatigisarak­kit ilisarisimal­lualer­pak­ka ilin­niarfigisalerlugil­lu. Aam­ma Jehova Jiisusilu qanin­neruler­pak­ka.”

17. Utoq­qaaner­tat atuaq­qis­saar­tar­tunik qanoq ikiuisin­naap­pat?

¹⁷ Atuaqqis­saartartut piffis­saqar­figikkit. Utoq­qaaner­taasusi, asan­nil­lusi soqutigin­nin­nermik ersersitsisar­nis­sigut atuaq­qis­saar­tar­tut Nalunaajaasun­ngor­nis­saan­nut ikiorsin­naavasi. Ataatsimiin­ner­ni oqaloqatigisarsin­naavisigit? Atii eq­qaamasin­naagus­sigit,  ingam­mik ataatsimiin­ner­ni akigaangata, misigis­sap­put soqutigineqarlutik. Oqaluus­sisar­tup atuaq­qis­saaqateqar­tup ilaginis­saanut periarfis­sarsiorsin­naavisi? Atuaq­qis­saar­tar­toq ilimagisan­nit an­nerusumik ikiorsin­naavat. Qatan­ngut ar­naq Nigeriami pioneriusoq Jackiemik atilik ima oqalut­tuar­poq: “Atuaq­qis­saaqatigisar­tak­kama ilar­pas­sui tupaal­lat­tar­put paasigaangamik­ku atuaq­qis­saar­nermi ilagisara utoq­qaaner­taasoq. Ilaat ima oqar­poq: ‘Palasi taamaaliorsimanavian­ngilaq! Taas­suma pisuut akiliisin­naasut kisiisa pulaar­tar­pai.’” Atuaq­qis­saar­tar­toq taan­na maan­na ataatsimiigiar­tar­poq.

18. Utoq­qaaner­tat Apustilit Suliaat 20:28 qanoq maleruarsin­naavaat?

¹⁸ Oqaluus­sisartut ilinniartillugillu qiimmas­sartarsigit. Utoq­qaaner­taasusi, pingaarutilim­mik akisus­saaf­feqar­pusi. Oqaluus­sisar­tut suliamin­nik – ilaatigut Biibilimik atuaq­qis­saaqateqar­nermin­nik – ajun­ngin­ner­paamik ingerlatsisin­naaq­qul­lugit ikior­tariaqar­pasi. (Apustilit Suliaat 20:28 atuaruk). Oqaluus­sisar­toq il­lit najuutsil­lutit atuaq­qis­saaqatigiin­nermi aqutsisuunis­saminut it­toor­pal­laar­pat aqutsinis­sat siun­nersuutigisin­naavat. Jackie, eq­qaaneqareersoq, ima oqalut­tuar­poq: “Atuaq­qis­saaqatigisar­tak­kak­ka pil­lugit utoq­qaaner­tat aperikulasar­paan­nga. Atuaq­qis­saaqateqar­nermut tun­ngatil­lugu nalor­nis­suteqaraangama siun­nersuisar­put.” Utoq­qaaner­tat oqaluus­sisar­tunik qiim­mas­saal­lutil­lu kajumis­saaril­luarsin­naap­put. (1 Th 5:11) Jackie ima nangip­poq: “Utoq­qaaner­tat qiim­mas­saagaangata ilungersor­neralu pingaar­til­lugu oqaraangata nuan­naar­tar­punga. Soorlulusooq kias­suup ataani imermik nil­laaris­sumik tunineqarlunga. Taamatut nersualaarigaangata im­minut tatigineruler­tar­punga Biibilimil­lu atuaq­qis­saaqateqar­tar­nera nuan­naarutigineruler­tarlugu.” – Uss 25:25.

19. Nuan­naarutigisatsin­nik tamat­ta susin­naavugut?

¹⁹ Maan­nak­kor­piaq atuaq­qis­saaqateqar­tan­ngik­kaluarut­taluun­niit al­lap atuaq­qis­saaqatigisar­tagaa anersaak­kut siumukaq­qul­lugu ikiorsin­naavar­put. Atuaq­qis­saar­nermut ilaserineqarsimagut­ta oqaaseqar­pal­laan­ngik­kaluarluta piareersarluak­kanik akis­suteqar­nik­kut atuaq­qis­saaqateqar­toq tapersersorsin­naavar­put. Atuaq­qis­saar­tar­tut ataatsimiigiar­tut ikin­ngutigilersin­naavagut, taak­kunun­ngalu maligas­siuisin­naavugut. Aam­ma utoq­qaaner­tat qiim­mas­saasin­naap­put atuaq­qis­saar­tar­tut pif­fis­saqarfigisar­nerisigut oqaluus­sisar­tul­lu ilin­niar­til­lugil­lu nersualaar­tar­nerisigut. Inuit Jehovamut asan­nin­ner­tik tun­ngavigalugu kif­far­tuler­nis­saan­nut an­nikik­kaluamil­luun­niit ikioraangatsigit nuan­naar­tar­pugut.