22-زەرتتەۋ ماقالاسى
زەرتتەۋشىلەرگە شومىلدىرۋ راسىمىنەن وتۋگە كومەكتەسىڭىز
«ٵربىرىڭىز... شومىلدىرۋ راسىمىنەن ٶتىڭىز» (ەل. ٸس. 2:38).
72-ٵن پاتشالىق تۋرالى شىندىقتى جاريالايىق
اڭداتپا *
1. يسانىڭ شاكىرتتەرى قالىڭ جۇرتقا نە ىستەۋدى ايتتى؟
ب.ز. I عاسىرى. يەرۋساليمدە ٴتۇرلى ەلدەن كەلگەن، ٴتۇرلى تىلدە سويلەيتىن ادامدار ابىر-سابىر بولىپ جاتىر. كەنەت ٴبىر توپ ياھۋدي سونداعى شەتەلدىكتەردىڭ تىلدەرىندە سويلەي باستادى. بۇل كەرەمەتكە جۇرتتىڭ ٴبارى اڭ-تاڭ بولدى! ٴبىراق ولاردىڭ، اسىرەسە ەلشى پەتىردىڭ ٴدۇيىم جۇرتقا نە ايتقانى ودان دا كەرەمەت بولدى. ولار يسا ماسىحكە سەنگەن ادام قۇتقارىلاتىنىن ايتتى. بۇل حابار جۇرتقا قاتتى اسەر ەتكەنى سونشا، ولار: «ەندى ٴبىز نە ىستەۋىمىز كەرەك؟»— دەپ سۇرادى. سوندا پەتىر ولارعا: «ٵربىرىڭىز... شومىلدىرۋ راسىمىنەن ٶتىڭىز»،— دەدى (ەل. ٸس. 2:37، 38).
ەر باۋىرلاس ايەلىمەن بىرگە جاس جىگىتپەن «ماڭگى باقي ٶمىردىڭ راقاتىن كورىڭىز!» دەگەن كىتاپپەن كيەلى كىتاپتى زەرتتەپ جاتىر (2-ابزاستى قاراڭىز).
2. بۇل ماقالادا نەنى قاراستىرامىز؟ (مۇقاباداعى سۋرەتتى قاراڭىز.)
2 سول كۇنى شامامەن 3000 ادام شومىلدىرۋ راسىمىنەن ٶتىپ، ٴماسىحتىڭ شاكىرتى بولدى. بۇل يسا ٸزباسارلارىنا تاپسىرعان كەڭ كولەمدەگى شاكىرت دايىنداۋ ٸسىنىڭ باستاماسى ەدى. شاكىرت دايىنداۋ ٸسى قازىرگى XXI عاسىردا دا ٴجۇرىپ جاتىر. ارينە، ٴبىز سول كەزدەگىدەي ادامعا ٴبىر-ەكى ساعاتتىڭ ىشىندە شومىلدىرۋ راسىمىنەن وتۋگە كومەكتەسە المايمىز. بۇعان بىرنەشە اي، ٴتىپتى ٴبىر جىل نە ودان كوپ ۋاقىت كەتەدى. ەگەر زەرتتەۋ ساباعىڭىز بار بولسا، شاكىرت دايىنداۋ ٸسىنىڭ جاتقان ەڭبەك ەكەنىن ٶزىڭىز دە بىلەتىن شىعارسىز. ەندەشە، زەرتتەۋشىگە شومىلدىرۋ راسىمىنەن وتۋگە كومەكتەسۋ ٷشىن نە ىستەي الاتىنىمىزدى قاراستىرىپ كورەيىك.
زەرتتەۋشىگە العان ٴتالىمىن ومىردە قولدانۋعا كومەكتەسىڭىز
3. ماتاي 28:19، 20 عا ساي، زەرتتەۋشى شومىلدىرۋ راسىمىنەن ٶتۋ ٷشىن نە ىستەۋ كەرەك؟
3 شومىلدىرۋ راسىمىنەن وتپەس بۇرىن ادام كيەلى كىتاپتان بىلگەندەرىنە ساي ارەكەت ەتۋى كەرەك (ماتاي 28:19، 20 وقىڭىز). سوندا ول جەردى تەرەڭ قازىپ، ٷيدىڭ ىرگەتاسىن جارتاسقا سالعان «اقىلدى ادامعا» ۇقسايتىن بولادى (مات. 7:24، 25؛ لۇقا 6:47، 48). زەرتتەۋشى كيەلى كىتاپتان بىلگەندەرىن ومىردە قولدانۋىنا ٴبىز قالاي كومەكتەسە الامىز؟ قازىر مۇنىڭ ٷش جولىن قاراستىرايىق.
4. زەرتتەۋشى شومىلدىرۋ راسىمىنە بارىنشا تالپىنا بەرۋى ٷشىن وعان قالاي كومەكتەسسەك بولادى؟ (« زەرتتەۋشىگە الدىنا ماقسات قويىپ، سوعان ۇمتىلۋعا كومەكتەسىڭىز» دەگەن قورشاۋدى دا قاراڭىز.)
4 زەرتتەۋشىگە ماقساتتار قويۋعا كومەكتەسىڭىز. بۇنىڭ ماڭىزدىلىعىن مىنانداي مىسالمەن تۇسىندىرۋگە بولادى: ٴسىز الىس ساپارعا اتتانعالى جاتىرسىز دەلىك. ۇزاق جول شارشاتىپ جىبەرمەس ٷشىن، ٴسىز جول-جونەكەي ادەمى جەرلەرگە توقتاپ وتىراسىز. سول سياقتى، زەرتتەۋشى كىشىگىرىم ماقساتتار قويىپ، سوعان جەتۋدى ۇيرەنسە، شومىلدىرۋ راسىمىنەن ٶتۋ ماقساتىنا دا جەتە الاتىنىن تۇسىنەدى. وسى ورايدا زەرتتەۋشىگە كومەكتەسۋ ٷشىن «ماڭگى باقي ٶمىردىڭ راقاتىن كورىڭىز!» كىتابىنداعى «ماقسات» دەگەن قورشاۋدى قولدانىڭىز. بۇل قورشاۋعا ٵر ساباقتىڭ سوڭىندا توقتالىپ، سوندا جازىلعان ماقسات وعان وقىپ-بىلگەنىن قولدانۋعا قالاي كومەكتەسەتىنىن قاراستىرىڭىز. ال ەگەر زەرتتەۋشىنىڭ باسقا ماقساتقا ۇمتىلعانىن قالاساڭىز، ونى قورشاۋداعى «نەمەسە» دەگەن جەرگە جازىپ قويىڭىز. كىتاپتاعى وسى قورشاۋدى جۇيەلى تۇردە قولدانىپ، زەرتتەۋشى ۇلكەن-كىشى قانداي ماقساتتار قويا الاتىنىن تالقىلاپ وتىرىڭىز.
5. مارقا 10:17—22-تارماقتاردا يسا باي جىگىتكە نە دەدى جانە نەلىكتەن؟
5 زەرتتەۋشىگە وزگەرۋگە كومەكتەسىڭىز (مارقا 10:17—22 وقىڭىز). يسا ٴبىر باي جىگىتكە قاتتى قيىن بولاتىنىن بىلسە دە، دۇنيە-مۇلكىنىڭ ٴبارىن ساتىپ جىبەرۋدى ايتقان (مار. 10:23). نەگە يسا وعان بىردەن وسىنداي ۇلكەن وزگەرىس جاساۋدى ايتتى؟ ويتكەنى ونى شىن جاقسى كوردى. كەيدە ٴبىز ادامدى ٵلى دايىن ەمەس دەپ ويلاپ، العان بىلىمىنە ساي وزگەرۋگە تالپىندىرماۋىمىز مۇمكىن. ارينە، ادامنىڭ جامان ادەتتەردەن ارىلىپ، جاڭا بولمىسقا يە بولۋى بىردەن بولا قويمايدى (قول. 3:9، 10). ٴبىراق وعان جاقسارۋ كەرەك جاقتارىن نەعۇرلىم ەرتەرەك ايتساڭىز، ول سوعۇرلىم ەرتەرەك وزگەرە باستايدى. وسى تاقىرىپتا اشىق سويلەسىپ، ونىڭ قامىن ويلايتىنىڭىزدى كورسەتىڭىز (ٴزاب. 141:5؛ ناق. س. 27:17).
6. زەرتتەۋشىنىڭ ويىن بىلەتىن سۇراقتاردى قويۋ نە ٷشىن ماڭىزدى؟
6 زەرتتەۋشىنىڭ ٶتىپ جاتقان تاقىرىپقا قاتىستى ويىن ٴبىلۋ وتە ماڭىزدى. بۇل ٷشىن سۇراقتاردى قولدانىڭىز. ونىڭ ويىن بىلەتىن سۇراقتار قويىپ، نە تۇسىنگەنىن، نەگە سەنەتىنىن انىقتاڭىز. وسىنداي سۇراقتاردى ٴجيى قولدانىپ تۇرساڭىز، وندا زەرتتەۋشىگە قابىلداۋ وڭاي بولا بەرمەيتىن تاقىرىپتا دا جەڭىل سويلەسە الاسىز. «ماڭگى باقي ٶمىردىڭ راقاتىن كورىڭىز!» دەگەن كىتاپتا ادامنىڭ ويىن بىلۋگە ارنالعان سۇراقتار كوپ كەزدەسەدى. مىسالى، 4-ساباقتا «ٴسىز ەحوبانىڭ اتىن ايتقاندا، ول نە سەزىنەدى دەپ ويلايسىز؟» دەگەن سۇراق بار. ال 9-ساباقتا «ٴسىز نە جايىندا دۇعا ەتكىڭىز كەلەر ەدى؟» دەگەن سۇراق بار. باسىندا زەرتتەۋشى بۇنداي سۇراقتارعا بىردەن جاۋاپ بەرە المايتىن شىعار. سوندىقتان وعان تارماقتاردى جانە سۋرەتتى كورسەتىپ، وي جۇگىرتۋدى ۇيرەتىڭىز.
7. زەرتتەۋشىگە كومەكتەسۋ ٷشىن ومىردەن العان مىسالداردى قالاي قولدانساق بولادى؟
7 زەرتتەۋشى قاي جاعىنان جاقسارۋ كەرەكتىگىن تۇسىنگەننەن كەيىن، وعان ومىردەن الىنعان وقيعالاردىڭ كومەگىمەن وزگەرۋگە كومەكتەسىڭىز. مىسالى، ول قاۋىم كەزدەسۋلەرىنە جۇيەلى تۇردە قاتىسپاي جۇرسە، وعان 14-ساباقتاعى «قوسىمشا ىزدەنىڭىز» دەگەن بولىكتىڭ «ەحوبا مەنى قامقورلادى» دەپ اتالاتىن ۆيدەوسىن كورسەتسەڭىز بولادى. ومىردەن الىنعان مىسالدار «ماڭگى باقي ٶمىردىڭ راقاتىن كورىڭىز!» كىتابىنداعى ساباقتاردىڭ كوبىسىندە بار. ولاردى «تەرەڭىرەك ٷڭىلىڭىز» نەمەسە «قوسىمشا ىزدەنىڭىز» دەگەن بولىكتەرىنەن تابا الاسىز *. ٴبىراق زەرتتەۋشىڭىزگە «ەگەر ول ادام ىستەي السا، وندا سەن دە ىستەي الاسىڭ» دەپ، ونى باسقالارمەن سالىستىرۋدان اۋلاق بولىڭىز. مۇنداي تۇجىرىمعا ونىڭ ٶزى كەلگەنى دۇرىس. ودان دا ۆيدەوداعى كەيىپكەرگە كيەلى كىتاپتان بىلگەنىن ومىردە قولدانۋعا كومەكتەسكەن نەگىزگى ويلاردى ايرىقشالاپ كەتىڭىز. بالكىم، وندا ايتىلعان نەگىزگى تارماققا نەمەسە ٴتيىمدى كەڭەستەرگە كوڭىل بۇرارسىز. اسىرەسە، كەيىپكەرگە ەحوبانىڭ قالاي كومەكتەسكەنىنە نازار اۋدارۋدى ۇمىتپاڭىز.
8. زەرتتەۋشىنىڭ ەحوباعا دەگەن سۇيىسپەنشىلىگى ارتۋ ٷشىن وعان قالاي كومەكتەسە الامىز؟
8 زەرتتەۋشىنىڭ ەحوباعا دەگەن سۇيىسپەنشىلىگىن ارتتىرىڭىز. ٴساتى تۋعان كەزدىڭ بارىندە ەحوبانىڭ قاسيەتتەرىنە كوڭىل بۇرىپ وتىرىڭىز. زەرتتەۋشى ەحوبانىڭ باقىتتى قۇداي ەكەنىن، ونى سۇيەتىندەردىڭ ٴبارىن قولداۋعا ٵزىر ەكەنىن ٴتۇسىنسىن (ٴتىم. 1-ح. 1:11؛ ەۆر. 11:6). وعان بىلگەندەرىن ومىردە قولدانعانى وزىنە پايدالى ەكەنىن ٵرى بۇل ەحوبانىڭ وعان دەگەن سۇيىسپەنشىلىگى ەكەنىن ٴتۇسىندىرىڭىز (يشايا 48:17، 18). سوندا ونىڭ دا ەحوباعا دەگەن سۇيىسپەنشىلىگى تەرەڭدەپ، وزگەرۋگە دەگەن ىقىلاسى ارتا تۇسەدى (جوح. 1-ح. 5:3).
زەرتتەۋشىڭىزدى باسقا باۋىرلاستارمەن تانىستىرىڭىز
9. مارقا 10:29، 30 عا ساي، زەرتتەۋشىگە قۇرباندىقتارعا بارۋعا نە كومەك بولادى؟
9 زەرتتەۋشى رۋحاني ٶسىپ، شومىلدىرۋ راسىمىنەن ٶتۋ ٷشىن قۇرباندىقتارعا بارۋى كەرەك. الدىندا ايتىلعان باي جىگىتتىڭ جاعدايىنداعىداي، كەيبىرەۋلەرگە ماتەريالدىق نارسەلەرىن قيۋعا تۋرا كەلەر. زەرتتەۋشىنىڭ جۇمىسى كيەلى كىتاپ پرينسيپتەرىنە ساي كەلمەسە، وعان جۇمىسىن اۋىستىرۋ كەرەك بولار. كەيبىر زەرتتەۋشىلەرگە ەحوبانى جاقسى كورمەيتىن دوستارىمەن دوستىقتارىن ٷزۋ كەرەك بولادى. ال باسقالارىنان ەحوبا كۋاگەرلەرىن جەك كورەتىن تۋىستارى تەرىس اينالۋى مۇمكىن. يسا كەيبىرەۋلەرگە وسىنداي قۇرباندىقتارعا بارۋ قيىن بولاتىنىن بىلگەن. ٴبىراق ونىڭ ىزىمەن جۇرسە، بۇعان ەشقاشان وكىنبەيتىنىن ۋادە ەتكەن. ەحوبا ولارعا قامقور رۋحاني وتباسىن سيلايدى (مارقا 10:29، 30 وقىڭىز). زەرتتەۋشىڭىز وسى سيدىڭ پايداسىن كورۋ ٷشىن وعان قالاي كومەكتەسە الاسىز؟
10. مانۋەلدىڭ سوزدەرىنەن نە ٴتۇيدىڭىز؟
10 زەرتتەۋشىمەن دوس بولىڭىز. زەرتتەۋشى ٴسىز ٷشىن ماڭىزدى ادام ەكەنىن كورسەتىڭىز. بۇنىڭ قانشالىقتى ماڭىزدى ەكەنىن مەكسيكادا تۇراتىن مانۋەلدىڭ سوزدەرىنەن بىلەمىز. ول بىلاي دەيدى: «ٵر زەرتتەۋ ساباعىنىڭ الدىندا تالىمگەرىم مەنىڭ جاعدايىمدى سۇرايتىن. ونىڭ الدىندا ٶزىمدى ەركىن سەزىنىپ، كەز كەلگەن تاقىرىپتا اشىق سويلەسە بەرەتىنمىن. ول ۇنەمى مەنىڭ قامىمدى ويلاپ جۇرەتىن».
11. زەرتتەۋشىلەرمەن بىرگە ۋاقىت وتكىزگەنىمىزدىڭ ولار ٷشىن قانداي پايداسى بار؟
11 يسا شاكىرتتەرىمەن ۋاقىت وتكىزگەنى سياقتى، ٴسىز دە زەرتتەۋشىڭىزبەن ۋاقىت وتكىزىڭىز (جوح. 3:22). زەرتتەۋشى رۋحاني قادامدار جاساپ باستاسا، ونى ۇيگە شايعا نە تاماققا، يا بولماسا برودكاستينگ باعدارلاماسىن بىرگە كورۋگە شاقىرارسىز. اسىرەسە مەيرام كۇندەرى شاقىرساڭىز بولادى، ويتكەنى ونىڭ سەنۋشى ەمەس وتباسى مەيرام تويلاپ جاتقاندا ول ٶزىن جالعىز سەزىنۋى مۇمكىن. ۋگاندادا تۇراتىن كازيبۆە دەگەن باۋىرلاس بىلاي دەيدى: «مەن زەرتتەۋ ساباعىندا عانا ەمەس، تالىمگەرىممەن بىرگە ۋاقىت وتكىزگەندە دە ەحوبا جايلى كوپ نارسە ٴبىلدىم. سونداي-اق ەحوبانىڭ حالقى قانشالىقتى باقىتتى ەكەنىن، ەحوبا ولاردىڭ قامىن ويلايتىنىن ٴتۇسىندىم. سول حالىقتىڭ اراسىندا مەن دە بولعىم كەلدى».
زەرتتەۋگە ٵرتۇرلى باۋىرلاستاردى اپارساڭىز، زەرتتەۋشى قاۋىم كەزدەسۋلەرىنە بارۋعا قينالمايدى (12-ابزاستى قاراڭىز) *
12. زەرتتەۋ ساباعىنا نەلىكتەن ٵرتۇرلى باۋىرلاسپەن بارعان ٴجون؟
12 زەرتتەۋ ساباعىنا ٵرتۇرلى جاريالاۋشىلاردى الىپ بارىڭىز. بىزگە زەرتتەۋ ساباعىنا ٶزىمىز عانا بارعان نەمەسە ۇيرەنىپ قالعان ٴبىر باۋىرلاسپەن بارعان ىڭعايلى شىعار. الايدا ٵرتۇرلى باۋىرلاسپەن بارعانىمىز زەرتتەۋشىگە كوبىرەك پايدالى. «ٵر جاريالاۋشى ساباقتى ٵرتۇرلى جولمەن تۇسىندىرەتىن. سونىڭ ارقاسىندا مەن ٷشىن تاقىرىپ ٵر قىرىنان اشىلاتىن. وسىلاي كوپ باۋىرلاسپەن تانىسقاندىقتان، قاۋىمعا العاش بارعانىمدا اسا قىسىلىپ-قىمتىرىلمادىم»،— دەيدى مولدوۆادا تۇراتىن دميتريي.
13. زەرتتەۋشىگە قاۋىم كەزدەسۋلەرىنە بارۋعا كومەكتەسكەنىمىز نەلىكتەن ماڭىزدى؟
13 زەرتتەۋشىگە قاۋىم كەزدەسۋلەرىنە بارۋعا كومەكتەسىڭىز. بۇل نەلىكتەن ماڭىزدى؟ سەبەبى ەحوبا ٶز قىزمەتشىلەرىنەن بىرگە جينالۋدى تالاپ ەتەدى، بۇل — عيباداتىمىزدىڭ ٴبىر بولىگى (ەۆر. 10:24، 25). سونداي-اق باۋىرلاستارىمىز — ٴبىزدىڭ رۋحاني وتباسىمىز. ولارمەن قاۋىمدا باس قوسقان كەزدە، وتباسى بولىپ بىرگە اس ىشكەندەي بولامىز. قاۋىم كەزدەسۋلەرىنە قاتىسۋ — زەرتتەۋشىنى شومىلدىرۋ راسىمىنەن وتۋگە جەتەلەيتىن ماڭىزدى قادام. ٴبىراق بۇل قادامدى جاساۋ كوبىسىنە قيىن بولۋى مۇمكىن. وسى ورايدا «ماڭگى باقي ٶمىردىڭ راقاتىن كورىڭىز!» كىتابى قالاي كومەكتەسە الادى؟
14. زەرتتەۋشىنى قاۋىم كەزدەسۋلەرىنە بارۋعا قالاي تالپىندىرساق بولادى؟
14 زەرتتەۋشىڭىزدى قاۋىمعا بارۋعا تالپىندىرۋ ٷشىن «ماڭگى باقي ٶمىردىڭ راقاتىن كورىڭىز!» كىتابىنىڭ 10-ساباعىن قولدانىڭىز. بۇل كىتاپ جارىق كورمەس بۇرىن، تاجىريبەلى جاريالاۋشىلار بۇل ساباقتى سىناقتان وتكىزىپ كوردى. ناتيجەسىندە ولار كوپ زەرتتەۋشىگە قاۋىمعا كەلۋگە كومەكتەسە الدى. ٴبىراق بىزگە 10-ساباققا دەيىن كۇتىپ وتىرۋدىڭ قاجەتى جوق. زەرتتەۋشىنى قاۋىم كەزدەسۋلەرىنە مۇمكىندىگىنشە ەرتە باستان جانە ۇزبەي شاقىرا بەرىڭىز. نەگىزى، ٵر زەرتتەۋشىنىڭ قيىندىعى ٵرتۇرلى. سوندىقتان ٴسىزدىڭ زەرتتەۋشىڭىزگە قاۋىمعا بارۋعا نە كەدەرگى بولىپ جاتقانىن بايقاپ، وعان قاجەتتى كومەك ۇسىنىڭىز. ول بىردەن قاۋىمعا كەلمەسە، كوڭىلىڭىز تۇسپەسىن. شىدامدى بولىڭىز، ٴبىراق تاباندى بولىڭىز.
زەرتتەۋشىگە قورىقپاۋعا كومەكتەسىڭىز
15. زەرتتەۋشىلەر نەدەن قورقۋى مۇمكىن؟
15 كەزىندە ٴسىز ەحوبا كۋاگەرى بولۋعا قورىققانسىز با؟ بالكىم، ٴسىز «ادامدارعا ۋاعىزداۋ ەشقاشان قولىمنان كەلمەيدى» دەگەن شىعارسىز نەمەسە وتباسىڭىز، دوستارىڭىز سىزگە قارسى بولادى دەپ قورىققان شىعارسىز. ەندەشە، ٴسىز زەرتتەۋشىڭىزدىڭ دە قانداي قورقىنىشى بار ەكەنىن جاقسى تۇسىنە الاسىز. يسا كەيبىرەۋلەردىڭ ونىڭ ٸزباسارى بولۋعا قورقاتىنىن بىلگەن. ٴبىراق يسا ولاردى قورقىنىشقا بوي الدىرماي، ەحوباعا قىزمەت ەتە بەرۋگە تالپىندىرعان (مات. 10:16، 17، 27، 28). ول ٸزباسارلارىنا قورقىنىشتارىن جەڭۋگە قالاي كومەكتەستى؟ ال ٴسىز وعان قاي جاعىنان ەلىكتەسەڭىز بولادى؟
16. زەرتتەۋشىنى سەنىمى جايىندا ايتۋعا قالاي دايىنداساق بولادى؟
16 زەرتتەۋشىنى سەنىمى جايىندا ايتۋعا دايىنداڭىز. يسا شاكىرتتەرىن ۋاعىزداۋعا جىبەرگەندە، ولار ٴبىراز قوبالجىعان شىعار. ٴبىراق يسا ولارعا كىمدەرگە ۋاعىزداۋ كەرەكتىگىن جانە نە ايتۋ كەرەكتىگىن ۇيرەتتى (مات. 10:5—7). ٴبىز ودان قانداي ۇلگى الامىز؟ زەرتتەۋشىگە كىمدەرگە ۋاعىزداۋعا بولاتىنىن ايتىڭىز. مىسالى، ودان: «كيەلى كىتاپتاعى وسى شىندىق سەن بىلەتىن ادامداردىڭ ىشىندە كىمگە پايدالى بولار ەدى؟»— دەپ سۇراڭىز. سوسىن وعان سول شىندىقتى قاراپايىم تۇردە قالاي جەتكىزۋگە بولاتىنىن كورسەتىڭىز. قاجەت بولسا، «ماڭگى باقي ٶمىردىڭ راقاتىن كورىڭىز!» كىتابىنداعى «كەيبىرەۋلەردىڭ ايتاتىنى» جانە «كەيبىرەۋلەر سۇراسا» دەگەن جاتتىعۋلاردى قولدانىڭىز. جاتتىعۋ بارىسىندا زەرتتەۋشىنى كيەلى كىتاپتى قولدانىپ، قاراپايىم جاۋاپ بەرۋگە جانە ىزەتپەن سويلەۋگە ۇيرەتىڭىز.
17. زەرتتەۋشىگە ەحوباعا ارقا سۇيەۋدى ۇيرەتۋ ٷشىن، ماتاي 10:19، 20، 29—31-تارماقتاردى قالاي قولدانساق بولادى؟
17 زەرتتەۋشىگە ەحوباعا ارقا سۇيەۋدى ۇيرەتىڭىز. يسا شاكىرتتەرىنە ەحوبا ولاردى جاقسى كورەتىنىن، سوندىقتان ولارعا ٵردايىم كومەكتەسەتىنىن ايتقان (ماتاي 10:19، 20، 29—31 وقىڭىز). ٴسىز دە زەرتتەۋشىڭىزگە ەحوبا وعان كومەكتەسۋگە دايىن ەكەنىن ايتىڭىز. مىسالى، ونىمەن بىرگە دۇعا ەتكەندە ونىڭ ماقساتتارى جايىندا ايتىپ، ەحوباعا ارقا سۇيەۋدى ۇيرەتىڭىز. پولشادا تۇراتىن فرانچيشەك باۋىرلاس بىلاي دەيدى: «مەنىمەن زەرتتەگەن باۋىرلاس دۇعاسىندا مەنىڭ ماقساتتارىم جايىندا ايتىپ وتىراتىن. ەحوبا سول دۇعالارعا جاۋاپ بەرگەن كەزدە مەن دە دۇعا ەتەتىن بولدىم. مىسالى، قاۋىم كەزدەسۋلەرى مەن كونگرەسكە بارۋ ٷشىن جۇمىستان سۇرانۋ كەرەك بولعاندا، ەحوبا ماعان كۇشتى كومەكتەستى».
18. ەحوبا ەڭبەك ەتىپ جۇرگەن تالىمگەرلەرگە قالاي قارايدى؟
18 ەحوبا كيەلى كىتاپتى زەرتتەپ جۇرگەن ادامداردى جاقسى كورەدى جانە قامدارىن ويلايدى. سونداي-اق ەحوبا ولارعا كومەكتەسىپ جۇرگەن تالىمگەرلەردى دە قاتتى جاقسى كورەدى. ويتكەنى ولار زەرتتەۋشىلەردىڭ ەحوباعا جاقىنداۋلارى ٷشىن كوپ تەر توگەدى (يشايا 52:7). ال ەگەر سىزدە كيەلى كىتاپ زەرتتەۋ ساباعى بولماسا، زەرتتەۋ ساباقتارى بار جاريالاۋشىلارمەن قىزمەتتەسىڭىز. وسىلايشا ٴسىز دە زەرتتەۋشىنىڭ شومىلدىرۋ راسىمىنەن وتۋىنە كومەكتەسە الاسىز.
60-ٵن امان قالسىن ٴبارى
^ 5-ابزاس بۇل ماقالادا يسا ادامدارعا ٶزىنىڭ شاكىرتى بولۋعا قالاي كومەكتەسكەنىن جانە ٴبىز دە شاكىرت دايىنداۋشى رەتىندە ودان نە ۇيرەنە الاتىنىمىزدى بىلەمىز. سونداي-اق «ماڭگى باقي ٶمىردىڭ راقاتىن كورىڭىز!» دەگەن جاڭا كىتاپتىڭ كەيبىر ەرەكشەلىكتەرىنە توقتالىپ كەتەمىز. وسى كىتاپ ارقىلى زەرتتەۋشىلەرگە رۋحاني ٶسىپ، شومىلدىرۋ راسىمىنەن وتۋگە كومەكتەسە الامىز.
^ 7-ابزاس ومىردەن الىنعان مىسالداردى وقۋ ٷشىن «ەحوبا كۋاگەرلەرىنىڭ ىزدەنىس قۇرالىنداعى» تاقىرىپتار > كيەلى كىتاپ > ٸس جۇزىندەگى پايداسى > كيەلى كىتاپ ادامنىڭ ٶمىرىن وزگەرتەدى («كۇزەت مۇناراسىنىڭ» ايدارى) دەگەنگە نەمەسە ®JW Library قوسىمشاسىنداعى مەديا > سۇحباتتار مەن ومىردە بولعان وقيعالار دەگەنگە كىرىڭىز.
^ 62-ابزاس سۋرەتتەر سيپاتتاماسى: ەر باۋىرلاس ايەلى ەكەۋى ٴبىر جىگىتپەن زەرتتەپ جاتىر. كەلەسى ساباقتارعا ەر باۋىرلاس باسقا دا باۋىرلاستاردى شاقىردى.
