1-2. Tae-e ge ī Jesub ge ǀuniga mîde gere ǃhoa o?

Tsēǃgâǁaeb, 14ǁî Nisanni, 33ǁî kurib ge. ǂHanu tama xūn ai ǂgari-amhe. Dī tamab hâ xū-i ai ǀgoraǃgâhe. Tsîb ge Jesuba tsûsa ǀgauba ǃgâuhaib ai ra hōǃgâ. Spuikergu ge ǁîb ǃomdi tsî ǂaidi ai ǃgâuǂgāsa. ǀom-i ra tsî ǃhoab ra ǁaeb hoab aib ge ra tsû. Xaweb ge nî ǃhoa. ǂHâǂhâsa xūnab ge nî mîs ge.

² ǀKhī da nēsi Jesub ge ǃgâuhaib aib ge mâ i. Ob ge mî mîde xu da tae-e a ǁkhāǁkhāsen ǁkhāsa ǃhoaǃgao re. ǀNî mîdi ǃnâ, hā re î da “ǁîba ǁnâu.”—Mat. 17:5.

3. Ham-i nî ǀûbahesab ge Jesuba gere ǂhâba, ‘Abotse, ǀûba nî re’ tib ge mî o?

³ Jesuba tae-e ge mî? ǃGâuhaib aib ge Jesuba ǃgâuhe o, ob ge ge ǀgore: ‘Abotse, ǀûba nî re.’ Ham-i nî ǀūbahesab ge ǁîba gere ǂhâba? Saora mîdi ǃnâ da ge ǃgāsasiba ra hō. “Tare-en ra dīsan a ǀū xuige.” (Luk. 23:33, 34) Jesub ge ǀnîsi Romeǁî soldagu xa gere ǃhoa hîna ge ǁîb di ǂaidi tsî ǃomdi ǃnâ spuikerga a ǃgâugu xa. ǁÎgu ge ge ǀū i ǁîb a hamsa. ǀNîsib ge ǁnapa ge mâ i khoen hîna ge ǁîba ǃkhamhes xa gere ǃhoan. Xawe ega sī ǁîb ǃnâ ǂgoman xas tsîna gere ǃhoa. (ǃNǃkh. 2:36-38) ǂHabasa tama i ge ge hâ i Jesuba ǁōsa. Tsîb ge ǁnās ǀkhas ǃgâi tamase ǀgoraǃgâhe xaweb ge. Khoena ǂgari-am tsî ǁîn ǀkha ge ǁaixa tama hâ i. (1Pet. 2:23) Xaweb ge Jehovaba ge ǂgan îb ǁîba ra ǃgam khoena ǀūba.

4. Tae-e da Jesub ge māsenxase ǁîba ra mâǃoa khoena a ǀûba ǀgauba xu ra ǁkhāǁkhāsen?

 ⁴ Tae-e da Jesub ge mî mîde xu a ǁkhāǁkhāsen ǁkhā? Jesub khami da ge sada tsîna nau khoena nî ǀūba. (Kol. 3:13) ǀNîn hîna sida omaris din ge nî mâǃoa da. Sida di ǂgomǀgaub tsî ûiban ǁnâuǃā tama amaga. ǁÎn ge sida xa ama tama xūna ǃhoa. Nau khoen ais ai taotao da. Tsî sida ǂkhanin tsîna ǁgaiǁgai ǁkhā. Tamas ka io mîba da ǁkhā. ǁÎn nî tsûtsû dasa. Nē khoen da di xūn xa ǁaixa tama i tsî da ge Jehovaba ǂgan ǁkhā în amab ǃnâ ǂgâxa. (Mat. 5:44, 45) ǀNî ǁaega i ge kaise a ǃgom ǁkhā khoena ǀūbasa. ǀNîsi da ga ǃgâi tamase hâ-ūhe ǁaeb ǃnâ. ǁAixa hâse da ga hâ tsî da ga ǀūba tama io. O da ge aitsama nî tsûtsûsen. ǀGui ǃgâsas ge ge mî. “Khoena da ra ǀūbas ge ǂâibasen tama hâ. Khoen ra dī xūn xa ta a ǃgâibahesa. Tamas ka io ta ra mā-amsa în ǁîna ǃgâi tamase hâ-ū te. Xawes ge nēsa ra ǂâibasen i ta tā ǁîn ǀkha ǁaixa hâse hâ.” (Psa. 37:8) ǀŪba da ra o, o da ge ra ǁgau, ǃgomsin hîna da ra hōǃân ǁaixa hâse hâ kai da ǁoasa.—Efe. 4:31, 32.

5. Tae-eb ge Jesuba ǀgui ǂkhabadi-aob hîna ge ǁîb xōǀkha ǃgâuhe hâ iba mîba, tsî tae-i ǃaromab ge ǁnā mîmâisa dī?

⁵ Jesuba tae-e ge mî? ǀGam ǂkhabadī-aokha tsîn ge Jesub xōǀkha ge ǃgâumâihe hâ i. ǂGurose kha ge hoakha Jesuba gere ǃkhāǃkhā. (Mat. 27:44) Xaweb ge ega ǀguib di ǂgaoba ge dawa. ǁÎb ge ge mû Jesub “tsū xū-e dī tama” hâsa. (Luk. 23:40, 41) Tsîb ge ge ǁgau Jesub ǁōba xu khâi tsî Gaob ase nî ǂgaeǂguisab ra ǂgomsa. ǁÎb ge Jesub ǃoa ge mî. “ǂÂi te re, ǃKhūtse, sa gaosib ǃnâts ga sīo.” (Luk. 23:42) ǁNā khoeb ge ǀgaisa ǂgomsa ge ǁgau. Ob ge Jesuba ǃeream tsî ge mî. “Amase, ta ra mîba tsi, nētsēts ge tita ǀkha paradais ǃnâ nîra hâ.” (Luk. 23:43) ǁÎb ge ǃhoa mîdi ǃnâb ge ge ǁgau. ǀGuri hâseb ge ǁnā khoeba ǃoa gere ǃhoasa. Jesub ge nē ra ǁō ǂkhabadī-aoba ǃâubasensa ge māǁkhā i. ǁÎb di Dadasab a ǀkhomxaǂgao amaga.—Psa. 103:8.

6. Tae-e da Jesub ge ǂkhabadī-aoba ǃoa a mî mîde xū ra ǁkhāǁkhāsen?

⁶ Tae-e da Jesub ge mî mîde xu a ǁkhāǁkhāsen ǁkhā? Jesub ge ǁîb di dadasab khami ǀgui ī. (Heb. 1:3) Tsū xūn hîna da ge dīn xa da ga ǃhausen o. Ob Jehovaba ra ǀkhom da tsî ra ǀûba da. Tsî da ge ǂgomsa a ǁgau ǁkhā sida di dīsan ǃaroma. Jesub ge ǂnâxū ǀaob ǃnâ u. (1Johaneb 1:7) Tsū xūn hînan ge ǃkharu ge ǁaeb ǃnâ dīnab ge Jehovaba. A ǀûba nîsan ge ǀnî khoena ǂgom tama hâ. ǀNî ǁaegu ai du ga ǁnāti tsâ o nēsa kō re. ǁŌb nîs aisib ge Jesuba ǂkhaba dī-aob hîna ge ǁîb ǃnâ ǂgomsa a ǁkhau tsotsoaba ge ǀkhomxa. Ob kom Jehovaba ǁkhān a ǀgaub hoab ai ra ǁîba ra ǃoabana nî ǀkhomxa o—Psa. 51:1; 1Jhn. 2:1, 2.

7. Jesuba tae-e Johanneb tsî Marias ǃoa ge mî, Johaneb 19:26, 27 ǃnâ i a xoasa khami tsî tae-i ǃaromab ge nēsa mî?

⁷ Jesuba tae-e ge mî? (Khomai re Johaneb 19:26, 27 sa) Jesub mas ge ǀnîsi ǁnā ǁaeb ai ge ǃoa tara-i. Tsîb ge gere ǂhâba is ǁîsa kōǃgâ-e. ǁÎb di ǃgân ge ǀnîsi ǁîsa sorosise kōǃgâ tsî ǂhâs hâ xūn tsîna ga mā hâ. Xawe hame ǁîsa gagasise ga kōǃgâ hâ? ǁKhauǁkhau i ge ǀkhai Jesub di ǃgâgu ge ǁnā ǁaeb ai ǁîb di  ǁkhāǁkhāsabe isa. Xawe Johanneb ge ge ǂgomǂgomsa apostel i, tsî ge Jesub di ǀgū ǀhōsa i. Jesub ge ǁîb ǀkha ge Jehovaba gere ǃoabana ǁîb di gagasi omaris ase gere mû. (Mat. 12:46-50) ǁNā amagab ge ǀnammi xa ǁkharihe hâse Johanneba ge mîba ib Mariasa kōǃgâ. Jesub ge ge ǂan i Johanneb ǁîsa gagasise nî kōǃgâsa. ǁÎb mas sa ǃoab ge ge mî: “Mû, neb ge a sa oa” tsîb ge Johanneba ǃoa ge mî: “Mû nes ge a sa î”. ǁNā tsēsa xub ge Johanneba Marias di ǀgôab ase ge i. Tsîb ge ǁîsa mamasas ase gere kōǃgâ. Jesub ge ǀgaisa ǀnamma ǁnā ǀkhō-aisa tarasa ge ǁkhau. Hîna ge ǁîba ǃnaetsēs ai kōǃgâ tsî ǁîb di ǁōb tsēs ai ǁnāpa mā isa

8. Tae da Jesub di mîdi hînab ge Johanneb tsî Mariasa ǃoa a mide xu a ǁkhāǁkhāsen ǁkhā?

 ⁸ Tae-e da Jesub ge mî mîde xu a ǁkhāǁkhāsen ǁkhā? Sida Xristeǁîn ǀkha da ūhâ ǀhōsagus ge a ǀgaisa ǁkhā. Sida omaris ǁanina da ūba hân xa. Sida di omaris di ǁanin ge a mâǃoada ǁkhā tsî a ǁnāxu da ǁkhā. Xawe Jesub ge ra mîmâi sada ga Jehovab tsî ǁÎb di ǀapeǂhomis ǀgūse ga ra hâ o. O da ge “kaidisi ǃnādi kōse”ǃnā hâna ǂoaǃnâ da kos xa nî ǃkhōǃoa. ǂGuin ge ǀgôab, ǀgôas mamasas tsî dadasab ase nî ība da. (Mrk. 10:29, 30) Mati du ra tsâ gagasi omaris hîna nau khoena ǀnam, Jehovaba ǀnam khoen hoan di ǃâ du asa?—Kol. 3:14; 1Pet. 2:17.    

9. Jesub mîdi hîna Mateub 27:46 ǃnâ xoamâisade tae-e ra mîba da?

⁹ Jesuba tae-e ge mî? ǁŌb nîs aiǃgâb ge Jesuba ge mî: “Ti Elotse, ti Elotse, tarexats go ǁnāxū te?” (Mat. 27:46) Elobmîs ge mîǃkhāǃkhā tama hâ tae-i ǃaromab ge Jesuba ǁnā mîde a mîsa. Tae-e da ǁnā mîde xu a ǁkhāǁkhāsen ǁkhā? ǀGui xū i hîna da ra ǁkhāǁkhāsen i ge Jesub ge ǁnā mîde mî o. Ob ge khēbos hîna Psalmdi 22:1 ǃnâ ra mîhesa ge dīǀoaǀoa  * Nē mîdi ge ǃgāsase gere ǁguiǃā Jehovab ge “ǃhara-e” ǁîb di ǀgôab ǂnamipe ūhâ tama hâ isa. (Job. 1:10) Jesub ge ǃgāsase ge ǁnâuǃā ǁîb dadasab ge. ǁÎb khākhoen di ǃomman ǃnâ ǁîba a ǁnāxusa. Īb ǁnā ǀgaub ǃnâ ǃâitsâhe. Nē mîdi ge gere ǂâibasen ǁîb ge xū-e dīsa tama hâ isa. Tsî ǃkhamhesa anu tama hâ isa.

10. Tae-e da Jesub di mîdi hînab ge ǁîb di ǁgûba ǃoa a mîde xu a ǁkhāǁkhāsen ǁkhā?

¹⁰ Tae-e da Jesub ge mî mîde xu a ǁkhāǁkhāsen ǁkhā? ǀGui xū-i hîna da nēba ra ǁkhāǁkhāsen i ge tā da ge nî ǃâubasen. Îda Jehovab xa ǁkhaubahe hoa ǃgomsina xū. Jesub ge ǃâitsâhe khami da ge sada tsîna nî aiǂhomisen. Îda ǁgau ǂgomǂgomsa da a sa ǁōba da ga hōǃgâs tsîna. (Mat. 16:24, 25) Xawe da ge ǂgomǃgâsiba ūhâ Jehovab mā-am tidesa îda tani ǁkhā da as xa ǃnā hâse ǃâitsâhe. (1Kor 10:13) ǀNî hâ xū i hîna da Jesub di aiǁgausa xu ra ǁkhāǁkhāsen i ge. ǃGomsina da ge nî hōǃgâ xū-e da dī tama hâ hînas tsîna. (1Pet. 2:19, 20) ǁNān hîna ra mâǃoadan ge nēsa ra dī sida tsū xū-e dī hâ amagas ose. Xawe sida ‘ǃhūbaib di ǃâ’ tama hâ amaga. Tsî da ǁnās ǀkha amaba ra ǂhôa amaga (Jhn. 17:14; 1Pet. 4:15, 16) Jesub ge ge ǃnâuǃā tae-i ǃaromab ge Jehovaba mā-amsa ib ǃgomma tsâ. Xawe ǀnî ǂgomǂgomsa ǃoaba-aon Jehovab din tsîn ge ǀnî ǁaega ra dî. Tae-i ǃaromab Jehovaba ra mā-amsa în ǀnî xūna ī. (Hab. 1:3) Sida ǀkhomxaǂgaoxa tsî ǃnūǃnâxa Elob ge ra ǁnâuǃā nēti ra dî khoen ǂkhabusa ǂgomsa ūhâ tama hâsa. ǁÎn ge ǁîb ǀguib a mā ǁkhā ǁkhaeǂgaosa ǂhâ hâ.—2Kor. 1:3, 4.

11. Tae-i ǃaromab Jesuba Johaneb 19:28 ǃnâ hâ mîde mî?

¹¹ Jesuba tae-e ge mî? (Khomai re Johaneb 19:28 sa) Jesuba tae-i ǃaroma ge mî: ‘ǁGâ ta hâ’di? ǁÎb ge ǁnāsa ge dī ‘xoadi nî ǀoaǀoahe’ ga. Nēs ge Psalmdi 22:15 ǃnâ ra hō-e tsî nēti ra mî: “Ti ǀgaib ge ǂnâ hâ sūǃâro-i xase tsî ti nams ge ti namǃhanab tawa ra ǂae.” Nēti i ǃgom tsî tsûtsûsa masigu hînab ge ǃgâuhaib ai a hōǃgâgu. ǃAromab ge Jesuba ǀnîsi kaise ge  ǁgâ i. Huibab ge ge ǂhâ hâ i ib ǁîb di ǁgâsa ūbe.

12. Jesub mîdi hîna ‘ǁgâ ta hâ’ di hâ de xu da tae-e a ǁkhāǁkhāsen ǁkhā?

¹² Tae-e da Jesub ge mî mîde xu a ǁkhāǁkhāsen ǁkhā? Jesub ge ǂkhabusaseb ra tsâ amaga ǁîb di tsâsiga ge ǀgoragu tama hâ i. ǁNās khami da ge sida tsîna tsâsiga sida di ga nî ǀgoragu. ǀNîsi da ge sida ûib hoaba khoe-e tsîna mîba tama hâ tae-e da ǂhâ hâsa. Xaweb ga ǁaeba a hā huiba da ǂkhâ hâba. Oda ge tā nî tao nau khoen ai huiba ǂgansa. Aiǁgause kaira da ga tamas ka io da ga ǃgâi ǂūrusiba ūhâ tama io. O da ǀnîsi nau khoena a ǂgan ǁkhā în hui da. În ǀaeǃkhō-ao i tamas ka io ǁamaxu ǃkhaiba ǃoa ǃnari-ūda. ǀNîsi da ga tsûaǂgao tamas ka io ǂkhabuǂâi o. O da ge ǀhaohâb ǃûi-aob tamas ka io kai ǀoa hâ Xristeǁî ǀhōsa-e a ǂgan ǁkhā i ǃgâ da. Tamas ka io i ge ǁî-e ǃgâi mîs hîna ra omkhâisa a mîba da ǁkhā. (ǂKhm. 12:25) Ada ǂÂi hō re sida ǀnamǀnamsa ǃgâsan ǀnam da sa. Tsî “ǂōǂōsib”ǁaeb ǃnâ ra hui da ǂgaosa. (ǂKhm. 17:17) Xawen ge ǁîna sida tsâsib tsî ǂâis tsîna a khomai ǁoa. ǁÎn ge a ǀū tae-e da ǂhâ hâsa. Sada ga ǁîn ai huiba ǂgan tsî mîba nî tama io.

13. Jesuba tae-e ge dīǀoaǀoa ǁōb kōseb ge ǁîb di ǂHauǃnâxasib ǃkhōǀgara amaga?

¹³ Jesuba tae-e ge mî? ǁNā karab di ǃnonaǁî īri Nisan 14ǁî tsēs aib ge Jesuba ǂkhaiǂui tsî ge mî: “Dītoahe go” di. ǁŌb nîs aiǃgâb ge Jesuba ge ǂan i Jehovab xab ge māhe sîsen-i hoa-eb ge dīǀoaǀoasa. ǁŌb nîs kōseb ge Jesuba ǁîb di ǂgomsa a ǃkhōǀgara amagab ge ǀnî xūna ge dīǀoaǀoa. ǂGuroseb ge ge ǁgau ǁGâuab a ǂhomi-ao ǃkhaisa. Jesub ge ge ǁgau ǀoasa kurusa ūhâ khoeb. ǀOasa ǂgomsa ǁGâuab ga dī xūn hoan ǃnâ nî mâǃkharu ǁkhāsa. ǀGamǁîseb, ge Jesuba ǁîb di ûiba xoremarib ase ge mā. ǁÎb di xoremarib di ǁguibas ge ge mā-am în ǀoasa kurusa ūhâ tama khoena ǂhanuai mâǃkhaisa Elob ǀkha ūhâ ǁkhā. Tsî i ge ǁnāsa ra ī ǁkhā kai în ǀamo ûiba ǃkhōǃoa. ǃNonaǁîseb, ge Jesuba ge ǁgau Jehovab a ǂhanu ai ǂgaeǂgui-aosa. Tsî ǁnās ǀkhas tsîna ǁîb di ǁgûb di ǀonasa ge ǃanuǃanu.

14. Mā tsēs hoasa da mati nî ûi? ǁGuiǃā re.

¹⁴ Tae-e da Jesub ge mî mîde xu a ǁkhāǁkhāsen ǁkhā? Sada ge dī ǁkhā da a xu i hoa-e nî dī îda sida ǂhauǃnâsiba tsēs hoasa ǃkhōǀgara. Kō re ǃgâsab Maxwell Friendi ge mî xū-e. Hîna ǁgauǃnâ-aob ase ǃKhē xu ǂgō-ommi Gilead skoli tawa ra ǃoababa. Kai ǀkharib ǀhaos tawab ge ǃgâsab Frienda ǁîb di ǃhoas ǃnâ. ǂGomǂgomsasib xa nēti ge mî: “Tā nētsēts a mî ǁkhā xū-e ǁgarisa ǃoa mâiǂui re. ǂGom i du ra ǁgari du nî ûitsâmasa? Mā tsēs hoasa ǀuniga tsēs hînats sa ûib ǃnâ ūhâs ase sîsenū re. Îts ǂgomǂgomsasiba ǁkhau. ǁNā-amaga ǀuniga tsēs hîna du ûib ǃnâ ūhâs ase sîsenū re hîna du ǂhauǃnâsiba ra ǁgausa. ǁNā-amaga da ge ǁōba da ga hōǃgâ xawe a mî ǁkhā. “Jehovaba ǁkhā ta a i hoa-e ta ge go dī i ta ti ǂhauǃnâxasiba ǃkhōǀgara. Tsî ǁGâuaba ǂhomi-aob asa ǁkhau. Tsî ǁnās ǀkha sadu ǀonsa ǃanuǃanu. ǁGai mâsiga xu tsî sado ǂkhâǃnâ”

15. Lukab 23:46 ǃoagub ge Jesuba tae ǂgomǃgâsiba ūhâ i?

¹⁵ Jesuba tae-e ge mî? (Khomai re Lukab 23:46 sa) ǀOasa ǂgomǃgâsib ǀkhab ge Jesuba ge mî: “Abotse, sa ǃomkha ǃnâ ta  ge ti gagasa ra māǁnâ” Jesub ge ge ǂan i ǁîb di hāniǁaeb Jehovab xa ǀgui nî ī ǁkhā kaihesa. Tsîb ge ǁîba ge ǂan i ǁîb ǁgûb nî ǂâi hōbi ǃkhaisa.

16. Tae da 15 kurixa ǃgâsab di aiǁgausa xu ra ǁkhāǁkhāsen?

¹⁶ Tae-e da Jesub ge mî mîde xu a ǁkhāǁkhāsen ǁkhā? Māsenxase sadu ûiba Jehovab ǃomman ǃnâ mâi re. ǁNāsa dīs ǃaroma da ge nî ‘ǂGomaiǂnûi ǃKhūb ai sida ǂgaob hoab ǀkha’ (ǂKhm. 3:5) Joshua di ǀon hâ ǃgâsab 15 kurixab di aiǁgausa kō re. Hîna ǁkhōǁkhōsa ǀaeba ūhâba. ǁÎb ge ǀaeǃkhōs hîna Jehovab di ǂhanuga nî kôasa ge ūǃoa ǂgao tama hâ i. ǁŌb nîs aiǃgâb ge ǁîb di mamasas nēti ge mîba: “Ti ma Jehovab ge nî kōǃgâ te. Nēsa ta ge a mîba du ǁkhā ti ma ǀgaisa ǂgomǃgâsiba ta ge ūhâ. Jehovab nî ǁōba xu ūkhâi te ǃkhaisa. ǁÎb ge ti ǂgaoba ra khomai, tsî ta ge ǁîba amabes ǃnâ a ǀnam.” * Hoada ge nî dītsâ i da dîsen, ‘ǃaoǃaosa mâsib hîna sida ǂgomsa ra ǃâitsâb. ǃNâ da ga ǂgâ o, o da sida di ûiba Jehovab di ǃomman ǃnâ nî ǁnāxu. Tsî ǂgomǃgâ ǁîb nî ǂâi hō da ǃkhaisa?’

17-18. Tae-e da go ǁkhāǁkhāsen? ( Jesub ǀuniga mîde xu ǁkhāǁkhāsen re di hâ boksisa khomai re.)

¹⁷ Jesub di ǀuniga mîde xu da ge ǂhâǂhâsa xūna a ǁkhāǁkhāsen ǁkhā. ǂÂiǂâiǃnâhe da ge ra ida nau khoena ǀûba. Tsî ǂgomǃgâ Jehovab tsîn nî ǀûba da sa. Kai aiǂhanub ge gagasi omarisa ūhâsa hîna hoaǁae ra hui da ǂgaosa. Xawe da ga huiba ǂhâ o, o da ge ǁîn ai nî ǂgan. ǂAn da ge a Jehovab ge nî hui da ida mâǀgai ǃgomsina da ga hōǃgâ o. Tsî da ge ra mû tae-i ǃaroma i a ǂhâǂhâsasa. Îda mā tsēs hoasa ǀuniga tsēs ase ûi. Tsî ǁnās ǀkha sida di ǂhauǃnâsiba ǁgau. Tsî ǁnās ǀkhas tsîna ǂgomǃgâsiba ūhâ. Sida di ûib Jehovab di ǃomman ǃnâ hâsa.

¹⁸ Amase Jesub ge ǃgâuhaib aib mâ hîna a mî mîdi ge ǂhâǂhâsa ǂâibasensa ūhâ. Nē da go ǁkhāǁkhāsen xūna da ga sida di ûib ǃnâ ûiǂui o. O da ge Jehovab ǁîb ôab xa ra mî xû-e nî ǁnâuǀnam: ‘ǁîba ǁnâu re’ di hâsa.—Mat. 17:5.