1. Aha do na didok akka sisean ni Jesus tu akka pengunjung na ro tu Jerusalem?

HEA do ro godang halak tu Jerusalem. Sian negara na marasing-asing do nasida, jala mamakke bahasa na marasing-asing. Adong ma kejadian na luar biasa tikki i. Piga-piga halak Jahudi gabe boi makkatai mamakke bahasa ni pengunjung i. Longang hian ma roha ni akka pengunjung i. Alai dang holan i, tamba longang do roha nasida mambege hata ni halak Jahudi i dohot hata ni Apostel Petrus. Dipaboa ma tu akka pengunjung i, ikkon marhaporseaon do nasida tu Jesus Kristus, asa boi nasida malua. Hona do i tu roha ni nasida. Jadi, disukkun nasida ma, “Attong aha ma na ikkon bahenonnami akka dongan?” Didok si Petrus ma, “Ikkon tardidi do hamu.”​—Ul. 2:37, 38.

2. Aha do na lao tabahas di artikel on? (Ida gambar sampul.)

² Luar biasa do na masa di tikki i. Adong hira-hira 3.000 halak na tardidi gabe sisean ni Jesus Kristus. Mulai sian i, lam godang ma halak diurupi asa tardidi, jala torus dope i taulahon sahat tu saonari. Memang saonari, dang mungkin boi taurupi sasahalak tardidi holan di bagasan piga-piga jom. Porlu do tikki marbulan-bulan bahkan sappe martaon-taon. Jala godang do upaya na ikkon tabahen lao mangurupi ibana. Jadi di artikel on, tabahas ma songon dia carana mangurupi studitta asa boi tardidi.

3. Sesuai tu Mateus 28:19, 20, aha do na ikkon diulahon sahalak parsiajar Bibel asa boi ibana tardidi?

³ Ikkon diulahon sahalak parsiajar Bibel do naung diparsiajari ibana, asa boi ibana tardidi. (Jaha Mateus 28:19, 20.) Molo diulahon ibana i sarupa ma ibana songon “bawa na marbisuk” di tudosan ni Jesus, na manggali tano massai bagas jala mambahen fondasina di ginjang ni batu. (Mat. 7:24, 25; Luk. 6:47, 48) Attong songon dia do carana mangurupi studitta asa diulahon ibana na diparsiajarina i? Taida ma tolu carana.

4. Songon dia do carana mangurupi studitta asa boi tardidi? (Ida kotak “ Taurupi ma Studitta Mambahen Cita-Cita”.)

⁴ Urupi ma studimuna mambahen tujuan manang cita-citana. Boasa porlu taulahon i? Bayakkon ma hamu naeng lao marmobil tu inganan na dao. Sebelum berangkat, ra nga dipikkiri hamu di tempat dia annon maradi. Molo dibahen hamu songon i, dang terasa be pardalananmuna i. Songon i do tong mangurupi studitta asa boi tardidi. Porlu do taurupi ibana mambahen akka tujuan na boi dicapai dalam waktu singkat, asa unang paborattu dirasa ibana mambahen tujuan lao tardidi. Di bukku Mangolu Saleleng ni Lelengna! adong do fitur “Coba ma jo on”. Dirancang do fitur on lao mangurupi parsiajar Bibel mambahen cita-cita manang tujuan. Setiap sae marsiajar, bahas hamu ma hubungan ni tujuan na dibahen ibana i dohot na diparsiajari ibana. Boi dope muse pakkeonmuna fitur “Manang” molo adong cita-cita na asing na naeng dicapai studimuna. Pakke hamu akka fitur on mangurupi studimuna mambahen tujuan. Dung i bahas hamu cita-cita jangka pendek dohot cita-cita jangka panjang na boi dicapai ibana.

5. Songon na disurat di Markus 10:17-22, aha do na didok Jesus tu sahalak bawa na mora, jala boasa didok Jesus songon i?

 ⁵ Urupi ma studimuna asa muba. (Jaha Markus 10:17-22.) Hea do didok Jesus tu sahalak bawa na mora, asa dijual ibana sude artana jala dilehon tu na pogos. Pasti diboto Jesus do maol halak na mora mangulahon i. (Mrk. 10:23) Alai boasa dipangido Jesus asa dibahen bawa i songon i? Ala holong roha ni Jesus tu ibana. Sipata olo do dang pittor tajujui studitta mangulahon na diparsiajari ibana, ala didok rohatta dang siap dope ibana mangulahon i. Alana porlu do godang tikki asa boi sasahalak mambolokkon pangalaho na leleng jala mamakke pangalaho na imbaru. (Kol. 3:9, 10) Alai lam hatop tapaboa aha na ikkon dipauba ibana, lam hatop ma ibana mangulahon i. Molo tabahen songon i, berarti na parduli do hita tu ibana.​—Ps. 141:5; Poda 27:17.

6. Boasa porlu tasukkun pandapot ni studitta taringot sada topik?

⁶ Penting do muse tasukkun studitta songon dia pandanganna taringot sada topik. Molo tabahen songon i gabe boi ma taboto aha naung diattusi jala dihaporseai ibana. Jala molo nga biasa hita mambahen sukkun-sukkun sisongon i, gabe lam mura ma annon hita mambahas topik na maol diterima ibana. Di bukku Mangolu Saleleng ni Lelengna! godang do dibahen akka sukkun-sukkun sisongon i. Misalna di pelajaran 04 adong do sukkun-sukkun songon on: “Menurut hamu, boha do perasaan ni Jahowa molo tajou goarna?” Di pelajaran 09 adong sukkun-sukkun songon on: “Molo hamu, akka aha ma contohna na naeng ditangiakkon hamu tu Jahowa?” Mulana pasti maol do dialusi studitta akka sukkun-sukkun sisongon i. Alai boi do talatik ibana asa lam terbiasa paboahon pandapotna taringot sada topik sian akka ayat ni Bibel dohot akka gambar na berkaitan.

7. Boasa porlu tapatudu pengalaman ni akka donganta tu studitta?

⁷ Molo nga diboto studitta aha na ikkon diulahon ibana, tapatudu ma tu ibana pengalaman ni akka donganta asa lam dipatogu ibana. Misalna lao manjujui ibana asa ro marpungu, patudu ma video Diparate-atehon Jahowa do Au di bagian “Lului ma” pelajaran 14. Godang do pengalaman ni akka donganta na dibahen di bukku Mangolu Saleleng ni Lelengna! Boi ma diida hamu i di bagian “Asa Lam Taattusi” manang bagian “Lului ma”. * Unang ma hea tabandingkon studitta tu na asing. Unang ma tadok, “Molo boi ibana, ho pe pasti boi.” Lok ma ibana na mambahen keputusan tu dirina sandiri. Lebih baik ma tabahas aha na mangurupi donganta na di video mangulahon prinsip ni Bibel. Boi do ra tabahas ayat na diterappon donganta na di video i jala songon dia ibana mangulahon i. Dung i tabahas ma songon dia Jahowa mangurupi donganta i.

8. Songon dia do carana asa lam bagas holong ni studitta tu Jahowa?

⁸ Urupi ma studimuna makkaholongi Jahowa. Songon dia carana? Tiap marsiajar hamu, hubungkon ma parsiajaran i tu akka sifat ni Jahowa. Urupi ma studimuna asa diboto ibana Debata na marlas ni roha do Jahowa, jala lomo do rohana mangurupi akka halak na makkaholongi Ibana. (1 Tim. 1:11; Heb. 11:6) Paboa ma tu studimuna aha manfaatna molo diterappon ibana parsiajaranna i. Jala paboa ma tu ibana, sude na diparsiajarina i bukti  holong ni Jahowa do i tu ibana. (Jes. 48:17, 18) Molo nungnga lam bagas holongna tu Jahowa, pasti berupaya do ibana asa boi muba.​—1 Joh. 5:3.

9. Sesuai tu Markus 10:29, 30, pengorbanan aha do na ikkon dibahen studitta asa boi ibana tardidi?

⁹ Asa boi studitta tardidi, ikkon adong do pengorbananna. Songon na didok ni Jesus tu bawa na mora i, ikkon ditinggalhon ibana do hamoraonna asa boi mangihutton Jesus. Studitta pe ikkon mambahen pengorbanan sisongon i do. Molo dang sesuai karejona tu prinsip ni Bibel, ikkon berkorban do ibana jala dilului karejo na asing. Adong do parsiajar Bibel na porlu maninggalhon akka donganna na so makkaholongi Jahowa. Na asing gabe dihasogohon keluargana do ala dang marlomo ni roha tu Saksi Jahowa. Diboto Jesus do dang sai mura mambahen pengorbanan sisongon i, alai dang sia-sia i. Gariada godang do pasu-pasu na lao jalootta sian Jahowa. Adong do akka dongan sahaporseaon na boi gabe keluargatta. (Jaha Markus 10:29, 30.) Attong songon dia do carana asa dohot studitta makkilala pasu-pasu ni Jahowa i?

10. Aha do na boi taparsiajari sian pengalaman ni si Manuel?

¹⁰ Ikkon boi do hita gabe ale-ale ni studitta i. Porlu do tapatudu tu studitta na parduli hita tu ibana. Boasa? Tabereng ma jo pengalaman ni si Manuel na tinggal di Meksiko. Didok ibana, “Tikki studi, jolo disukkun guru studikku do kabarhu sebelum marsiajar hami. Dibahen ibana do au nyaman, gabe sude ma boi huceritahon tu ibana. Boi do hurasahon na parduli ibana tu au.”

11. Aha do hasilna molo taparade tikkitta tu studitta?

¹¹ Taparade ma tikki asa boi hita rap dohot studitta i, songon na dibahen Jesus tu akka siseanna. (Joh. 3:22) Molo nungnga mambahen kemajuan studimuna, boi do diundang hamu ibana tu jabumuna, mungkin minum  kopi, rap mangan, manang manotton acara Broadcasting. Lam diargai ibana do molo diajak hamu ibana tu jabumuna tikki sibuk keluargana mangarayahon perayaan na so sesuai tu Bibel. Alana bisa jadi merasa kesepian do ibana tikki i. Donganta si Kazibwe na tinggal di Uganda mandok, “Tikki studi au, godang do na huparsiajari taringot Jahowa. Alai godang do tong parsiajaran na dapottu taringot Jahowa tikki makkata-hatai au dohot guru studikku. Gabe boi ma huida na holong hian roha ni Jahowa tu akka naposona. Jala boi do huida marlas ni roha akka naposo ni Jahowa. I do na huhalomohon.”

12. Boasa ikkon marasing-asing taboan patnerta tikki studi?

¹² Marasing-asing ma taboan patnerta. Memang ummura do molo holan sahalakta mamandu studi manang penyiar na sarupa torus taboan tu studitta i. Alai unggodang do manfaat na dapot ni studitta molo marasing-asing taboan patnerta. Donganta si Dmitrii na tinggal di Moldova mandok, “Ala marasing-asing do diboan guru studikku patnerna, gabe boi ma huida akka penerapan na asing sian na huparsiajari i. Alana tiap penyiar, beda do carana patorakkon sada topik. Asing ni i, ala nungnga godang dongan naung hutanda, dang pola maila be au tikki parjolo sahali ro marpungu.”

13. Boasa porlu taundang studitta tu parpunguan?

¹³ Taundang ma studitta tu parpunguan. Diparettahon Jahowa do asa rap marpungu naposona manomba Ibana. (Heb. 10:24, 25) Taingot ma, akka dongan di huria do na gabe keluargatta. Jadi tikki marpungu hita dohot nasida, sarupa ma i songon sada keluarga na marpungu lao mangan. Alani i molo taurupi studitta asa ro ibana tu parpunguan, berarti na taurupi do ibana memenuhi syarat asa boi tardidi. Alai dang sai mura i diulahon ibana. Attong boha do carana mamakke bukku Mangolu Saleleng ni Lelengna! mangurupi studitta asa olo marpungu?

14. Songon dia do carana manjujui studitta asa ro marpungu?

¹⁴ Tapakke ma pelajaran 10 sian bukku Mangolu Saleleng ni Lelengna! lao manjujui studitta ro tu parpunguan. Sebelum dirilis bukku on, nungnga dipangido akka penyiar na berpengalaman manguji coba pelajaran 10 lao mangundang studi ni nasida tu parpunguan. Jala marhasil do nasida. Alai unang pola paima hamu sappe dapot pelajaran 10 baru pe diundang hamu studimuna tu parpunguan. Pittor undang hamu ma ibana asa ro marpungu. Asing parsiajar Bibelna, asing be do masalahna. Jadi manat ma taparrohahon aha kebutuhan ni studitta. Jala tapikkiri ma songon dia carana mangurupi ibana. Molo dang pittor ro studitta i marpungu, sabar ma hita. Torus ma taundang ibana, unang ma menyerah hita.

15. Tikki naeng gabe Saksi Jahowa sasahalak, aha do na dihabiari ibana?

¹⁵ Tikki naeng gabe Saksi Jahowa hita hea do ra hita mabiar. Mabiar do ra hita marbarita na uli, manang mabiar do hita ditentang keluarga dohot akka donganta. Molo taingot songon dia biar ni rohatta di tikki i, gabe boi ma taattusi pakkilalaan ni studitta. Jala Jesus pe mandok, adong do memang akka halak na mabiar molo masa i. Alai unang ma gabe dang tasomba Jahowa holan alani i. (Mat. 10:16, 17, 27, 28) Boha do dibahen Jesus mangurupi akka siseanna asa unang mabiar? Jala songon dia do hita boi maniru Jesus?

16. Songon dia do carana mangalatik studitta marbarita na uli?

¹⁶ Torus ma talatik studitta marbarita na uli. Mabiar do najolo akka sisean ni Jesus  marbarita na uli. Alai diurupi Jesus do nasida asa unang mabiar. Dipaboa Jesus do ise na boi dijuppangi jala barita aha na lao pasahaton ni nasida. (Mat. 10:5-7) Songon dia do hita boi maniru Jesus? Tasukkun ma studitta i tu ise ibana boi marbarita na uli. Misalna tasukkun ma ise do hira-hira halak na ditanda ibana na pasti lomo rohana mambege sada hatorangan sian Bibel. Dung i taurupi ma ibana mampersiappon bahan na lao paboaonna. Boi do muse tapakke fitur “Adong do na Mandok” sian bukku Mangolu Saleleng ni Lelengna! lao mangalatik studitta i. Tikki talatik ibana, taurupi ma ibana asa terampil mamakke Bibel lao mangalusi sukkun-sukkun ni halak.

17. Songon dia do Mateus 10:19, 20, 29-31 boi mangurupi studitta asa marpos ni roha tu Jahowa?

¹⁷ Taurupi ma studitta marpos ni roha tu Jahowa. Dipapos Jesus do roha ni akka siseanna na urupan ni Jahowa do nasida. (Jaha Mateus 10:19, 20, 29-31.) Hita pe, taurupi ma studitta marpos ni roha tu Jahowa, asa ditangiakkon ibana tujuan manang cita-citana. Donganta si Franciszek na tinggal di Polandia mandok, “Jotjot do najolo guru studikku manangiakkon cita-citakku tikki rap martangiang hami. Tikki huida dialusi Jahowa tangiangna i gabe tergerak ma au martangiang secara pribadi. Huingot dope tikki baru mandapot karejo au, hupangido ma cuti asa boi marpungu dohot kebaktian. Hutangiakkon ma i tu Jahowa, ternyata diloas do au cuti. Gabe pos ma rohakku tu Jahowa.”

18. Songon dia do Jahowa mangida upayatta mangurupi parsiajar Bibel asa boi tardidi?

¹⁸ Parduli do Jahowa tu akka parsiajar Bibel. Dihaholongi jala diargai Ibana do akka penyiar na berupaya mangurupi studina asa jonok tu Ibana. (Jes. 52:7) Molo dang adong dope studimuna saonari, boi do tetap diurupi hamu studi ni dongan na asing asa boi tardidi. Dohot ma hamu mandongani akka penyiar na adong studina.