Һьнә Мәсиһи бь аликʹарийа техноложийа модерн тʹәви мәрьвед хԝә у хушк-бьра хәбәр дьдьн. Гава әм техноложийа модерн дьдьнә хәбате, ԝе баш бә кӧ әм ве ширәте бир нәкьн: «Йе аԛьл хьрабийе кӧ дьбинә һʹәвза хԝә дькә, ле йе дьлсах пешда дьчьн у зьраре дьбинә» (Мәтʹәлок 27:12).

Әм ԛимәт дькьн кӧ Йаһоԝа дьхԝазә мә бьпʹарезә. Ләма, әм тʹәви кәсед кӧ йәктийа мә хьраб дькьн, кәсед кӧ жь щьвате һатьнә дәрхьстьн йан тʹәви кәсед кӧ фькред нәрʹаст бәла дькьн, һәвалтийе накьн (Рʹомайи 16:17; 1 Корьнтʹи 5:11; 2 Йуһʹәнна 10, 11). Дь щьватеда, рʹабун-рʹуньштьна һьнә кәса дьбәкә щайиз ниньн (2 Тимотʹейо 2:20, 21). Ләма гава әм хԝәрʹа һәвала дьжберьн, әм дина хԝә дьдьн ван тьшта. Ле гава әм пе смса у нәʹма тʹәви кәсәки хәбәр дьдьн, һеса нинә кӧ әм фәʹм бькьн кӧ кʹи һәваләки баш ә.

Һьнә кʹомед кӧ бона хәбәрдане тенә саз кьрьн, бь сәда йан бь һʹәзара кәс һәнә. Ле ве йәке һьнә тʹәльк һәнә һәнә. Ԛә мәрьв дькарә дь кʹомәкә һаԛас мәзьнда тедәрхә кӧ кʹи һәваләки баш ә у кʹи на? Дь кʹомед ӧсада, мәрьв нькарә һәр кәси йәк бь йәк нас бькә у бьзаньбә кӧ баԝәрийа ԝан ԛәԝи йан на. Зәбур 26:4 ӧса дьбежә: «Әз тʹәви дәрәԝина рʹунаним у тʹәви дӧрʹуйа рʹе начьм». Әԝ рʹез ширәт дьдә кӧ дьһа билани йә әм интернетеда ԝан мәрьварʹа бьньвисьн, кʹижана кӧ әм шәхси нас дькьн.

Һәгәр кʹом бьчʹук бә жи, гәрәке әм һаш жь хԝә һәбьн кӧ әм дәрһәԛа чь хәбәр дьдьн у ԝәхта хԝә чаԝа хәрщ дькьн. Гәрәке әм нәфькьрьн кӧ тʹема чь бә жи у хәбәрдан чьԛас дьреж бә жи, әм мәщбур ьн кӧ щабе бьдьн һәр кәси. Паԝлосе шанди Тимотʹейорʹа готьбу кӧ һьнә кәс гәвәстийе дькьн, «тʹәви шьхӧле хәлԛе дьбьн у тьштед нәщайиз хәбәр дьдьн» (1 Тимотʹейо 5:13). Иро, һьнә кәс ве йәке бь сайа методед әләктроник дькьн.

Мәсиһийед гьһишти дәрһәԛа хушк-бьред хԝә тьштед хьраб навежьн у тьштед конфиденсйал дәрһәԛа ԝан бәла накьн (Зәбур 15:3; Мәтʹәлок 20:19). Ӧса жи, әԝана гӧһ надьн хәбәред нәизбаткьри, у хәбәред ӧса бәла накьн (Әфәси 4:25). Хԝарьна рʹӧһʹани у хәбәред сахләм, йед кӧ әм бь сайа малпәра jw.org у бәрнамед JW Broadcasting^® дьстиньн, тʹера мә дькьн.

Һьнә хушк у бьра бь сайа интернете һьнә тьшта дькʹьрьн йан дьфрошьн, реклама бәла дькьн йан хәбате мәрьварʹа дьдьн. Тьштед ӧса, арш-вершева гьредайи нә, нә кӧ шьхӧлед теократиква. Һәгәр әм дьхԝазьн хԝә жь «пʹәрәһʹьзийе» дур хьн, әме бьратийа хԝә бона чекьрьна пʹәра нәдьн хәбате (Ибрани 13:5).

Гәло әм дькарьн бь сайа апликасийед смса бона хушк-бьред һʹәԝщә йан бона аликʹарикьрьна паши тʹәшԛәлед тʹәбийәте пʹәра тʹоп бькьн? Әм һьлбәт һазьр ьн кӧ али һәвдӧ бькьн у һәвдӧ һелан бькьн (Аԛуб 2:15, 16). Ле щьват йан Бәйтʹәл жь мә баштьр заньн кӧ чь щурʹә аликʹари лазьм ә у гәрәке әв аликʹари чаԝа бе дайин. Ләма, әм нахԝазьн бь сайа ԝан кʹомед нәʹмашандьна, ԝанрʹа бьбьнә астәнг (1 Тимотʹейо 5:3, 4, 9, 10, 16). Ӧса жи, әм нахԝазьн кӧ мәрьвед дьн бьфькьрьн кӧ әм бь мәхсуси һатьнә һьлбьжартьн кӧ пәзед Хԝәде хԝәй бькьн.

Әм дьхԝазьн «һәр тьшти бона шькьрдайина Хԝәде бькьн» (1 Корьнтʹи 10:31). Ләма, апликасийед у кʹомед нәʹмашандьне у техноложийед дьн бь билани бьдә хәбате!