Godang do halak Kristen saonari mamakke alat elektronik lao berkomunikasi dohot keluarga manang dohot akka dongan sahaporseaon. Alai ikkon sai diingot halak Kristen do Poda 27:12 na mandok, “Molo dibereng halak na marbisuk adong jea, martabuni do ibana. Alai anggo halak na so marpengalaman ditorusson do dalanna gabe marjea ma ibana.”

Pos do rohatta na sai dijaga Jahowa hita, alai unang ma sengaja hita mardongan tu pamola-mola, halak na dipecat, manang halak na murtad. (Rom 16:17; 1 Kor. 5:11; 2 Joh. 10, 11) Bahkan di huria pe ikkon manat do hita mamillit dongan, ala olo do adong na so mangoloi paretta ni Debata. (2 Tim. 2:20, 21) Jadi ikkon manat do hita mamillit dongan, apalagi lewat aplikasi pesan elektronik.

Ikkon lebih berhati-hati do hita molo bergabung tu grup chat na godang anggotana. Alana adong bahayana bergabung tu grup sisongon i, songon na hea dialami piga-piga donganta. Boha ma bahenotta berhati-hati molo anggota ni sada grup i marratus bahkan sappe marribu? Dang mungkin boi tatanda nasida sude jala taboto songon dia kondisi rohanina. Psalmen 26:4 mandok, “Dang mardongan au tu pangoto-otoi, jala hupadao do dirikku sian halak na munafik.” Sian ayat on taboto ma, marbisuk do molo mardongan holan tu halak na tatanda.

Porlu do muse hita berhati-hati nang pe bergabung tu grup chat na saotik anggotana. Ikkon tapastihon do aha na dihatai di grup i jala sadia godang habis tikkitta tusi. Molo bergabung pe hita tu grup chat, unang ma merasa hita wajib mambalas sude pesan masuk, asa unang habis tikkitta. Hea do dipasingot si Paulus si Timoteus, adong do di huria na lomo rohana “pahata-hata halak” jala “mangattoi na so urusanna”. (1 Tim. 5:13) Molo saonari, adong do tong di huria na mangulahon sisongon i lewat pesan elektronik.

Molo adong di grup chat na paboa-boahon informasi negatif manang informasi pribadi ni donganta di huria, unang ma tatangihon i. (Ps. 15:3; Poda 20:19) Molo adong informasi na ditamba-tambai manang na so jelas dope toho do i manang na dang, unang ma tahaporseai manang tatorusson informasi i tu halak na asing. (Eps. 4:25) Molo naeng taboto ajaran ni Bibel na lengkap dohot informasi na terbaru, tersedia do i di jw.org dohot di JW Broadcasting^®.

Adong do akka donganta na mamakke pesan elektronik lao marjualan, belanja, manang manawarhon parkarejoan. Urusan bisnis do on sude, jala dang adong hubunganna tu ibadatta. Jadi halak Kristen na so “mata hepengon” dang olo memanfaatton dongan sahaporseaonna asa mandapot untung sian bisnisna i.​—Heb. 13:5, surat na di toru.

Boi do tapakke pesan elektronik lao papunguhon dana tu dongan na butuh bantuan manang tu dongan na hona bencana? Memang lomo do rohatta mangurupi akka dongan sahaporseaon, ala holong rohatta tu nasida. (Jak. 2:15, 16) Alai molo tabaen songon i, boi do gabe terganggu pengaturan naung dibahen kantor cabang manang huria lao mangurupi akka dongan i. (1 Tim. 5:3, 4, 9, 10, 16) Boi do muse gabe dirippu akka dongan naung dilean tu hita tugas tambahan lao mangurus i. 

Tapastihon ma asa sude na taulahon pasangappon goar ni Jahowa. (1 Kor. 10:31) Jadi tikki mamakke aplikasi pesan elektronik manang teknologi na asing, porlu do hita hati-hati jala tapikkiri bahayana.