Łaʼ Jiihóvah Yá Dahalneʼé danilínígíí éí bifamily members dóó náánáłaʼ Jiihóvah Yá Dahalneʼé modern technology yee yichʼįʼ nidahalneʼgo chodayoołʼı̨́. Ndi, Oodlání dahóyáanii éí díí yéédaalniih doo: “Diné hóyáanii éí doo yáʼáshóonii yiyiiłtséehgo yitsʼąą nídítʼı̨́ı̨́h, nidi doo hóyą́ą́góó naagháii éí yichʼįʼ tʼáá háoghááh, áádóó yikʼee tiʼhoonih.”—Prov. 27:12.

Jiihóvah nihaa áhályą́ą doo nízinígíí baa ahééh daniidzin. Éí biniinaa diné ałtsʼáʼáldahgo ádeileʼii, disfellowship ádabiʼdiilyaaígíí, doodaiiʼ doo tʼáá aaníinii yee nidanítinígíí doo bił neiildeeh da. (Rom. 16:17; 1 Cor. 5:11; 2 John 10, 11) Łaʼ brothers doodaiiʼ áłah náʼádleehdi nídaakahígíí doo tʼáá íiyisí diyin kʼehgo deíkáah da. (2 Tim. 2:20, 21) Nihikʼis łaʼ ádadiilnííł niidzingo éí díí béédeilniih doo, messaging application bee hakʼis ázhdoolíiłgi tʼáá nantłʼago átʼé.

Messaging group nitsaaígíí shídóʼ anishtah doo ninizı̨́įʼgo, doo éí tʼáá azlı̨́ı̨́ʼgóó tʼáá ájítʼé bee lą́ adííłeeł da. Łaʼ Oodlání danilínígíí ákódaadzaago biniinaa doo yáʼátʼééhgóó bił dahooʼaʼ. Łaʼ díkwíidi neeznádiin doodaiiʼ miil biláahgo daabiiʼ łeh, ákosh haitʼéego brother doodaiiʼ sister adaa áhólyą́ą doo? Háí íiyisíí beʼoodląʼ niłdzilígíí éí doo bééhózin da. Psalm 26:4 ání: “Diné dabiyoochʼíidii doo bił naháshtą́ą da, áádóó tʼóó ádahodilʼíinii doo bił naashdeeh da.” Díí biniinaa tʼáá hazhóʼó béédahojísinígíí tʼéiyá message ajíłʼı̨́įgo yáʼátʼééh.

Azhą́ shı̨́ı̨́ áłchʼídígo bił message áʼjíłʼı̨́į ndi, Oodlání éí haa nízáajįʼ shı̨́ı̨́ dóó haʼátʼíí baa yáʼdootihígíí baa hą́ą́h jinízin doo. Paul éí Timothy, diné “aseezı̨́ ádeiłʼı̨́įgo índa daʼníłtłʼago hootaadaakaigo” bitsʼąą ádaa áhólyą́ą doo yidííniid. (1 Tim. 5:13) Dííshjı̨́įdi messaging ałdóʼ tʼáá ákótʼéego baa nitsáhákeesgo átʼé.

Oodlání hóyánígíí éí náánáłaʼ Oodlání aseezı̨́ doodaiiʼ nanilʼinę́ę doo yaa nahalneʼ da doo, dóó doo yiyíistsʼą́ąʼ da doo. (Ps. 15:3; Prov. 20:19) Haneʼ ádaatʼéii tʼáá biláahgo baa chʼídahwiitʼaahgo doo jíistsʼą́ąʼ da doo, doodaiiʼ doo tʼóó náás baa chʼíhojiiʼaah da doo. (Eph. 4:25) Diyin Bizaad biiʼdóó nihił haneʼígíí éí website jw.org dóó JW Broadcasting^® tʼáá náhidizííd bikʼeh ląʼí nihá hahinidééh, éí haneʼ baa ahódlíii ádaatʼé.

Łaʼ Jiihóvah Yá Dahalneʼé éí electronic messaging díí biniyé chodayoołʼı̨́: baa nidaʼiiniih dóó ndaʼiiłniih, áádóó náánáłaʼ naanish yichʼįʼ yídaʼoołkąąh. Ákondi díí éí béeso nanideehgi átʼé, éí doo God bá naʼaʼaʼgi yił ahídéétʼiʼ da. Hebrews 13:5gi éí: “Béeso tʼáadoo bíchą́deídółniʼgo dahinohnání” nínígíí biniinaa Oodlání łaʼ éí bibrothers doodaiiʼ bisisters binahjįʼ béeso íidoolíiłgi yichʼįʼ yisteeʼ doo.

Haaʼígi da nitsihodindiłgo, nihibrothers dóó nihisisters tiʼdahooníhígíí biniinaásh messaging application chodeilʼı̨́įgo béeso bá deiyíníikeed doo? Tʼáá shı̨́ı̨́ aaníí nihibrothers dóó nihisisters ayóóʼádeíníiʼnínígíí biniinaa bikééʼ nisiidzı̨́ı̨́ dóó chánah ádadiilníiłda niidzin. (Jas. 2:15, 16) Ákondi messaging group biiʼdóó áko diiʼníłígíí éí local branch office doodaiiʼ áłah náʼádleehdi elders ádeidoolíłígíí bitsʼąą dadíníiltłʼahgo átʼé. (1 Tim. 5:3, 4, 9, 10, 16) Áká adiilwoł daniidzin ndi tʼáadoo tʼáá biláahgo adaa hidiitʼaahí doo.

God bee baa hodooʼnihígíí baa nideiikai doo daniidzin. (1 Cor. 10:31) Áko messaging application doodaiiʼ technology choinishʼı̨́į dooleeł nínízingo, éí baʼátʼeʼ dahólǫ́ǫgi bitsʼąą adaa ádahwiilyą́ą doo.