Ανταγιά νταρ σο νακχλόμ αλλαντάς σαρί μι ζωή σόσκε κερντάς-μαν τι μανγκάβ τι σικλιάβ ι Ντεβλέσκε. Αλλά πριν τι βακεράβ τουμένγκε σο αβιλό-πες οντιά ιράτ, κα μανγκάβας τι βακεράβ τουμένγκε χάνικ πράγματα σο νακχλόμ καζόμ ισινόμας χουρντό ντα κερντέ-μαν τι μανγκάβ τι σικλιάβ ι Ντεβλέσκε.

Μπιάντιλομ κο 1937 κο Γκενέν, εκ πόλη κι βόρεια Γαλλία. Μο ντατ, σο ισινέ ανθρακωρύχος, σικλιαρντάς-μαν καζόμ σημαντική ισί η σκληρή μπουτί. Επίσης, σικλιαρντάς-μαν μα τι μανγκάβ ιτς ι αδικία. Ντικχέλας καζόμ αδικίντιβενας ο ανθρακωρύχοι ντα καζόμ επικίνδυνη μπουτί κερένας, οτθάρ μανγκέλας τι βοηθίνελ-λεν. Οντουλέσκε-ντα τσσουντάς-πες κο οργανώσεις σο υπερασπίνενας οντουλέν σο ισινέ ανθρακωρύχοι. Ντα να μανγκέλας ιτς ι παπαζίν σόσκε χουχαβένας ι τζενέν. Μπουτ λένταρ τθερένας εκ άνετη ζωή, αλλά μανγκένας κατά ανθρακωρύχοι σο ισινέ τσορορέ τι ντεν-λεν χαμπίματα ντα λοβέ. Μο ντατ, επειδή να μπεϊντίνελας ιτς οντουλά σο κερένας ο παπάζια, να σικλιαρντάς-μαν τίποτα ι θρησκειάκε. Οτθάρ, αμαρέ φαμιλιάτε να κεράας ποτές λάφι ι Ντεβλέσκε.

 Καζόμ μπαριάβας, σικλιάβας με-ντα μα τι μανγκάβ ι αδικία. Εκ κατά πράγματα σο ντικχίντιβελας μάνγκε άδικος ισινέ ότι μπουτ τζενέ να μανγκένας οντουλέν σο να ισινέ κατά Γαλλία. Με κχελάβας μπάλα τσσαβέντζαρ σο ισινέ γιαβερέ τθεμένταρ ντα μπεϊντίναβας λένγκι παρέα. Εκτός ανταλέσταρ, μι ντάι ισινέ κατά Πολωνία, όχι κατά Γαλλία. Μανγκάβας ο τζενέ σαρέ κατά φυλές τι τζουβντιόν γιεκ με ειρήνη ντα τι τθερέν ίδια δικαιώματα.

Καλιντέ-μαν κο στρατός κο 1957, ντα ανταλέσκε ισινόμας κο βεσά κι Αλγερία οντιά ιράτ σο βακερντόμ τουμένγκε πιο τζανγκλέ. Κάνα ντινόμ βίκος: «Ντέβλα μου! Ντέβλα μου!», ντικχλόμ, όχι εκχέ ντουσμανίς, αλλά εκχέ άγριε χχερές! Λοκχιλό μο γκι! Όμως, οντουβά σο αβιλό-πες​—αλλά ο τζένγκι-ντα—​κερντέ-μαν τι σκεφτίναβ πιο λατσσές ι ζωή. Σόσκε τζουβντιάσα; Πφαμπόλα αμένγκε ο Ντεβέλ; Κα τθεράς ποτές ειρήνη για πάντα;

Πιο σοράν, κάνα γκιλόμ τι ντικχάβ μι νταντές ντα μι νταγιά, κερντόμ λάφι εκχέ τζενέσαρ σο ισινέ Μάρτυρας ι Ιεχωβάσκο. Ντινάς-μαν εκ Αγία Γραφή σο αρχισάλομ τι διαβάναβ-λα κάνα γκιλόμ παλάλ κι Αλγερία. Μπεϊντιντόμας μπουτ ο λάφια σο ισί κο εδάφια Αποκάλυψη 21:3, 4. Οτθέ βακερέλα: «Ο τσαντίρι ι Ντεβλέσκο ισί ι τζενέντζαρ . . . Κα νασκιαρέλ σαρέ ο δάκρυα λένγκε γιακχίνταρ, ντα ο μεριπέ να κα αβέλ πάλι, ούτε λύπη ούτε βίκος ούτε ντουκχ να κα αβέν πάλι». * Ανταλά λάφια κερντέ μάνγκε μπαρί εντύπωση. “Βακερέσα τι αβέν μπαγιά;” σκεφτιντόμ. Αζομάν, τζανάβας μπουτ χάνικ πράγματα ι Ντεβλέσκε ντα ι Γραφιάκε.

Κάνα τελειωσάλομ ο στρατός κο 1959, αρακχλόμ εκχέ Μαρτυράς, τον Φρανσουά, σο σικλιαρντάς-μαν μπουτ πράγματα κατά Αγία Γραφή. Για παράδειγμας, σικαντάς μάνγκε αντράλ κατά Γραφή ότι ο ναβ ι Ντεβλέσκο ισί Ιεχωβά. (Ψαλμ. 83:​18) Κάτι γιαβέρ σο βακερντάς μάνγκε ισινέ ότι ο Ιεχωβά κα ανέλ δικαιοσύνη οπράλ κι πφουβ, κα κερέλ ι πφουβ παράδεισος ντα κα κερέλ τι νικιόν μπαγιά ο λάφια ι εδαφιόνγκε Αποκάλυψη 21:3, 4.

Ντικχίντιβενας μάνγκε μπουτ λογικά οντουλά σο σικλιάβας ντα μπεϊντίναβας-λεν μπουτ. Όμως, ισινόμας μπουτ χολιαμέ-ντα ι παπαζίντζαρ ντα μανγκάβας σαρέ τι σικλιόν ότι σικλιαρένας πράγματα σο να βακερέλας η Γραφή! Ατζέ ατζέ σκεφτίναβας σαρ σκεφτίνελας μο ντατ ντα να τθεράβας υπομονή. Μανγκάβας τι κεράβ κάτι σουγκό!

Ο Φρανσουά ντα ο γιαβερά Μάρτυρες σο γνωριντόμας βοηθιντέ-μαν τι ηρεμίναβ. Ντινέ-μαν τι αγαβάβ ότι ο έργος σο τθεράσα σαρ Χριστιανοί νανέ τι κρίνας ι γιαβερέν αλλά τι ντας-λεν ελπίδα αντράλ κατά λατσσέ αμπέρια ι Ντεβλέσκε Βασιλειάκε. Ανταβά ισί ο έργος σο κερέλας ο Ιησούς ντα ο έργος σο βακερντάς πι μαθητένγκε τι κερέν. (Ματθ. 24:​14· Λουκ. 4:​43) Έπρεπε επίσης τι σικλιάβ τι κεράβ λάφι κο γιαβερά λατσσιμάσαρ ντα μα τι ανάβ-λεν σε δύσκολη θέση, ατζέ-ντα άμα να συμφωνίναβα οντουλέντζαρ σο πακιάνα. Η Αγία Γραφή βακερέλα: «Ο δούλος ι Κυριόσκο δεν πρέπει τι χαλ-πες, αλλά πρέπει τι αβέλ ήρεμος σαριλέντζαρ».​—2 Τιμ. 2:24.

Κερντόμ ο αλλαγές σο έπρεπε τι κεράβ ντα μπολντιλόμ σαρ Μάρτυρας ι Ιεχωβάσκο κο 1959 εκχέ συνελευσιάτε περιοχής. Οτθέ γνωριντόμ  εκχέ τερνέ πφενιά, την Ανζέλ, σο μπεϊντιντόμ-λα μπουτ. Αρχισάλομ τι τζαβ λάκε κχανγκιριάτε, ντα παντρισάλαμ κο 1960. Η Ανζέλ μπαγιά ισί μπουτ λατσσί τζενί ντα εκ μπουτ μπαρό δώρος κατά Ιεχωβά μάνγκε.​—Παρ. 19:14.

Σαρέ ανταλά μπρεσά, σικλιλόμ σημαντικά πράγματα γκοντιαβέρ πφραλένταρ σο ισινέ μπρεσά κι αλήθεια. Εκ κατά πιο σημαντικά πράγματα σο σικλιλόμ ισί ακαβά: Για τι ντας πέρα σο-ντα δύσκολος διορισμός ντιντιόλα-αμέν, πρέπει τι αβάς ταπεινοί ντα τι κεράς ο λάφια ι εδαφιόσκε Παροιμίες 15:​22: «Ο σχέδια . . . τθερένα επιτυχία κάνα μπουτ τζενέ σο τθερένα σοφία βακερένα πουμαρέ απόψεις ο εκ κο γιαβέρ».

Κο 1964, αρχισάλομ τι αγαβάβ καζόμ μπαγιά ισί ανταλά λάφια σο αβένα κατά Ιεχωβά. Οντουβά μπρες, αβιλόμ επίσκοπος περιοχής ντα οντουβά σο τθεράβας τι κεράβ ισινέ τι τζαβ κο κχανγκιριά για τι νταβ ζορ ι πφραλέν ντα ι πφενίν ντα τι βοηθίναβ-λεν τι αβέν πιο πασέ κο Ιεχωβά. Όμως, ισινόμας σάντε 27 μπρεσένγκο ντα να τζανάβας μπουτ πράγματα. Οτθάρ, κεράβας λάθη. Προσπαθίναβας όμως τι σικλιάβ οντουλέ λαθίνταρ. Ντα ο πιο σημαντικός, σικλιάβας μπουτ πράγματα πφραλένταρ σο ισινέ γκοντιαβέρ ντα τζανένας τι κερέν μπουτ πράγματα.

Ντάβα-μαν γκοντί κάτι σο αβιλό-πες κάνα ισινόμας νεβό επίσκοπος. Αφού γκιλόμ εκχέ κχανγκιριάτε κο Παρίσι, εκ πφραλ σο ισινέ μπρεσά κι αλήθεια βακερντάς μάνγκε άμα μπορίναας τι κεράς λάφι κορκορέ. «Σίγουρα», βακερντόμ.

Πουτσλάς-μαν: «Λουί, κάνα εκ γιατρός τζάλα εκχέ κχερέστε, κας τζάλα τι ντικχέλ;»

«Ι νασφαλές», βακερντόμ.

Βακερντάς: «Σωστά. Αλλά ντικχλόμ ότι ο πιο μπουτ σαάτια ισινάν οντουλέντζαρ σο ισί ζουρανέ πνευματικά, σαρ ισί ο επίσκοπος ι κχανγκιριάκο. Αμαρί κχανγκιρί τθερέλα μπουτέ πφραλέν ντα πφενίν σο χασαρντέ πουμαρί ζορ, σο ισί νεβέ ή σο λατζάνα. Κα ντέας-λεν μπαρί ζορ άμα κα νακχέας χάνικ σαάτι λέντζαρ, ατζέ-ντα άμα κα τζάας λένγκε κχερέστε για τι χαν γιεκ».

Ισινόμας πφερντό εκτίμηση οντουλέ πφραλέσκε σο ντινάς-μαν ανταγιά λατσσί συμβουλή. Η αγάπη σο τθερέλας ι Ιεχωβάσκε μπρακένγκε ερεσλί μι γκίστε. Οτθάρ, παρόλο σο ισινέ δύσκολος τι βακεράβ ότι κερντόμας λάθος, αρχισάλομ σουγκό τι κεράβ οντουβά σο βακερντάς μάνγκε. Ευχαριστίναβα ι Ιεχωβάς σο ντινάς-μαν ασακέ πφραλέν.

 Κο 1969 ντα κο 1973, ισινόμας υπεύθυνος κι Υπηρεσία Τροφίμων ντουέ διεθνείς συνελευσιέντε κο Κολόμπ, κο Παρίσι. Κι συνέλευση κο 1973, έπρεπε τι κεράς χαμπέ 60.000 τζενένγκε για παντς ντιβεσά! Να τζανάβας σαρ κα αβέλας-πες ανταβά. Αλλά πάλι ο μυστικός ισινέ κο εδάφιος Παροιμίες 15:​22​—τι μανγκάβ συμβουλή κατά γιαβερά. Μανγκλόμ συμβουλή γκοντιαβέρ πφραλένταρ σο λένγκι μπουτί για μπουτ μπρεσά τθερέλας τι κερέλ ι χαμπιματέντζαρ. Η μπουτί μερικέ πφραλένγκι ισινέ τι μπικινέν μασά, τι καλλιεργίνεν λαχανικά, τι κερέν χαμπέ ντα γιαβερά ασακέ μπουτιά. Σαρέ γιεκ μπορισάλαμ τι κεράς ανταγιά μπουτί σο ντικχίντιβελας δύσκολη.

Κο 1973, βακερντέ μάνγκε ντα μι ρομνιάκε τι υπηρετίνας κο Μπέθελ κι Γαλλία. Ο πρώτος διορισμός σο τθεράβας οτθέ ισινέ μάνγκε οντουβά-ντα μπουτ δύσκολος. Έπρεπε τι αρακχάβ τρόπους για τι μπουτσσαβάς έντυπα αμαρέ πφραλέντε κο Καμερούν, κι Αφρική. Κατά 1970 μέχρι κο 1993 η κυβέρνηση οτθέ βακερντάς ι πφραλένγκε τι τσσιναβέν ο έργος σο κερένας. Ατζέκ εκ φαρ να τζανάβας σαρ κα αβέλας-πες ανταβά. Ο πφραλ σο αζομάν ισινέ υπεύθυνος ι εργόσκε κι Γαλλία μάλλον αγαντάς-λες ανταβά ντα ντινάς-μαν ζορ ακαλέ λαφίντζαρ: «Αμαρέ πφραλά κο Καμερούν τθερένα μπαρί ανάγκη ο πνευματικός χαμπέ. Πρέπει τι ντας-λες λέντε!» Ντα ανταβά κερντάμ.

Γκιλόμ μπουτ φαρ τθεμέντε σο ισί πασέ κο Καμερούν για τι ντικχάβ πρεσβυτερόν οντουλέ τθεμέσταρ. Οντουλά πφραλά ισινέ μπίνταρανε ντα γκοντιαβέρ. Βοηθιντέ-μαν τι αρακχάβ τρόπους για μα τι τσσιναβάς τι μπουτσσαβάς πνευματικός χαμπέ αμαρέ πφραλένγκε κο Καμερούν. Ο Ιεχωβά ευλογιντάς αμαρέ προσπάθειες. Ντα περίπου για 20 μπρεσά, λέσκε υπηρέτες οντουλέ τθεμέστε να χασαρντέ ούτε εκ Σκοπιά ή ο έντυπος ι μασικέσκο σο αζομάν βακέρντιβελας Αμαρί Διακονία της Βασιλείας.

Από αζομάν σο αρχισάλαμ τι σικλιάς ο εκ ι γιαβερές πιο λατσσές, αγαντόμ ότι η Ανζέλ  τθερέλας εκ μπουτ λατσσί φιλία ι Ιεχωβάσαρ. Κάνα παντρισάλαμ, αγαντόμ-λες ανταβά ατζέ πιο λατσσές. Για παράδειγμας, ι ιράτ αμαρέ μπιαβέσκι μανγκλάς μάνταρ τι κεράς προσευχή ντα τι βακεράς ότι μανγκάσα τι υπηρετίνας καζόμ πιο μπουτ αβέλα-πες ι Ιεχωβάς σαρ αντρόγυνος. Ο Ιεχωβά απαντιντάς αμαρέ προσευχιάτε.

Η Ανζέλ βοηθιντάς-μαν επίσης τι νταβ πιο μπουτ μπέσα κο Ιεχωβά. Κα βακεράβ τουμένγκε εκ παράδειγμας: Κάνα βακερντέ αμένγκε κο 1973 τι υπηρετίνας κο Μπέθελ, με σακιντίναβας σόσκε μπεϊντίναβας μπουτ ο έργος περιοχής. Αλλά η Ανζέλ αντάς μι γκοντιάτε ότι αφιερωντάμ αμαρί ζωή κο Ιεχωβά. Οτθάρ, δεν έπρεπε τι κεράς σο-ντα μανγκέλα αμένταρ λέσκι οργάνωση; (Εβρ. 13:​17) Αγαντόμ ότι τθερέλας δίκιος. Οτθάρ γκιλάμ κο Μπέθελ. Μι ρομνί ισί εκ γκοντιαβέρ τζουβέλ σο μανγκέλα μπαγιά ι Ιεχωβάς. Ανταλά ιδιότητες κερντέ πιο ζουρανό αμαρό μπιαβ ντα βοηθιντέ-αμέν τι λας λατσσέ αποφάσεις.

Ακανά σο ο μπρεσά νακχλέ, η Ανζέλ συνεχίνελα τι αβέλ λατσσί ντα ισί πασέ μάντε. Για παράδειγμας, για τι νακχάς μερικές θεοκρατικές σχολές, σο μπουτ οντουλένταρ αβένα-πες κο αγγλικά, η Ανζέλ ντα με προσπαθιντάμ μπουτ τι σικλιάς πιο λατσσές οντιά τσσιπ. Οτθάρ, γκιλάμ εκχέ κχανγκιριάτε σο ο πφραλά κερένας λάφι αγγλικά παρόλο σο αζομάν ισινάμας 75 μπρεσένγκε περίπου. Επειδή υπηρετίναβα κι Επιτροπή του Τμήματος κι Γαλλία, τθεράβα μπουτ ευθύνες, ντα ισινέ δύσκολος τι αρακχάβ σαάτι για τι σικλιάβ εκ γιαβέρ τσσιπ. Αλλά η Ανζέλ ντα με βοηθιντάμ ο εκ ι γιαβερές. Ακανά, παρόλο σο νακχλάμ ο 80, να τσσιναντάμ τι προετοιμάντιβας ι συναθροισιένγκε εμ κο αγγλικά εμ κο γαλλικά. Επίσης, κεράσα ο πιο λατσσό σο μπορίνασα κο συναθροίσεις ντα κο έργος αμαρέ κχανγκιριάσαρ. Ο Ιεχωβά ευλογιντάς ο προσπάθειες σο κερντάμ τι σικλιάς αγγλικά.

Κο 2017, τθεράας εκ μπαρί ευλογία. Η Ανζέλ ντα με τθεράας ο προνόμιος τι νακχάς ι Σχολή Οντουλένγκε σο Ισί κο Επιτροπές Τμήματος ντα Λένγκε Ρομνίνγκε κο Εκπαιδευτικός Κέντρο της Σκοπιάς κο Πάτερσον κι Νέα Υόρκη.

Ο Ιεχωβά ισί μπαγιά ο Μπαρό Εκπαιδευτής. (Ησ. 30:​20) Οτθάρ, σαρέ αμέν​—μπαρέ ντα χουρντέ—​λάσα ο πιο λατσσό σικλιαριπέ! (Δευτ. 4:​5-8) Ντα ντικχλόμ ότι ο τερνέ σο ασουνένα εμ ι Ιεχωβάς εμ ι γκοντιαβέρ πφραλέν ντα πφενίν λένα λατσσέ αποφάσεις πουμαρέ ζωγιάτε ντα αβένα πιστοί υπηρέτες ι Ιεχωβάσκε. Ο εδάφιος Παροιμίες 9:9 βακερέλα αμένγκε: «Σίκλιαρ ι γκοντιαβέρ τζενές ντα κα αβέλ πιο γκοντιαβέρ. Σίκλιαρ ι δίκαιε τζενές ντα κα σικλιόλ πιο μπουτ».

Μπάζιμα, ανάβα μι γκοντιάτε οντιά ιράτ κο βεσά κι Αλγερία πριν από 60 μπρεσά περίπου. Κάι τι τζανάβας αζομάν ότι κα τθεράβας αζόμ σουκάρ ζωή! Σικλιλόμ μπουτ πράγματα κατά γιαβερά! Ισί μπαγιά ότι ο Ιεχωβά ντινάς-αμέν εκ μπουτ σουκάρ ζωή, πφερντί ευλογίες. Οτθάρ, ισινάμ αποφασισμέ μα τι τσσιναβάς ποτές τι σικλιάς αμαρέ Νταντέσταρ, κατά Ιεχωβά, ντα γκοντιαβέρ πφραλένταρ ντα πφενίνταρ σο μανγκένα-λες μπουτ.