Misigisaq taan­na pis­sutigalugu inuunera al­lan­ngor­poq, taman­nami aal­lar­nerfigalugu Guuti ujar­tuler­para. Qanoq pisoqaq­qin­nera oqalut­tuaritin­nagu meeraal­lunga misigisimasak­ka Guuti pil­lugu ilin­niarusus­suseqalis­sutigisak­ka eq­qar­toq­qaalaariarlak­ka.

Il­loqarfim­mi Guesnainimi Frankrigip avan­naaniit­tumi 1937-mi inun­ngor­punga. Ataataga aamarsuarsiorfim­mi sulisuuvoq, ilungersorlunilu sulinerup pingaaruteqas­susianik ilin­niar­tip­paanga. Aam­ma eq­qun­ngitsulior­nerup uumiginis­saanik maligas­sip­paanga. Aamarsuarsiorfim­mi sulisor­pas­suit eq­qun­ngitsuliorfigineqar­tarmata navianar­tumilu sulisarmata ataatama ikiorusup­pai. Taamaat­tumik taak­kua pisin­naatitaaf­fii sorsuutiginiarlugit sulisar­tut kat­tuf­fian­nut ilan­ngup­poq. Aam­ma palasit ilumoor­tuusaar­nerat uumigaa. Taak­ku ilar­pas­sui naam­mat­torsuar­nik peqaraluarlutik aamarsuarsiorfim­mi sulisunut pis­sakil­lior­tunut nerisas­sanik aningaasanil­lu tuneq­qusar­put. Ataatama palasit pis­susilersor­nerat maajugingaaramiuk up­perisarsior­nermik ilin­niar­tin­ngilaanga. Al­laal­lumi Guuti pil­lugu eq­qar­tueqatigiin­neq ajor­pugut.

 Uangat­taaq naaper­tuil­luan­ngin­neq peroriar­tor­nin­ni uumigisaler­para. Ilaatigut maluginiar­tar­para inuit ilaat al­lamiunik im­mik­koor­titsisar­tut. Uangali taak­kua meerar­taat arsaqatigisar­pak­ka nuan­nisaqatigisarlugil­lu. Aam­mami anaanaga Frankrigimiuunani Polenimiuuvoq. Inuit sumiuugaluar­tul­luun­niit tamarmik eq­qis­seqatigiin­nis­saat as­sigiim­mil­lu pineqar­tar­nis­saat kis­saatigisaraluaqaara.

1957-imi sak­kutuun­ngoq­qusaavunga. Taamaat­tuminguna oqalut­tuar­nit­tuut un­nuaq taan­na Algeriap qaq­qaaniit­tunga. Guuti ikioq­qul­lunga torlorfigereerlugu aarim­mi takusaqaler­punga! Akeq­qat­ta sak­kutuuaneersuusoriniarlugu sunaaf­faana siutitoorsuaq! As­saa oqilial­lak­kama! Taamatut misigisaqar­nerma sorsun­nerul­lu kingunerisaanik inuunerup siuner­taa eq­qarsaatigisaler­para. ‘Sooruna inuusugut? Guutip soqutigaatigut? Ataavar­tumim­mi eq­qis­sineqalis­saner­pa?’

Kingusin­nerusuk­kut suli sak­kutuujul­lunga angajoq­qaak­ka tikeraarak­kit Jehovap Nalunaajaasuisa ilaat naapip­para. Taas­suma Biibilimik oqaluf­fim­mi ator­neqar­tar­tumik tunivaanga, Algeriamul­lu uterama ingerlaan­naq atualer­para. Ingam­mik Saq­qum­mersitat 21:3, 4-milu al­las­simasut atuarak­kit eq­qarsaal­laqaanga, imami al­las­simasoqar­poq: “Guuti ineqarfeqaler­poq inun­ni. ... Qul­liil­lu tamaasa isaan­nit al­lar­terumaar­pai, toqulu peeruk­kumaar­poq, aliasut­toqarun­naarlunilu nil­liasoqarun­naarlunilu an­niar­toqarun­naas­saaq.” Taamaat­tunik aatsaavis­suaq atuagaqarama ilumut piviusun­ngorsin­naanersut eq­qarsaatigiler­para. Ilami taamanik­kut Guuti Biibililu pil­lugit ilisimasaqan­ngingajap­punga.

1959-imi sak­kutuutut kif­far­tor­nera naam­mas­sigak­ku Nalunaajaasut ilaat, François, naapip­para. Taas­suma sal­lusuis­sutinik Biibilimeersunik ilin­niar­tip­paanga. As­sersuutigalugu Biibilimi takutip­paa Guuti ateqar­toq atialu tas­saasoq Jehova. (Tuss 83:19) Aam­ma nas­suiar­paa Jehovap nunarsuaq paratiisin­ngor­tik­kuniuk naaper­tuil­luar­neq atuutilersis­sagaa, oqaatsil­lu Saq­qum­mersitat 21:3, 4-milu al­las­simasut piviusun­ngor­tis­sagai.

Ilin­niar­titsis­sutigisai paasiuminarmata kil­litsis­sutigaak­ka. Aam­mali palasit kamaatingaaler­pak­ka Biibilimeersuun­ngitsunil­lu ilin­niar­titsisar­nerat pil­lugu as­suaringaalerlugit! Ataatama isigin­nit­taasia suli iperarsiman­ngin­nak­ku palasit eq­qun­ngitsulior­nerat ingerlaan­naq akiorusuk­kaluar­para.

Françoisip Nalunaajaasul­lu al­lat ikiorlunga eq­qis­sisar­paan­nga. Paasitip­paan­nga kristumiuugat­ta eq­qar­tuus­sisar­tus­saan­ngitsugut, Guutil­li kun­ngeqarfia, tas­sa naalagaaf­fia, pil­lugu nutaarsias­sanik nuan­nersunik oqaluus­sinitsigut inun­nik ikiuisar­tus­saasugut. Jiisusi taamaalior­poq, malin­nitsinilu taamaalioq­quai. (Matt 24:14; Luk 4:43) Aam­ma oqaluus­sinin­ni inus­siar­nersuunis­sara periaaserin­nis­saralu ilin­niar­tariaqarsimavara, al­laat oqaloqatigisak­ka isumaqatigin­ngik­kaluaraangak­kil­luun­niit. Biibilimimi al­las­simavoq ‘Naalak­kamut kif­faasoq saqitsaas­sisuus­san­ngitsoq tamanul­li inus­siar­nersuus­sasoq’. – 2 Tim 2:24.

Pisariaqar­tunik al­lan­nguereerlunga 1959-imi ataatsimeersuar­toqar­nerani imermut morsutsin­neqar­punga. Tas­sani qatan­ngut ar­naq inuusut­toq  Angèlemik atilik naapip­para nuan­narisarilerlugulu. Taas­suma ilagiivinut ataatsimiigial­lat­taasaler­punga, 1960-imilu katip­pugut. Angèle nuliaavoq asanar­toq, Jehovamil­lu tunis­sutaavoq erlin­nar­toq. – Uss 19:14.

Qatan­ngutit angutit silatuut misilit­tagaqarluar­tul­lu ilin­niarfiginikooqaak­ka. Ilik­kak­kama pingaar­nerit ilaat unaavoq: Sulias­siis­sutit suugaluar­tul­luun­niit iluatsit­tumik suliaris­sagutsigit maniguut­tuusariaqar­pugut Us­satit 15:22-milu al­las­simasut uku maleruarlugit: ‘Amerlasuunik siun­nersuisoqarsimagaangat [pilersaarutit] iluatsit­tar­put.’

1964-imi oqaatsit taak­ku qanoq ilumoor­tiginerat paasiar­tuler­para. Ukioq taan­na ilagiin­nik nak­kutil­liisutut kif­far­tuler­punga, taamaat­tumik ilagiit qiim­mas­sarlugil­lu anersaak­kut nukit­torsar­tus­saavak­ka. Taamanik­kut 27-n­nar­nik ukioqarama misilit­tagakil­lungalu kuk­kusar­punga. Kuk­kus­sutik­kali ilin­niarfiginiarsarisar­pak­ka. Pingaar­ner­tul­lu ‘siun­nersuisut’ pik­koris­sut misilit­tagaqarluar­tul­lu ilin­niarfigil­luar­pak­ka.

As­sersuuteqalaariarlanga. Taamaal­lunga Parisimi ilagiit nak­kutil­liisutut tikeraar­til­lugit qatan­ngutip anersaak­kut inersimal­luar­tup oqaloqatigiumavaanga.

Taas­suma ima aperaanga: “Louis, nakorsap kik­kut katsorsar­tar­pai? Peq­qis­sut, imaluun­niit nap­parsimasut?”

“Nap­parsimasut,” akivara.

Imalu akivaanga: “Ilumoor­putit. Maluginiar­parali ilagiin­ni anersaak­kut ingerlal­luar­tut peqatiginerusaritit. Uagut ilagiitsin­ni qatan­nguter­pas­suaqar­pugut nikal­lungasunik, Nalunaajaasun­ngoq­qam­mersunik it­toor­tunil­lu. Taak­kut­taaq pif­fis­saqarfigisaruk­kit qujamasungaas­sap­put. Im­maqa neriar­torfigisin­naavatit.”

Qatan­ngutip taas­suma taamatut siun­nersuinera eq­qarsaal­lan­nar­poq. Jehovap savaataanik asan­nin­nera kil­litsis­sutigaara. Kuk­kusimanera akueriuminaatsik­kaluarlugu nas­suerutigaara, siun­nersuutaalu ingerlaan­naq malerualer­para. Ilumum­mi, taamaat­tunik qatan­nguteqar­nin­nut Jehova qutsavigisar­para.

1969-imi 1973-imilu Parisimi nunanit tamalaanit peqataaf­figineqar­tunik ataatsimeersuar­toqarmat ataatsimeersuaqataasut nerisas­saan­nik isumagin­nit­tus­sanut nak­kutil­liisun­ngor­tin­neqar­punga.  1973-imi inuit 60.000-t mis­saan­niit­tut ul­luni tal­limani nerisin­neqar­tus­saap­put! Sulias­saq an­ner­tungaarmat saper­nar­tutut isigileraluar­para. Siun­nersuul­li Us­satit 15:22-miit­toq iluaqutigeq­qip­para. Taamaat­tumik angutinut anersaak­kut inersimal­luar­tunut nerisas­sior­nermul­lu tun­ngasunik misilit­tagaqarluar­tunut siun­nersor­tis­sarsior­punga. Taak­ku ikior­tigalugit sulias­sarujus­suaq naam­mas­sisin­naasimavar­put!

1973-imi nuliaralu Frankrigimi Betelimi kif­far­toq­quneqar­pugut. Sulias­sara siul­leq saper­nar­torujus­suuvoraasiit. Camerounimi Afrikamiit­tumi suliar­put 1970-imiit 1993-imut iner­teq­qutaavoq. Taakani qatan­ngutit Biibililersaarutinik nas­sius­sivigineqar­tar­nis­saat akisus­saaf­figigak­ku qanoq ilior­nis­sara nalor­nis­sutigeq­qaaraluar­para. Frankrigimi im­mik­koor­tor­taqarfim­mi nak­kutil­liisup taman­na maluginiarsimagunarlugu ima oqarluni qiim­mas­sar­paanga: “Camerounimi qatan­ngutigut Biibililersaarutinik pisariaqar­titsip­put. Qaa, isumaginiar­tigit!” Taamaalior­pugul­lu.

Utoq­qaaner­tat Camerounimeersut nunanut Camerounip eq­qaaniit­tunut arlaleriarlunga naapigiar­tar­pak­ka. Qatan­ngutit taak­ku sapiil­lutil­lu silatusaar­tar­put. Biibililersaarutinik Camerounimut eq­qus­sinis­samut periarfis­sarsioqatigisar­paan­nga. Jehoval­lu ilungersor­ner­put pil­luaq­quaa. Camerounimi qatan­ngutit Napasuliaq Alapernaarsuiffik aam­ma Naalagaaffimmut kiffartorneq qaam­matit tamaasa saq­qum­mer­tar­toq ukiut 20-t mis­saan­ni tamatigut pisar­paat.

Angèlep Jehovamut at­taveqarluar­nera ilisarisimaleq­qaar­neraniil­li maluginiar­tar­para. Taman­nalu katereer­nit­ta kingor­na malun­nar­neruler­poq. As­sersuutigalugu katik­kat­ta un­nuk­kut aperaanga qin­nutin­ni aap­pariit­tut Jehovamut tamak­kiisumik kif­far­torusun­ner­put ilan­ngus­sin­naaneriga. Jehovap qin­nuter­put akivaa.

Aam­ma Jehovamik tatigin­nin­neruler­nis­san­nut Angèlep ikior­paanga. As­sersuutigalugu 1973-imi  Betelimut kif­far­toriar­toq­quneqarat­ta nangaaq­qaar­punga. Ilagiin­nim­mi nak­kutil­liisutut kif­far­tor­nera nuan­nareqaara. Taava Angèlep eq­qasip­paanga Jehovamut tun­niul­luin­narsimagat­ta peqatigiis­sor­taanit qanorluun­niit sulias­sin­neqaraangat­ta akuersisariaqar­tugut. (Hebr 13:17) Isumaqatigil­luin­narak­ku Beteliliarluta aal­laan­naqaagut. Nuliara ar­naavoq silatooq, oqimaaqatigiis­saarisin­naas­suseqar­toq Jehovamil­lu qaman­nga pisumik asan­nit­toq. Taamatut pis­suseqar­nera ukior­pas­suar­ni aap­pariin­nitsin­nut aalajangiil­luar­tar­nitsin­nul­lu iluaqutaavoq.

Angèlep nuliaal­luarluni suli tapersersorluar­tar­paanga. As­sersuutigalugu teokratiimik ilin­niarfin­ni tulut­tut ingerlan­neqak­kajun­nerusar­tuni peqataarusuk­kat­ta Angèlelu tulut­tut pik­korin­neruler­nis­sar­put ilungersuutigaar­put. Taamaat­tumik 70-it sin­nerlugit ukioqaraluarluta ilagiin­nut tulut­tut oqaasilin­nut ilan­ngup­pugut. Frankrigimi Im­mik­koor­tor­taqarfiup Ataatsimiititaliaanut ilaasor­taagama oqaatsinik al­lanik ilin­niar­nis­sara pif­fis­saqarfigival­laan­ngilara. Qujanar­tumil­li Angèlelu ikioqatigiit­tar­pugut. Maan­na 80-it sin­nerlugit ukioqar­pugut, ataatsimiin­ner­nul­lu tulut­tut franskisul­lu suli piareersar­tar­pugut. Aam­ma ilagiit ataatsimiin­nerinut peqataasar­pugut sapin­ngisatsin­nil­lu oqaluus­seqataasarluta. Tulut­tut ilungersorluta ilin­niar­ner­put Jehovap pil­luaq­quaa.

2017-imi pil­luaq­quneqangaar­pugut! Taamanik­kut Im­mik­koor­tor­taqarfiit Ataatsimiititaliaan­ni Ilaasor­tanut taak­kualu Nuliaan­nut Ilin­niarfim­mut Napasuliap Alaper­naarsuif­fiup Ilin­niarfeqarfiani Pat­tersonimi New Yorkimiit­tumi ingerlan­neqar­tumi peqataaq­quneqar­pugut.

Ilumum­mi Jehova tas­saavoq Ajoqersuisorsuaq. (Es 30:20, NW) Taamaat­tumik tamat­ta – inuusut­tuugaluarut­ta utoq­qaagaluarut­taluun­niit – pitsaaner­paamik ilin­niar­tin­neqar­pugut. (5 Mos 4:5-8) Aap, maluginiarsimavara inuusut­tut Jehovap qatan­ngutil­lu misilit­tagaqarluar­tut siun­nersuutaan­nik maleruaagaangamik aalajangiil­luarsin­naalerlutil­lu anersaak­kut inersimal­lualer­tar­tut. Taamaalil­lunga Us­satit 9:9-mi al­las­simasut uku up­per­narsivak­ka: “Ilisimasoq ilin­niar­tik­kuk­ku ilisimas­suseqar­nerulis­saaq; iluar­toq ajoqersoruk­ku ilisimasar­tunerulis­saaq.”

Ukiut 60-it mis­saat matuma sior­na Algeriap qaq­qaani un­nuami misigisara taan­na ilaan­nik­kut eq­qarsaatigisar­para. Taama nuan­ner­tigisumik inuuneqar­nis­sara taamanik­kut ilimagin­ngivip­para. Al­lat ilin­niarfigil­luar­nikooqaak­ka! Aam­ma Jehovap nuan­nersumik nalerisimaar­nar­tumil­lu nuliaralu inuuneqar­tip­paatigut. Taamaat­tumik Ataatar­put qilam­miusoq qatan­ngutigul­lu misilit­tagaqarluar­tut Jehovamik asan­nit­tut ilin­niarfigiuar­nis­saat aalajangiusimavar­put.