ATUAQQISSAAGASSAQ 14
‘Tumai atuarlugit malissiuk’
‘Kristusi anniartitaavoq ilissi pillusi maligassamillu qimatsivigalusi, tumini atuarlugit malinnaaqqullusi.’ – 1 PETR 2:21.
ERINARSUUT 16 Ernera tanitaq pillugu Jehova unnersiutigisiuk
QILANAARTUUT *
1-2. Jiisusip tumaanik atuaasoqarsinnaava? Assersuuteqarit.
TAKORLOORUK arlaliullusi navianartumi apisimasumilu qaqqasiortusi. Siulersortersi misilittagaqarluartoq aputikkooraangami tumeqartarpoq, takusinnaanngikkaangassiulli annilaangalernasi tumai atuarniaannartarpasi.
2 Kristumiuusugut ilumoortut silarsuarmi ajortumi navianartumilu inuuvugut. Qujanartumilli Jehovap naammalluinnartumik siulersorteqartippaatigut, ernerminik Jiisusimik Kristusimik. Taassumalu tumai atuarsinnaavagut. (1 Petr 2:21) Biibilimik qinerlerfissiat ilaat naapertorlugu Petrusip Jiisusi siulersortimut assersuuppaa. Soorlu angalaarnermi siulersorti aputikkoortoq tumiliortartoq, taamatuttaaq malitassatsinnik Jiisusi tumiliorsimavoq. Maanna apeqqutit uku sammeriartigit: Jiisusip tumaanik atuaaneq qanoq paasisariaqarpa, aamma sooq qanorlu taamaaliorsinnaavugut?
JIISUSIP TUMAANIK ATUAANEQ QANOQ PAASISARIAQARPA?
3. Inuup tumaanik atuaaneq qanoq paasisariaqarpa?
3 Inuup tumaanik atuaaneq qanoq paasisariaqarpa? Biibilimi oqaatsit “aqqut” aamma “ingerlavik” atorneqaraangata ilaannikkut inuup inooriaasianut tunngassuteqartarput. (Uss 4:26) Inooriaaseq tumiliornermut assersuunneqarsinnaavoq. Taamaattumik inuup tumai atuaraangatsigit taanna ilaartarparput.
4. Jiisusip tumaanik atuaaneq qanoq paasisariaqarpa?
1 Petr 2:18-25) Jiisusili aamma allarpassuartigut ilaarneqarsinnaavoq – Jiisusimmi inooriaasianut tunngasut tamarmik, ilaatigut oqaasii iliuusiilu, uagutsinnut maligassaalluarput.
4 Taavami Jiisusip tumaanik atuaaneq qanoq paasisariaqarpa? Naatsumik oqaatigalugu isumaqarpoq taassuminnga ilaarsineq. Allassimaffimmi qulequtarisatsinni apustili Petrusi allappoq Jiisusi anniartitaanermi pinertusaartoq ilaassagipput. (5. Inuit naammalluinnaanngitsut Jiisusi naammalluinnartoq ilumut ilaarsinnaavaat? Nassuiaruk.
5 Naammalluinnaanngitsuugatta Jiisusi ilumut ilaarsinnaavarput? Aap! Petrusi allanngilaq Jiisusip tumai atuaqqissaartariaqarigut. Naammalluinnanngitsuugaluarluta Jiisusip tumai sapinngisatsinnik atuarniaraangatsigit apustilip Johannesip oqaasii uku maleruartarpagut: ‘[Jiisusip] inuuneratut inuusariaqarpusi.’ – 1 Joh 2:6.
SOOQ JIISUSIP TUMAI ATUASSAVAGUT?
6-7. Sooq oqarsinnaavugut Jiisusip tumai atuarutsigit Jehovamut qanillinerussasugut?
6 Jiisusip tumai atuarutsigit Jehovamut qanillinerussaagut. Sooq taamatut oqarsinnaavugut? Siullertut, Jiisusip inooriaatsimigut ersersippaa Guutimit qanoq iluarisaasoqarsinnaasoq. (Joh 8:29) Taamaattumik Jiisusip tumai atuarutsigit Jehovamit iluarisaassaagut. Aamma upperilluinnarsinnaavarput Ataatatta qilammiusup ilungersorlutik imminut ikinngutaarusuttut qanillerusukkai. – Jaak 4:8.
7 Aappaattut, Jiisusip Ataatani ilaaqqissaartarpaa. Taamaattumik ima oqarsinnaavoq: “Uannik takunnittup Ataataq takuaa.” (Joh 14:9) Jiisusi pissuserikkami allanillu ajunngitsumik pinnittarami uagutsinnut maligassaalluarpoq. Assersuutigalugu pupissoq naakkigaa, arnaq ilungersunartumik nappaatilik ikiorpaa asasaminnillu toqusoortut misiginneqatigalugit. Jiisusi ilaaraangatsigu aamma Jehova ilaartarparput. (Mark 1:40, 41; 5:25-34; Joh 11:33-35) Jehova ilaarnerujartortillugu taanna qaninnerulertarparput.
8. Nassuiaruk sooq Jiisusip tumaanik atuaanerput silarsuarmut ‘ajugaanissatsinnut’ iluaqutaasoq.
8 Jiisusip tumaanik atuaaneq silarsuarmit ajortumit matumannga allamut saasartinnginnissamut iluaqutigissavarput. Jiisusi aqagumut toqusussaalluni ima oqarpoq: “Silarsuarmut ajugaareerpunga.” (Joh 16:33) Taamatut oqarami inuit silarsuarmiittut eqqarsartaasiannit, anguniagaannit iliuuserisaannillu sunnertinnginnini pivaa. Jiisusip nunarsuarmukartinneqarnerminut pissutaasoq – tassa Jehovamik qutsissisitsinissani – puiunngisaannarpaa. Uagummi? Silarsuarmi matumani allamut saasaataasinnaasut amerlapput. Jiisusitulli Jehovap piumasaa pingaarnerpaatikkutsigu uaguttaaq silarsuarmut ‘ajugaassaagut’. – 1 Joh 5:5.
9. Qanoq naassaanngitsumik inuuneqalersinnaavugut?
9 Jiisusip tumai atuarutsigit naassaanngitsumik inuusinnaassaagut. Jiisusi angummit inuusuttumit pisuumit aperineqarami qanoq naassaanngitsumik inuuneqalertoqarsinnaasoq ima akivoq: ‘Qaallutit malinnga!’ (Matt 19:16-21) Juutit kristusiunerminik upperinninngitsut ilaannut Jiisusi ima oqarpoq: ‘Savaatima ... malittarpaannga; inuunermillu naassaanngitsumik tunisarpakka.’ (Joh 10:24-29) Jiisusi Nikodemusimut, Killisiuisoqatigiinni ilaasortaasumut ajoqersuutiminik soqutiginnittumut, oqarpoq imminik upperinnittut ‘naassaanngitsumik inuuneqalissasut’. (Joh 3:16) Jiisusi ilaaraangatsigu ilinniartitsissutigisaalu maleruaraangatsigit upperalugu ersersittarparput. Taamaaliorutta naassaanngitsumik inuusinnaassaagut. – Matt 7:14.
JIISUSIP TUMAI QANOQ ATUARSINNAAVAGUT?
10. Jiisusi ilisarisimanerulerumallugu susariaqarpugut? (Joh 17:3)
10 Aatsaat Jiisusi ilisarisimagutsigu taassuma tumai atuarsinnaassavagut. (Johannesi 17:3 atuaruk). Jiisusi pillugu ilinniartuarsinnaavugut – tassa pissusii, eqqarsartaasia najoqqutassiaalu pillugit paasisaqarnerusariaqarpugut. Sallusuissummiinnitta qanoq sivisutiginera apeqqutaatinnagu tamatta Jehovamik Jiisusimillu ilisarisimanninnerulertariaqarpugut.
11. Iivangkiiliuni sisamani suut oqaluttuarineqarpat?
11 Jiisusi ilisarisimalerniassagatsigu Jehovap Hebr 12:3, tastamantitâĸ) Iivangkiiliuni atuaraangatta Jiisusip tumai isigisarpagullusooq. Taakkua atuaqqissaarnerisigut Jiisusimik ilisarisimanninnerujartussaagut taamaalillutalu tumai atuarsinnaalissallugit.
asannilluni iivangkiiliut sisamat allatsippai. Jiisusip inuunera kiffartorneralu iivangkiiliuni oqaluttuarineqarput. Taakkunani Jiisusip oqaasii, iliuusii misigissusiilu allaatigineqarput. Taakku iluaqutigalugit Jiisusip maligassiuinera ‘eqqarsaatigisinnaavarput’. (12. Iivangkiiliut qanoq pissarsiffiginerpaasinnaavagut?
12 Iivangkiiliut iluaqutigilluassagutsigit atuapallaannarnagit atuaqqissaarlugillu eqqarsaatigeqqissaartariaqarpagut. (Jos 1:8) Qanoq taamaaliorlutalu atuakkagut maleruarsinnaavagut? Siunnersuutit marluk sammeriartigit.
13. Iivangkiiliuni oqaluttuarineqartut qanoq takorloorluarnerulersinnaavigit?
13 Siullertut, takorlooruk pisimasut takusinnaallugit, tusaasinnaallugit misigisinnaallugillu. Taamaaliorumallutit Jehovap peqatigiissortaasa atuaqqissaarutaanni misissueqqissaarit. Versit ataqatigiinneri – tassa atuaqqissaakkannut tunngatillugu pisut siulii kinguliilu – misissukkit. Inuit sumiiffiillu oqaluttuami eqqaaneqartut pillugit paasissutissarsiorit. Oqaluttuaq taannarpiaq iivangkiiliuni allani qanoq oqaluttuarineqarnersoq misissoruk. Ilaannikkummi iivangkiiliunik allattut ilaata minissimasaa allap ilanngussimasarpaa.
14-15. Oqaluttuat iivangkiiliuniittut inuunitsinni qanoq atorsinnaavagut?
14 Aappaattut, iivangkiiliuni atuakkatit maleruakkit. (Joh 13:17) Oqaluttuaq misissoqqissaareerukku uku eqqarsaatigikkit: ‘Oqaluttuaq nammineq inuuninni inoqatinnillu ikiuininni qanoq ilinniarfigisinnaavara?’ Inuk aalajangersimasoq eqqarsaatigiuk, piffissaalluarpallu asannillutit pissuserillutillu ilikkakkatit taassumunnga oqaluttuarikkit.
15 Siunnersuutit taakku marluk qanoq atorsinnaanerlutigit assersuuteqariarta. Uillarneq piitsoq Jiisusip naalaffimmi takusaa pillugu oqaluttuaq misissussavarput.
UILLARNEQ PIITSOQ NAALAFFIMMIITTOQ
16. Markusi 12:41-mi pisut oqaluttuarikkit.
16 Oqaluttuarineqartut takorluukkit. (Markusi 12:41 atuaruk). Jiisusi ukiumi 33-mi nisanip aqqarnanni ullualuit qaangiuppata toqusussaalluni naalaffimmiippoq. Ullup tamatuma ilarujussua Jiisusi ilinniartitsivoq. Upperisarsiornikkulli siuttunit akerlilersorneqarpoq. Ullaap tungaani oqartussaanera apeqquserneqarsimavoq. Aamma akisinnaanngissorisaanik akerlilersortaasa ilaasa aperaat. (Mark 11:27-33; 12:13-34) Maanna Jiisusi naalaffimmi arnat silarliannut pivoq, tassani tunissutinik nakkaatitsiviit qarmarsuup killinganiittut takusinnaavai. Inuit tunissuteqartut isiginnaaramigit pisuut aningaasarpassuarnik nakkartitsisartut takuai. Immaqa qanikkamigit nakkartitaasa tuppaluttarnerat tusaasinnaavaa.
17. Uillarneq piitsoq Markusi 12:42-mi allaatigineqartoq sua?
17 Markusi 12:42 atuaruk. Taava Jiisusip arnaq, “uillarneq piitsoq”, malugilerpaa. Arnap inuuniarnera ilungersunartuuvoq, immaqalu pisariaqavissunut akissaqanngilaq. Taamaakkaluartoq aningaasamininnguit marluk malunnaarsaarluni nakkartippai, taakkulu mikingaaramik tunneri nipeqanngillat. Jiisusip nalunngilaa nakkartitai tassaasut aningaasat nalikinnerpaat leptonit marluk. Nalikingaaramik qupaloraarsummut, timmissat nerisassatut tuniniarneqartartut akikinnerpaartaannut, ataasiinnannguamulluunniit akiliutigissallugit amigarput.
18. Markusi 12:43, 44-lu naapertorlugit Jiisusi uillarnerup tunissutaa pillugu qanoq oqarpa?
18 Markusi 12:43, 44 atuakkit. Jiisusip uillarnerup iliuusia killinneqaatigingaarlugu ajoqersukkani qaaqqoriarlugit uillarneq malugeqqullugu ima oqarfigai: “Uillarneq una piitsoq nakkaatitsisunit tamanit annerusumik tunisivoq.” Imalu nassuiaappai: “Allammi [ingammik pisuut] tamarmik sinnerussaminnik ikisipput, uumali piitsuulluni ikivai pigisani tamaasa, inuuniutissaraluani tamaasa.” Uillarnerup taassuma ullormi tamatumani aningaasaatimi nunngutaat tunissutigigamigit Jehovamit isumassorneqarumaarnini upperaa. – Tuss 26:3.
19. Uillarneq piitsoq pillugu Jiisusip oqaasiinit pingaarutilik suna ilikkarparput?
19 Atuakkatit maleruakkit. Imminut ima aperigit: ‘Jiisusip uillarneq piitsoq pillugu oqaasii qanoq ilinniarfigisinnaavakka?’ Uillarneq qanoq misigisimasinnaasoq takorlooruk. Qularnanngitsumik Jehovamut tunissuteqarnerorusussimassaaq. Sapinngisaminilli iliuuseqarpoq, tunissutigisinnaasani pitsaanerpaaq Jehovamut tunissutigaa. Jiisusillu nalunngilaa taassuma tunissutaa Jehovap pingaartingaaraa. Tassa ilinniutissartaa pingaarutilik unaavoq: Pitsaanerpaaq tunissutigigaangatsigu, tassa uummatikkut tarnikkullu iluunngarluta kiffartoraangatta, Jehovap iluarisarpaatigut. (Matt 22:37; Kol 3:23) Guutisiornitsinni, ilaatigut oqaluussiumalluta ataatsimiigiarumallutalu, sapinngisatsinnik iliuuseqartugut takugaangamiuk Jehova nuannaartarpoq!
20. Uillarneq pillugu oqaluttuamit ilikkakkatit qanoq atorsinnaavigit? Assersuuteqarit.
20 Uillarneq pillugu oqaluttuamit ilikkakkatit qanoq atorsinnaavigit? Nalunngisaqarpit kiffartornini pillugu Jehovamit nuannaarutigineqarnerminik Ef 4:29) Uillarneq piitsoq pillugu oqaluttuamit ilikkakkatit taakkununnga oqaluttuarikkit. Taava immaqa qiimmassarniakkatta eqqaassavaa sapinngisatsinnik iliuuseqaraangatta Jehovap iluarisaraatigut. (Uss 15:23; 1 Th 5:11) Iliuuseqarpiarsinnaanngikkaluarlutik sapinngisartik naapertorlugu Jehovamut tunisisut nersualaartarukkit Jiisusip tumai atuassavatit.
eqqaasinneqartariaqartumik? Assersuutigalugu nalunngisaqarpit qatanngummik arnamik utoqqarmik oqaluussinissaminut nukissaqannginnini peqqiilliorniniluunniit pissutigalugu atorfissaqanngitsutut misigisumik? Imaluunniit nalunngisaqarpit qatanngummik angummik katsorsarneqarsinnaanngitsumik nappaatilimmik naalagaaffilersaarfimmut ataatsimiigianngitsoornini pissutigalugu nikallungasumik? ‘Oqaatsinik ajunngitsuinnarnik’ oqalullutit inuit taamatut misigisut qiimmassakkit. (21. Sunissat aalajangiusimaviuk?
21 Qujamasuutigingaarparput iivangkiiliuni Jiisusip inuunera pillugu oqaluttuarpassuaqarmat, taakkumi iluaqutigalugit Jiisusi ilaarsinnaagatsigu, tassa tumai atuarsinnaagatsigit! Nammineq ilaqutariittulluunniit atuaqqissaarnissinni iivangkiiliut samminerusinnaavasi. Eqqaamajuk tamakkuninnga atuaqqissaarneq pissarsiffigilluassagutsigu oqaluttuarineqartut takorloorlugillu inuunitsinni atortariaqarigut. Jiisusili ilaaginnarnagu aamma tusarnaartariaqarparput. Jiisusip toqunnginnermini oqaasii kingulliit qanoq ilinniarfigisinnaagigut allaaserisami tulliuttumi sammissavarput.
ERINARSUUT 15 Jehovap angajulliliaa nersoruk!
^ imm. 5 Kristumiut ilumoortut Jiisusip ‘tumai atuarlugit [taanna] malittariaqarpaat’. Jiisusip ‘tumaanik atuaaneq’ qanoq paasisariaqarpa? Apeqqut tamanna allaaserisami matumani akineqarpoq. Aamma sammineqarpoq sooq Jiisusip tumai atuartariaqarigut qanorlu taamaaliorsinnaasugut.
^ imm. 60 ASSIMI MALUGISASSAT: Jiisusip uillarneq piitsoq pillugu oqaasii eqqarsaatigeqqissaareerlugit arnap uppeqatini utoqqaq uummatikkut iluunngarluni kiffartortoq nersualaarpaa.