ǀNî Xristeǁîn ge nētsēs di texnoloxiba ra sîsenū în ǀnî ǃgâsan tsî ǁîn omaris ǁanin ǀkha ǃhoa. Xawe gā-ai Xristeǁîn ge nē ǀapemāsa ǂâis ǃnâ nî ūhâ. “Gā-aib ra ǂkhababa mû tsî gaugausen; gâren ǃgûǂgâ tsî ra ǁkharahe.”—ǂKhm. 27:12.

ǁNâuǃā da ge ra Jehovab ra hui da ǂgaosa. ǁNā-amaga da ge ǀhaohâb ǃnâ ǀgorasa ra dī khoen, ǁnān hîna ǂnûiǂuihe hân tamas ka io ǂhanu tama xūna ra ǁkhāǁkhān ǀkha hâ ǂgao tama hâ. (Rom. 16:17; 1Kor. 5:11; 2Jhn. 10, 11) ǀNîn hîna ǀhaohâb ǃnâ hân ge Elobmîsa ǁnâuǀnam tama. (2Tim. 2:20, 21) ǀHōsana da ga ôa o, o da ge ǁnā-e ǂâis ǃnâ nî ūhâ. Kaise i ge a ǃgom ǃgâi ǀhōsana ǁhûiǂuibasensa selfoni tamas ka io internets ǃnâ-ū ǀguits ga ǁîna a xoaba o.

ǂHâǂhâsa i ge a sida ǀhōsana da ǃamkuse nî ǁhûisa. Kai-amse ǂgui khoen hâ ǃnâ groeps ǃnâ da ga hâ o. ǀNî Xristeǁîn ge nē kai groepdi ǃnâ ge hâ i. Tsîn ge ǁgai xūna ge ī. Mati i ǃgâsa-e ǃûisen ǁkhā-e, honderdi tamas ka io duisendi ǃnâ hâ khoen ga groeps ǃnâ hâ o? ǁÎn amabes ǃnâ a hams tsî ǀgaisa ǂgomsan ūhâs tsîna da ge mû hō tide. Psalmdi 26:4 ge ra mî. “Tita ge ǂkhaba khoen tawa ǂnû tama, tsî ǀhôagao khoen ǀkha ǂharugu tama.” Nēs ge ra ǁgau ǃgâise da a ǂan khoen ǀguina da nî xoabasa.

ǂKhari groeps ǃnâ da ga hâ xawe da ge nî ǂanbasen matikō ǁaeba da ra sîsenūsa. Tsî khoen tae-i xa ra ǃhoasa. ǂHâbasa tama i ge hâ i da xoahe ra xūn hoana ǃeream. Tae-i xa i ra ǃhoahes tsî matikō ǁaeba i ra ūs ge a ǂhâǂhâsa. Paulub ge Timoteuba ge mîba îb “ǂhôaxa, tsî ǁau xūna ra dī” khoena xu hâbē. (1Tim. 5:13) Selfoni tamas ka io internets ǃnâ-ū da ga khoena xoaba xawe da ge nētsēs tsîna ǁnāsa a dī ǁkhā.

Gā-ai Xristeǁî i ge nau ǃgâsa-e ra mîǁgaiǁgai. Tamas ka io ǁîn xūn hîna ǃhoamâhe tidese-īn xa xoa tide. Tsî khomais tsîna hî tide. (Psa. 15:3; ǂKhm. 20:19) Tsî i ge ǀaroǃnâsa ǂhôan tamas ka io ama i asa i a ǀū xūna xu nî hâbē. (Efe. 4:25) Kaise da ge ǂgui ǂhôan Elobmîs ai a ǃgaoǃgaosana ūhâ sida di internets ǂhaweb ai. Tsî mâ ǁkhâb hoaba da ra hō JW Broadcastings vidiob.

ǀNî Xristeǁîn ge selfona ra sîsenū în xūna ǁama, ǁamaxū. Tsî ǁnās ǃnâ-ū khoen tsîna sîsenne ra mā. Nē xūn ge sîsenni ǀkha dīxū-e ūhâ. Tsî Jehovaba ǃoabas ǀkha xū-e dī tama. ‘Xūǃgunuxa’ tama Xristeǁîn ge ǁîn di ǃgâsana xu mari-e kuru tama hâ.—Heb. 13:5.

Sida di selfonga da a sîsenū ǁkhā. Î da ǃgâsan hîna tsūkeǃgâb ǃnâ ra ǂgâna mari-e ǂganba? Sida ǃgâsana da ge a ǀnam. Tsî da ge ǁîn ǂhâ hâ huiba ra mā nî. Tsî ǁîna ra ǂkhâǃnâ. (Jak. 2:15, 16) Sida ga kai groeps ǃnâ-ū xoa o. O i ge ǀhaohâb tsî ǁnâub berosa nî ǃgomba ǁîna huisa. (1Tim. 5:3, 4, 9, 10, 16) Tsî da ge ǀō-aisase da ǁhûiǂuihe hâ, î da sida ǃgâsana kōǃgâ khami tanisen ǂgao tama hâ.

Jehovaba koasa ra mā ǀgaub ǃnâ da ge ra tanisen ǂgao. (1Kor. 10:31) Selfoni tamas ka io internets ǃnâ-ū da ga khoena xūna xoaba o. O da ge nî ǂanbasen ǃgomsin hîna a hā ǁkhāna.