Makreste ya mangwana ma berekisa thekinoloji ya gana byalo gore ma thogo bolabola le mašaga kela batho ba bangwana ba gore ke Dihlatse. Nnete ke gore Mokreste wa gore o butšwiye a ka sa yi lebale taba yowa ya gore: “Motho wa go tseya gabutši wa di bona mo go šutela kotsi ke mokane a wutama, mara wa gore aa soko butšwa o fo rwalagana a kene a ya gana ku, a ye goromeleng.”—Diy. 27:12.

Re di tšiba gabutši tsa gore Jehova aa nyake go kwa selo ka rune. Le rune re maka ke tsotsone mo re šinya re sa nyake go šutela thina le batho ba gore ba fo dula ba nyaka go dunghanya seyemo, ba gore ba ntshiwwe ka ho phutegong kela ba go tšhutisa dilo tsa go kekema. (Mrm. 16:17; 1 Makor. 5:11; 2 Joh. 10, 11) Ba bangwana o ka kraya ba sa napa ba titshwara gabutši le mo ba na ba gahlanela le rune ka ho phutegong. (2 Thim. 2:20, 21) Taba yowa a re yi lebale ho re kene re sefa bo re ka nghanelanang nabo. O ka kraya di se lula go kgeta banghana mo o berekisa mekgwa yowa ya go romelana melayetsa.

Taba ya gore re kgete gabutši gore re nyoko nghanelana le bomang yi napa yi ba ye kgolo ka matla mo nkare re na le batho ba go tlala ba gore re romelana nabo melayetsa. Makreste ya mangwana ma yye ma di maka tsa go romelaromelana melayetsa le megoba ye megolo ya batho, ba tšwa gana hone ba kwalele ka matla. Byalo mogageru wa monna kela wa mosadi a ka maka byang gore a sa tlungwelanye dilong mo nkare go na le mogoba wa batho ba go segela ga makgolo kela dikete? Le mo a ka fo re o leketsa go tšiba ye mongwana le ye mongwana gabutši ga mogoba wone kela gore motho ye mongwana le ye mongwana o tlalele ga tso tsa Modimo go segela kaye, o nyoko teya fase. Pisalema 26:4 yi re: “A ke nghanelane le batho ba go tshokanana, fote ke keketlela ku kgole le batho ba gore baa tiwutametsa gore ke bona ba mohlobo mang.” Mo o theetsele tsotsone, ayitsano a o kwe nkare di šupetsa gore mo o berekisa dilo tsowa tsa go romelaromelana melayetsa, o di make le batho ba gore o ba tšiba gabutši?

Le ga mogoba wo monyana wa batho ba go romelana melayetsa, di nyaka Mokreste a mete nako yo a yi fetsang a le nabo le gore ayitsano dilo tso yene a kwanang natso di tshwana le tsa batho bone. A re fo nghanelana le motho le mo re na re di bona gore a re kwane le tso a di bolabolang kela gore o fetsa nako ya go segela kaye a bolabola ka dilo tsone. Pawulo o yitseri Thimothi a pasope batho ba gore “baa seba fote ba kenakena ditaba tsa batho ba bangwana.” (1 Thim. 5:13) Le ga tsotso re di berekisang lekgono tsa elekhroniki, go tikraya o šohlomele ga dilo tsa mošaga wonone dya makega.

Mokreste wa gore o butšwiye gabutši a ka sa fo tantologa kela wa kraya a solasola le mong go ro thuletsa diphiri tsa magageru ya mangwana. (Pis. 15:3; Diy. 20:19) Fote aa fo tšikinya ke taba ye nngwana le ye nngwana yo yi segelang ho ditsebeng kela go ro šala a gurudiye maahlo le mo go sa nape go tšibega gore nje ke nnete. (Maef. 4:25) Di tlele ka matla dilo tso re di krayang ga matheto ya kgwedi ye nngwana le ye nngwana ga Setiši sa JW^® tsa gore di re šutetsa ga Modimo fote di ya tshepega.

Batho ba bangwana ba gore ke bona Dihlatse ba fela ba maka dilo tsa go rekisa, mo ba reka le go bolabolela dilo tso ba di rekisang kela go neya batho mmereko, ba berekisa mekgwa yowa ya go romelana melayetsa. Tsone ke tsa dibhizinisi, a yi ditaba tsa go yelana le tsa Modimo. Makreste ya gore a ma nyake ‘go lelekisana le tsa go kwana le tšheleta’ a ma nyake go kraya ma tannye ke dilobo tsa go nyaka go ghanya ka magageru.—Maheb. 13:5.

Byalo ho nkare motho o berekisa mekgwa yowa ya go romelana melayetsa gore a hlekeletse sekwetše sa gore se thogo berekisiwa go gelepa magageru kela mo go na le dikotsi tsa hlago gee? Ga go tlala re šupetsa magageru gore re ma nyaka ka matla ka go ma gelepa le go ma tiyisa. (Jak. 2:15, 16) Mara mo re leketsa go maka tsotsone ka go romela melayetsa ga megoba ye megolo ya batho, go ka phiriketsanya dilo tso ofisi ya lekala kela phutego yi di lukiseleleng gabutši. (1 Thim. 5:3, 4, 9, 10, 16) Fote aa šiyo ho ga rune wa gore o nyaka go maka nkare tso yene a di makelang dinku tsa Modimo di hlawolegiye ka matla.

Re nyaka go maka dilo tso di nyoko thanakisang Modimo. (1 Makor. 10:31) Byalo mo nkare wene o re o nyoko berekisa mekgwa yowa ya go romelana melayetsa, di tšibe gore go ka nyarela dikotsi tsa mošaga mang gore o thogo ntsha maahlo dikwakweng.