1. Matthew 24:9gi ánínígíí haʼátʼíí biniyé nideíníidlíi doo?

JIIHÓVAH éí ayóóʼádaʼííníiʼníi doogo áádóó ayóóʼánihidóʼníi doogo ánihiilaa. Áko háiida nihikʼee diniihgo doo baa hózhóonii átʼé, biniinaada néiildzid łeh. Díí nahalingo Georgina * nihisister léiʼ Europedi bighango ání: “Dı̨́ı̨́ʼ tsʼáadah shinááhai yę́ędą́ą́ʼ Jiihóvah bá naashʼaʼígíí biniinaa shimá shikʼee diniih silı̨́ı̨́ʼ. Éí biniinaa doo shidiʼnídzin da áádóó diné doo yáʼátʼéehii nishłí nisingo áshiilaa.” Brother éí Danylo wolyéhígíí ałdóʼ ání: “Jiihóvah Yá Dahalneʼé nishłínígíí biniinaa siláo nídashineestsʼin dóó dashódziihígíí biniinaa béésésdzííd dóó doo ákweʼé áníshtʼéego áshiilaa.” Ákondi éí Jesus diné danihijoołáa doo dííniid yę́ę bikʼeh áhoonííł.—Matthew 24:9 yíníłtaʼ.

2-3. Haʼátʼíí biniinaa Jesus yikééʼ ndaakaiígíí deijoołá?

² Tʼáá Jesus nahalingo nihookááʼ dineʼé danihijoołá, dóó doo bííʼ daniidlı̨́į da. (John 15:17-19) Azhą́ shı̨́ı̨́ nihokááʼ nahatʼaʼ bił nidahazʼą́ą́góó nihił ílı̨́į ndi, politics doo daʼniitah da. Dah naatʼaʼí doo salute ádeelʼı̨́į da. National anthem ałdóʼ doo bee nídahwiitał da. Tsʼídá Jiihóvah tʼéiyá bichʼįʼ nidahwiidlá, áádóó Bí hooʼáał doogi bikééʼ ndasiidzı̨́. Ndi Séítan dóó baʼáłchíní God tsʼídá doo yídahołníih da. (Gen. 3:1-5, 15) God biNahatʼaʼ tʼéiyá bee ił chohooʼı̨́ dóó nihokááʼgóó hashtʼéii hodoodlíłígíí baa nidahwiilneʼ. Háí shı̨́ı̨́ díí yikʼijįʼ danilínígíí éí íidoołdįįł. (Dan. 2:44; Rev. 19:19-21) Diné tʼáá ákogi ádaatʼéii éí díí  haneʼ baa hózhóonii bá átʼé, ndi doo yáʼádaashxóonii éí doo tsʼíídgóó bá haʼoodzííʼ.—Ps. 37:10, 11.

³ God bikʼeh dahoniilʼínígíí ałdóʼ biniinaa diné nihikʼee dadiniih. Díí tʼáá ákogi éʼétʼé, díí éí ndagaʼ haʼníigi éí God dóó nihokááʼ dineʼé doo aheełtʼéego yaa nitsíkees da. Díí nahalingo diné baaʼihgo naʼageh yee tsiʼdeeskai áádóó ahaa nináldeeh tʼáá Sádam dóó Gomárah átʼé yę́ęgi áhootʼé. (Jude 7) Áko Diyin Bizaad bikʼeh dahoniilʼínígíí biniinaa diné tʼóó nihá nidahałtʼiʼ.—1 Pet. 4:3, 4.

4. Haʼátʼíí éí binahjįʼ danihidziil doo?

⁴ Diné danihijoołáago dóó danihódziihgo haʼátʼíísh binahjįʼ hadaʼííníilníi doo. Jiihóvah tʼáá aaníí nihíká adoolwołígíí éí tʼáá íiyisí deiniidlą́ą doo. Niheʼoodląʼ éí naagé nahalingo “níłchʼi bidaʼiiníziinii binantʼaʼí bideezlaʼ diltłiʼii tʼáá ałtso bitsʼą́ą́ʼ dadínóołtsis.” (Eph. 6:16) Ákondi doo tʼóó oodląʼ tʼéiyá da, ayóóʼóʼóʼní ałdóʼ. Háálá ayóóʼóʼóʼní éí “doo bánáháchįįh da.” Tʼáá ałtsoní haʼahóní yee tʼóó yił átʼé. (1 Cor. 13:4-7, 13) Kʼad éí Jiihóvah, nihibrothers, nihisisters, dóó nihiʼanaʼí ayóóʼádeíníiʼníigo akʼee adiniih bichʼįʼ hadaʼííníilní.

5. Jesus Bizhéʼé ayóóʼáyóʼnínígíí biniinaa haash yitʼéego bidziilgo ábiilaa?

⁵ Yiską́ągo Jesus beʼanaʼí dabiʼniiłhı̨́įgo, bikééʼ ndaakaiígíí kóyidííniid: “Tʼáá aTaaʼ áshidííniidígi átʼéego ááshnííł” éí “aTaaʼ ayóóʼóóshʼníigo” biniinaa. (John 14:31) Jesus yéigo tiʼhooʼnííhígíí éí Jiihóvah ayóóʼáyóʼnínígíí biniinaa yichʼįʼ haʼólníí ńtʼééʼ. Jiihóvah ayóóʼádeíníiʼníigo nihí ałdóʼ tʼáá ákótʼéego nihíká adoolwoł.

6. Romans 5:3-5gi éí Jiihóvah bá ndaalʼaʼígíí haʼátʼíí yinahjįʼ hadaʼólní ní?

⁶ Jiihóvah bá ndaalʼaʼii ayóóʼádabóʼnínígíí yinahjįʼ hadaʼólní. Díí nahalingo, Jew dineʼé aláahdi ándahwiiʼaahii éí daalʼaadii tʼáadoo nidahołneʼé dayidííniid. Ákondi God ayóóʼádeiyóʼnínígíí binahjįʼ diné biláahgo “Diyin God tsʼídá bikʼeh dahoníilʼı̨́į dooleeł” dadííniid. (Acts 5:29; 1 John 5:3) Dííshjı̨́įdi tʼáá ákótʼéego nihibrothers atídabiʼdilʼı̨́ı̨́ ndi, God ayóóʼádayóʼnínígíí binahjįʼ dabidziil. Diné nihikʼee dadiniih ndi tʼáá nihił dahózhǫ́.—Acts 5:41; Romans 5:3-5 yíníłtaʼ.

7. Tʼáá nihighan hazʼą́ą́dóó nihitsʼą́ą́jí daaleehgo haash dadiiʼnííł?

⁷ Łahda aláahdi bee nihíhoʼdínóotahígíí éí tʼáá nihighan hazʼą́ą́dóo łeh. Jiihóvah baa ídahwiilʼaahgo łaʼ ádanihiłníi łeh, éí yóó adanihidínóoʼahgo ádíní. Łaʼ éí tsizhʼdeeyáá lá dah danihóʼníi łeh. (Compare Mark 3:21.) Biniinaada nihichʼįʼ nidahwiiłnáa doo. Jesus ání “diné tʼáá hó haʼáłchíní łaʼ hweʼanaʼí danilı̨́į doo.” (Matt. 10:36) Azhą́ shı̨́ı̨́ kótʼéego nihaa nitsídaahkees ndi, doo deijiniidláa da. Jiihóvah ayóóʼádeíníiʼnínígi átʼéego diné ayóóʼádeíníiʼní. (Matt. 22:37-39) Diyin Bizaad bikʼehgo dahiniiʼnánígíí éí doo náánáłaʼ diné biniinaa neʼ kódadiiníił da.

8-9. Sister łaʼ bitsʼą́ą́jí ádlı̨́į ndi, haʼátʼíílá bíká eelwod?

⁸ Shą́ą́ʼ Georgina éí bimá bikʼijįʼ silı̨́ı̨́ʼ ndi beʼoodląʼ tʼáadoo neʼ kóyiilaa da. Éí kóní: “Shimá dóó shí, Jiihóvah baa íhwiilʼaahgo hastą́ą́ nídeizidjįʼ ahoolzhiizh, áádóó áłah náʼádleehgóó ałnánáshdáah doo niizı̨́ı̨́ʼ ńtʼééʼ shimá shikʼijįʼ silı̨́ı̨́ʼ. Apostates binaaltsoos yółtaʼ lágo baa  ákoniizı̨́ı̨́ʼ, éí tʼáá ádzaago dahalneʼígíí shikʼijįʼ choyoołʼı̨́ı̨́ ńtʼééʼ. Áko shá nahałtʼiʼgo shitsiiʼ náyiijih, shizágída néeyiiłtsoʼgo yaa nídiidzá, áádóó shinaaltsoos yę́ę ałtso chʼíyiiskaad. Ashdlaʼ tsʼáadah shinááhaigo baptize áshiʼdiilyaa. Éí biniinaa shimá nooséłí azeeʼ bee tsiʼnaʼadá, dóó doo tsʼíí ádaatʼįįłii bá hazʼą́ą́góó ashííłʼaʼ. Tʼáá háiida ayóóʼáhóʼníi doo, dóó haa áhályą́ą dooleeł yę́ę hatsʼą́ą́jí yileehgo bichʼįʼ haʼjólníi dooleełgi ayóó nantłʼa.”

⁹ Georgina éí haʼátʼíí yinahjįʼ haʼólníí ńtʼééʼ? Ájíní: “Shimá shikʼijįʼ silı̨́ı̨́ʼ bijı̨́, Diyin Bizaad áníídí yeeʼ ałtso yíłtaʼgo éí tʼáá aaníinii bikʼi níyáago shił bééhoozin. Áko Jiihóvah áhą́dígo bił nishłı̨́įgo áshiilaa. Tʼáá áłahíjįʼ bichʼįʼ sodiszingo shíistsʼą́ą́ʼ. Tʼahdii nooséłí bá hooghangi sédáago sister łaʼ bighangóó niitʼáazhgo Diyin Bizaad haitʼéego tʼáá nihí siidzínígi nihíká adoolwołígíí biniyé nisiilkááʼ. Ákweʼé nahalzhiishgo Kingdom Halldóó brothers dóó sisters tʼáá bí dabighandóó naashá nahalingo yéigo shíká ííjééʼ. Díí éí baa ákoniizı̨́ı̨́ʼ, Jiihóvah éí nihitsʼą́ą́jí danilíinii yiláahgo ayóó ábóodziil.”

10. Haash yitʼéego Jiihóvah badaʼííníidlíi doo?

¹⁰ Yilʼaadii Paul éí “Diyin God yee ayóóʼánihóʼníinii” éí tʼáá haʼátʼíhída “yitsʼánihidooniłgi doo yídaneelʼą́ą da” níí lá. (Rom. 8:38, 39) Azhą́ shı̨́ı̨́ nihichʼįʼ nahwiiʼnáago hodinaah ndi, Jiihóvah éí tʼáá áłahíjįʼ nihaa áhályą́ dóó nihidziilgo ánihósin. Áádóó tʼáá Georgina yíká eelwodígi átʼéego nihibrothers dóó nihisisters yinahjįʼ nihíká análwoʼ doo.

11. John 15:12, 13gi Jesus bídahoołʼaahii haitʼéego yíká eelwod? Łaʼ baa chʼíhoníʼaah.

¹¹ Yiską́ągo Jesus ádin dooleełgo éí bídahoołʼaahii ayóóʼádaʼahíínóhʼníi doo yidííniid. (John 15:12, 13 yíníłtaʼ.) Éí bikʼee dazhdiniih ndi, ayóóʼóʼóʼniʼ yee hadaʼólníi dooígíí éí Jesus bił bééhózin. Thesalonáíkadi áłah nídaadleehígíí łaʼ baa nídadíitʼįįł. Tʼóó congregation ályaaígo éí yéigo atídabiʼdilʼı̨́ı̨́ ńtʼééʼ. Ndi ákweʼé brothers dóó sisters danilínígíí bedaʼoodląʼ dóó beʼayóóʼádaʼóoʼniʼ binahjįʼ hadaʼólníi ńtʼééʼ. (1 Thess. 1:3, 6, 7) Paul éí nihee ayóóʼóʼóoʼniʼ bee “tʼah náábíláhídi ádaahtʼı̨́į doogo baa nídanihiikąąh”  yidííniid. (1 Thess. 4:9, 10) Ayóóʼóʼóoʼniʼ yee doo dabidziilii chánah ádayiilaa. (1 Thess. 5:14) Paul éí łaʼ nááhai bikéédóó naaki góneʼ naaltsoos áyiilaaígíí biiʼ kózhdííniid: “Tʼááłáʼí nootínígo bee ayóóʼádaʼahíínóhʼnínígíí hózhǫ́ bidziil yileeł.” (2 Thess. 1:3-5) Éí achʼįʼ nahwiiʼná dóó atídabiʼdilʼínígíí ayóóʼóʼóoʼniʼ binahjįʼ yichʼįʼ hadaʼólníi ńtʼééʼ.

12. Anaaʼ hazlı̨́įʼgo brothers dóó sisters haitʼéego áłká ííjééʼ?

¹² Danylo dóó beʼasdzą́ą baa nínáádadíitʼįįł. Anaaʼ hazlı̨́įʼ ndi tʼahdii áłah náʼádleehgóó nijiʼaash, áádóó tʼahdii nahojilneʼ. Chʼiyáán yee brothers dóó sisters yíká anáhiʼniilchééh ńtʼééʼ. Ákweʼé tʼáadoo hooyání Danylo bighangi siláo yíkai. Éí Jiihóvah Yá Dahalneʼé tʼáadoo łaʼ nilíní dabidííniid. Danylo dooda jidííniid: “Bikéédóó éí shikʼiijééʼ doo beʼeldǫǫh shitsiitah bikááʼgóó nidaʼasdon ní. Áádóó dah jidiikáahgo neʼasdzą́ą́ bił nidadiidił dashidííniid. Ákótʼéii ndi nihibrothers éí náánáłahjįʼgo train léiʼ yiih danihííʼeezh. Nihibrothers bee ayóóʼóʼóoʼniʼ éí doo bee diyeeshna da. Náánáłahjįʼ niitʼáazhgo, áadi brothers chʼiyáán, naanish dóó hooghan yee nihíká ííjééʼ! Áádóó náasdi Jiihóvah Yá Dahalneʼé anaaʼ dahólǫ́ǫ́dę́ę́ʼ chʼídahinichéhígíí bá hosiilʼą́ą doogo íilyaa.” Díí átʼéego ayóóʼádaʼahííníiʼníigo éí danihijoołáhígíí bichʼįʼ hadaʼííníilníi doo.

13. Haash yitʼéego níłchʼi diyinii bee hadaʼííníilníi doo?

¹³ Jesus bikééʼ ndaakaii yę́ę nihiʼanaʼí ayóóʼádeínóhʼní yidííniid. (Matt. 5:44, 45) Díí bikʼeh ázhdooníiłgi ayóó nanitłʼah, ndi God biníłchʼi diyinii bineestʼąʼ beego éí bohónéedzą́ągo átʼé. Díí éí ayóóʼóʼóʼní, nízaadgóó haʼahóní, ajoobaʼ, aʼohgo éʼétʼé, dóó ádaa áháyą́. (Gal. 5:22, 23) Díí binahjįʼ ajoodlá bichʼįʼ hadaʼííníilní. Díí biniinaa nihibrothers dóó nihisisters łaʼ bahastiin, beʼasdzą́ą́, baʼáłchíní, doodaiiʼ binaago kéédahatʼínígíida, kʼad doo bitsʼą́ą́jí danilı̨́į da. Łaʼ ndi nihibrothers dóó nihisisters daazlı̨́ı̨́ʼ. Łaʼ nikʼee dadiniihígíí ayóóʼíníʼníi dooleełgi ná nantłʼago níłchʼi  diyinii bíká sodilzin. (Luke 11:13) Jiihóvah bikʼeh hóʼı̨́ı̨́jígo aláahdi yáʼátʼéehgo yiinídlą́.—Prov. 3:5-7.

14-15. Haash yitʼéego Romans 12:17-21 Yasmeen bíká eelwod?

¹⁴ Kʼad éí sister Yasmeen baa nídadíitʼįįł. Éí Jiihóvah Yá Dahalneʼé łaʼ jizlı̨́įʼgo bahastiin éí tʼóó dahozhnííʼaaʼ nízin. Biniinaa bódziih, áádóó bikʼéí dóó religious leaders, álílee yaa ndaakaiígíí ałdóʼ hachʼįʼ yiyííłʼaad. Éí nihighan hazʼą́ yę́ę yidiiłtaaʼ jiní. Áádóó áłah náʼádleehgi brothers yódziihgo ałdóʼ yaa naayá! Yasmeen éí ákóbiʼdilʼínígíí biniinaa baa jicha.

¹⁵ Kingdom Halldi Yasmeen yił áłah nídaadleehígíí chánah dóó bidziilgo ádabiilaa. Elders éí díí saad ánínígíí biʼdíílííł dahodííniid, éí Romans 12:17-21. (Yíníłtaʼ.) “Díí éí yéigo nantłʼa, ndi Jiihóvah shika anilyeed bidííniid,” ní Yasmeen. “Áko shahastiin chʼiyáán ádaalʼíní góneʼ łeezh ayiighaas ndi, bá hashtʼe náháshʼįįh. Shódziih ndi, hazhóʼó bichʼįʼ hááhwiisdziih. Bitah náhoniigahgo baa áhóshyą́ą́ ńtʼééʼ,” jiní.

16-17. Yasmeen adzaaʼígíí haʼátʼíísh bitsʼą́ą́dóó íhwiiniłʼą́ą́ʼ?

¹⁶ Yasmeen éí bahastiin ayóóʼáyóʼnínígíí biniinaa baʼahoosdliʼ. Áko ájíní: “Doo shinaʼadloʼígíí biniinaa shahastiin shaʼólí silı̨́ı̨́ʼ. Oodląʼ ádaatʼée baa yéiiltiʼgo, hazhóʼó shíistsʼą́ą́ʼ áádóó nihighan hazʼą́ągi kʼé náhásdlı̨́ı̨́ʼ. Áádóó áłah náʼádleehgóó hazhóʼó nidíínaał náshídiʼniih. Tʼahádóó éí tʼáá áníidlah Jiihóvah bá neelʼaʼ doo nisingo bichʼįʼ haʼííníshní.”

¹⁷ Yasmeen beʼayóóʼóʼóoʼniʼ éí díí ííshjání ííłʼı̨́, “tʼáá ałtsoní yééʼooʼníihgo tʼóó yił átʼé . . . tʼáá ałtsojįʼ bił chohooʼı̨́, tʼáá ałtsoní yichʼįʼ haʼólní.” (1 Cor. 13:4, 7) Ayóóʼóʼóʼní éí ajoodlá yiláahdi bidziil, áko nihikʼijįʼ danilı̨́ yę́ę łah átʼéego nitsínídabiiłkeesgo ádabileʼ. Niheʼayóóʼíʼóoʼniʼ éí Jiihóvah yaa bił hózhǫ́. Azhą́ shı̨́ı̨́ łaʼ tʼahdii nihikʼee dadiniih ndi, tʼáá nihił dahózhǫ́. Haash yitʼéego?

18. Haʼátʼíí biniinaa tʼáá nihił dahózhǫ́?

¹⁸ Jesus ání: “Diné nihikʼee dadiniihgo . . . nihikʼidahojidlí.” (Luke 6:22) Niheʼoodląʼ biniinaa atídanihiʼdilʼı̨́įgo doo baa  hózhǫ́ǫ da. Ákondi díí táaʼgo biniinaa tʼahdii nihił dahózhǫ́. Áłtsé éí, hadaʼííníilníigo God yaa bił hózhǫ́. (1 Pet. 4:13, 14) Naaki góneʼ éí, niheʼoodląʼ ayóó ílı̨́ dóó bidziilgo ádeiilneʼ. (1 Pet. 1:7) Tááʼ góneʼ éí, iiná hoolʼáágóó nihí dooleeł.—Rom. 2:6, 7.

19. Haʼátʼíísh biniinaa daalʼaadii tʼáá bił dahózhǫ́ǫ́ ńtʼééʼ?

¹⁹ Jesus náábiʼdiilzáago ił hózhǫ́ yaa yááłtiʼ yę́ę daalʼaadii bił ííshjání ádaalyaa. Éí nídahodiʼneesghaal dóó tʼáadoo nidahołneʼé dabidooʼniid ndi tʼáá hoł dahózhǫ́. Háálá, “Jesus bízhiʼ biniinaa doo ił ídlı̨́ bikʼee tiʼdahodzoozniiʼígi bą́ą́h daʼjílı̨́įgo hąąh tsíhodeeskézígíí” biniinaa. (Acts 5:40-42) Hweʼanaʼí béédajildzid ndi, Jesus ayóóʼádajóʼnííjígo hoł daʼalááh. Éí dahooghangóó “tʼáadoo ádahodiilzéhí” nidaʼnitingo hwee ayóóʼíʼóoʼniʼ ííshjání ádajiilaa. Dííshjı̨́įdi nihibrothers tʼáá ákótʼéego bichʼįʼ nidahwiiʼnáa ndi, tʼáá nidaalʼaʼ. Jiihóvah bá nidajilʼaʼígíí dóó bízhiʼ ayóóʼádajóʼnínígíí éí doo yeidiyoonah da.—Heb. 6:10.

20. Article náánááígíí, haʼátʼíí baa nínáádadíitʼįįł?

²⁰ Díí hoogáłígíí biiʼ nihookááʼ dineʼé tʼáá danihijoołáago nihił hoolzhish doo. (John 15:19) Ákondi doo nídeildzid da doo. Díí bikééʼdóó article éí Jiihóvah “nihidahoníłdzilgo ánihidoolííł, áádóó . . . nihaa áhályą́ą” dooígíí baa nídadíitʼįįł. (2 Thess. 3:3) Éí biniinaa Jiihóvah, nihibrothers, nihisisters, nihikʼee dadiniihígíí ndi tʼáá ayóóʼádeíníiʼníi doo. Díí átʼéego bee nihichʼįʼ yáʼátiʼígíí bikʼehgóó íiʼníiłgo éí niheʼoodląʼ niłdzil doo. Jiihóvah baa dahwiiʼniih doo, áádóó ayóóʼóʼóoʼniʼ éí ajoodlá yiláahdi átʼéhígíí ííshjání ádadiilnííł.