Μερικοί Χριστιανοί χρησιμοποιήνενα ι τεχνολογία σο τθεράσα αντιβές για τι κερέν λάφι πουμαρέ τζενέντζαρ ντα γιαβερέ Μαρτυρέντζαρ. Σίγουρα, εκ ώριμος Χριστιανός κα τθερέλ πι γκοντιάτε ακαγιά συμβουλή: «Ο τζενό σο ντικχέλα ανγκλάλ αγαβέλα ο κίνδυνος ντα γκεραβέλα-πες, αλλά οντουλά σο να τζανένα μπουτ πράγματα συνεχίνενα πουμαρό ντρομ ντα τθερένα συνέπειες».​—Παρ. 22:3.

Αγαβάσα ότι ο Ιεχωβά μανγκέλα τι αρακχαβέλ-αμέν. Οτθάρ, να κεράσα παρέα οντουλέντζαρ σο ανένα διχόνοια, σο ισί αποκομμέ ή σο σικλιαρένα ψεύτικα λάφια. (Ρωμ. 16:​17· 1 Κορ. 5:​11· 2 Ιωάν. 10, 11) Μερικά πφραλά ή μερικά τζενέ σο κερένα παρέα ι πφραλέντζαρ κατά κχανγκιρί να ντένα καν κο κανόνες κι Γραφιάκε. (2 Τιμ. 2:​20, 21) Τθεράσα-λες αμαρέ γκοντιάτε ανταβά κάνα κεράσα αμαλέν. Μπορεί μα τι αβέλ εύκολος πράγμας τι τραμπίνας λατσσέ αμαλέν κάνα χρησιμοποιήνασα εκ εφαρμογή για τι μπουτσσαβάς μηνύματα.

Ισί μπουτ σημαντικός τι αβάς προσεκτικοί κάσαρ κεράσα παρέα κάνα μπουτσσαβάσα μηνύματα μπαρέ ομαδέντε. Μερικοί Χριστιανοί τσσουντέ-πες μπαρέ ομαδέντε, ντα να τθερένας λατσσέ αποτελέσματα. Σαρ κα μπορίνελας εκ πφραλ ή εκ πφεν τι αρακχαβέλ-πες άμα ισί εκχέ ομαδάτε εκατοντάδες ή χιλιάδες τζενέντζαρ; Κα αβέλας μπουτ δύσκολος τι τζανέλ κον ισί μπαγιά σαρέ οντουλά τζενέ ντα καζόμ ζουρανί πίστη τθερένα. Ο εδάφιος Ψαλμός 26:4 βακερέλα: «Να κεράβα παρέα τζενέντζαρ σο χουχαβένα ι γιαβερέν, ντα νασάβα οντουλένταρ σο γκεραβένα σο τζενέ ισί». Να σικαβέλα τουμένγκε ανταβά ότι ισί πιο λατσσό, κάνα χρησιμοποιήνενα εκ εφαρμογή για τι μπουτσσαβέν μηνύματα, τι κερέν λάφι σάντε τζενέντζαρ σο τζανένα;

Ατζέ-ντα εκχέ πιο χουρντέ ομαδάτε, εκ Χριστιανός πρέπει τι προσοχίνελ καζόμ σαάτι χαλαβέλα ντα καλέ πραγματένγκε κερέλα λάφι. Δεν πρέπει τι νιωθίνας υποχρεωμέ τι απαντίνας κο μηνύματα κι γιαβερένγκε καλέ-ντα πραγματένγκε τι κερένα λάφι ή καζόμ-ντα σαάτι τι χαλαβένα για τι συζητίνεν. Ο Παύλος βακερντάς ι Τιμοθεόσκε μερικέ τζενένγκε σο “κερένας κουτσομπολιός ντα ανακατούντιβενας κι γιαβερένγκε μπουτιά”. (1 Τιμ. 5:​13) Αντιβές, κάτι ασακό μπορεί τι αβέλ-πες αντράλ κατά Ίντερνετ.

Καέκ ώριμος Χριστιανός να κα βακερέλας ούτε κα μανγκέλας τι ασουνέλ λάφια σο κατηγορίνενα ι πφραλέν ή σο δεν πρέπει τι μουτθάντιβεν. (Ψαλμ. 15:3· Παρ. 20:​19) Επίσης, να κα αλλάνελας εκ ιστορία για τι κερέλ-λα τι ασούντιβελ πιο σουκάρ κο γιαβερά ούτε κα βακερέλας πράγματα σο νανέ σίγουρος ότι ισί μπαγιά. (Εφεσ. 4:​25) Σίγουρα, αντράλ αμαρέ ιστοτοπόσταρ jw.org ντα κατά JW Broadcasting^®, λάσα μπερεκέτι πνευματικός χαμπέ ντα πληροφορίες σο μπορίνασα τι ντας λένγκε μπέσα.

Μερικοί Μάρτυρες χρησιμοποιήνενα ο μηνύματα για τι μπικινέν, τι κινέν, τι σικαβέν ο πράγματα σο τθερένα μπικινιμάσκε ή για τι λεν τζενέν πουμαρέ μπουτιάτε. Ανταλά ισί πράγματα σο τθερένα τι κερέν ι μπουτιάσαρ ντα να τθερένα καέκ σχέση με τη λατρεία σο ντάσα. Οτθάρ, ο Χριστιανοί σο “σικαβένα ότι να μανγκένα ο λοβέ” να χρησιμοποιήνενα ι πφραλέν για τι νικαβέν λοβέ.​—Εβρ. 13:5.

Κα αβέλας σωστός τι χρησιμοποιήνας ο μηνύματα για τι γκίντας λοβέ αμαρέ πφραλένγκε σο τθερένα ανάγκη ή για τι βοηθίνας κάνα κα αβέλ-πες εκ καταστροφή; Μπουτ φαρ σικαβάσα ότι πφαμπάσα ι γιαβερένγκε κάνα βοηθίνασα-λεν ντα ντάσα-λεν ζορ. (Ιακ. 2:​15, 16) Άμα όμως προσπαθίνασα τι κεράς-λες ανταβά αντράλ μπαρέ ομαδένταρ, μπορεί κι πραγματικότητα μα τι μουκχάς τι κανονίνελ κάτι πιο λατσσό ο γραφείος τμήματος ή η κχανγκιρί. (1 Τιμ. 5:3, 4, 9, 10, 16) Ντα σίγουρα, καέκ αμένταρ να μανγκέλα τι ντελ ι εντύπωση ότι ντιντιλό-λες εκ ξεχωριστός διορισμός για τι αρακχαβέλ ι Ντεβλέσκε μπρακέν.

Μανγκάσα τι ανάς δόξα κο Ντεβέλ σαρέ οντουλέντζαρ σο κεράσα. (1 Κορ. 10:​31) Οτθάρ, κάνα αποφασίνενα άμα κα χρησιμοποιήνεν εκ εφαρμογή για τι μπουτσσαβέν μηνύματα, τι σκεφτίνεν σο μπορεί τι γκεράντιβελα παλάλ οντουλέσταρ ντα τι αβέν προσεκτικοί.