GODANG do na mamboto dibahen halak Mesir do najolo gulungan sian hau papirus, * jala disi do nasida manurat. Halak Junani dohot halak Rom pe songon i do. Alai dang godang dope na mamboto dipakke do papirus on lao mambahen parau najolo.

Lobi sian 2.500 taon naung salpu, disurat Panurirang Jesaya do molo akka halak na tinggal di luat na jonok tu akka sunge di Etiopia, manuru akka utusan menyeberangi laut. “Markapal na sian hau papirus do nasida.” Dung i, Panurirang Jeremia pe hea do paboahon tikki diserang halak Media dohot Persia kota Babel, ditutung nasida do “akka parau na sian hau papirus” asa unang boi melarikan diri halak Babel.​—Jes. 18:1, 2; Jer. 51:32.

Pos do rohatta sittong do na didok Bibel i. Alana sian Debata do Bibel. Jadi dang pola heran hita molo akka arkeolog paboahon, dipakke do hau papirus najolo mambahen parau. (2 Tim. 3:16) Aha buktina? Dapot ni nasida do bukti na patuduhon dipakke do parau na sian hau papirus di Mesir.

Di makam na di Mesir, adong do gambar dohot ukiran na patuduhon songon dia carana mambahen parau na sian papirus on. Parjolo diponggol ma jo akka batang ni papirus i. Dung i dipapungu jala diikkat sappe gomos. Gabe lam kuat ma akka batang ni papirus i dung dipadomu. Menurut bukku A Companion to Ancient Egypt, boi do sappe 17 meter ganjang ni parau na sian papirus on. Jala siat do 10 sappe 12 dayung di tiap sisina.

Godang do tubu papirus di pinggir ni Sunge Nil na di Mesir. Jala mura do mambahen parau sian papirus. Memang hau nama na dipakke gabe bahan utama lao mambahen kapal. Alai anggo akka panjala dekke dohot akka pamburu, tetap do dipakke parau na sian papirus.

Saleleng martaon-taon, dipakke do parau na sian papirus on. Si Plutarch, sahalak penulis sian Junani na sajaman dohot akka apostel paboahon, torus dope dipakke parau na sian hau papirus sahat tu tikki i.