1-2. Ham-e Elobmîsa ra ǁkhāǁkhāsen khoe-e a hui ǁkhā i i ǁāǁnâs kōse sī?

AMYS hîna Fiji ǃhūb ǃnâ ra hâs ge ra mî. “Tita ge Elobmîsa xu ta gere ǁkhāǁkhāsen xūna kaise ge ǀnam i. ǂAn ta ge ge i amab a ǃkhaisa. Xawe ta ge ǃgâsan ǀkha hâǀhao tsoatsoa o. O ǀgui ta ge ǂhâbasa ǀkharaǀkharana ge dī. Tsî ǁāǁnâs kōse ge sī.” Amys di aiǁgaus ge ǂhâǂhâsa xū-e ra ǁkhāǁkhā da. Elobmîsa ra ǁkhāǁkhāsen khoe-i ge ǃnāsase ǀkharaǀkharana nî dī. ǀHaohâb ǃnâ hâ ǃgâsan ga ǁîna a huiǃnâ o.

² Hoa ǃgâsan ge ǀasa khoen hîna ra sīna a hui ǁkhā. În ǀhaohâb di ǃâ kai. (Efe. 4:16) Vanuatus ǃnâ ra hâ aimâba-aos, Leilanis ge nēti ra mî. “Khoen ge ra mî hoaraga ǃās ǀgôa-e kaikais ǀkha ra huisa. Tsî ta ge tita tsîna ra ǂâi ǁnās a amasa. ǁKhāǁkhāsabe dī da ga ra o. ǃNāsase i ge hoaraga ǀhaohâba ra ū. Khoe-e amab ǃnâ ǀkhī-ūsa.” Omaris ǁanin, ǀhōsan tsî ǁgauǃnâ-aon hoan ge ǃâ-e ra ǀhuru. Tsî nē ǀgôa-e ra kaikai. ǁÎn ge ǀgôa-e ǂkhâǃnâ tsî ǂhâǂhâsa xūna ra ǁkhāǁkhā. ǁKhā ǀgaub ǃnân ge ǀhaohâb ǃnâ hân tsîna. Elobmîsa ra ǁkhāǁkhāsen khoe-e ǀapemā tsî a ǂkhâǃnâ ǁkhā. Tsî ǃgâi aiǁgausa a ǁgau ǁkhā. În ǁāǁnâs kōse sī.—ǂKhm. 15:22.

3. Tae-e du Anas, Dorini tsî Leilanis ge mî xū-e xu ra ǁkhāǁkhāsen?

³ Mati io i Elobmîsa ra ǁkhāǁkhā khoe-e. ǁKhāǁkhāsen ra khoe-i ga hui-e o nî ǂkhî? Moldovas ǃnâ ra hâ ǀō-aisa aimâba-aos, Anas tae-e ra mîsa kō re, “Kaise i ge a ǃgom. ǀGui khoe-e Elobmîsa ra ǁkhāǁkhāsen khoe-e huisa. I i ǂhâ i hâ xūn hoana hō tsî aiǃgû.” Dorin di ǀon hâ ǀō-aisa aimâba aob. Hîna ǁnā ǃhūb ǃnâ ra hâb ge ra mî, “ǀNî ǁaegu ain ge nau ǃgâsana. ǁKhāǁkhāsen ra khoe-i di ǂgaoba nî tsâǀkhā xūna ra mî. Tita ga ǀnîsi mî tama hâna.” Leilanis ge ǀgui ǃaromasa  ra mî, “ǁKhāǁkhāsen ra khoe-i ra hō ǀnammi. Tsî i ra hâ-ūhe ǀgaub ge nî ǁgau. Sida a Jehovab di khoesa.”—Jhn. 13:35.

4. Tae-e da nē ǁkhāǁkhāǃâs ǃnâ nî ǃhoaǃgao?

⁴ Xawe du ge ǀnîsi a dîsen ǁkhā. ‘Mati ta tita Elobmîsa ra ǁkhāǁkhāsen khoe-e a hui ǁkhā. ǁÎ i ǀkha ta ǁkhāǁkhāsen tama hâ hîna?’ ǀKhī re î da kō Elobmîs ǁkhāǁkhās tawa da ga ǁkhauhe o da tae-e nî dīsa. Tsî tae-e da nî dīsa Elobmîsa ra ǁkhāǁkhāsen khoe-i ga ǀhaode ǃoa a ǀkhī tsoatsoa o. Tsî da ge nî mû mati gu ǀhaohâb ǃûi-aoga Elobmîsa ra ǁkhāǁkhāsen khoe-e a hui ǁkhāsa. I i ǁāǁnâs kōse sī.

5. Mâ ǃâba du ra ǀhuru Elobmîs ǁkhāǁkhāsa ǃoa du ga ǁkhauhe o?

⁵ Elobmîsa ra ǁkhāǁkhā khoe-i di ǃereams ge i i ǁnā khoe-e ǃgâise ǁkhāǁkhā i i ǁnâuǃā. ǁKhauhe du ga o, o du ge ǁnapa hui-aose ǀgui hâ. (Aoǁn. 4:9, 10) Xawe mati du a hui ǁkhā?

6. Elobmîs ǁkhāǁkhāsa ǃoa du ga ǁkhauhe o, o du ǂKhoamîdi 20:18 ǃnâ hâ mîde mati nî sîsen-ū?

⁶ Aiǂhomisen re. ǂGurose Elobmîsa ra ǁkhāǁkhā khoe-e ǂgan re i i ǂkhari xū-e ǁnā khoe-i xa mîba du. (Khomai re ǂKhoamîdi 20:18 sa.) Nēti du ge a dî ǁkhā: “Mâ ǃôa khaoǃhūba ūhâ khoe-e ǁnā-e? Mâ ǁkhāǁkhāǃâs tawa du hâ nē a o? Tae-e du ra ǂhâba nē khoe-i Elobmîsa xu nî ǁkhāǁkhāsensa? Mati ta nē khoe-e a ǂkhâǃnâ ǁkhā i i aiǃgû?” Xawe ǁkhāǁkhā-ao i ge sadu ǂan tide xū-e mîba du tide. Xawe ǁî-i sadu ǀkha ra ǀgoragu i ge a hui du ǁkhā. Joy di ǀon hâ sîsabes ge ǁkhaus ta khoen ǀkha nē xūna ra ǃhoa. ǁÎs ge ra mî: “ǁKhau ta hâ khoe-i ǀkha ta ga nē xūna ǁgam o. O i ge ǁî-e a ǂan tae-e i ǁkhāǁkhās tawa nî mîsa. Tsî i ge ǁkhāǁkhāsen ra khoe-e ǂkharirose ra ǂan ro.”

7. Sadu hîna ra sao du tsîna tae-i ǃaroma Elobmîs ǁkhāǁkhās ǃgao nî aiǂhomisen?

⁷ Elobmîs ǁkhāǁkhāsa ǃoa du ga ǁkhauhe o, o du ge ǃhoaǃgaohe nî ǃâba nî aiǂhomi. (Esr. 7:10) Dorini ge ra mî: “Kaise ta ge a ǃgâibahe ǁkhau da hâ khoe-i ga aiǂhomisen o. O i ge ǁî-e omkhâi ra xūna ra ǃhoa.” O i ge ǁkhāǁkhāsen ra khoe-e nî mû. Aiǂhomisen du hâsa. Tsî sadu aiǁgausa nî sao. ǃAmkuse aiǂhomisens di ǁae-e du ga ūhâ tama io. O mâǂoa ra ǂâide kō re.

8. Tae-e du nî dī î du Elobmîs ǁkhāǁkhās tawa ǃamkuse ǀgore?

⁸ ǀGores ge kaise ǂhâǂhâsa ǃâba ra ǀhuru Elobmîs ǁkhāǁkhās tawa. ǁNā amaga du ge ǀnai nî ǂâiǃgâ tae du nî mîsa ǀgore kaihe du ga o. O du ge ǁnā ǁaeb ai ǃamkuse nî ǀgore. (Psa. 141:2) Hanaes hîna Japani ǃnâ ra hâs ge nēsis kōse ra ǂâi hō. ǁÎsa gere ǁkhāǁkhā  ǃgâsas ǀkha gere sī ǃgâsas gere ǀgore ǀgausa. ǁÎs ge ra mî: “Jehovabas kaise a ǀnamsa ta ge gere mû. Tsî ta ge ǁîs khami gere ī ǂgao. Ti ǀonsas ge ǀgoredi ǃnâ gere ǂgai. Amaga da ge ge ǂan i ǀnam tes a ǃkhaisa.”

9. Jakobub 1:19 ǃoagu i Elobmîs ǁkhāǁkhāsa ǃoa ra sao ǃgâsa-e tae-e a dī ǁkhā i nau ǃgâsa-e ǂkhâǃnâ?

⁹ ǁKhāǁkhā ra khoe-e ǂkhâǃnâ re. “Huixa ǃnâ sao-ao i ge nau khoe-i ra ǁkhāǁkhāhe hîna ǃgâise ra ǃgâ.” Omamuyovbi ti ǀon hâ ǀō-aisa aimâba-ao ǃgâsas hîna Nigeriab ǃnâ ra hâs ge ra mî. “ǁNā sao-ao i ge ǃgâi xūna ra mî ǁkhāǁkhās tawa. Xawe i ge kaise ǃhoa tama hâ. ǂAn ǃgâ i ra amaga, nau ǃgâsa i ra khoe-e ǁkhāǁkhāsa.” O mâ ǁaeb aits xū-e a mî ǁkhā tsî tae-ets nî mîsa? (ǂKhm. 25:11) ǃAmkuse ǃgâ re, ǃgâsa i ra nau khoe-e ǁkhāǁkhā ǁaeb ai. (Khomai re Jakobub 1:19 sa.) O du ge ǂkhâǃnâsa ǂhâbasa i a ǃkhais ai a mā ǁkhā. Tsî amase ǃhoa da nîs aiǃgâ da ge nî ǂâis ge. Aiǁgause ǁkhāǁkhā ra khoe-i ra ǃhoa hîna, da ge ǃhoa ǂgao tama hâ. Tamas ka io ǁkhāǁkhā-ao i nau khoe-e ra xūna ǁguiǃāba hînas tsîna ǃhoa ǂgao tama. Tsî ǀnî hâ danaǂam i xas tsîna ǃhoa ǂgao tama hâ. ǃNubu ǃereamdi, aiǁgaudi tsî dîdi ge ra hui. I i ǁkhāǁkhāhe ra xū-e mâ ǂoa ǁkhā. Ama as ge ǀnî ǁaegu ai da ra tsâsa ǁkhāǁkhās tawa da xū-e a ǀaro ǁoasa. Tamas ka io a mî ǁoasa. Xawets ga ǁkhāǁkhāhe ra khoe-e ǂkhâǃnâ tsî ǃgâi mîna mîba o. Tsî khoe-i ǃnâ ǃgâiǃgâibasensa ga ra ūhâ o. Ots ge ra ǁgau ǀnamats ūhâsa tsî i ge ǁnā khoe-i tsîna ǃgâise a aiǃgû ǁkhā.

10. Matis sadu di ǂansa Elobmîsa ra ǁkhāǁkhāsen khoe-e a hui ǁkhā?

¹⁰ Sadu ǂansa ǀgoragu re. Ī ǁkhā i ga o, ǁkhāǁkhāhe ra khoe-e mîba re. Mati du ge amaba a hōsa. Tsî mati du ge ǃgomsina a mâǃkharusa. Tsî matib ge Jehovaba, nē xūn hoan ǃnâ a hui du ǀgaus tsîna. (Psa. 78:4, 7) ǁKhāǁkhāsen-ao i ge ǀnîsi ǁnā du go mî xū-i, ǀgui-e go ǂhâ hâ i. ǀNîsi i ge nē du go mî xūna, ǁî-i di ǂgomsa ǀgaiǀgai. Tsî a aiǃgû kai ǁkhā, i i ǁāǁnâs kōse sī. Tsî i ge ǁî-e a hui ǁkhā, i i nēn ra hōǃâ ǃgomsina mâǃkharu. (1Pet. 5:9) Gabrieli hîna Brazili ǃnâ ra hâb tsî aimâba-aose ra ǃoabab ge ra ǂâiho. Tae-i ge hui bisa Elobmîsab gere ǁkhāǁkhāsen ǁaeb ai. ǁÎb ge ra mî: “ǃGâsagu di ǃgomsina ta ge ǁnâu o. O ta ge ge mû Jehovab sida di ǃgomsina ra mû ǃkhaisa. Tsî ǁîgu ga ǃgomsina mâǃkharu ǁkhā o. O ta ge tita tsîna a mâǃkharu ǁkhā.”

11-12. Tae-i ǃaroma da Elobmîsa ra ǁkhāǁkhāsen khoe-e harase ǀhaodi tawa nî ǃkhōǃoa?

¹¹ ǁKhāǁkhāsen ra khoe-e ǁāǁnâs kōse sīs, ǃaroma i ge ǁnā khoe-e ǀhaode nî hâǃnâ.  Tsî ǁîde xu ǃgâi xūna nî ǁkhāǁkhāsen. (Heb. 10:24, 25) Tsî ǁkhāǁkhā ra ǃgâsa-i ge ǁî-e ra ǁkhau. ǂGuro ǀhaos ǁî-i disa ǃoa. Tsî i ga ǁî-e ǀhaosa ǃoa ga ra ǀkhī o. O da ge hoada ǁî-e nî ǂkhâǃnâ. I i hoaǁae ǀhaode ǃoa ǀkhī. Xawe mâ ǀgaugu ǃnâ da ǁnāsa a dī ǁkhā?

¹² Harase ǁkhāǁkhāsen ra khoe-e ǁkhoreǁhare re. (Rom. 15:7) ǁKhāǁkhāsen ra khoe-i ga ǀhaodi tawa ǀkhī. Tsî harase ǃgâsan xa tsâ kaihe o. O i ge ǁnā khoe-e nî ǃgâibahe ǀhaode ǃoa hāsa. ǁKhāǁkhāsen ra khoe-e ǃgâi tamase tsâ kai tama i. Tsî da ge ǁî-e ra tawede. Tsî nau ǃgâsana ǃoas tsîna ra ī ū. În ǁîn tsîna ǁkhoreǁhare nî. Tā ǂâi re, ǁnā khoe-i hoaǁae nî kōǃgâhesa. ǀNîsi i ge ǁkhāǁkhā ra khoe-e ǃâroga ūhâ. ǁÎ-i ǀhaos tawa nî dī-e. ǃGâise ǃgâ re, ǁkhāǁkhāhe ra khoe-i ra mî xū-e. Tsî ǁî-i ǃnâ ǃgâiǃgâibasensa ūhâ re. Matis harase ǁkhāǁkhāhe ra khoe-e ǃkhōǃoasa ǁî-e a hui ǁkhā? Dmitrii ti ǀon hâ ǃgâsab di aiǁgausa kō re. Hîna ge kurina ǃkharu tsî a ǁāǁnâheba. Tsî nēsisa ǀhaohâb hui-aob ase ra ǃoababa. ǂGuro ǀhaos hînab ge hâǃnâsab ge ra ǂâi oa. Tsîb ge ra mî: “ǀGui ǃgâsab ge Sali ǃgauga ta mâ hîna mû te. Tsî Sali ǃnâ ge ǂgâ ū te. ǂGui ǃgâsan ge tita tawa ge ǀkhī tsî ge tawede te. Kaise ta ge ge buru hâ i. ǁNātikōse ta ge ge ǃgâibahe i. Tsî ta ge gere ǂhâba, is mâ tsēs hoasa wekheb ǃnâ ǀhaosa ūhâ-e. Nēti i xū-e ta ge tātsē. Ti ûib ǃnâ ge hōǃâ tama hâ i.”

13. Matis sa ǃgâi aiǁgausa Elobmîsa ra ǁkhāǁkhāsen khoe-e a hui ǃnâ ǁkhā?

¹³ ǃGâi aiǁgaus ase i re. Sadu di ǃgâi tanisen ǀgaub ge, Elobmîsa ra ǁkhāǁkhāsen khoe-e a hui ǁkhā. În mûǂan sida a ama Xristeǁîsa. (Mat. 5:16) Vitaliib hîna aimâba-aose Moldovab ǃnâ ra ǃoabab ge ra mî: “ǁKhāǁkhāsen ta ge ge ǁnān hîna ǀhaohâb ǃnâ hân ra hâ ǀgaub. Tsî ǂâi, tamas ka io tanisen ǀgauba. Nēs ge ge ama ǁgauǁgau i. Jehovab di ǃoaba-aon, Elob ǀkha ra sîsen ǀgaosa.”

14. Matis sa aiǁgausa nau khoe-e a hui ǁkhā, i i aiǃgû?

¹⁴ Elobmîsa ra ǁkhāǁkhāsen khoe-e ǁāǁnâhes. ǃAroma i ge ǁkhāǁkhāsen, i ra xū-e ǁî-i di ûib ǃnâ nî sîsenū. Tsî nēs ge hoaǁae supu tama hâ. Xawe i ga Elobmîsa ra ǁkhāǁkhāsen khoe-e ga ra mû o. Mati du sado Elobmîs ǃnâ hâ daoǁgaude ra saosa. O i ge ǁî-i tsîna sadu di ǃgâi aiǁgausa a sao ǁkhā. (1Kor. 11:1) Hanae ti ǀon hâ ǃgâsas ǀnai da go mî hâ is ge ra ǀaro. ǁÎs ge ǀaro tsî ra mî: “ǃGâsagu tsî ǃgasadi ge ge ûitsama aiǁgau-i. ǁKhāǁkhāsen ta gere xūn xa. Mû ta ge ge mati ta tita tsîna ǂkhâǃnâxa. ǀÛbaxa tsî ǀnamma a ǁgau ǁkhāsa. ǁÎn ge hoaǁaegu ai ǃgâi xūna nau khoen xa gere ǃhoa. Tsî ta ge ǁîna gere ǁgaeǂgao.”

15. Matis ǂKhoamîdi 27:17 sa ra huida î da ǀhōsana kuru, ǁnān hîna Elobmîsa ra ǁkhāǁkhāsenan ǀkha?

 ¹⁵ Elobmîsa ra ǁkhāǁkhāsen khoe-i ǀkha ǀhōsagusa kuru re. ǁKhāǁkhāsen ra khoe-i ga ǀhaode ga ra hâǃnâ o. ǃGâiǃgâibasensa ǁî-i ǃnâ ūhâ re. (Fil. 2:4) ǀNîsi du ge ǁî-i ǀkha ǂangusa a kuru ǁkhā. Xawe da ge ǁî-i di ûib ǃnâ, ǃkhamse ǂgâǂgao tama hâ. Tsî da ge ǁnās ǀkhā ǁî-i tsîna ra koa ǂgao. ǁÎn ra dī ǃgâi ǀkharaǀkharan ǃaroma. Tsîda ge aiǁgause ǁîn di ûib, sîsen-i. Tsî matis Elobmîs ǁkhāǁkhāsa is, tsîna a dî nî ǁkhā. Nēti dîdi ge sadu tsî ǁî-i, tsîna kaise ǀgūse a ūhâ ǁkhā. ǁÎ-i ǀkha da ga ǀhōsagu o. O da ge ǁî-e ra hui. I i ǁāǁnâs kōse sī. (Khomai re ǂKhoamîdi 27:17 sa.) Hanaes ge nēsisa ǁnaetisa aimâba-aose ra ǃoaba. ǁÎs ge ra ǂâiho ǂguro ǃnās hînas ge ǀhaode hâǃnâsa. Tsîs ge ra mî: “ǀHaohâb tawa ta ge ǀhōsana gere kuru o. O ta ge saora ǀhaosa ǃoa gere mûǂui. Tsî ta ge ǁnā ǀhaode gere hâǃnâ. Tsau ta gere xawes tsîna. Ti ǀasa ǀhōsan ǀkha hâs, xa ta ge kaise ge ǃgâibahe i. Tsî nēs ge ge ǃaroma i ta. Jehovaba ǃoaba tama ǀhōsana xū hâbe. Tita ge Jehovab ǀgūse gere sī ǂgao. Tsî ti ǃgâsan ǀgūses tsîna. Tsî ta ge ge mîǁgui. I ta ǁāǁnâ kaisen.”

16. Tae-i tsîna du a dī ǁkhā, i Elobmîsa ra ǁkhāǁkhāsen khoe-e ǀhaodi tawa ǂkhîse tsâ?

¹⁶ Nē Elobmîs ǁkhāǁkhāsen ao-i ra aiǃgû hîna. ǁÎ-e hui re, i i ǀhaohâb di ǃâ-i ase tsâsen. Nēsa du ge ǃamku ǀgaub ǃnâ nî dī. (Heb. 13:2) Denisi hîna Moldovab ǃnâ ra hâb ge Elobmîsab gere ǁkhāǁkhāsen ǁaeb xa nēti ra mî: “ǂGui ǃnāde i ge tita tsî ti kaikhoes tsîna. ǃGâsan xa ge ǁgauhe hâ i, im ǁîna sari. ǁÎn ge sima ge mîba. Matib ge Jehovaba ǁîna a huisa. ǁNās ge sima kaise ge ǂkhâǃnâ. Nēti ǁaerogu ge ge ǂkhâǃnâ mi. Im sim tsîna mîǁgui tsî Jehovaba ǃoaba. Sim ge ge mû ǃgâi ûibam nî hōsa.” Elobmîsa ra ǁkhāǁkhāsen khoe-i ga aoǁnâ-ao kai o. O du ge ǁî-i tsîna a ǁkhau ǁkhā. I i aoǁnâ sîsen i ǃnâ sadu ǀkha sîsen. Brazili ǃnâ ra hâ ǃgâsab Diegob ge nēti ra mî: “ǂGui ǃgâsan ge ra ǁkhau te i ta. ǁÎn ǀkhā ǀguiba aoǁnâ sîsen-i ǃnâ sîsen. Tsî nēb ge a ǃgâi ǀgau ǁîn ǀkha ǂangusa kurusa. ǁNāsa ta gere dīse ta ge ǂgui xūna ge ǁkhāǁkhāsen. Tsî Jehovab tsî Jesub ǀgūse ge hâ ǁkhā i.”

17. Mati gu ǀhaohâb ǃûi-aoga Elobmîsa ra ǁkhāǁkhāsen khoe-e a hui ǁkhā?

¹⁷ Elobmîsa ra ǁkhāǁkhāsen khoena ǁaeba ūhâba re. ǀHaohâb ǃûi-aob ga ǃgâiǃgaibasensa Elobmîsa ra ǁkhāǁkhāsen khoe-i ǃnâ ūhâ o. O gu ge ǁîga ra hui, i i khoe-e ǁāǁnâs kōse sī ǁkhā. Elobmîsa ra ǁkhāǁkhāsen khoen, ǀkhā ǀhaodi tawa ǃhoa i du nî? ǁÎ-i ge nî mû ǃgâiǃgâibasensa du ūhâsa. ǁÎ-i di ǀonsa du ga ǂâiho o. ǃNāsase ǁî-i ra ǀhaos tawa ǃeream  ǁaeb ai. ǁAeba du a ǁamaǂui ǁkhā. I du nau ǃgâsa-i ga Elobmîs ǁkhāǁkhāsa dī o sao? ǀNîsi du ge Elobmîsa ra ǁkhāǁkhāsen khoe-e. ǀGaisase nî hui ǁkhāǁkhās tawa du ga hâ o. Sadu ra ǂâis xa. Jackie ti ǀon hâ aimâba-aos hîna Nigeriab ǃnâ ra hâs ge ra mî: “ǂGui Elobmîs ǁkhāǁkhāsen aon ge ra buru. Mûn ga o ǃgâsab hîna go tita ǀkha ǀguiba hâ ib. A ǀhaohâb ǃûi-aosa. ǀGui Elobmîs ǁkhāǁkhāsen ao-i ge ge mî: ‘Ti pastoori ge tātsēs tsîna ǁnā xū-e dī tide. ǁÎb ge ǃkhū hâ khoen ǀguina ra sari. Tamas ka io mari-eb ga māhe o, o ǀgui ra sari.’” ǁNā Elobmîs ǁkhāǁkhāsen ao-i ge nēsisa ǀhaode ra hâǃnâ.

18. Matib ǀhaohâb ǃûi-aoba ǁîb māhe hâ ǃereamsa a dīǀoaǀoa ǁkhā ǃNaeǃkhaidi 20:28 ǃnâ i ra ǂoaxa khami?

¹⁸ ǁKhāǁkhā tsî ǂkhâǃnâ re Elobmîsa ra ǁkhāǁkhā khoe-e. ǀHaohâb ǃûi-aogu ge kaise ǂhâǂhâsa ǃereamsa tani hâ. I gu aoǁnâ-aona hui în, ǃgâi ǀgaub ǃnâ aoǁnâ. Aiǁgause matin Elobmîs ǁkhāǁkhāsa nî dīs ǃnâs tsîna nî hui ǃnâ. (Khomai re ǃNaeǃkhaidi 20:28 sa.) ǀNîsi i ga Elobmîsa nau khoe-e ra ǁkhāǁkhā ǃgâsa-e sats ǂnôa. Hîna Elobmîs ǁkhāǁkhāsa dīho tama io. O du ge a huiǃnâ ǁkhā. Jackie ti ǀon hâ ǃgâsas hîna da go ǀnai mî hâ is ge ra mî: “ǃGâsagu ge hoaǁae ra dî te. Matis ti Elobmîs ǁkhāǁkhāsa ra aiǃgûsa. Elobmîsa ǁkhāǁkhās ǀkhā da ga ǃgomsina hōǃâ o. O gu ge ǁîga ra hui ǃnâde.” ǀHaohâb ǃûi-aogu ge kaise ǂgui xūna a dī ǁkhā. I gu Elobmîsa ra ǁkhāǁkhā khoe-e hui. I i ǃgom ǁaegu ǃnâs tsîna aiǃgû. (1Tes. 5:11) Jackies ge ǀaro tsî ra mî: “Kaise ta ge ra ǃgôaǃgâ ǀhaohâb ǃûi-aogu ra ǂkhâǃnâ te. Tsî mîba tesa dī ta ra sîsen-e gu kaise ra ǃgôaǃgâsa ǃkhaisa. ǁNāti i mîdi ge kaise ra ǀgaiǀgai te. Tsî ǃkhai ǁgammi hîna ta ǀgamsa tsēs ai ra ā i khami ra khoakhoa te. Tsî nēti i mîdi ge ti ǁkhoaǂgaosib tsîna ra ǀgaiǀgai. Tsî ra hui te î da ǂkhîba ti Elobmîs ǁkhāǁkhās tawa ūhâ ǁkhā.”—ǂKhm. 25:25.

19. Mâ ǂkhîba da hoada a hō ǁkhā?

¹⁹ Nēsi da ga Elobmîsa khoe-e ǁkhāǁkhā tama i. Xawe da ge khoe-e a hui ǁkhā i i gagasise ǀgai. Elobmîs ǁkhāǁkhās tawa kaise ǃhoas. Xa da ge aiǂhumi da hâ ǃnubu ǃereamrodi ǀkhā ǁkhāǁkhā ra khoe-e a ǂkhâǃnâ ǁkhā. Tsî ta ge Elobmîsa ra ǁkhāǁkhāsen khoe-i ga ǀhaodi tawa ǀkhī o, ǀhosagusa ǁîn ǀkha a kuru ǁkhā. ǀHaohâb ǃûi-aogu ge Elobmîsa ra ǁkhāǁkhā khoe-e a ǂkhâǃnâ ǁkhā. Tsî a koa ǁkhā ǁîn di ǃgâi xūn ǃaroma. Mati kōse i a ǁkhoaxa ǂgari ǃâroba ǀhurusa khoe-i ûib ǃnâ. I i ǁnā khoe-e aiǃgû tsî Jehovaba ǀoasase ǃoaba tsoatsoa ǁkhā.