1, 2. ¿Ti ijxpajtënë xypyudëjkëm parë njaygyujkëmë 1 Peedrʉ 2:21?

NˈOKPËJTAKËM ko tuk grupë nëjkxëm yugoty mä kyutsëˈëgëty ets nëgooyë ja nëˈë tuˈu myoˈontsˈäjnë. Per tam nyijkxy tuˈugë jäˈäy diˈib xytyuˈuwinwoˈowëm ets naswäˈkëm mäjaty ja kyëˈë tyeky nyikojtuˈuty. Ta ajotkumonë nˈijxtëgoˈoyëm, per kyaj ntsëˈkëm, mët ko jam naswäˈkëm mäjaty të nyaxy.

² Tyam, nenduˈunë Dios mëduumbë nyëˈëyeˈey tyuˈuyeˈeytyë mä lugäärë kutsëˈëgëbë, jaˈa njënäˈänëm, mä tyäˈädë axëëkpë jukyˈäjtën. Perë Jyobaa të xymyoˈoyëmë yˈUˈunk diˈib xytyuˈuwinwoˈowëm parë nbanëjkxëm (1 Peed. 2:21). Extëm jyënaˈany tuˈugë liibrë diˈib nyimaytyakypyë Biiblyë, apostëlë Pedro ojtsë Jesus tˈijxkijpxyë mët tuˈugë jäˈäy diˈib tuˈuwinwoop. Ets duˈun extëm yajpanëjkxy ja jäˈäy diˈib tuˈuwinwoop, nenduˈun ëtsäjtëm mbäät nbanëjkxëmë Jesusë yˈijxpajtën. Per ¿tiko mbäät nbanëjkxëm, ets wiˈix mbäät nduˈunëm?

3. ¿Ti yˈandijpy naswäˈkëm mäjaty nyaswäˈägë tuˈugë jäˈäy?

³ ¿Ti yˈandijpy ko pën nbanëjkxëm ja kyëˈë tyeky? Ko Biiblyë tmaytyaˈaky nëˈëyeˈey nduˈuyeˈeyëm o naswäˈkëm mä tuˈugë jäˈäy nyaswäˈägë, näˈäty yëˈë yˈandijpy ko nbanëjkxëmë yˈijxpajtën (Gén. 6:9; Prov. 4:26). Pääty ko naswäˈkëm mäjaty nyaswäˈägë tuˈugë jäˈäy, yëˈë yˈandijpy ko nbanëjkxëm wiˈix të jyukyˈaty ets wiˈix tijaty të ttuny.

4. ¿Ti yˈandijpy naswäˈkëm mäjatyë Jesus ojts nyaswäˈägë?

⁴ Ko nbanëjkxëmë Jesus yˈijxpajtën, yëˈë yˈandijpy ko naswäˈkëm mäjaty ojts nyaswäˈägë. Extëmë apostëlë Pedro jyënany mä tekstë diˈib tyuktsondakypy, Jesus ojts xymyoˈoyëm  tuˈugë ijxpajtën ko tmëmadakyë ayoˈon. Ta kanäk pëky wiˈix mbäät nbanëjkxëmë yˈijxpajtën (1 Peed. 2:18-25). Pes ojts xymyoˈoyëm ijxpajtën mä tëgokyë diˈib tyuun ets tijaty kyäjpx myaytyak nuˈun jyukyˈajty yä Naxwiiny.

5. Oknimaytyäˈäk tiko mbäät nbanëjkxëmë Jesusë yˈijxpajtën oy pokyjyaˈay nyajpatëm.

⁵ ¿Mbäädëdaa nbanëjkxëmë Jesusë yˈijxpajtën oy pokyjyaˈay nyajpatëm? Tiko këdii. Pesë apostëlë Pedro kyaj jyënany ko duˈunën meerë ndimjukyˈäjtëm extëmë Jesus jyukyˈajty. Per pën nbanëjkxëm yajxonë Jesusë yˈijxpajtën, yëˈë nety nguytyuˈunëm ja käjpxwijën diˈibë apostëlë Juan kyujäˈäyë: “Njikyˈäjtëm extëmë Jesukristë jyikyˈajty” (1 Fwank 2:6).

6, 7. Ko nbanëjkxëmë Jesusë yˈijxpajtën, ¿wiˈix xypyudëkëyäˈänëm parë niˈigyë nmëwingoˈonëmë Jyobaa?

⁶ Pën nbanëjkxëmë Jesusë yˈijxpajtën, ta niˈigyë Jyobaa nmëwingonäˈänëm. ¿Tiko? Tuk pëky, yëˈko Jesus ojts xymyoˈoyëmë ijxpajtën mä wiˈix mbäät njukyˈäjtëm extëmë Jyobaa ttukjotkëdäˈägët (Fwank 8:29). Pääty pën nbanëjkxëmë Jesus yˈijxpajtën, ta Jyobaa nyayjyawëyaˈanyëty agujk jotkujk. Ets mbäät nˈijtëm seguurë ko myëwingonaampy pënaty mëtnaymyaayëbëˈatanëdëp (Sant. 4:8).

⁷ Myëmajtsk pëky, Jesus duˈun meerë jyukyˈajty extëmë Tyeety. Pääty jyënany: “Diˈibëts ëj xyˈixyˈäjtp, yˈixyˈajtypy nandëˈën ja Dios Teety” (Fwank 14:9). Yëˈë nety nbanëjkxëmë Jyobaa yˈijxpajtën ko njäˈäyˈäjtëm extëmë Jesus jyaˈayˈajty. Extëm nˈokpëjtakëm, pyaˈˈayoow ja jäˈäy diˈibë nety myëdäjtypyë leprë, nenduˈun ja toxytyëjk diˈib myëdäjtë windaxyë päˈäm ets nan pyaˈˈayoow pënatyë nety të yˈooktë jyiiky myëguˈuk (Mar. 1:40, 41; 5:25-34; Fwank 11:33-35). Ko nduˈunëmë mëjääw parë njäˈäyˈäjtëm extëmë Jyobaa, ta niˈigyë nmëwingoˈonäˈänëm.

8. Oknimaytyäˈäk wiˈix xypyudëkëyäˈänëm ko nbanëjkxëmë Jesusë yˈijxpajtën parë nmëmadakëmë naxwinyëdë jäˈäyë wyinmäˈäny.

 ⁸ Pën nbanëjkxëmë Jesusë yˈijxpajtën, yëˈë xypyudëkëyäˈänëm parë kyaj xywyoˈonëmë naxwinyëdë jäˈäy. Ja ux mä netyë Jesus yˈooganë, ta jyënany: ‘Ëjts tëjëts nmëmadaˈaky ja naxwinyëdë wyinmäˈäny’ (Juan 16:33, TY). ¿Ti Jesus myaytyäˈägan? Ko kyaj nety të tnasˈijxë parë naxwinyëdë jäˈäy yajwinmääytyëgatsëdët mä tijaty të ttuknibëjtäägë ttunäˈäny. Jam ja wyinmäˈäny dyaˈijty mä diˈibë nety të tniminy yä Naxwiiny: dyajwäˈätsët ja Tyeetyë xyëëw. Tyam, nan taaˈäjtp kanäk pëky diˈib mbäät xyajnëˈëˈadujk xyajtuˈuˈadujkëm. Per tsojkëp nbëjtakëm jamyë winmäˈäny mä Diosë tyuunk extëmë Jesus, net nëjkx nmëmadakëm ja naxwinyëdë jäˈäyë wyinmäˈäny (1 Fwank 5:5).

9. ¿Ti mbäät nduˈunëm parë kyaj njëjpˈyeˈeytyutëm ja nëˈë tuˈu diˈib yajnëjkxp mä jukyˈäjtënë winë xëëbë?

⁹ Pën nbanëjkxëmë Jesusë yˈijxpajtën, ta nbäädäˈänëmë jukyˈäjtënë winë xëëbë. Ko tuˈugë mixy diˈib mëkjäˈäy dyajtëëyë Jesus ti mbäät ttuny parë tpäädëdë jukyˈäjtënë winë xëëbë, ta yˈatsoowë: “Pamiingëts” (Mat. 19:16-21). Nääk ja judiyëtëjk kyaj tmëbëjktë ko Jesus yëˈë Kristë. Pääty yˈanmääyëdë Jesus: “Yëˈë nborreegëts [...] xypyanëjxtëpts. Ëj nmeebyëts yëˈë jikyˈäjtën winë xëë winë tiempë” (Fwank 10:24-29). Etsë Nicodemo diˈib nenduˈun jëjpˈam tuun mä ja yajkutujkpëty, yˈaknijawëyan tijatyë Jesus tukniˈˈijxëp, pääty yˈanmääyë: “Pënaty myëbëjktëp jikyˈattëp winë xëë winë tiempë” (Fwank 3:16). Ëtsäjtëm, ¿wiˈix nyajnigëxëˈkëm ko nmëbëjkëmë Jesus? Ko nbanëjkxëm ja yˈijxpajtën ets ko nguytyuˈunëm tijaty ojts xytyukniˈˈijxëm. Pën nduˈunëm duˈun, ta kyaj nëjkx njëjpˈyeˈeytyutëm ja nëˈë tuˈu diˈib yajnëjkxp mä jukyˈäjtënë winë xëëbë (Mat. 7:14).

10. ¿Ti mbäät nduˈunëm parë niˈigyë nˈixyˈäjtëmë Jesus? (Fwank 17:3).

¹⁰ Tim jawyiin, tsojkëp nˈixyˈäjtëmë Jesus parë yajxon nbanëjkxëmë yˈijxpajtën (käjpxë Fwank 17:3). ¿Ti mbäät nduˈunëm parë nˈixyˈäjtˈadëtsëm? Tsojkëp niˈigyë nˈëxpëjkëm wiˈix jyaˈayˈajty, wiˈix wyinmääy ets tijaty ojts tniˈanaˈamë nduˈunëm. Oy tëëyëp nnijäˈäwënë tëyˈäjtën o tyää näämnëm, niˈamukë mbäät nduˈunëmë mëjääw parë niˈigyë nˈixyˈäjtëmë Jyobaa etsë Jesus.

11. ¿Tijaty myaytyakypyë taxkpë Evangelio?

¹¹ Jyobaa mëk xytsyojkëm, pääty mä yˈAyuk ojts yajkujayë taxkë Evangelio diˈib xypyudëjkëm parë nˈixyˈäjtëmë Jesus. Jap yajnimaytyaˈaky wiˈixë Jesus jyukyˈajty ets wiˈix ojts ttuunë ja Tyeetyë tyuunk. Nyimaytyakypy wiˈix nyayjyäˈäwë ets ti ojts tkajpxy tmaytyaˈaky. Tyäˈädë taxkpë liibrë, mbäät xypyudëjkëm parë nˈijxëm wiˈix mbäät yajxon nbanëjkxëmë  Jesusë yˈijxpajtën (Eb. 12:3). O ja tuk pëky njënäˈänëm, duˈunxyëp extëm ndimˈijxëm mäjatyë Jesus ojts nyaswäˈägë. Pën nˈëxpëjkëmë tyäˈädë taxkpë liibrë, mbäät niˈigyë Jesus nˈixyˈäjtëm ets yajxon nbanëjkxëmë yˈijxpajtën.

12. ¿Wiˈix mbäät nnaytyukpudëjkëm ko ngäjpxëm ja taxkpë Evangelio?

¹² Parë nnaytyukpudëjkëm ja taxkpë Evangelio kyaj jeˈeyë tsyokyëty ngäjpxtäˈäyëm. Tsojkëbën njuˈtëmë tiempë parë yajxon nˈëxpëjkëm ets nbawinmäˈäyëm diˈib ngäjpxëm (ijxkijpxyë mëdë Josué 1:8). Min nˈokˈijxëm majtsk pëky diˈib mbäät xypyudëjkëm ko ngäjpxëm ja taxkpë Evangelio ets wiˈix mbäät nguytyuˈunëm.

13. ¿Wiˈix mbäät nbawinmäˈäyëm extëmxyëp jam nyajpatëm ko ngäjpxëm ja taxkpë Evangelio?

¹³ Tuk pëky, yëˈë ko nbawinmäˈäyëm extëmxyëp jam nyajpatëm. Nˈokˈyajtuˈunëm ja jot winmäˈäny parë njäˈäwëm, nˈijxëm ets nmëdoˈowëm ti jam tuun jäjtëp. Diˈib mbäät xypyudëjkëm parë duˈun nduˈunëm, yëˈë ko nˈëxtäˈäyëm mä ëxpëjkpajn diˈib yajpëtsëëmbyë Diosë kyäjpn. Nenduˈun ko nˈijxëm diˈib anikëjxy të tmaytyaˈaky ets diˈib net yˈakmaytyakypy. Pën jam ngäjpxëm mä yajnimaytyaˈagyë jäˈäy, it lugäär, nˈokpayeˈeyëm ti jawyiin tuun jäjtë ets ti ok. Ets pën yëˈë jam ngäjpxëm diˈib yajmaytyakp mä wiinkpë Evangelio, oy ko nˈijxkijpxyëm, pes mbäät ti nbatëm diˈib nˈoymyëdoˈowëm ets kyaj yajmaytyaˈaky mä ja liibrë diˈibë nety jam ngäjpxëm.

14, 15. ¿Ti mbäät xypyudëjkëm parë nguytyuˈunëm tijaty ngäjpxëm mä ja taxkpë Evangelio?

¹⁴ Myëmajtsk pëky, nguytyuˈunëm tijaty ngäjpxëm (Fwank 13:17). Ko nety tuk pëky yajxon të nˈëxpëjkëm, oy ko nnayajtëˈëwëm: “¿Titsë tyäˈädë xytyukniˈˈijxëp? ¿Wiˈixëts mbäät ndukpudëkë wiink jäˈäy?”. Nˈokwinmäˈäyëm pën diˈib mbäät ndukpudëjkëm, ta net nˈëxtäˈäyëm ja winmäˈäny ets tsuj yajxon ndukmëtmaytyakëm diˈibë nety të njäjtëm.

 ¹⁵ Min nˈokˈijxëm tuˈugë ijxpajtën diˈib mbäät xypyudëjkëm parë nduˈunëm extëm yam majtsk pëky të yajnigajpxy. Yëˈë ja kuˈookytyoxytyëjkë yˈijxpajtën diˈibë Jesus yˈijx mä ja templë.

16. Oknimaytyäˈäk ti tuun jäjtë diˈib yajmaytyakp mä Markʉs 12:41.

¹⁶ Nˈokpawinmäˈäyëm extëmxyëp jam nyajpatëm (käjpxë Markʉs 12:41). Okpawinmay ko tyam 11 äämbë nisán mä jëmëjt 33 ets tam xytyimˈixy wiˈix tijaty tyuny jyatyëty. Jeˈeyë majtsk xëëw tëgëk xëëw yˈaktëgoyˈaty mä Jesus yˈooganë, ets ja xyëëw tiempë tˈakˈyajnaxy mä templë ko jäˈäy dyaˈëxpëky. Pënaty nyiwintsënˈäjttëbë relijyonk nyibëdëˈktëbë Jesus. Nääk dyajtëwdë pënën ja kutujkën të myoˈoyëty parë duˈun tijaty ttunët, ets wiinkpë tjantsy yajtëwdë tijaty parë dyajkäˈäjäˈändë (Mar. 11:27-33; 12:13-34). Ta Jesus jap pyëtsëëmy ets ojts nyijkxy templë tëjkwiiny, jatsoo mä yaˈixyˈaty tëjäˈäw parë toxytyëjkëty. Ta nyaxweˈtsy ets tˈijxy wiˈix ja jäˈäy yˈayak yˈagonëdë. Yˈijx wiˈix mayë mëkjäˈäytyëjk tjantsy yˈagonëdë ja meeny sentääbë. Waˈanë Jesus naa jamyë yˈunyaay, pääty tmëdooy wiˈix meeny jyantsy kyaˈay.

17. ¿Ti tyuun ja kuˈookytyoxytyëjk diˈib yajmaytyakp mä Markʉs 12:42?

¹⁷ (Käjpxë Markʉs 12:42). Ko waanë yˈijty, ta Jesus tˈijxy “tuˈugë kuˈeekytyoˈoxy ayoobë tpëjtaˈaky nandëˈën majtskë mutsk meenyuˈunk” (Luk. 21:2). Tyäˈädë kuˈookytyoxytyëjk, nimëjääw xyëëw tiempë dyajnaxy, ni jeˈeyë tkapääty ja myeeny syentääbë parë tnijukyˈatët. Per ta tˈagoˈonë majtsk ja mutsk meenyuˈunk, waˈan apenë yajmëdooy ko jap kyaˈay. Jesus nyijäˈäwëbë nety ko diˈib të tˈagonë yëˈë majtskë leptón, ja meeny diˈib kyaj nyekytsyobääty mä taabë tiempë. Ets ni jeˈeyë tkapääty parë ttukjuyët tuˈugë mutsk joonuˈunk, diˈibë nety mä taabë tiempë mas kujënaky yajtoˈkp parë jäˈäy ttsuˈutstët.

18. Extëm jyënaˈanyë Markʉs 12:43, 44, ¿wiˈixë Jesus tnimaytyaky ja kuˈookytyoxytyëjk diˈib ayäjk agoˈonë?

¹⁸ (Käjpxë Markʉs 12:43, 44). Jesus jantsy yajmonyˈijx jantsy yajmonyjyäˈäwë ti tyäˈädë kuˈookytyoxytyëjk tyuun. Pääty ojts tmëgajpxy ja yˈëxpëjkpëty ets tˈanmääy: “Tyäˈädë kuˈekytyoˈoxy diˈibë ayoop të dyaky niˈigyë es këdiinëm nidëgekyë ja mëkjäˈäyëty”. Ta net tˈakˈanmääytyë: “Jaˈa ko yëˈëjëty dyaktë diˈibë yajnadëjkëp, perë tyäˈädë ayoobë kuˈeekytyoˈoxy dyaky tëgekyë ja myeeny diˈibë tyukjikyˈajtypy”. Ko mä taabë xëëw tˈakˈagoˈonëtyaay ja myeenywyaˈkxy, yëˈë yajnigëxëˈk ko tyukˈijxpejtypyë netyë Jyobaa ko ijxˈitan kuentëˈatanëp (Sal. 26:3).

19. ¿Ti xytyukniˈˈijxëm extëmë Jesus tmaytyaky ja kuˈookytyoxytyëjk?

¹⁹ Nguytyuˈunëm diˈib të ngäjpxëm. Nˈoknayajtëˈëwëm: “¿Tits xytyukniˈˈijxëp extëmë Jesus jyënany mä ja kuˈookytyoxytyëjk?”. Okwinmay wiˈixë nety yaˈixy yajpääty tyääbë kuˈookytyoxytyëjk. Yëˈë jyamoˈoyanë Jyobaa tijaty mëjwiin kajaa, per myooy tëgokyë diˈibë nety myëdäjtypy. Jesus nyijäˈäwëbë nety ko Tyeety mëjwiin kajaa dyajtsobääty diˈib ja kuˈookytyoxytyëjk të dyaky. ¿Ti tyäˈädë xytyukniˈˈijxëm? Ko Jyobaa yajtsobatypy tëgokyë tijaty nmoˈoyëm: ko nmëduˈunëm amumduˈukjot (Mat. 22:37; Kol. 3:23). Agujk jotkujk nyayjyawëty ko nmëduˈunëm nuˈun nmadakëm. Ko nyajtuˈunëm ja xëëw tiempë etsë jot mëjääw, extëm ko nëjkxëm ëwäˈkx käjpxwäˈkxpë ets reunyonk.

20. ¿Wixaty mbäät ndukpudëjkëmë nmëguˈukˈäjtëm diˈib të njäjtëm mä të yajmaytyaˈaky ja kuˈookytyoxytyëjk? Oknimaytyäˈäk.

²⁰ Extëm të yajnimaytyaˈagyë tyäˈädë kuˈookytyoxytyëjk,  ¿wiˈix mbäät nyajtuˈunëmë yˈijxpajtën? Nˈokwinmäˈäyëmë nmëguˈukˈäjtëm diˈib mbäät pyudëkëdë tyääbë ijxpajtën ets nˈoktukjamyajtsëm ko Jyobaa yajtsobatypy tijaty tyuundëp. Extëm nˈokpëjtakëm, ¿mˈixyˈajtypy tuˈugë nmëguˈukˈäjtëm diˈib mëjjäˈäy mëjˈënäˈknë ets axëëk nyayjyawëty mët ko kyaj mbäät nyekykyäjpxwaˈkxy extëm ijty mët ko pyëjk yˈijxënë? ¿O nˈixyˈäjtëm tuˈugë nmëguˈukˈäjtëm diˈib yuumëët päˈämmëët ets mon tuk nyayjyawëty mët ko kyaj tpatäˈäy ja reunyonk? Mbäät nbudëjkëm ja nmëguˈukˈäjtëm ko njotmëkmoˈoyëm (Éfes. 4:29). Nˈoktukmëtmaytyakëm ti të xytyukniˈˈijxëm mä të yajmaytyaˈagyë tyäˈädë kuˈookytyoxytyëjk. Ets nˈokˈanmäˈäyëm ko Jyobaa jotkujk nyayjyawëty ko nduˈunëm nuˈun madakëm (Prov. 15:23; 1 Tes. 5:11). Yëˈë nety nbanëjkxëmë Jesusë yˈijxpajtën ko nˈanmäˈäyëm ja nmëguˈukˈäjtëm ko mëjwiin kajaa dyajtsobäätyë Jyobaa tijaty tyuundëp, oy wyinmaytyë ko yiˈinëm waanë tyundë.

21. ¿Ti net tyam mdunaampy?

²¹ Jantsy oy ko mä tyäˈädë taxkpë Evangelio ojts yajkujayë wiˈixë Jesus jyukyˈajty ets duˈun nbanëjkxëm ja yˈijxpajtën. ¿Këdii oyxyëp ko nˈëxpëjkëm tuk familyë o naytyuˈuk? Parë nnaytyukpudëjkëm mëjwiin kajaa, oy ko naybyëjtakëm extëmxyëp jam nyajpatëm ets nguytyuˈunëm. Tsojkëp nbanëjkxëmë Jesus yˈijxpajtën mä tijaty tyuun, per nan jëjpˈam nmëdoowˈijtëm wiˈix jyënany. Mä jatuˈukpë artikulo nnijawëyäˈänëm ti xytyukniˈˈijxëm extëmë Jesus yˈakjënany ko nety yˈooganë.