1. Kiñechi bentrenke che ramtulu chumal, ¿chem wiñoldungun ngi?

QUIÑE antü pütrünque che caquerume tuhun ca quehun nielu, amuingün ta Jerusalén huaria. Feichi antü mu rupai quiñe afmatufalchi dungu, ¿chem dungu chi? Quiñeque judio dungurumeingün feitachi pu che ñi quehun dungu mu. Tati pu che allcülu, lelilehueingün. Huelu feitachi pu judio ca ti apostol Pedro, quiñe rume falin dungu feipieyu engün. ¿Chem pingei feitachi pu che? Mülefui ñi feyentual Jesús mu, fei tañi montuluhual. Allcülu tüfa, puhui tañi piuque mu engün. Fei tati pu che ramtui: “¿Chem chumaiñ anta iñchiñ?”. Fei Pedro feipieyu engün: ‘Fautizahuaimün’ (Hech. 2:37, 38).

2. ¿Chem ngütramkaaiñ tübachi kimelün mu? (Pebinge tati adentun unen pagina mu).

² ¿Ca chem rupai ca antü mu? 3.000 che peno fautizangefui, fei Jesús ñi discipulongerpui engün. Feichi antü mu, coni ñi femngeal quiñe rume falin cüdau. ¿Chem cüdau? Ñi quelluafiel tati pu che ñi discipulongerpual. Famülque ca femngechi femmequeiñ feitachi falin cüdau. Huelu quiñe hora cam epu hora nütramcafiliyiñ ta che, pürüm fautizaulayai. Rupayafui mufüque cüyen cam tripantu chi ñi fautizahual. Taiñ quelluafiel tati pu che ñi fautizahual fei ñi discipulongerpual, rume cüdaungefui. Feimu feitachi troquiñ mu, peaiñ quiñeque ngülam chumngechi quelluafuiñ pu che ñi fautizahurpual.

3. Mateo 28:19, 20 tañi eipin, ¿chumabüi papiltukelu Biblia bautisapoal?

³ Quiñe che papeltuquelu Biblia ayüfule ñi fautizahual, ¿chumafui? Mülefui ñi cüme inayafiel chem pin tati Biblia (papeltunge Mateo 28:19, 20). Quiñe rupa Jesús nütramcai  quiñe “quim huentru” mu deumafilu ñi ruca huente cura mu. Fei ti estudiante inafile ñi quimürpuel, feiti quim huentru reque feleai (Mat. 7:24, 25; Luc. 6:47, 48). ¿Chumngechi cai quelluafuiñ taiñ estudiante ñi inayal tañi quimürpuel? Peaiñ cüla ngülam.

4. ¿Chumngechi kelluabiiñ (ingkaabiiñ) papiltukelu Biblia dipoal bautisawal? (Pebinge ka mülechi dungu “ Quellunieafiyiñ taiñ estudiante ñi huechurpual falinque dungu” pingelu).

⁴ Quelluafiyiñ taiñ estudiante ñi raquiduamal chem ñi femürpuafel. Taiñ estudiante ayüafui chi ñi fautizahurpual, huelu “rume cüdaungei” piafui. Huelu iñchiñ quelluafuiñ ñi femal pichiquen dungu femngechi ñi fautizahurpual. Feimu cümeafui taiñ quelluafiel taiñ estudiante ñi femal pichiquen dungu fei ñi hueniyeafiel ta Jehová. Femle tüfa, nochiquechi doi pepicaucüleai ñi fautizahurpual. Ti lifru ¡Rumel ayüucüleaimi! pingelu, niei quiñe troquiñ feipilelu “Tami femafel”. Tüfa quelluafui tami estudiante ñi femal pichiquen dungu femngechi ñi fautizahurpual. Afle ti quimeltun, eimi feipiafuimi tati estudiante femle chem ñi huiriconcülen feiti pichi troquiñ mu, quelluafeyeu ñi inayal tañi quimürpuel. Ayülmi ca dungu ñi femal tami estudiante, fei huirintucungepe ti troquiñ feipilelu “¿Ca chem chumafuimi?”. Feitachi troquiñ mu ca nütramcayafuimi tami estudiante chem dungu doi alüñmayai ñi femal ca chem dungu müte alüñmalayai ñi femal.

5. Marcos 10:17-22, tañi eipin, ¿chem eipibi Jesu kiñe ülmen wentru, ka chemu?

⁵ Quelluafiyiñ tati estudiaquelu ñi cüme elcünutual tañi mongen (papeltunge Marcos 10:17-22). Jesús quimniefui feitachi huentru ñi cüdautuafiel ñi elal com tañi falinque chemcün (Mar. 10:23). Femfulu rume, Jesús feipifi ta tüfachi ricu huentru  ñi femal. ¿Chemu feipifi? Tañi piuqueyefiel mu ta tüfachi huentru. Quiñeque mu feipiquelafiyiñ taiñ estudiaquelu ñi cüme elcünutual ñi mongen, ¿chemu? Inaduamquefilu am iñchiñ ñi pepicaucülenon. Quiñeque mu alün tiempo rupayafui taiñ pu estudiante ñi cüme elcünutual ñi mongen, fei huecünutual tañi chumngechi chengen (Col. 3:9, 10). Huelu alün tiempo rupaquilpe taiñ feipiafiel taiñ estudiante ñi elcünual huesaque huimtun. Pürüm feipifemliyiñ chem tañi femafel, doi matu femafui. Femliyiñ com tüfa, pengelelafiyiñ pu estudiaquelu taiñ duamtuniefiel Jesús reque (Sal. 141:5; Prov. 27:17).

6. ¿Chemu kümi ramtuabel chem rakiduamki papiltukelu Biblia?

⁶ Enseñalfiliyiñ quiñe dungu taiñ estudiante, ramtuafuiñ: “¿Chem pifuimi cai feitachi dungu mu cai?”. Cam caquelu femngechi dungu ramtuafuiñ. Femngechi quimaiñ ñi rüf adümurpupen mai ti quimeltun ca quimaiñ chem ñi mülen tañi piuque mu. Femngechi femmequeliyiñ, cüdautulayaiñ taiñ nütramcayafiel taiñ estudiante quiñeque dungu ñi müte cüme llouquenon. Ti lifru ¡Rumel ayüucüleaimi! pingelu, quelluaiñmu taiñ entual cümeque ramtun. Por ejemplo, ti quimeltun 4 mülei tüfachi ramtun: “Fei eimi ‘Jehová’ pifilmi ta Chau Ngünechen, ¿ayüupeafui mai ñi piuque?”. Ca ti quimeltun 9 niei tüfachi ramtun: “¿Chem dungu ayüafuimi tami llellipuafiel ta Ngünechen?” Hue eluulu ñi estudiayal quiñeque che, cüdautuafui ñi huiñoldungual tüfa. Fei ¿chumngechi quelluafuiñ? Raquiduamelafuiñ chem pin quiñeque troquiñ Biblia ca chem pengeli tati fillque adentun.

7. ¿Chumngechi püneabüiñ billke upan taiñ kelluabel papiltukelu Biblia?

⁷ Ti estudiante quimtucule chem mülei ñi femal, iñchiñ pengelafuiñ chem ñi rupan quiñe peñi cam quiñe lamngen femngechi ti estudiante doi eluucüleai ñi femal. Tati fillque quimeltun ñi nieel ti lifru ¡Rumel ayüucüleaimi! pingelu, mülei epu troquiñ. Quiñe “Doi quimaimi” pingei. Cangelu “Ca peafuimi” pingei.⁠ * Feita mu quiñeque mu mülei quiñeque peñi, lamngen ñi rupan tañi mongen mu. Raquiduamnge tüfa: ti estudiante cüdautule ñi amual ta trahun mu, pengelelafuiñ ti video feipilelu Jehová pengeleneu tañi piuqueyenieteu mülelu ti quimeltun 14, ti troquiñ “Ca peafuimi” pingelu. Inaduamliyiñ quiñe che ñi rupan, feipilayafiyiñ taiñ estudiante: “Eimi ca femafuimi feichi che reque”. Femngechi feipifiliyiñ, huesa duamelafuiñ. Feimu turpu trürümlayafiyiñ taiñ estudiante caquelu che mu. Doi mai quelluafiyiñ taiñ estudiante quisu tañi raquiduamal tañi pepi inayentuafel feitachi che. ¿Chumngechi femafuiñ tüfa? Nütramcayafuiñ chem quellueyu tati che ñi inayal tañi quimürpuel Biblia mu. Ngüneduamafuiñ quiñe troquiñ Biblia cam caquelu dungu ñi quellueteu ti che. Cafei feipiafiyiñ taiñ estudiante chumngechi Jehová quellufi feitachi che.

8. ¿Chumngechi kelluabiiñ papiltukelu Biblia doi piwkeyeneal Jewba?

⁸ Quelluafiyiñ taiñ estudiante ñi piuqueyerpuafiel ta Jehová. ¿Chumngechi femafuiñ? Nütramcayafiyiñ taiñ estudiante chumngechi chengen ta Jehová. Cafei raquiduamelafuiñ taiñ estudiante Chau Jehová ñi ayühun-ngechi Diosngen ca ñi rumel mülequen tañi pu che mu (1 Tim. 1:11, TNM; Heb. 11:6). Cafei feipiafiyiñ taiñ estudiante inale Chau Jehová ñi ngülam, cüme yahuai  ñi mongen mu, tüfa pengeli Chau Dios ñi piuqueyenieteu (Is. 48:17, 18). Femngechi quellufiliyiñ taiñ estudiante, doi piuqueyerpuafi ta Jehová ca eluucüleai ñi cüme elcünutual ñi mongen (1 Juan 5:3).

9. Marcos 10:29, 30 tañi eipin, ¿chem kelluabi kiñe che newentual tañi dipoal bautisapoal?

⁹ Ñi fautizahurpual quiñe estudiante, mülefui ñi femal cüdaungechi dungu ca rupayai huesaque dungu mu. Quiñeque estudiante elcünupelayafui falinque chemcün ñi nieel, fei ñi fautizahual. Ti estudiante niele quiñe cüdau chaftuquefilu Biblia ñi ngülam, ca cüdau quintupelayafui. Caquelu che estudiaquelu Biblia, mülefui chi ñi hueniyehuenoafiel tati pu poyequenofilu ta Jehová. Caquelu estudiante quisucünueyu ñi familia, ¿chumngelu? Fei engün ayüquelafingün pu testigo. Jesús feipicünui quiñe che cüpa inanielieyu, rupayai cüdaungechi dungu mu, huelu rume cümelcangeai. Quiñe cüme familia reque nieaingün Jehová ñi troquiñche mu (papeltunge Marcos 10:29, 30). ¿Chumngechi quelluafuiñ taiñ estudiante ñi conal tüfachi fütra familia mu? Peafiyiñ.

10. Manuel tañi eipin, ¿chem kimeleiñmu?

¹⁰ Hueniyeafiyiñ tati estudiante. Ngüneduamaiñ ñi feipin taiñ peñi Manuel, México mapu mu mülelu. Hue eluulu papeltual Biblia, tañi quimeltueteu rume quellueyu. Manuel feipi: “Petu tayu papeltunon, ramtuqueneu tañi chumlen. Tüfa cüme duamelquefeneu, femngechi cüme nütramcaquefuiñ. Fei ti peñi tañi enseñalquefeteu Biblia, rüf duamtuquefeneu” pi taiñ peñi. ¿Chem quimeltuqueiñmu ñi feipin taiñ peñi Manuel? Rume falin-ngei taiñ duamnieafiel taiñ estudiante.

11. ¿Chemu kümeabüi doi kontulpoal papiltukelu Biblia?

¹¹ Jesús elcünuquei quiñeque antü tañi cüme rupayal tañi pu inaniequeteu engün (Juan 3:22). Ca femngechi femafuiñ iñchiñ.  Inaduamfiliyiñ taiñ estudiante ñi cüme amulen tañi estudiaquefiel ta Biblia, mangelafuiñ taiñ ruca mu taiñ matetual ca taiñ peafiel ti Broadcasting. Taiñ estudiante coneltuhuenolu am fiesta mu, feimu quisulelu troquihuafui. Feimu mañumtuafeiñmu chi mangelfiliyiñ taiñ ruca mu. Taiñ peñi Kazibwe mülelu Uganda mapu mu, feipi: “Trahuquefuyu tayu maestro iñchiu re tayu papeltuafiel ta Biblia müten no, ca femngechi taiñ cüme rupayal. Femngechi ngüneduamfiñ Jehová ñi pu che rumel ayüucülequei. Ca Jehová duamtuniefi ta pu che. Fei ta queta tañi duamtuniefel” pi taiñ peñi.

12. ¿Chemu pemeabüi ti papiltukelu Biblia billke amuldungumekelu?

¹² Caquerumen pu peñi, pu lamngen mangelafuiñ taiñ estudialelafiel tati che. Quiñeque mu ayüafuiñ taiñ quisu amual, cam quiñe che müten chi yeafuiñ taiñ enseñalmeafiel. Femfuliyiñ, müte quellulayafuiñ chi taiñ estudiante. Doi peñi, lamngen compañeliyiñmu, doi cümelcayafuiñ. Taiñ peñi Dimitri, Moldavia mapu mu, feipi: “Tañi maestro cüpalquefui caquerume pu peñi ñi enseñapayaeteu. Fei engün caquerumei chumngechi tañi enseñalchequen, femngechi doi quellueneu inayafiel Jehová tañi ngülam. Müte yehuelafun ñi amual trahun mu, pefilu am com feichi pu peñi, pu lamngen” pi taiñ peñi.

13. ¿Chemu kelluabiiñ papiltukelu Biblia amual trawün mu?

¹³ Quelluafiyiñ taiñ estudiante amual trahun mu. ¿Chemu? Jehová huercüqueiñmu amual trahun mu, femngechi taiñ poyeafiel (Heb. 10:24, 25). Ca taiñ pu peñi, pu lamngen familia reque felei. Feimu ayühulqueiñmu taiñ trahuluhual taiñ pu peñi ca pu lamngen iñchiñ. Quellufiliyiñ taiñ estudiante amual trahun mu, femngechi pepicaucülerpuai tañi fautizahurpual. Huelu ti estudiante cüdautule ñi amual trahun mu, tati lifru ¡Rumel ayüucüleaimi! pingelu rume quelluafeyu. ¿Chumngechi? Peafiyiñ.

14. Chumngechi kelluabiiñ papiltukelu Biblia küpa amual trawün mu?

¹⁴ Cüpa yafültucufiliyiñ taiñ estudiante amual trahun mu, pengelelafuiñ ti quimeltun 10 mülelu ti lifru ¡Rumel ayüucüleaimi! Petu ñi tripanon feitachi lifru, feipingei quiñeque peñi ca lamngen ñi inaduamafiel feitachi quimeltun 10 tañi pu estudiante. Femün mu taiñ pu peñi, pu lamngen, müna cüme tripai. Huelu loncontucuaiñ: esperalayaiñ ñi puhual ti quimeltun 10 mu ñi mangelafiel ti che, pürüm eluhuaiñ taiñ mangelafiel. Caquerumei ñi chumngen tati estudiante ca ñi rupamequen tañi mongen mu. Feimu raquiduamaiñ chem catrütuqueyu ñi amual trahun mu, fei quelluafiyiñ. Huesa duamlayaiñ pürüm amunole trahun mu, huelu fentecünulayaiñ taiñ mangelafiel.

15. ¿Chem llükaabüi papiltukelu Biblia?

¹⁵ Hue papeltulu iñchiñ, llicalefuiñ chi taiñ testigongeal. Turpu amuldungunoalu troquihuafuiñ. Llicalequefuiñ chi taiñ pu familia ca taiñ pu hueni taiñ caiñetuaeteu. Cuifi mu femngechi dungu rupaliyiñ, entendeafuiñ taiñ pu estudiante. Jesús feipicünui quiñeque che ñi llicaleal engün, huelu llicalefule engün rume ngelai tañi elcünual tañi serfiafiel ta Jehová (Mat. 10:16, 17, 27, 28). Jesús femngechi quellufi tañi pu inanieteu tañi llicalenoal. ¿Chumngechi ca quelluafuiñ iñchiñ? Peafiyiñ.

16. ¿Chumngechi kelluabiiñ papiltukelu Biblia dungual tañi kimnelu?

¹⁶ Quelluafiyiñ taiñ estudiante tañi  nütramcacheal tañi quimürpuel. Jesús tañi pu discipulo llicalepelafui tañi amuldungual engün. ¿Chumngechi quellueyu Jesús? Jesús feipieyu inei tañi amuldungulelafiel ca chem tañi nütramcayal engün (Mat. 10:5-7). ¿Chumngechi inayentuafuiñ ta Jesús? Raquiduamelafuiñ pu estudiante inei ñi amudungulelafiel. Ramtuafuiñ: “Eimi tami quimürpuel, ¿ca chem che quelluafuimi?”. Quelluafiyiñ tañi chem pial, femngechi quimfalcünuai chem pin ta Biblia. Ti lifru ¡Rumel ayüucüleaimi! niei epu troquiñ: “Quiñeque che feipiafeimu” ca “Quiñeque che ramtuafeimu” pingelu. Inaduamafuiñ feitachi epu troquiñ femngechi ñi adümcantual chumngechi amuldungual ti estudiante. Feichi mu quimelelafiyiñ taiñ estudiante ñi piuqueyenquechi dungual, ñi pengelal tati Biblia ca tañi cüme entual ñi feipin.

17. ¿Chumngechi püneabiiñ Mateo 10:19, 20, 29-31 kelluabel papiltukelu Biblia doi maneluwal Jewba mu?

¹⁷ Quelluafiyiñ ti estudiante ñi maneluhual Jehová mu. Jesús feipifi tañi pu discipulo Jehová tañi quelluaeteu ca tañi piuqueyeteu mu (papeltunge Mateo 10:19, 20, 29-31). Feipiafiyiñ tati estudiante Jehová tañi quelluaeteu. ¿Chumngechi quelluafuiñ taiñ estudiante ñi maneluhual Jehová mu? Quiñentrür ngillatuaiñ ta Jehová ñi quelluafiel ñi femürpual cümeque dungu. Quiñe peñi Polonia mu mülelu feipi: “Tañi quimeltuqueteu ta Biblia llellipuquefui iñche meu. Femngechi Jehová ñi quelluaeteu ñi femal cümeque dungu. Inaduamün chumngechi Jehová allcütuñmafi tañi llelipun tañi maestro. Feimu fill antü llellipurpufiñ ta Jehová. Hue conlu cüdau mu iñche, pedin permiso ñi amual trahun mu ca fütra trahun mu, fei elufemngen. Feimu inaduamün Jehová tañi quellueteu” pi taiñ peñi.

18. ¿Chumngechi küme duamneki Jewba kom ti küdaw dewmakelu ti pu kimelchebe?

¹⁸ Fachantü, ¿niepeimi mai quiñeque che tami enseñalelquefiel ta Biblia? Femnolmi, ¿chumngechi quelluafuimi caquelu pu estudiante ñi fautizahurpual? Compañafuimi caquelu pu peñi ca pu lamngen ñi enseñalmeafiel ti che. Quimfali llemai Jehová ñi falintuniefiel pu estudiaquelu Biblia. Ca iñchiñ falintuqueiñmu taiñ quelluquefiel mu tati pu che. Feimu rume piuqueyequeiñmu (Is. 52:7).