1. Tae-e gu ge Jesub di apostelga ǂgui khoena mîba?

ǂGUI khoen aogu tsî taradi ge Jerusalemsa ǃoa ge sī hâ i. ǁÎn ge ǃkharagagu ǃhūga xu ge ǀkhī hâ i. Tsî ǂgui gowaga gere ǃhoa. ǁNā tsēs ai i ge kaise ǀō-aisa xū-e ge ī. ǀNî Jodeǁîn ge ǀūn a hîna sari ge hâ i. Khoen di gowaga ge ǃhoa ǁkha i. Nēs ge sari ge hâ i khoena kaise ge buru kai. Xawe tae-en ge ǁnā Jodeǁîna mîs. Tsî apostel Petrub ge mî i ge kaise a ǀō-aisa. Nē ǂgui khoen ge ge ǂanǂui ǁîn ga sâuhe ǂgao o. On nî ǂgomsa Jesub ǃnâ nî ǁgau ǃkhaisa. ǁNā ǂhôas hînan ge ǁnâus ge kaise ǁîn di ǂgaoga ge tsâǀkha. ǁNā khoen ge kaise ge tsâǀkhahe. Tsîn ge ǁnās ǃaroma nēti ge dî: “Tare-e da ǁnâi nî dī.” Tsîb ge Petruba ǃeream tsî ge mî: “Î-i mâ-i hoa-e ǁāǁnâkaisen.”—ǃNǃkh. 2:37, 38.

2. Nē ǁkhāǁkhāǃâs ǃnâ da tae-e nî ǃhoaǃgao? (Tsoatsoas ai hâ ai-īsiba kō re.)

² Sao rase ra ī i ge kaise ge ǀō-aisa i. ǁkhaube xa 3000 khoen ge ǁnā tsēs ai ge ǁāǁnâkaisen. Tsî ge Xristub di ǁkhāǁkhāsabe kai. Nēs ge ge tsoatsoa i ǁkhāǁkhāsabe sîsen-i tawa. Hînab ge Jesuba ǁîb di ǁkhāǁkhāsabena mîbasa în dīsa. Tsî ǁîb di saosaben ge nētsēs kōse ǁnā sîsen-e ra dī. Sida di tsēdi ǃnâ i ge supu tama hâ. Khoe-e ǀgui ǃnās ǀguisa ǃhoa-ū. Tsî ǁî-e ǁāǁnâs kōse sī kaisa. Aiǁgause i ge ǁkhâgu tamas ka io kuriga a ū ǁkha. Khoe-e mîmâisa dī tsî ǁāǁnâs kōse sīsa. ǁKhāǁkhāsabe dīs di sîsen-i ge sîsensa ǂhâ hâ. Tsî du ge ǁnās tsîna ǀnîsi a ǂan. Khoe-e du ga nēsi Elobmîsa ga ra ǁkhāǁkhā o. Nē ǁkhāǁkhāǃâs ǃnâ da ge nî ǃhoaǃgao. Mati da Elobmîsa ra ǁkhāǁkhāsen khoe-e a hui ǁkhasa î i ǁāǁnâkaisen.

3. Tae-es Mateub 28:19, 20 sa ra mî Elobmîsa ra ǁkhāǁkhāsen khoen nî dī-e ǁāǁnâhe ǂgaon ga o?

³ ǁĀǁnâ kaisen i nîs aiǃgâ i ge Elobmîsa ra ǁkhāǁkhāsen  khoe-e. ǁNā xūn hîna i ra ǁkhāǁkhāsen-e nî ûiǂuis ge. (Khomai re Mateub 28:19, 20 sa.) Elobmîsa ra ǁkhāǁkhāsen khoe-i ga ǁî-i ra ǁkhāǁkhāsen xū-e gara sîsenū o. O i ge gā-ai khoeb hînab ge Jesuba ǁîb di aiǁgaus ǃnâ gere ǃhoab khami nî i. Hîna ge āsa khāo tsî ǁîb di omsa ǃgâi ǃhūb ai a omma. (Mat. 7:24, 25; Luk. 6:47, 48) Mati da Elobmîsa ra ǁkhāǁkhāsen khoe-e a hui ǁkhā. Î i ǁkhāǁkhāsen i ra xū-e sîsenǂui? Hā re î da ǃnona xūn hîna da a dī ǁkhana ǃhoaǃgao.

4. Mati da Elobmîsa da ra ǁkhāǁkhā khoe-e a hui ǁkha i i ǁāǁnâs kōse sī? (“ Elobmîsa du ra ǁkhāǁkhā khoe-e hui re, i i mîǁguiga dī tsî sīǃnâ” di hâ boksisa khomai re)

⁴ ǁKhāǁkhā du ra khoe-e hui re în hanîǁaeb ǃnân nî dī xūna ǀapeǁgui. Tae-i ǃaroma du ǁnāsa nî dī? Nē aiǁgausa kō re. ǃNū ǃāsa ǃoa du ga ra ǃnari o. O du ge ǀnîsi nî mîǁgui îdu îsa ǃkhaiba ai mâ ro. O du ge ǁnātikōse ǂâiǂhansen tide. ǁNā ǃkhais a ǃnū amaga. ǁNās khami i ga Elobmîsa ra ǁkhāǁkhāsen. Khoe-e ǃnūbu mîǁguiga dī tsî sīǃnâ o. O i ge nî mûǂan ǁāǁnâs di mîǁguiba dīs ǁnātikōse ǃnū tamasa. “Sadu nî dī xū-i” di hâ boksis hîna ǀAmosib kōse ǃgâiaǂgao re di hâ ǂkhanisa. Sîsenū re i Elobmîsa du ra ǁkhāǁkhā khoe-e hui î i aiǃgû. Mā ǁkhāǁkhāǃâs ǀams hoas ai ǃhoaǃgao re. ǁNā mîǁguigu hîna i go ǁî-e a dī i, mati ǁî-e a hui ǁkhāsa. ǀNî hâ mîǁguiga i sadu ra ǁkhāǁkhā khoe-e nî dīsa du ga ǂgao o. “ǀNî xūn” di hâ ǃâb tawa xoamâi re. ǁÎ-i ǃnūbu ǁaeb ǃnâ a sīǃnâ ǁkhā mîǁguiga ǁî-i ǀkha ǃhoa re. Tsî ǁnān hîna gaxuse nî ūn tsîna ǃhoaǃgao re.

5. Markub 10:17-22 ǃnâb ge Jesuba tae-e ǃkhūhâ khoeba mîba îb dī tsî tae-i ǃaroma?

⁵ Hui re Elobmîsa du ra ǁkhāǁkhā khoe-e, i i mîǁguiga dī. (Khomai re Markub 10:17-22 sa.) Jesub ge ge ǂan i ǃgom î nîsa. ǃKhūhâ khoeba ǁîb di xūn hoana ǁamaxusa. (Mrk. 10:23) Xaweb ge Jesuba ǁnā khoeba ge mîba. Îb ǁnāti i ǃgom ǀkharaǀkharana dī. Tae-e ǃaroma? Jesub ge ǁnā khoeba  ǀnam hâ i amaga. ǀNî ǁaegu ai i ge kaise a ǃgom ǁkha Elobmîsa da ra ǁkhāǁkhā khoena ǂkhâǃnâsa. În ǁîn ra ǁkhāǁkhāsen xūna ǁîn di ûib ǃnâ sîsenū. ǀNîsi da ra ǂâi amaga ǁî-i ǁnātikōse ǂhomisa tama hâ di. ǁAeba i ge a ū ǁkha khoe-e, ǁî i ge ǀnai ūhâ i. ǀGauga ǁnāxusa tsî ǀasa ǀgauga ǂgaeǂgāsa. (Kol. 3:9, 10) Xawe du ga nē ǀkharaǀkharan xa Elobmîsa du ra ǁkhāǁkhā khoe-i ǀkha ga ra ǃhoa o. O i ge ǁî-e ǃhaese ǁnā ǀkharaǀkharana a dī ǁkha. ǁNāti i ǃhoa ǀhaona du ga ǁî-i ǀkha ga ra ūhâ o. O du ge ra ǁgau ǁî-e du ra tsâba ǃkhaisa.—Psa. 141:5; ǂKhm. 27:17.

6. Tae-e ǃaroma da Elobmîsa da ra ǁkhāǁkhā khoe-e nî dî ǁî-i di ǂâiǀgauba?

⁶ ǂÂiǀgaub di dîs ge ǁnā dîdi hîna da Elobmîsa da ra ǁkhāǁkhā khoena ra dîna. În ǁîn di ǂâiǀgauba ǁguiǃā. Nēti i dîdi ge nî hui du îdu ǂan. Sadu ra ǁkhāǁkhā khoen tae-e ra ǂâis tsî ǁnâuǃāsa. Nē xūna du ga ǁaeb hoaba ga ra dī o. O i ge ǁî-e nî supuba î ǃgom xūn hîna hānîǁaeb ǃnâ nî ǃhoaǃgaohe na ūǃoa. ǀAmosib kōse ǃgâiaǂgao re di hâ ǂkhanis ge ǂgui ǂâiǀgaub di dîde ǃkhōǂgā hâ. Aiǁgause 404ǁî ǁkhāǁkhāǃâs ge ra dî: “Mati du ra ǂâi Jehovab ra tsâsa ǁîb di ǀonsa du ga sîsenū o?” Tsî 09ǁî ǁkhāǁkhāǃâs ge ra dî: “Mā xūna du amabes ǃnâ ra ǀgoreba ǂgao?” ǂGurose ǁkhāǁkhāsen ra khoe-i ge ǁaeroba nî ǂhâba î ǂâi. Î nē ǂâiǀgauba ra ǂoaxa u dîdi di ǃereamde hō. ǁÎ-e du ge a hui ǁkha î xoadi tsî ai-īsigu ai ǁî-i di ǂâisa ǂnûi.

7. Mati da nau khoen di aiǁgaude ǃgâiǀgaub ǃnâ sîsenū ǁkhā?

⁷ Sadu ra ǁkhāǁkhā khoe-i ga ǁnâuǃā o. Tae-e i nî dīsa. O ama aiǁgaudi ǃnâ-ū ǁî-e ǂkhâǃnâ re. i ǁnāti dī. O du ge ǁî-e Jehovab ge ge kōǃgâ te di hâ vidioba a ǁgau ǁkhā. “Ôaǃnâs” di ǃâb ǃnâ a hōhe ǁkhasa. 14ǁÎ ǁkhāǁkhaǃâs tawa. ǂGui ǁkhāǁkhāǃâdi ǀAmosib kōse ǃgâiaǂgao re, di hâ ǂkhanis ǃnâ. Nēti i aiǁgaude du ge “ǃgamse ôaǃnâ re.” Di hâ ǃâb ǃnâ a hō ǁkhā. Tamas ka io ôaǃnâs ǃâb ǃnâ. * Xawe ǂanbasen re, i tā sadu ra ǁkhāǁkhā khoe-e ǀgopeǀnō. Tsî tā sao ra-e mî re. “Nau khoe-i ga dīhō ǁkhā o. Ots ge sats tsîna a dīhō ǁkhā di.” A i ǁkhāǁkhāsen ra khoe-e. ǁNā ǂâiǀgaub ai aitsama sī re. Xawe ǂhâǂhâsa xūn xa ǃhoaǃgao re. ǁNā vidiob ǃnâ go hâ i khoe-i gere dī-e. Î Elobmîs di ǂansa sîsenū. ǀNîsi du ge ǂhâǂhâsa xoasa a ǂgai ǁkhā. Tamas ka io ǀnî xū-i hîna a dī-e ǁkhā-e. Xawe i ǁkhā i ga o. Jehovab ge ǁnā khoe-e a. Hui ǀgauba ǃgāǃgā re.

8. Elobmîsa ra ǁkhāǁkhā khoe-e da mati a hui ǁkhā, i Jehovaba ǀnam?

⁸ Elobmîsa du ra ǁkhāǁkhā khoe-e hui re î Jehovaba ǀnam. Mâǀgaub ǃnâ? ǁAeba ǁamaǂui re i. Jehovab di ǀgaugu xa ǁî-i ǀkha ǃhoa. Hui re ǁkhāǁkhā du ra khoe-e. I Jehovaba ǂkhîb di Elob ase mû. Hîna ǁîba ra ǂkhâǃnâna a ǀnamma. (1Tim. 1:11; Heb. 11:6) Tsî ǁkhāǁkhāsen ra khoe-e ǁgau re. ǃGâib hîna i nē xūna xu nî hōba. Tsî ǁî-e ǁgau re. Nē i go ǁkhāǁkhāsen xūn. Jehovab ǁî-e ǀnam ǀgausa ra ǁgausa. (Jes. 48:17, 18) ǁNā ra ǁkhāǁkhāsen khoe-i ge. ǁÎ-i di ǀnammi ga Jehovab ǃoagu ga ra ǀgai o. O ǃgom xūn tsîna nî dīhō.—1Jhn. 5:3.

9. Markub 10:29, 30 ǃoagu i tae-e khoe-e hui ǁkhā i ǀkharaǀkharana dī tsî ǁāǁnâhe?

⁹ Elobmîsa ra ǁkhāǁkhāsen khoe-e. ǁĀǁnâs kōse sīs ǃaroma i ge. ǂGui ǀkharaǀkharana nî dī. ǃKhū hâ aob hîna go ǀnai ǂgaihe hâ îb khami. În ge ǀnî Elobmîsa ra ǁkhāǁkhāsen khoena. ǃHūbaisi ǃkhūsiba nî ǁnāxūs ge. ǁÎn ra dī sîsen i ga Elobmîs mā-amsa  ūhâ tama io. O i ge a īǁkhā ǀnî hâ sîsen-en nî ôasa. ǂGuin ge ǀhōsan hîna. Jehovaba ǃoaba tamana ra ǁnāxū. ǀNîn ge ǀnîsi omaris di khoen. Hîna Jehovab di ǃoaba-aon xa. ǃGâibahe taman xa ǁnāxūhe hâ. Jesub tsîn ge ge mî kaise i nî ǃgomsa. ǀNî khoena ǁnāti i ǀkharaǀkharana dīsa. Xaweb ge ǁîba ge mîmâi. ǁNān hîna ǁîba ra saon. Tātsēs tsîna ǂkhabuǂâi tidesa. Xaweb Jehovaba ǀoasase. ǁÎna gagasi omaris ǀkha nî ǀkhae ǃkhaisa. (Khomai re Markub 10:29, 30 sa.) Mati du Elobmîsa du ra ǁkhāǁkhā khoena a hui ǁkhā. În nēti i îsa ǀkhaeba xu ǃgâiba hō?

10. Tae-e du Manueli di aiǁgausa xu ra ǁkhāǁkhāsen?

¹⁰ Elobmîsa ra ǁkhāǁkhāsen khoe-i ǀkha ǂangusa dī re. Kaise i ǂhâǂhâsa sado. Elobmîsa du ra ǁkhāǁkhā khoe-e ǁgausa. ǁÎ-e du ra tsâba ǃkhaisa. Tae-i ǃaroma? Manuel di ǀon hâ ǃgâsab ge mî xū-e khomai re. Hîna Mexikob ǃnâ ra hâba. Elobmîs ǁkhāǁkhāsab gere. Mā-e ǁaeb xab ge nēti ra mî: “Mâ Elobmîs ǁkhāǁkhāsa khom nî tsoatsoas aiǃgâ. Î ge tita ra ǁkhāǁkhā ǃgâsaba gere. Dî te mati ta ra ǂkhai ǃkhaisa. ǁÎb ge ge hui te. Î da mâ xū-i hoa-e ǁîb ǀkha ǃhoa. Hōǃâ ǁkhā ta ge ge i. ǁÎb kaise ra tsâba te ǃkhaisa.

11. Matin Elobmîsa ra ǁkhāǁkhāsen khoena ǃgâiba sida ǀkha hâsa xu a hō ǁkhā?

¹¹ Sadu Elobmîsa ra ǁkhāǁkhā. Khoen ǀkha ǀguiba hâǁae re. Jesub ge ǁîb di saosaben ǀkha gere dī khami. (Johaneb 3:22) ǂHâbasa i ga o toxoba. Elobmîsa du ra ǁkhāǁkhā khoe-e. Sadu omsa ǃoa ǁkhau re. Koffiro-e sī ā tamas ka io ǂûro-e sī ǂûs ǃaroma. Tamas ka io ǁî-i ǀkha broadcasts ǁkhâb disa kō re. Sadu Elobmîsa ra ǁkhāǁkhā khoen ge. Kaise nî ǃgôaǃgâ ǁî-e du ga sâǁaegu ai ga ra ǁkhau o. ǁÎ-i ra ǀguritsâsen ǁaeb ai. “ǂÂi ta ra o, ta ge kaise ǂgui xūna Jehovab xa ge ǁkhāǁkhāsen. Tita Elobmîsa ra ǁkhāǁkhā ǃgâsab ǀkha ta gere hâ amaga. Elobmîs ǁkhāǁkhās tawa ta ra ǁkhāǁkhāsen khami.” Dib ge Kazibweba ra mî, hîna Ugandab ǃnâ ra hâba. “Mû ta ge ge matikōseb. Jehovaba ǁîb di khoen ǀkha ǁae  hâsa. Tsî matin a ǂkhî ǀgaub tsîna. Tsî ta ge ǁnā i tsîna ge ǂhâba hâ i, ti ûib ǃnâ.”

12. Tae-i ǃaroma da ǃkharagagu aoǁnâ-aona sida Elobmîs ǁkhāǁkhās tawa nî sī ū?

¹² ǃKharagagu ǃgâsana Elobmîs ǁkhāǁkhāsa ǃoa ǁkhau re. ǀNî ǁaegu ai da ge a tsâsen ǁkhā. ǀGuri da a ī ǁkhā ǃkhaisa. Tamas ka io ǀgui aoǁnâ-ao i ǀgui-e, sida ǀkha ū sao ǁkhā. Nēsa dīs a supu xawe. Î ge sida Elobmîsa ra ǁkhāǁkhā khoe-e a hui ǁkhā. ǃKharagagu ǃgâsana da ga ǁnāpa ga ra sī-ū o. “Mâ ǃgâsa i hîna ti Elobmîs ǁkhāǁkhās tawa gere sī i. Ge ǃgâi ǀgaub ǃnâ xūna gere ǁguiǃā.” Dib ge Dmitriib hîna Moldovab ǃnâ ra hâba ra mî. “Tsî nēs ge ge hui te î ta. ǀNî hâ ǀgaub ǃnâ nē ta gere ǁkhāǁkhāsen xūna kō. Tsî ta ge ǁnātikōse ge tao tama hâ i. ǂGuro ǀhaosa ta ge hâǃnâ o. ǀNai ta ge ǂgui ǃgâsan ǀkha ǀhao hâ i amaga.”

13. Tae-i ǃaroma da Elobmîsa da ra ǁkhāǁkhā khoe-e nî hui î ǀhaode hâǃnâ?

¹³ Elobmîsa du ra ǁkhāǁkhā khoe-e. Hui re î ǀhaode hâǃnâ. Tae-i ǃaroma? Jehovab ge ǁîb di ǃoaba-aona ra mîba în ǀguiba ǀhao. ǁNā ǀgaub ǃnâ da ge ǁîba ra ǃoaba. (Heb. 10:24, 25) Tsî sida ǃgâsan ge a sida di gagasi omari. ǀHaodi tawa da ga ǁîn ǀkha ga ra hâ o. O i ge ǁkhoaxa ǂû-e da oms ai ra ǂû khami ra tsâ. Sadu Elobmîsa ra ǁkhāǁkhā khoe-e du ga hui o. Î ǀhaode hâǃnâ, o du ge ǁî-e ra hui. ǂHâǂhâsa mîǁguiba dīsa ǁāǁnâs kōse. Xawe nēs ge ǁî-e nî ǃgomba. ǀAmosib kōse ǃgâiaǂgao re di hâ ǂkhanisa. Mati Elobmîsa ra ǁkhāǁkhāsen khoe-e a hui ǁkhā. Î ǃgomsin hîna i ra hōǃâna ǃkhamǃoa?

14. Mati da Elobmîsa da ra ǁkhāǁkhā khoena nî ǂkhâǃnâ în ǀhaode hâǃnâ?

¹⁴ ǀAmosib kōse ǃgâiaǂgao re di hâ ǂkhanis ǃnâ. 10ǁÎ ǁkhāǁkhāǃâsa sîsenū re. Î sadu Elobmîsa ra ǁkhāǁkhā khoe-e ǂkhâǃnâ. ǂAnsa ūhâ aoǁnâ-aon hîna ge. Nē ǂkhanis nî māǂuihes ais ai, a dîhen ge. Gere mî nē ǁkhāǁkhāǃâdi ge huisa. Î Elobmîsa ra ǁkhāǁkhāsen khoena ǀhaode hâǃnâ. Tā toxoba, 10ǁî ǁkhāǁkhāǃâs kōse ǃâu re. Elobmîsa ra ǁkhāǁkhāsen khoe-e ǀhaode ǃoa ǁkhaus ǃaroma. ǁÎ-e hoaǁae ǁkhau re. Tsî nēsa aiǃgû re dīsa. ǃKharagagu Elobmîsa ra ǁkhāǁkhāsen khoen ge. ǃKharagagu ǃgomsina ūhâ. Sadu Elobmîsa ra ǁkhāǁkhā khoen di ǂhâsiga kōǃâ re. Tsî kō re mâǀgaub ǃnâ du a hui ǁkhāsa. Tā ǁgaise tsâ re. ǀNîsi i ga ǁî-e ǀhapese ū o, ǀhaode hâǃnâsa. Tsî ǃnūǃnâxa re tsî aiǃgû re ǁî-e ǁkhausa.

15. Mâ ǃaob di mâsigan, Elobmîsa ra ǁkhāǁkhāsen khoena a ūhâ ǁkhā?

¹⁵ ǂÂihō i du ra ǁaeb hîna du gere. Jehovab di ǃoaba-aon di ǀgui kai ǂgaoba. Xawe du gere ǃaoba? ǀNîsi du ge gere tsâ. ǁNā ǁaeb ai aoǁnâ hō du tide di. Tamas ka io du ge ǀnîsi gere tsâ. Sadu omaris tsî ǀhōsan nî mâǃoa du di. ǁNāti i ga io du ge. Sadu Elobmîsa ra ǁkhāǁkhā khoe-i di tsâsiga a ǁnâuǃā ǁkhā. Jesub ge ge ǂanǃâ ǀnî khoen ǁnāti i. ǃAo mâsiga nî hōǃâ ǃkhaisa. Xaweb ge ǁîb di sao-aona ge ǂkhâǃnâ, în tā. ǃAob xa ǃaromahe hâse. Jehovaba ǃoaba ǀû. (Mat. 10:16, 17, 27, 28) Xawe matib ge Jesuba. ǁÎb di saosabena hui, în ǃaoba mâǃoa? Tsî mati du sadu tsîna. ǁÎb di aiǁgausa a ǁkhae ǁkhā?

16. Mati da Elobmîsa ra ǁkhāǁkhāsen khoena a hui ǁkhā în ǁîn di ǂgomsa ǀgoragu?

¹⁶ Elobmîsa ra ǁkhāǁkhāsen khoe-e. ǁKhāǁkhā re î ǁî-i di ǂgomsa ǀgoragu. Jesub di ǁkhāǁkhāsabegu ge. ǀNîsi ǃgâi tama tsâsiga ge ūhâ i. ǁÎb ge ǁîga sîǂui o î gu sī aoǁnâ. Xaweb ge Jesuba ǁîga ge mîba mâbagu sī nî aoǁnâs. Tsî tae-i xa gu nî aoǁnâs tsîna. (Mat. 10:5-7) Xawe mati da Jesuba a ǁkhae ǁkhā? Elobmîsa du ra ǁkhāǁkhā khoe-e. ǁGau re mapa i a aoǁnâ ǁkhāsa. Aiǁgause ǁî-e dî re ǀnîsi i khoe-i hîna. Elobmîs xa ǃnāsase ra ǂan ǂgao-e a ǂansa. Tsî ǁî-e hui  re î aiǂhomisen taena i nî mîs. Tsî mâǀgaub ǃnâ i ǃgâiǂhôasa nî ǀgoragu ǀgaus tsîna. Î ǁkhā i ga o, o du ge ǁî-i ǀkha aiǂhomisen ǁkhā. Nē danaǃās ǃnāka hâ xūna ra sîsenūse. Nē ǃâb tawa “Mati du nî ǃeream khoe-i ga mî o” tsî “Khoe-i ge ǀnîsi a dî du ǁkhā” di hâba. ǀAmosib kōse ǃgâiaǂgao re di hâ ǂkhanis ǃnâ khomai re. ǁNāti du ga dī o. Elobmîsa du ra ǁkhāǁkhā khoena aiǂhomi re. În Elobmîsa xu xūna ǃeream. Tsî ǃgâi ǀgaub ǃnâ ǁnāsa dī.

17. Mati da Mateub 10:19, 20, 29-31 sa a sîsenū ǁkhā. Î ta Elobmîsa ra ǁkhāǁkhāsen khoena hui. În Jehovab ǃnâ ǂgomǃgâ?

¹⁷ Elobmîsa ra ǁkhāǁkhāsen khoe-e hui re. Î Jehovab ǃnâ ǂgomǃgâsiba ūhâ. Jesub ge ǁîb di ǁkhāǁkhāsabega ge mîba. Jehovab ǁîgu tsîna nî huisa. ǁÎb a ǀnamgu amaga. (Khomai re Mateub 10:19, 20, 29-31 sa.) ǁKhāǁkhāsen ra khoe-i ǂâiǂâiǃnâ re. Jehovab ǁî-i tsîna nî huisa. ǁKhāǁkhāsen ra khoe-e du ge a hui ǁkhā. Î Jehovab ai ǂgomaiǂnûi. Tsî ǁîb ǀkha ǀgores ǃnâ ū ǃhoa. “Tita ra ǁkhāǁkhā khoe-i ge. Hoaǁae hānîǁaeb ǃnâ ta a dī ǁkhā. Mîǁguiga ǀgores ǃnâ ra ǂgai.” Dib ge Franciszekba ra mî, hîna Polandi ǃnâ ra hâba. “Mû ta ge o matib ge Jehovaba. Tita ra ǁkhāǁkhā khoeb di ǀgoresa a ǃereamsa. O ta ge tita tsîna ǃhaese ge ǀgore tsoatsoa. Jehovab di huiba ta ge ge hōǃâ. Ti ǀasa sîsen-e xu ta ge. Tsērode gere ǂgan ǁnāsen ǂgao o. Î ta ǀkharib di ǀhaodi tsî ǀhaohâb di ǀhaodi tsîna hâǃnâ.”

18. Matib Jehovaba Xristeǁî ǁkhāǁkhā-aon ra dī sîseni ǃoagu ra tsâ?

¹⁸ Jehovab ge kaise Elobmîsa ra ǁkhāǁkhāsen khoena ra tsâba. Tsîb ge kaise ra ǃgôaǃgâ Xristeǁî ǁkhāǁkhā-aon. Hîna ǃgarise ra sîsenna. În nau khoena hui în Jehovab ǀgūse sī. Tsî ǁîb ge ǁnās ǃaroma ǁîna kaise a ǀnam. (Jes. 52:7) Nēsi du ga Elobmîs ǁkhāǁkhāsa mā tama i xawes tsîna. Du ge ǁkhāǁkhāsen ra khoe-e a hui ǁkhā în ǁāǁnâs kōse sī. Nau aoǁnâ-aona du ga ǁîn di. Elobmîs ǁkhāǁkhāsa ǃoa ga ra sao o.