കുടും​ബാം​ഗ​ങ്ങ​ളോ​ടും സഹക്രി​സ്‌ത്യാ​നി​ക​ളോ​ടും ഒക്കെ വിശേ​ഷങ്ങൾ പങ്കു​വെ​ക്കാൻ ഇന്നു പല ക്രിസ്‌ത്യാ​നി​ക​ളും ആധുനിക സാങ്കേ​തി​ക​വി​ദ്യ ഉപയോ​ഗി​ക്കു​ന്നു. എങ്കിലും, പക്വത​യുള്ള എല്ലാ ക്രിസ്‌ത്യാ​നി​ക​ളും ഒരു കാര്യം എപ്പോ​ഴും ഓർക്കും: “വിവേ​ക​മു​ള്ളവൻ ആപത്തു കണ്ട്‌ ഒളിക്കു​ന്നു; എന്നാൽ അനുഭ​വ​ജ്ഞാ​ന​മി​ല്ലാ​ത്തവൻ നേരെ അതിൽ ചെന്ന്‌ ചാടി ഭവിഷ്യ​ത്തു​കൾ അനുഭ​വി​ക്കു​ന്നു.”—സുഭാ. 27:12.

നമ്മുടെ സുരക്ഷ​യെ​ക്കു​റിച്ച്‌ യഹോ​വ​യ്‌ക്കു ചിന്തയു​ണ്ടെന്നു നമുക്ക്‌ അറിയാം. അതു​കൊണ്ട്‌, ഭിന്നി​പ്പു​ണ്ടാ​ക്കു​ന്ന​വ​രോ​ടും പുറത്താ​ക്ക​പ്പെ​ട്ട​വ​രോ​ടും നമ്മുടെ പഠിപ്പി​ക്ക​ലു​കളെ വളച്ചൊ​ടി​ക്കു​ന്ന​വ​രോ​ടും നമ്മൾ സഹവസി​ക്കില്ല. (റോമ. 16:17; 1 കൊരി. 5:11; 2 യോഹ. 10, 11) ഇനി, സഭയി​ലുള്ള ചിലർപോ​ലും ദൈവി​ക​നി​ല​വാ​ര​ങ്ങൾക്ക്‌ അത്ര വില കൊടു​ക്കാ​തെ​യാ​യി​രി​ക്കാം ജീവി​ക്കു​ന്നത്‌. (2 തിമൊ. 2:20, 21) ഇക്കാര്യ​ങ്ങ​ളെ​ല്ലാം മനസ്സിൽപ്പി​ടി​ച്ചു​കൊ​ണ്ടു​വേണം നമ്മൾ സുഹൃ​ത്തു​ക്കളെ തിര​ഞ്ഞെ​ടു​ക്കാൻ. പക്ഷേ, ഇലക്‌​ട്രോ​ണിക്‌ രൂപത്തി​ലുള്ള ആപ്ലി​ക്കേഷൻ ഉപയോ​ഗിച്ച്‌ സുഹൃ​ത്തു​ക്കളെ ശ്രദ്ധാ​പൂർവം തിര​ഞ്ഞെ​ടു​ക്കാൻ അത്ര എളുപ്പമല്ല.

ഒരു മെസ്സേ​ജിങ്ങ്‌ ഗ്രൂപ്പി​ലെ ആളുക​ളു​ടെ എണ്ണം കൂടു​ത​ലാ​ണെ​ങ്കിൽ അതിൽ അംഗമാ​യി തുടര​ണോ എന്നു ഗൗരവ​മാ​യി ചിന്തി​ക്കണം. ഇങ്ങനെ​യുള്ള വലിയ ഗ്രൂപ്പു​ക​ളിൽ അംഗങ്ങ​ളായ ചില ക്രിസ്‌ത്യാ​നി​കൾക്ക്‌ അതുമൂ​ലം പല പ്രശ്‌ന​ങ്ങ​ളും നേരി​ടേ​ണ്ടി​വ​ന്നി​ട്ടുണ്ട്‌. നൂറു​ക​ണ​ക്കി​നോ ആയിര​ക്ക​ണ​ക്കി​നോ അംഗങ്ങ​ളുള്ള ഒരു ഗ്രൂപ്പി​ലെ ആളുകളെ ശ്രദ്ധ​യോ​ടെ മനസ്സി​ലാ​ക്കി മുന്നോട്ട്‌ പോകാൻ നമ്മുടെ ഒരു സഹോ​ദ​ര​നോ സഹോ​ദ​രി​ക്കോ കഴിയു​മോ? അത്‌ ഒരിക്ക​ലും പ്രാ​യോ​ഗി​ക​മായ ഒരു കാര്യമല്ല. കാരണം അവർ ഓരോ​രു​ത്ത​രും ശരിക്കും എങ്ങനെ​യു​ള്ള​വ​രാണ്‌, അവർ നല്ല ആത്മീയ​ത​യു​ള്ള​വ​രാ​ണോ എന്നൊ​ന്നും നമുക്ക്‌ അറിയാ​നാ​കില്ല. സങ്കീർത്തനം 26:4 പറയുന്നു: “വഞ്ചക​രോ​ടു ഞാൻ കൂട്ടു കൂടാ​റില്ല; തനിസ്വ​രൂ​പം മറച്ചു​വെ​ക്കു​ന്ന​വരെ ഞാൻ ഒഴിവാ​ക്കു​ന്നു.” നമുക്ക്‌ അറിയാ​വുന്ന ആളുക​ളു​മാ​യി മാത്രം മെസ്സേ​ജു​കൾ കൈമാ​റു​ന്ന​താണ്‌ ബുദ്ധി എന്നല്ലേ ഈ വാക്യം കാണി​ക്കു​ന്നത്‌?

ഇനി, ചെറിയ ഗ്രൂപ്പാ​ണെ​ങ്കിൽപ്പോ​ലും അതിലെ ആളുക​ളു​ടെ സംസാരം എന്തി​നെ​പ്പ​റ്റി​യു​ള്ള​താ​ണെ​ന്നും താൻ എത്ര സമയം അതിനു​വേണ്ടി ചെലവ​ഴി​ക്കു​ന്നു​ണ്ടെ​ന്നും ഒരു ക്രിസ്‌ത്യാ​നി ചിന്തി​ക്കണം. നമുക്ക്‌ കിട്ടുന്ന എല്ലാ മെസ്സേ​ജു​കൾക്കും മറുപടി അയയ്‌ക്ക​ണ​മെന്നു കരുത​രുത്‌. അതു പ്രാധാ​ന്യ​മു​ള്ള​താ​ണോ, അതിന്‌ എത്ര സമയം വേണ്ടി​വ​രും എന്നൊക്കെ ചിന്തി​ച്ചി​ട്ടു​വേണം മറുപടി അയയ്‌ക്കാൻ. “പരകാ​ര്യ​ങ്ങൾ പറഞ്ഞു​പ​ര​ത്തു​ക​യും മറ്റുള്ള​വ​രു​ടെ കാര്യ​ങ്ങ​ളിൽ തലയി​ടു​ക​യും” ചെയ്യു​ന്ന​വ​രെ​ക്കു​റിച്ച്‌ പൗലോസ്‌ തിമൊ​ഥെ​യൊ​സിന്‌ മുന്നറി​യി​പ്പു കൊടു​ത്തു. (1 തിമൊ. 5:13) ഇന്ന്‌ ഇലക്‌​ട്രോ​ണിക്‌ രൂപത്തി​ലും ഇത്തരം കാര്യങ്ങൾ നടക്കു​ന്നുണ്ട്‌.

പക്വത​യു​ള്ള ഒരു ക്രിസ്‌ത്യാ​നി സഹവി​ശ്വാ​സി​കളെ കുറ്റ​പ്പെ​ടു​ത്തി സംസാ​രി​ക്കു​ക​യോ അങ്ങനെ​യുള്ള സംസാരം ശ്രദ്ധി​ക്കു​ക​യോ അവരെ​ക്കു​റിച്ച്‌ രഹസ്യ​മാ​യി സൂക്ഷി​ക്കേണ്ട വിവരങ്ങൾ പരസ്യ​പ്പെ​ടു​ത്തു​ക​യോ ഇല്ല. (സങ്കീ. 15:3; സുഭാ. 20:19) പേടി​പ്പി​ക്കു​ന്ന​തോ പെരു​പ്പി​ച്ചു​പ​റ​യു​ന്ന​തോ ആയ വാർത്ത​ക​ളും ശരിയാ​ണെന്ന്‌ ഉറപ്പി​ല്ലാത്ത വിവര​ങ്ങ​ളും അദ്ദേഹം ശ്രദ്ധി​ക്കു​ക​യോ മറ്റുള്ള​വർക്ക്‌ അയയ്‌ക്കു​ക​യോ ഇല്ല. (എഫെ. 4:25) നമ്മുടെ jw.org സൈറ്റി​ലൂ​ടെ​യും JW പ്രക്ഷേ​പ​ണ​ത്തി​ലെ പ്രതി​മാ​സ​പ​രി​പാ​ടി​ക​ളി​ലൂ​ടെ​യും നമുക്ക്‌ ആവശ്യ​മായ ആത്മീയ​ഭ​ക്ഷ​ണ​വും വിശ്വ​സ​നീ​യ​മായ വാർത്ത​ക​ളും കിട്ടു​ന്നുണ്ട്‌.

ചില സാക്ഷികൾ സാധനങ്ങൾ വാങ്ങാ​നോ വിൽക്കാ​നോ പരസ്യം ചെയ്യാ​നോ അതു​പോ​ലെ ജോലി വാഗ്‌ദാ​നം ചെയ്യാ​നോ ഒക്കെ മെസ്സേ​ജിങ്ങ്‌ ആപ്ലി​ക്കേ​ഷ​നു​കൾ ഉപയോ​ഗി​ക്കാ​റുണ്ട്‌. ഇതൊക്കെ ബിസി​നസ്സ്‌ കാര്യ​ങ്ങ​ളാണ്‌, അല്ലാതെ യഹോ​വ​യു​ടെ ആരാധ​ന​യോ​ടു ബന്ധപ്പെ​ട്ട​വയല്ല. ‘പണസ്‌നേ​ഹ​മി​ല്ലാ​ത്ത​വ​രാ​കാൻ ആഗ്രഹി​ക്കുന്ന’ ക്രിസ്‌ത്യാ​നി​കൾ തങ്ങളുടെ ആത്മീയ​സ​ഹോ​ദ​ര​ങ്ങളെ ബിസി​നസ്സ്‌ നേട്ടങ്ങൾക്കാ​യി ഒരിക്ക​ലും ഉപയോ​ഗി​ക്കില്ല.—എബ്രാ. 13:5.

ഇത്തരം മെസ്സേ​ജിങ്ങ്‌ ആപ്ലി​ക്കേ​ഷ​നു​കൾ ഉപയോ​ഗിച്ച്‌, ഞെരു​ക്ക​മോ ദുരന്ത​ങ്ങ​ളോ കാരണം കഷ്ടപ്പെ​ടുന്ന സഹോ​ദ​ര​ങ്ങളെ സഹായി​ക്കാൻ പണം ശേഖരി​ക്കു​ന്ന​തി​നെ​ക്കു​റി​ച്ചോ? നമ്മൾ നമ്മുടെ സഹോ​ദ​ര​ങ്ങളെ സ്‌നേ​ഹി​ക്കു​ന്നു, അവർക്കു വേണ്ട സഹായ​വും ആശ്വാ​സ​വും നൽകാൻ ആഗ്രഹി​ക്കു​ന്നു. (യാക്കോ. 2:15, 16) പക്ഷേ അവരെ സഹായി​ക്കാൻ സഭയ്‌ക്കും ബ്രാ​ഞ്ചോ​ഫീ​സി​നും അതി​ന്റേ​തായ ക്രമീ​ക​ര​ണ​ങ്ങ​ളുണ്ട്‌. ഒരു വലിയ ഗ്രൂപ്പി​ലൂ​ടെ നമ്മൾ അത്തരം സഹായം കൊടു​ക്കാൻ ശ്രമി​ച്ചാൽ അതു മൊത്ത​ത്തിൽ ഒരു ആശയക്കു​ഴപ്പം സൃഷ്ടി​ച്ചേ​ക്കാം. (1 തിമൊ. 5:3, 4, 9, 10, 16) മാത്രമല്ല, അങ്ങനെ ചെയ്‌താൽ ഇത്തരം സാഹച​ര്യ​ങ്ങ​ളിൽ ദൈവ​ത്തി​ന്റെ ആടുകളെ പരിപാ​ലി​ക്കാ​നുള്ള ഒരു പ്രത്യേക നിയമനം നമുക്കു കിട്ടി​യി​ട്ടു​ണ്ടെന്ന്‌ മറ്റുള്ളവർ ചിന്തി​ച്ചേ​ക്കാം. അങ്ങനെ​യൊ​രു ധാരണ മറ്റുള്ള​വർക്കു കൊടു​ക്കാ​തി​രി​ക്കു​ന്ന​തല്ലേ നല്ലത്‌?

ദൈവത്തെ മഹത്ത്വ​പ്പെ​ടു​ത്തുന്ന കാര്യങ്ങൾ ചെയ്യാ​നാണ്‌ നമ്മളെ​ല്ലാം ആഗ്രഹി​ക്കു​ന്നത്‌. (1 കൊരി. 10:31) അതു​കൊണ്ട്‌, മെസ്സേ​ജിങ്ങ്‌ ആപ്ലി​ക്കേ​ഷ​നോ അതു​പോ​ലുള്ള മറ്റു സാങ്കേ​തി​ക​വി​ദ്യ​യോ ഉപയോ​ഗി​ക്കാൻ തീരു​മാ​നി​ക്കു​മ്പോൾ അതിന്റെ അപകട​ങ്ങ​ളെ​ക്കു​റിച്ച്‌ ചിന്തി​ക്കുക, ജാഗ്ര​ത​യു​ള്ള​വ​രാ​യി​രി​ക്കുക.