1. Petro wakababuzya kutyeni baalumi abanakazi bakabungene kuJerusalemu?

BAALUMI abanakazi biingi bakabungana aamwi kuJerusalemu. Bantu aaba bakali kuzwa munyika zisiyene-siyene alubo bakali kwaambuula milaka iisiyene-siyene. Kuli chigambyo chakachitika mubuzuba oobo. Bamwi maJuda bakasaanguna kwaambuula milaka yabantu aabo. Pesi chimwi chintu chakabagambya loko nzintu nzibakamvwa kumaJuda aabo akuli Petro. Bantu aabo bakayiya kuti bakeelede kusyoma muli Jesu Kristu kuchitila kuti bafutuke. Nzibakayiya zyakabasika aamoyo zyakuti bakabuzya kuti: “Ino tucite buti?” Petro wakabasandula kuti: “Umwi aumwi wanu abbapatizyigwe.”—Mil. 2:37, 38.

2. Tulalanga-langaanzi muchiiyo eechi? (Langa chifanikisyo chili achivumbyo.)

² Kuli chimwi chintu chigambya chakachitika mubuzuba oobo. Bantu basika ku3 000 bakabbabbatizigwa akuba basikwiiya baKristu. Aawa mpimpawo aakasaangunina mulimu wakugwasya bantu kuti babe basikwiiya Jesu ngwaakalayilila batobeli bakwe kuti bawuchite. Mulimu ooyu tuchiwuchita ambuli sunu. Pesi mazubaano, tatukonzyi pe kugwasya muntu kuti abbabbatizigwe muma-awa mache biyo. Tulakonzya kubweza myeezi, munyaka naakuti kwiinda. Kuti kuli aamuntu ngwiiyaawe Bbayibbele, kweelede kuti ulizizi kuti kumugwasya kuti abe sikwiiya ziyanda kubeleka changuzu. Muchiiyo eechi, tulalanga-langa zintu nzitukonzya kuchita kuti tugwasye bantu mbitwiiyaabo Bbayibbele kuti babbabbatizigwe.

3. Kweendelana alugwalo lwa Matayo 28:19, 20, niinzi nzyayelede kuchita muntu wiiya Bbayibbele kuti ayelele kubbabbatizigwa?

³ Kuti ayelele kubbabbatizigwa, muntu wiiya Bbayibbele weelede kubelesya zintu nzyayiya. (Bala Matayo 28:19, 20.) Kuti wachita  oobo, ulaba “mbuli muntu uucenjede” wakaambwa aaJesu, wakayaka ng’anda yakwe amwaala. (Mt. 7:24, 25; Lk. 6:47, 48) Ngatulamugwasya biyeni muntu wiiya Bbayibbele kuti abelesye zintu nzyayiya? Atulange-lange zintu zitatu.

4. Nga ulamugwasya biyeni muntu ngwiiyaawe kuti achite zintu zitamugwasye kuti ayelele kubbabbatizigwa? (Langa kabbokesi kati, “ Gwasya Muntu Ngwiiyaawe Kuti Azibe Zintu Nzyayelede Kuchita Akuzizuzikizya.”)

⁴ Gwasya muntu ngwiiyaawe kuti achite zintu zitape kuti ayelele kubbabbatizigwa. Nkamboonzi nweelede kuchita oobo? Muchikozyano, atuteedi ulikweenda lweendo lulamfu abbasikili. Ubonaanga niinzi chikonzya kukugwasya kuti utaluboni kaluli lulamfu loko lweendo oolo? Amwi ulakonzya kusala kwiimikila mumasena mabotu kuti ulyookezye. Munzila iikozyenie, kuti muntu wiiya Bbayibbele wasala kuchita zintu ziniini zitamugwasye kuti ayinkilile kunembo akuzizuzikizya, uyoobona kuti teekuyumu pe kuti ayelele kubbabbatizigwa. Belesya chipanzi chiti, “Nzweelede Kuchita” chili mubbuku litegwa Mbukonzya Kubotelwa Mubuumi Kukabe Kutamani! kuti ugwasye muntu ngwiiyaawe Bbayibbele kuti asale zintu nzyakonzya kuchita. Kumamanino aachiiyo chimwi achimwi, amwaambuuzyanie atala akuti zintu nzyayelede kuchita ziyoomugwasya biyeni kuti abelesye zintu nzimwayiya. Kuti kuli aazimwi zintu nzubonaanga muntu ngwiiyaawe weelede kuzichita, ulakonzya kuzilemba aalembedwe kuti, “Zimwi nzukonzya kuchita.” Chiindi choonse nimulikwiiya, weelede kwaambuuzyania aamuntu ngwiiyaawe atala azintu ziniini naakuti zipati nzyakonzya kusala kuchita ambakonzya kuzizuzikizya.

5. Kweendelana alugwalo lwa Marko 10:17-22, Jesu wakamubuzya kutyeni mwaalumi wakanotede alubo nkamboonzi?

⁵ Gwasya muntu ngwiiyaawe kuti achinche maponeno aakwe. (Bala Marko 10:17-22.) Jesu wakalizi kuti teekwakali kuuba pe kuti mwaalumi wakanotede awuzye zintu zyoonse nzyaakalaazyo. (Mk. 10:23) Pesi taakaleka pe kumubuzya kuti awuzye zintu zyakwe.  Nkamboonzi? Nkaambo Jesu wakali kumuyanda mwaalumi ooyu. Chimwi chiindi tulakonzya kuleka kusungwaazya muntu ngutwiyaawe kuti abelesye zintu nzyayiya akaambo kakuti ngatwabonaanga zilamuyumina kuti achinche maponeno aakwe. Nisimpe kuti zilakonzya kubweza chiindi kuti muntu ngwiiyaawe agwisye buntu bwachiindi akuzwaata buntu bupya. (Kol. 3:9, 10) Pesi kuti wafwambaana kumubuzya mpayelede kuchincha ziyoomugwasya kuti abambulule. Kuti wachita oobo nga ulikutondeezya kuti ulaandaba anguwe.—Int. 141:5; Tus. 27:17.

6. Nkamboonzi nitweelede kubuzya muntu ngutwiiyaawe mibuzyo iitugwasya kuziba nzyayeeya?

⁶ Weelede kubuzya muntu ngwiiyaawe mibuzyo iitakugwasye kuziba nzyayeeya atala ayimwi nkani. Eezi ziyookugwasya kuti uzibe zintu nzyasyoma anzyatamvwisisisyi. Kuti mwakkala kamuchita oobo, ziyoopa kuti mukonzye kwaambuuzyania asikwiiya kuti kwaba imwi nkani imuyumina kusyoma. Bbuku litegwa Mbukonzya Kubotelwa Mubuumi Kukabe Kutamani! lili aamibuzyo iikonzya kukugwasya kuti uzibe zintu nzyayeeya muntu ngwiiyaawe. Muchikozyano, chiiyo 4 chili aamubuzyo uuti: “Ubonaanga Jehova umvwa biyeni chiindi nubelesya zina lyakwe?” Alubo chiiyo 9 chili aamubuzyo uuti: “Nziizili zintu nzukonzya kukombela?” Kumasaangunino, kulakonzya kumuyumina muntu ngwiiyaawe kuti asandule mibuzyo eeyi. Pesi ulakonzya kumugwasya kuti akonzye kwiisandula kwiinda mukumugwasya kuti ayeeyesesye atala amagwalo azifanikisyo zili muchiiyo.

7. Kujana twazibelesya biyeni zintu zyakachitikila bamwi mubuumi?

⁷ Kuti muntu ngwiiyaawe waziba zintu nzyayelede kuchita kuti ayelele kubbabbatizigwa, ulakonzya kumugwasya kuti azichite kwiinda mukubelesya zikozyano zyabamwi. Muchikozyano, kuti muntu ngwiiyaawe kakumuyumina kusika kumiswaangano ulakonzya kumutondeezya vidiyo itii, Jehova Wakali Aandaba Andime, iijanika muchiiyo 14 achipanzi chiti, “Yanduulisisya” chijanika mubbuku litegwa Mbukonzya Kubotelwa Mubuumi Kukabe Kutamani! Zimwi zikozyano zyabamwi zijanika aachipanzi chiti, “Yiya Zyiingi” achiti “Yanduulisisya.” * Uteezyanisyi muntu ngwiiyaawe abamwi naakuti kumubuzya kuti, “Kuti ndaba kali wakazichita anduwe weelede kuzichita.” Musiye alisalile aalikke. Alubo mwaambuuzyanie atala azintu zyakagwasya muntu ngumweebela muvidiyo kuti abelesye njiisyo zyamuBbayibbele. Ulakonzya kwaamba lugwalo, chintu nchaakachita muntu ooyo ambaakagwasigwa aaJehova.

8. Kujana twamugwasya biyeni muntu ngutwiiyaawe kuti ayande Jehova?

⁸ Gwasya muntu ngwiiyaawe kuti ayande Jehova. Kujana wamugwasya biyeni? Nimulikwiiya atala ayimwi nkani mugwasye kuti abone buntu bwaJehova. Mugwasye abone kuti Jehova nguLeza uubotelwa akuti ulabagwasya aabo bamuyanda. (1 Tim. 1:11; Heb. 11:6) Mupandulwide kuti kubelesya zintu nzyayiya kuyoopa kuti ajane zilongezyo alubo zilongezyo eezyo zitondeezya kuti Jehova ulamuyanda. (Is. 48:17, 18) Kuti muntu ngwiiyaawe wasaanguna kuyanda Jehova kuyoomuubila kuti achinche maponeno aakwe.—1 Joh. 5:3.

9. Kweendelana alugwalo lwa Marko 10:29, 30, niinzi chikonzya kugwasya muntu ngwiiyaawe kuti alipede kusiya zimwi zintu kuchitila kuti ayelele kubbabbatizigwa?

⁹ Kuti ayinkilile kunembo kusikila akabbabbatizigwe, muntu wiiya Bbayibbele weelede kulipeda kusiya zimwi zintu. Mbuli mwaalumi  wakanotede waambwa aajulu, kuti muntu ngwiiyaawe kali aapenzi lyakuyandisya bunoti weelede kuchincha. Kuti mulimu ngwabeleka kuteendelani amalayilile aamuBbayibbele weelede kuyanduula uumbi. Bamwi beelede kuleka kumvwanana aabeenzinyina batakombi Jehova. Chimwi chiindi bamumpuli yabo balakonzya kubakaka akaambo kakuti tababayandi pe Bakamboni baJehova. Jesu wakalizi kuti bamwi kulakonzya kubayumina kuti bazumanane kukomba Jehova kuti baswaanana aazyiimo ziyumu. Pesi wakabasyomezya kuti tabakalisoli pe kuti basala kumutobela. Alubo bayooba aakati kabakombi baJehova bali aaluyando. (Bala Marko 10:29, 30.) Kujana wamugwasya biyeni muntu ngwiiyaawe kuti abotelwe kuba aakati kabakombi baJehova?

10. Wayiyaanzi kuzwa kuli zyakaambwa aaManuel?

¹⁰ Bamweenzinyina wamuntu ngwiiyaawe. Kulayandikana kuti utondeezye muntu ngwiiyaawe Bbayibbele kuti ulamuyanda. Nkamboonzi? Atumvwe zyakaambwa aaManuel uukkala kuMexico. Kali kwaamba atala azyakachitika naakachili kwiiya Bbayibbele, wakati: “Katutanayiya, muntu wakali kundiyiisya Bbayibbele wakali kubuzya kuti ndili biyeni. Wakandigwasya kuti ndaangunuke kwaambuula atala zimwi nkani. Ndakabona choonzyo kuti wakali kundiyanda.”

11. Bantu mbitwiiyaabo Bbayibbele bagwasigwa biyeni kuti twajana chiindi chakuba aamwi ambabo?

¹¹ Jesu wakali kujana chiindi chakuba aamwi abatobeli bakwe. Andiswe tweelede kujana chiindi chakuba aamwi abantu mbitwiiyaabo Bbayibbele. (Joh. 3:22) Kuti kazichita, ulakonzya kutamba muntu ngwiiyaawe kuti muzoolyaamwi naakuti muzooyebelaamwi JW Broadcasting. Eezi zilakonzya kumugwasya muntu ngwiiyaawe ikapati kuti wamutamba chiindi bakulimbabo nibali kusekelela mapobwe aateendelani aaMagwalo. Jacob * uukkala kuUganda wakaamba kuti: “Nikuba kuti ndakayiya zyiingi atala aJehova chiindi nitwakali kwiiya, pesi chimwi chakandigwasya loko nkujana chiindi chakuba aamwi amuntu wakali kundiyiisya Bbayibbele.” Jacob wakayungizya kuti: “Ndakabona kuti Jehova ulabayanda bakombi bakwe akuti balabotelwa. Andime nzindakali kuyanda.”

12. Nkamboonzi nitweelede kwiinka aabasikupupulula basiyene-siyene kuchiiyo chesu chaBbayibbele?

 ¹² Yinka aabasikupupulula basiyene-siyene. Chimwi chiindi kulakonzya kutuubila kweenda katuli aatulikke naakuti kukkala katweenda aasikupupulula uumwi kuchiiyo chesu. Nikuba kuti kulatuubila kuchita oobo, pesi muntu ngutwiiyaawe ulagwasigwa kuti tweenda aabasikupupulula basiyene-siyene. Dmitrii uukkala kuMoldova wakaamba kuti: “Muntu wakali kundiyiisya Bbayibbele wakali kuza abasikupupulula basiyene-siyene alubo bakali kupandulula zintu munzila iisiyene. Eezi zyakapa kuti ndibone nzila zisiyene-siyene zyakali kundigwasya kuti ndikonzye kubelesya nzindakali kwiiya. Alubo teendakayoowa pe nindakayinka kumiswaangano kakusaanguna nkaambo bakwesu abachizi biingi ndakali ndabaziba.”

13. Nkamboonzi nweelede kugwasya muntu ngwiiyaawe kuti anjile miswaangano?

¹³ Gwasya muntu ngwiiyaawe kuti anjile miswaangano. Nkamboonzi nitweelede kuchita oobo? Nkaambo Jehova uyanda kuti bakombi bakwe babungane aamwi kuti bamukombe. (Heb. 10:24, 25) Alubo bakwesu abachizi bali mbuli bamumpuli yesu. Nkinkaako, chiindi nituli kumiswaangano ngakuli mbuli kuti tulikulyaamwi abamumpuli yesu. Kunjila miswaangano nintaamu iiyandikana iitape kuti muntu wiiya Bbayibbele ayelele kubbabbatizigwa. Pesi kulakonzya kumuyumina kuti asaangune kunjila miswaangano. Bbuku litegwa Mbukonzya Kubotelwa Mubuumi Kukabe Kutamani! nga lilamugwasya biyeni muntu ngwiiyaawe kuti akonzye kuzunda buyumu-yumu bumukachizya kuti anjile miswaangano?

14. Kujana twamugwasya biyeni muntu ngutwiiyaawe kuti anjile miswaangano?

¹⁴ Belesya chiiyo 10 chabbuku litegwa Mbukonzya Kubotelwa Mubuumi Kukabe Kutamani! kuti usungwaazye muntu ngwiiyaawe kuti anjile miswaangano. Kuli basikupupulula bali aaluzibo bakakumbilwa kuti babelesye bbuku eeli kalitanagwisigwa. Basikupupulula aaba bakazwidilila kusungwaazya bantu mbibayiyaabo kuti banjile miswaangano kababelesya bbuku eeli. Pesi toyelede kulindila kuti muzoosike aachiiyo 10 kuti uzoosaangune kumusungwaazya kuti anjile miswaangano. Fwambaana kumusungwaazya alubo utaleki pe. Bantu mbitwiiyaabo baswaanana aazyiimo zisiyene-siyene zibakachizya kuti banjile miswaangano. Nkinkaako, weelede kuziba buyumu-yumu mbwalaabo mpawo umugwasye kuti abuzunde. Kuti katali kusika kumiswaangano utatakati pe. Ba aamoyo mulamfu alubo uzumanane kumutamba.

15. Niinzi chikonzya kukachizya bantu mbitwiiyaabo kuti bakombe Jehova?

¹⁵ Chiindi nwaakali kwiiya Bbayibbele, kulakonzeka kuti wakali kuyoowa kuba umwi waBakamboni baJehova alubo kulakonzeka kuti wakali kubonaanga tuzookonzyi pe kukambawuka aang’anda ang’anda. Amwi wakali kuyoowa kukazigwa aabamumpuli naakuti abeenzinyokwe. Kulakonzeka kuti zintu eezi nzizyo zilikukachizya muntu ngwiiyaawe kuti akombe Jehova. Jesu wakaamba kuti bamwi balakonzya kuyoowa kuba batobeli bakwe. Nkinkaako, wakasungwaazya batobeli bakwe kuti batazumizyi kuyoowa kuti kubakachizye kukomba Jehova. (Mt. 10:16, 17, 27, 28) Jesu wakabagwasya biyeni batobeli bakwe kuti bazunde kuyoowa? Alubo kujana twachitobelezya biyeni chikozyano chakwe?

16. Kujana twamugwasya biyeni muntu ngutwiiyaawe kuti akambawukile bamwi?

¹⁶ Kkala kusungwaazya muntu ngwiiyaawe kuti akambawukile bamwi. Kulakonzeka kuti basikwiiya baJesu bakali kuyoowa chiindi naakabatuma kuti bakakambawuke. Pesi Jesu wakabagwasya kwiinda mukubabuzya nkubakali  kuyookambawukila anzibakali kuyoowamba. (Mt. 10:5-7) Nga ulamutobelezya biyeni Jesu? Gwasya muntu ngwiiyaawe kuti azibe bantu mbakonzya kuyookambawukila. Muchikozyano, ulakonzya kumubuzya kuti ngwani muntu ngwayeeyela uukonzya kugwasigwa aayimwi njiisyo yamuBbayibbele. Mpawo umugwasye mbakonzya kulibambila kuyookambawukila muntu ooyo kabelesya majwi mawuba. Kuti kazichita, mugwasye kulibambila kamubelesya chipanzi chiti, “Bamwi Baamba Kuti” achiti “Umwi Ulakonzya Kubuzya Kuti,” zijanika mubbuku litegwa Mbukonzya Kubotelwa Mubuumi Kukabe Kutamani! Chiindi nulikumugwasya, muyiisye mbakonzya kubelesya Bbayibbele kuti asandule muntu munzila iimvwisisika.

17. Kujana twalubelesya biyeni lugwalo lwa Matayo 10:19, 20, 29-31, kuti tugwasye muntu ngutwiiyaawe kuti asyome Jehova?

¹⁷ Gwasya muntu ngwiiyaawe kuti asyome Jehova. Jesu wakasyomezya basikwiiya bakwe kuti Jehova wakali kuyoobagwasya nkaambo wakali kubayanda. (Bala Matayo 10:19, 20, 29-31.) Gwasya muntu ngwiiyaawe kuti abe aachoonzyo chakuti Jehova uyoomugwasya. Chiindi nimukomba kamuli aamwi buzya Jehova zintu nzyayelede kuchita muntu ngwiiyaawe kuti ayelele kubbabbatizigwa. Eezi ziyoomugwasya kuti abone kuti kukomba kuli Jehova kulayandikana. Franciszek uukkala kuPoland wakaamba kuti: “Muntu wakali kundiyiisya Bbayibbele wakali kukkala kakumbila Jehova kuti andigwasye kuti ndizuzikizye zintu nzindakeelede kuchita kuti ndeelele kubbabbatizigwa. Nindakabona Jehova mbaakasandula nkombyo zyakwe, andime ndakasaanguna kukomba. Bbosi wangu naakandizumizya kuti ndiinke kumuswaangano wabbooma akumiswaangano yambungano ndakabona kuti Jehova wakazisandula nkombyo zyangu.”

18. Jehova uubona biyeni mulimu wakugwasya bantu kuti babe basikwiiya?

¹⁸ Jehova ubayanda loko bantu mbitwiiyaabo. Uubona kuyandikana mulimu ngubachita bakombi bakwe wakugwasya bantu kuti baswene aafwiifwi anguwe. (Is. 52:7) Kuti kutakwe muntu ngwiiyaawe, ulakonzya kugwasya bantu bayiya Bbayibbele kuti bayinkilile kunembo kusikila bakabbabbatizigwe kwiinda mukusindikila bamwi basikupupulula kuzyiiyo zyabo.