Kristumiut ilaasa ilaqut­tatik up­peqatitil­lu ator­toris­saarutit elektroniskiusut atorlugit at­tavigisar­paat. Soorunami kristumiup inersimal­luar­tup siun­nersuut una eq­qaamas­savaa: “Silatuup perlus­saq takusar­paa qimar­nguf­fis­sarsior­tarlunilu, misilit­tagakitsorli ingerlaq­qit­tar­poq akiliisariaqar­tarlunilu.” – Uss 27:12.

Paasivar­put Jehovap ser­nis­sorusuk­kaatigut. Taamaat­tumik ilagiin­nut ilaajun­naarsin­neqarsimasut, avis­saar­tuutsitsisar­tut eq­qun­ngitsunil­luun­niit ilin­niar­titsisar­tut peqatigineq ajor­pagut. (Rom 16:17; 1 Kor 5:11; 2 Joh 10, 11) Up­peqatit­ta ilaat ilagiin­niit­tunil­lu peqateqar­tar­tut ilaat najoq­qutas­sianik Biibilimeersunik suusupagin­nit­tar­put. (2 Tim 2:20, 21) Ikin­ngutis­satsin­nik toq­qaagaangat­ta taman­na eq­qaamasariaqar­par­put. Ikin­ngutis­sarsior­nermi al­laqatigiit­tarfiit elektroniskiusut atoraan­ni ikin­ngutaal­luarsin­naasut nas­saariuminaas­sin­naap­put.

Ingam­mik amerlasuuk­kuutaarluni al­laqatigiit­tarfin­nik atuinermi peqatigisar­tak­kanut tun­ngatil­lugu mianersor­tariaqar­pugut. Kristumiut ilaat grup­pinut amerlasuuk­kuutaarfiusunut akuunermik­kut nuan­niitsumik misigisaqarsimap­put. Grup­pimul­li hundredenik tuusintinil­luun­niit ilaasor­talin­nut qatan­ngut ilaasor­taasoq qanoq mianersorsin­naava? Ilaasor­taasut tamaasa im­mik­kut ilisarisimal­luar­nis­saat anersaak­kul­lu qanoq it­tuunerat ilisimaneqarsin­naan­ngilaq. Tus­siaat 26:4-mi ima al­las­simavoq: “Sal­lutuut peqatigisarin­ngilak­ka, peq­quserlut­tut ilagineq ajor­pak­ka.” Tamatuman­nga erser­poq ilisarisimasagut kisiisa al­laqatigisarutsigit silatusaar­nerus­sasoq.

Grup­pimi ilaasor­taasut ikit­tuin­naagaluar­pataluun­niit kristumiup eq­qarsaatigisariaqar­paa al­laqatigiin­nermut pif­fis­saq qanoq sivisutigisoq atorusun­nerlugu aam­ma suna pil­lugu al­laqatigiit­tar­nerlutik. Misigis­san­ngilagut al­laaserineqar­tut tamaasa oqaaseqarfigisariaqarlugit akis­sagut­talu ingerlaan­naq taamaalior­tariaqarluta. Paulusip ‘oqaluk­kumaval­laarlutik susas­sarin­ngisamin­nut akuliut­tar­tut’ pil­lugit Timotheusi mianersoq­quaa. (1 Tim 5:13) Ul­lumik­kut­taaq susas­sarin­ngisanut akuliut­toqar­tar­poq al­laqatigiit­tarfiit elektroniskiusut atorlugit.

Kristumiu inersimal­luar­toq kinaluun­niit up­peqatini isor­nar­torsior­nagulu taan­na pil­lugu paasis­sutis­sanik al­lanut oqaatigeq­qusaan­ngitsunik saq­qum­mius­sinavian­ngilaq, taamaalior­tul­luun­niit tusar­naar­navian­ngilai. (Tuss 15:3; Uss 20:19) Tusak­kat uis­suum­minar­tut up­per­narsar­neqan­ngitsul­luun­niit tusar­naarumanagil­lu ingerlateq­qik­kusus­san­ngilai. (Ef 4:25) Anersaak­kut inuus­sutis­sat naam­mat­torsuit nalunaarusial­lu tutsuiginar­tut nit­tar­tak­katsin­ni jw.org-imi aam­ma JW Broadcasting^®-imi aal­lakaatitas­siani pisar­pagut.

Nalunaajaasut ilaasa al­laqatigiit­tarfiit elektroniskiusut atorlugit tuniniaasar­put, pisisar­put, tunisas­sianik us­sas­saarisar­put sulisus­sarsiorlutil­luun­niit. Taamaalior­neq guutisior­nermut tun­nganani niuer­nermut tun­ngavoq. Kristumiut ‘aningaaserituujuman­ngitsut’ up­peqatitik niuer­nik­kut iluanaar­niarfiginavian­ngilaat. – Hebr 13:5.

Taavami up­peqatit pisariaqar­titsisut ajunaar­nersuarmiluun­niit ikiuinis­samut atugas­sanik aningaasanik katersinermut al­laqatigiit­tarfiit elektroniskiusut atoraan­ni? Up­peqatigut asagatsigit ikiorusut­tarlugil­lu qiim­mas­sarusut­tar­pagut. (Jaak 2:15, 16) Al­laqatigiit­tarfin­nili grup­pimi amerlasuunik ilaasor­talim­mi taamatut katersigut­ta im­mik­koor­tor­taqarfim­mi ilagiin­niluun­niit aaq­qis­suus­sinerit akor­nuser­toorsin­naavagut. (1 Tim 5:3, 4, 9, 10, 16) Aam­mami al­lat isumaqar­tik­kusun­ngilagut Guutip savaataanik paarsinis­samik im­mik­kut sulias­sin­neqarsimasugut.

Guutip ataq­qinaatigisas­saatut iliorusut­tar­pugut. (1 Kor 10:31) Taamaat­tumik al­laqatigiit­tarfiit elektroniskiusut ator­toris­saarutil­luun­niit al­lat atus­sanerlugit aalajangileruk­ku navianarsin­naasut eq­qarsaatigik­kit mianersorlutil­lu.