Zikhomba ziwombo bansadilanga tecnologia, muingi kukoluka na zikhomba zinkaka mu kimvuka voti na basi dikanda diawu. Vayi mutu wuyonzuka mu kiphevi kafueti yindulanga dilongi adidi: ‘Nkua diela wufika monanga diambu dimbi ayi wunsuamanga, vayi bakhambulu diela, bankuendanga ntuala ayi bammonanga ziphasi.’— Zinga. 27:12.

Tuzebi ti Yave tidi kutukieba. Diawu tumvangilanga mangolo muingi tubika ba nkangulu na batu bantulanga kithatu mu kimvuka, bavayikusu voti batu bakhambu longanga kiedika ki Kibibila. (Loma 16:17; 1 Koli. 5:11; 2 Yoa. 10, 11) Mvandi, tulenda tuba ti batu bankaka banlandakananga zikhutukunu, bazingilanga ko mu minsiku mi Yave. (2 Timo. 2:20, 21) Diawu, dilenda ba diambu diphasi kusola bakundi bamboti mu nzila bisadulu abiobio bi kufilasana zimensagem.

Tufueti ba keba keba boti tuidi mu dingumba di batu bawombo bamfilasananga zimensagem. Bawombo bakota mu mangumba ma phila ayoyi, bamonikina ziphasi ziwombo. Mu dingumba didi bivevi na bivevi bi batu, tulendi nunga ko kuzaba buboti batu boso badi muawu ayi boti badi buboti mu kiphevi. Buidi wummuena, mutu widi mu phila dingumba adiodio, bukiedika ti widi mu kulandakana dilongi di kuba keba keba? Buku yi Minkunga 26:4 yintuba: ‘Yikalanga ko va kimueka ayi bankua luvunu. Yisiko kinkundi na batu bansuekanga kimutu kiawu.’ Lutangu alolo lummonisa ti, yidi mbonosono yi nduenga kufilasana to mensagem na batu tuzebi buboti.

Kheti dingumba beni didi diluelu, tufueti ba keba keba mu thangu tumviokisa mu kufilasananga zimensagem ayi mu matedi mambu batu bankolukanga mu dingumba beni. Zimensagem beni zilenda tubila matedi mambu mawombo, vayi befu tuisiko lukuiku lu kutambudila ziawu. Mvuala Polo wulubula Timoteo matedi batu ‘bansekanga buezi ayi bankotanga mu mambu mangana.’ (1 Timo. 5:13) Momawu mvandi malenda monika bubu mu bisadulu bi kufilasana zimensagem.

Mutu wuyonzuka mu kiphevi, kalendi sonika ko voti kuvua nkinza mensagem yintubila bubi khomba yinkaka ove kutuba mambu batu bankaka bakhambulu nsua wu kuzaba. (Minku. 15:3; Zinga. 20:19) Mvandi, nandi kalendi tiamuna ko zitsangu kakhambulu lufiatu ti zidi zikiedika. (Efe. 4:25) Befu tuidi malongi mawombo mabongulu mu Kibibila tulenda fiatila madi mu jw.org ayi mu zivideo zimbasikanga kadika ngonda mu JW Broadcasting^®.

Zikhomba zinkaka, bansadilanga bisadulu bi kufilasana zimensagem muingi kutombila zikhomba bisalu, kusumbisa biuma ayi mambu mankaka. Vayi mambu bamvanganga madi ma lungosu ayi masintadila ko matedi mbuongimini yi Yave. Mbangi yi Yave wukhambulu “luzolo lu zimbongo” kasadilanga ko zikhomba ziandi muingi kubaka ziawu.—Ebe. 13:5.

Bukiedika ti didi diambu dimbi, kusadila bisadulu bi kufilasana zimensagem muingi kudinda zimbongo zi kusadisila zikhomba badi mu tsatu voti babe monikina kivuka? Befu tunzolanga beni zikhomba zitu ayi tutidi kuba sadisa. (Yako. 2:15, 16) Vayi, kuvangila mawu mu bisadulu bi kufilasana zimensagem, kulenda vunzikisa makani ma dingumba di filiali voti mambu kimvuka kinkana kumvanga. (1 Timo. 5:3, 4, 9, 10, 16) Tuisintomba ko kumonisa ti befu bavana kiyeku ki kutuama ntuala mu kusadisa zikhomba aziozio.

Tuntomba kuvanga mambu mantuadisa nzitusu kuidi Yave. (1 Koli. 10:31) Diawu, ava kubaka makani ma kusadila bisadulu abiobio bi kufilasana zimensagem, tufueti yindula mu mintambu tulenda dengana ayi kuba keba keba