1. Asup tinöölô yip yamihtökūö tömaṙòngö nö i Yērūsalem?

 IN ÖK raneh senchurī. Pōyen yip tarik i Yērūsalem nö hamūlöre. Kölöktöre cha-a nö inuk panam re hēk kö tahëngö ëlô inrē cha-a. Ngaich yik aṅ Yahūti nö ṙôtö ëlô cha. Ngaich pingangkūö ngaich cha-a! Ngaich hēk cha-a nö pingangkūö nö hang ṙô cha nö i ëlô re. Vë-eny öng Pītör, yēn hòṅ hayöökaren ngaich hòṅ ṙatö ellōnre öi in Yēsū. Yip hamang ngaich nö hatön: “Kahōlö sitih öi min?” Ngö ṙô öng Pītör: “Havöötö ellōn re yin vōkö inrē yī-ö ṙòkhör.”—Inl. 2:37, 38.

2. Asup ngahëichkö hī min in ngih ātiköl? (Ngëichköm lama uk nyat)

² Ōt ngöre hēk nup pinngangkūö ik hē e. 3,000 ṙôken yik kamëḵ ngam vinôkö, ngaich haköp nö in Kristū. Kalēḵ kinëken ngaich ngam tölöök inhāngö löktö kūö ik hē e. Söl ing 21st senchurī. Rö-ö pöri nö kô ngòh tö hěngtak nö ilööṙen nö kēḵ ngam vinôkö. Pön samyeūheu hēk chumngëṅtuvö anga-aṅ nö teungten nö in ngam chö-öny re. Yēḵ meh öm kēḵ istöti yip tahëng, ngaich akahakūö më-eṅ tö ngam la-en, öi hòṅ ma-öinyre i vī-ni tö tarik nö mahaköp. In ngih ātiköl in min mikahtökūö re, hòṅ asup inlahen hī hòṅ ngam töhaköptu nö kēḵ ngam vinôkö.

3. Sā ṙô ngam Mëtiv 28:19, 20, hòṅ asup inlahen ngòh mahaköp mat paipöl hòṅ ò nö kēḵ ngam vinôkö?

³ Mihôiṅ ngòh mahaköp, nö kēḵ ngam vinôkö yēḵ ò nö asinkö kaha minë haköp re. (Vë-evkūö Mëtiv 28:19, 20.) Ngaich asinken ngam ṙô Yēsū inchō-elmat anga-aṅ nö sā ngam “tö-akaha  tarik” nö aṙūöti tī nö vī ngam patīre nö i kui ihong chūök rööntö machööḵlö. (Mët. 7:24, 25; Lūk. 6:47, 48) Ngaich sitih inlahen pöri më-eṅ haköptö ngam tö haköptu nö asinken minë haköpre? Ta-a töi chumkūöṙen tö minë tö lūöi inlēnö.

4. Sitih inlahen öi hayööken ngam mahaköp nö kēḵ ngam vinôkö? (Ngëichkö ngam pòks “ Haṙunten Ngam Mahaköp Nö Kēḵ Minë Chö-öny Re Ngaich Teungen Tö U.”)

⁴ Hayööken ngam tö haköptu nö vī ngam chö-öny re. Kūöyòh ayī-ö hòṅ ngatī inlahen? Tö sā meh marô-òlkūö öm chuh in öp chahure ngaich yēḵ meh öre sökngöre öm ngëichken minë tö meukö tövai ngaich öt akahngenre öm teung in öp chahu-re. Ngatī ṙēngen yip mahaköp yēḵ ò nö vī nup tö kūönö chö-önyre, ngaich lööṙen min anga-aṅ nö kētöre nö in ngam vinôkö. Mihôiṅ inrē öm hayööken öp mahaköp in ngam lipöre Mihôiṅ Man Örheūheu Ṙamlōn! öm yūs ngam seksön “Chö-öny.” Mihôiṅ öm kakken u unôichrit re öm haköpten ò ngaich yěn asinken e min anga-aṅ ngaich mihôiṅ min anga-aṅ nö teungten nö kēḵ ngam chö-önyre. Mihôiṅ man kuich tö öp tahëng chö-öny ngam mahaköp in ngam “Tahëng Chö-öny.” Örheūheu man mikahtökūöre tö inlahen öp haköptöre nö asuh öp inlahen ò nö kēḵ nup chö-önyre.

5. Sā ṙô ngam Mākös 10:17-22, Asuh öp tinölô öp tökòlô tö tī Yēsū, ngaich kūöyòh?

⁵ Hayööken öp haköptöre nö halööktit nup tinrīken re. (Vë-evkūö Mākös 10:17-22.) Akahakūö ang Yēsū tö kanihngen ngòh tökòlò tarik nö nö i-nyihngö nup chehenre yēḵ ò nö hòṅ haköp nö in ò. (Māk. 10:23) Sön pöri ang Yēsū nö tölṙô ò nö halööktit ngam tinrikngen re. Kūöyòh? Pòn hangenlōn Yēsū tö ò. Mihôiṅ min ayī-ö öi öt lōnu öi hareuskö alaha yip haköptöre yěi meuk inlahen ò nö öl nö halööktit minë tinrīkenre. Ōt yip tö marò-òten nö halööktit minë tinrīkenre. (Kòl. 3:9, 10) Yēḵ meh pöri ilööṙen mikahtökūö ò töp tö hòṅ  halööktu tinrīken ò, ngaich mihôiṅ min anga-aṅ nö ilööṙen nö halööktitre. Yēḵ meh ngatī inlahen, inmeuk tö meh öm hangenlōn tö ò.—Sal. 141:5; Inch. 27:17.

6. Kūöyòh öi hòṅ hatönkūö ngam mahaköp?

⁶ Hatön öp haköptöre man, in e mikahkūö min më-eṅ tö nup mufě ò nö in minë haköpre. Akahakūö inrē min më-eṅ tö ò yěn akaha elnang anga-aṅ tö nup haköpre. Yēḵ meh örheūheu ngatī inlahen ngaich lööṙen min më-eṅ mikahtökūö ò tö nup tökihngen mikah elnang ò. Pōyen nun minë intöönö el ngam lipöre Mihôiṅ Man Örheūheu Ṙamlōn! Tö sā ṙēngen ngam intöönö in ngam lesön 4: “Sitih mufě ang Yāvē yēḵ meh öm havëkö minë-eny ò?” Ngam intöönö in ngam Lesön 9: “Asuh öp ṙô meh kò-òren öm vë-ekūötēv?” Lohten min öp tö haköptu nö kihngen nö sapṙô minë intöönö. Mihôiṅ öm tölṙô ò nö kētö sanapṙô minë intöönö nö löktö in minë miröökö in ngam lesön hēk in minë nyat inrē.

7. Hòṅ asup inlahen meh hòṅ öp töhaköptu nö halööktit nup tinrīkenre?

⁷ Yēḵ ngam haköptö meh nö akahakūö töre nö hòṅ halööktit minë tinrīkenre, ngaich hòṅ vë-eny nang ò më-en tö nup ekspirīön yip prötör sistör. Tö sā ngam tö haköptu öre nö öt uroh nö yihtökūö nö el mīting, ngaich mihôiṅ më-eṅ öm hameuktö mat ò tö ngam vitīō Yöhova nē mēri tēkpal ki hë in ngam tufömngöre lipöre tö kētu in ngam lesön 14 in ngam seksön chinööhö. Ōt nun minë tahëng seksön in ngam lipöre Mihôiṅ Man Örheūheu Ṙamlōn! Mihôin man ngëichken minë ekspirīön in ngam seksön “Afītöre ngaich Haköp” hēk in ngam “Chinööhö.” * Chumkūöṙen pöri më-eṅ öm öt kô öm asinten ò in yip tahëng öm ngö ṙô, “Yěn mihôiṅ anga-aṅ nö ngatī inlahen, ngaich mihôiṅ më-eṅ inrē ngatī inlahen.” Hökngen ngam töhaköptu nö kēḵ fësla re. Ngaich mihôiṅ öm vë-eny nang ò nö asuh öp miröökö mahayööken ngam prötör sistör nö halööktitre. Ngaich vë-eny nang ò tö inlahen Yāvē nö sitih inlahen nö hayööken yip prötör sistör.

8. Sitih inlahen öm hayööken öp tö haköptu nö hangenlōn tö Yāvē?

⁸ Hayööken öp mahaköp nö hangenlōn tö Yāvē. Yēḵ meh öm ṙētak vö ngaich vë-eny nang ò tö nup tinrīken Yāvē. Ngaich vë-eny nang ò më-eṅ tö Yāvē nö Tēv ṙanamlōn ngaich yip tö hangenlōn tö ò, ngaich holren cha anga-aṅ. (1 Tim. 1:11; Hep. 11:6) Pōyen yanöölen öp töhaköptu min yěn asinken nup haköpre hēk vë-eny nang ò tö Yāvē nö lōnu tö yanöölen yip tö hangenlōn tö ò. (Isa. 48:17, 18) Asā öp hanangenlōn ò min tö Yāvē ngaich ngatī inlahen min anga-aṅ nö halööktit nup tinrīken re.—1 Yôh. 5:3.

9. In ngam tö vënyu lipöre Mākös 10:29, 30, hòṅ asup chumkūöṙen öp mahaköp nö haröḵngenre hòṅ nö kēḵ ngam vinôkö?

⁹ Yēḵ ngam mahaköp nö kēḵ ngam vinôkö, ngaich hòṅ haröḵngenre anga-aṅ sā öp tö kòlô tarik tö urěh vinë-nyö taheui. Tö sā öp mahaköp öre nö öt asā nup ṙô ngam paipöl öp kinmanö ò, ngaich lohten anga-aṅ nö hòṅ hariḵngö ngam kinmanö re. Ngaich hòṅ ṙāngenre anga-aṅ nö hanôl yip töt ha-öönyö Yāvē. Ngaich yip aṅ patī ò inrē nö öt hangenlōn tö ò pò cha nö öt hangenlōn tö yip vamënyen Yāvē. Ngö ṙô öng Yēsū öt lööṙen in öi ṙāngen e, kilēḵngöre anga-aṅ pöri nö örhō nö ṙāngen hī pòn yip mikūönö Yāvē nö acha-a min tö hangenlōn  tö hī. (Vë-evkūö Mākös 10:29, 30.) Hòṅ sitih inlahen öm hayööken ngam mahaköp, hòṅ ò nö mikūönövö lōn tö yip prötör sistör aṅ ngam Māṅ?

10. Asup öp haköplö hī in ngam ṙô Mānuěl?

¹⁰ Asiöp ngam in-nòlöre in ngam mahaköp. Hameuktöre me-eṅ öm chumkūören tö ò. Mānuěl ngòh aṅ Mëksiko nö ngö ṙô anga-aṅ ik sā ò nö hakaöp mat ngam paipöl ngaich hayööken ò ök prötör öp mahaköpten ò. Ngö ṙô anga-aṅ: “Urěh kūö ò nö kēḵ istöti chu ngaich hatöönkö inlahen chu sin anga-aṅ ngaich ṙāmlōn ai vë-ekūöre ngaich öt piyu-uṙô chu-ö öich vë-ekūö ò pòn chumkūöṙen anga-aṅ nö hangihtö ṙô chu.”

11. Asup min yanöölen öp tö haköptu yēḵ meh öm kě-eny ṙētakre in ò?

¹¹ Sā inlahen Yēsū nö kě-ēny ṙētak re nö in yip mahaköp, hòṅ ngatī inlahen inrē ayī-ö kē-ēny ṙētak re in yip haköptöre. (Yôh. 3:22) Yēḵ öp haköp tö meh nö kūö la-urěh ngaich mihôiṅ më-eṅ öm havëten ò nö i patī re nö òk chā, nyā hēk meuk JW Pròtkasting inrē. Tövai ön min ngam inlahen meh havëten ò yēḵ yip aṅ patī ò nö sānngen nö in minë la-en ngih panam hēk yē ò inrē nö ngö lōn töre nö hěngtak. Ngö ṙô ön ngòh prötör Kāchipvē aṅ Ukānta: “Im ṙētak istöti re chin rung haköp inlahen Yāvē, yēḵ chu pöri öich kē-ēny ṙētak re öich in ngam kamëḵ istöti re ngaich pōyen haköp chū-ö hēk tö inlahen Yāvē. Meuk inlahen Yāvē chū-ö nö chumkūöṙen tö yip tarikre hēk ṙamlōn inrē yip tarik ò.” Lōnu chū-ö töre inrē öich ṙamlōn.

12. Kūöyòh öm hòṅ kūmten yip tahëng prötör sistör yěm kēḵ istöti?

¹² Kūmten yip tahëng pöplisöör man yē meh öm istöti. Lööṙen ön ngam inlahen meh lohten öm hěngtak hēk höng hěngṙen hol yěm kēḵ istöti. Yēḵ meh pöri öm kūmten yip tahëng prötör sistör, ngaich yöölen min öp tö haköptu tö meh. ngö ṙô ön ngòh prötör Timitri aṅ Maltōva, “Yip prötör sistör yamihtö kūö el istöti chu, ṙòkhöre nö kö harikngöre  minë tinrikngen tī cha nö haköpten chu. In e chū-ö öich lööṙen mikah elnang tö ṙô nup haköpre ngaich heuveu-en inrē öich asinkö minë haköpre. Ngaich ik sā öp raneh van chu yihtökūö el mīting ngaich öt arē-evö chū-ö, pò chu ngaich öich urěhten meuk kūö yip rikre prötör sistör.”

13. Kūöyòh öi hòṅ hareuskö alaha yip haköptöre nö yihtökūö nö el mīting?

¹³ Ṙūöhöl alaha ngam tö haköptu nö yihtö kūö nö el mīting. Tö hěng ön ngam mīting nö mupakö alaha ngam inlaha hī öi vë-ekūötēv. Lökten ang Yāvē nö kētö chööngö nö in yip tarikre nö yihtakūö nö el mīting hēk holṙenre nö ha-öönyö ò. (Hep. 10:24, 25) Sā ṙēngen mikūönö hī yin më prötör sistör aṅ el ngam Maṅ. Yēḵ hī öi yihtökūö el mīting ngaich sā ṙēngen yip hamōlkūö yip aṅ patī re ayī-ö öi kuchikngö kūö re öi nya nup tö kuchik nya-ākūö. Töt ṙanāngen ön ngam inlahen hī yihtökūö el mīting yēḵ hī öi hòṅ kēḵ ngam vīnôkö. Lohten pöri nö töt lööṙen ngam inlahen yip mahaköp nö yihtökūö nö el mīting. Mihôiṅ öng min ngam tö tufömngöre lipöre Mihôiṅ Man Örheūheu Ṙamlōn! Nö inyööken ngam tö haköptu tö meh?

14. Asup mihôiṅ inlahen meh hòṅ öp tö haköptu nö yihtökūö nö el mīting?

¹⁴ Mihôiṅ man löktö in ngam lesön 10 öm ṙūöhöl alaha ngam tö haköptu nö yihtökūö nö el mīting. Urěhēkūö ngam lipöre nö rilisö töl ṙô yip prötör sistör tö ekspirīön nö kakkö ṙô minë lesön nö in yip haköptöre. Vë-eny ngam yanöölen re acha-a nö in e ngaich yihtökūö inrē yip kaheḵ istöti cha. Uh pöri më-eṅ öm höng hök töm inlahen ò in ngam lesön 10. Pön hòṅ ilööṙen öm havëken ò nö yihtökūö nö el mīting. Kö harikngöre nun minë kanihngen meh mahaköp. Lökten öm hòṅ akahakūö tö tīre öm hayööken ngam tö haköptu. Yēḵ ò nö öt ilööṙen nö yihtökūö nö el mīting, ngaich um haṙivlōn. Hòṅ möy më-eṅ ngaich iṙuöhen öm havëten ò nö yihtökūö nö el mīting.

15. Asup kò-òṙen lainyngen öp haköptö meh nö vöö?

¹⁵ Kööpölōn man ik sāre öm haköp ngam kanô-en ngaich lohten më-eṅ öm vöö tö yip aṅ patī meh hēk yip hol meh min nö kunyah-elmat tö meh. Hēk öt teungten öm in ngam inlaha re inrē öm ahanga. Ngaich man më-eṅ öm lamök in në kanihngen, lökten öm akahakūö min tö kanihngen ngam tö kē-ē istötī. Akahakūö ök Yēsū tö kanihngen yip haköptöre, sön pöri anga-aṅ nö ṙūöhöl alaha yip haköptöre nö un ṙāngenre nö löklōn Yāvē tö kūö ngam vanöörö re. (Mët. 10:16, 17, 27, 28) Asuh öp inlahen Yēsū nö ṙuhngö vanöörö yip haköptöre? Ngaich sitih inlahen më-eṅ kò-òṙen öm ṙuhngö vanöörö yip mahaköp?

16. Sitih inlahen öm haruntö ngam haköptöre nö ahanga?

¹⁶ Haṙuntöm töhaköptu man nö ahangköm tölöök inhanga. Ik sā Yēsū nö tinngen yip haköptöre nö ahanga ngaich vöö lohten acha-a. Ruhngen ngam vanöörö cha pöri ang Yēsū nö vë-eny nang cha nö achiö yip tö vēnyu nang min tö ngam tölöök inhanga hēk asuh öp ṙô cha min nö ṙô-òvö. (Mët. 10:5-7) Asup mihôiṅ inlahen meh öm asinken Yēsū? Mihôiṅ öm tölṙô ngam mahaköp nö fēken yip tarik tö mihôiṅ nö vēnyu nang tö ngam tölöök inhanga. Tö sā ò öre, yěn ōt mikahkūö tarik tö ṙamlōn nö hang ngam kanô-en aṅ mat ngam Paipöl. Mihôiṅ man öm haruntö ṙô ngam tö haköptu. Mihôiṅ man inrē ngëichkö ngam tö tufömngöre lipöre in ngam seksön “Ngö ṙô Yip Tahëng tarik” hēk “Ngö ṙô Yip Mahatöön” ön praktis ṙô re in e. Vë-eny nang ò më-eṅ  yěn vë-ekūö yip tahëng ngaich holtö mikahre anga-aṅ nö ṙô-òvö hēk löknyö mat ngam Paipöl ṙô nö kētö sanap ṙô nup intönö.

17. Sā ṙô ngam Mëtiv 10: 19, 20, 29-31 sitih inlahen öm haṙun ngam tö haköptu nö hayöönglen re nö in Yāvē?

¹⁷ Haṙuntöm haköptöre nö hayönglenre in Yāvē. Kētö ṙinātö ellōn yip haköp töre öng Yēsū, tö Yāvē nö in cha hēk hangenlōn inrē anga-aṅ tö cha. (Vë-evkūö Mëtiv 10:19, 20, 29-31.) Kētö ṙinātö ellōn ngam haköptöre man tö Yāvē min nö hayööken ò, kò-òren na-aṅ an holren re vë-elkūi nup chö-öny ngam tö haköptu. Ngaich heuveu-en min anga-aṅ nö hayönglen re nö in Yāvē. Hěngtak ön ngòh prötör tö Frāny-chisëk minë-eny aṅh Pòlen ngö ṙô an: “Öreūheu an ngam prötör kamēḵ istöti chu nö vë-elkūi nup kahēk chu chö-öny, ngaich meuk inlahen Yāvē chu-ö nö kēḵtö sanāp ṙô minë havëkö chu. Lökten ngaich chu-ö ṙulten re öich vë-kūötēv. Meuk ngam inlahen re chu-ö ik sā chu öich föm töre inlahen öich kaman ngaich lōntö chut-tī re chu-ö lang öich yihtökūö el mīting hēk el minë Könvensön, ngaich hang ṙô chu ngam Tēv öich vë-kūötēv ngaich teungen chu-ö inrē ngaich tö chut-tī re.”

18. Sitih inlahen lōn an Yāvē nö in yip tarik re nö haköpten yip tahëng?

¹⁸ Hangenlōn an Yāvē tö yik mahaköp chumkūöṙen inrē anga-aṅ tö cha. Hangenlōn an inrē tö yip tarik re, yip tö ma-önyre nö haköptö yip tahëng. (Isa. 52:7) Yēn öt ō kahēk meh istöti ngaich kò-òren më-eṅ öm holṙöön öp tahëng pöplisör öm chuh in öp istöti ò ön hayööken öp tö haköptu nö kūöla urěh nö kēḵ ngam vinôkö.