Abali enango tano-indi-edha basa vyongo vyachineneeva vofuna thapanya na abaliwa aututuni thitho na abali auzimuni. Mbwenya makristao owarala muuzimuni tanifwanela thuulela malangi-oala: “Owenjela ngwene uwoni soka liye vithala. Mbwenye atu o-oidhiwa vyongo mbenao anaona dhowa aliwa langiwa.”—Sang. 27:12.

Nitoidhiwa ira Yohova unofuna nivunela. Ngumwasiwa kaninovwelana anaatu ale anaromi-a ngawano, ochosiwa, thitho ale a-anavwela malangi-o a Bibilyani. (Aroma. 16:17; 1 Akor. 5:11; 2 Ju. 10, 11) I-yavo vyevyo vatokala e-nango e-nao anafwanyeya migumanoni hora dothene mbwenye katino-arela malamulo a Yohova. (2 Timo. 2:20, 21) Vinokala vyorucha sakula axamwali apama akala ninga ninotapanyanao dhela mu apilikativo wa mensage.

Pyofunrya vinjinji ira polepole akala gurupu lolembelana mesage ti nlukulu. E-nango a-novolowa gurupuni ninga leli, mbwenye vyo-arelavo vyee kavyali vyapama. Gurupuni mokala atu ajinji, vinokala vyorucha aaidhiwa othene venango vakadha mutu uli wethene na idhiwa uzimwae. Nyo maonelwinyu munoona ira mutu unakala gurupu ninga leli unoira polepole na vyongo vya gurupunimo? Mbwenye Salimo 26:4 linaonga ira: “Kandikhaatidhe vathi vambo-i naatu onama. Thitho khandinawandhane naatu ovithali-a umutwiwa” Lembali linooni-a ira vinokala vyazelu tumizelangana mesage na atu aidhi i-yo pama.

Masiki ira grupu lolembelana mesagem muli atu oyeva, kristau unofwanela dhifuka ira ndimyasa dhiivi dhinolembelana atu agrupunimo, hora dhinjinji ndinokalela dhiveliwangana vyevyo venango mesagedho dhinoona vyaatu oi-yana-iyana mbwenye munofwanela vwechecha mamesagem othene enao anatumizeliwanyo. Paulo atommwenjeli-a Timoteo mwasa waatu ale anavolowela myasa dha-ali dhiwa. (1 Timo. 5:13) Vimbo-ve vyevyi vinooda niirela i-yo malamboano mwaari mo-indi-edha basa mafaramento a chineneva.

Kristau owarala mwauzimu kanammongela balee vyongo vyothakala venango myasa dho-fwanelela mbwenye unommwenjeli-a mwa vyongo ninga vyevi. (Sal. 15:3; Sang. 20:19) Aliwa thitho katinokalela onganga myasa dho-vweya pama venango mowenjedhela. (Aef. 4:25) Mwaimbarimbari saiti-u ya jw.org maprograma anokumi-iwa mwedi na mwedi utokala milanyu dhapama vinjinji dhoonga mwasa wa Bibilya thitho malipoti achineneeva.

Abali enango tano-indi-edha basa aplicativo wa mesagem vofuna va-a mabasa thitho vyongo vinango. Vyongo ninga vyevi ndi myasa ya negosiyo kavinoira ikundu navang’onovene. Kristau ofuna thathuwa wu udhivela wa kobiri kafuna kaana vyongo vinjinji dhela waabali.—Aeb. 13:5.

N’nga pyodaweya i-ndi-edha basa aplikativo wa mesagem vofuna vepa kobiri para abali enao tagweliwile masoka a vilengo? Ninowadhiveliwana abali-u thitho ninofuna akami-a tafuna kami-iwa. (Tiy. 2:15, 16) Wesedha irana vyongo ninga vyevi vo-indi-edha basa aplikativo wen’na vinooda dhodhomi-a mafilial venango masasa-edho apingo. (1 Timo. 5:3, 4, 9, 10, 16) Mwaimbarimbari i-yo kaninofuna vitukulela ira nitova-iwa izo yokami-a abali.

I-yo ninofuna irana vyongo vyevyo vinamva-e titimi-o Yohova (1 Akor. 10:31) Namwasa wa vyevyo na-anasikimizele ira ninofuna ni-indi-edhe basa aplikativo wa mesagem venango vyongo vyachineneeva ninofwanela thuulela vyoopi-a vinadhe mwasa wa vyevi thitho ira polepole.