1. Sooq Jehovap kif­fai kiserliorsin­naasar­pat?

AMERLANERSAGUT ilaan­nik­kut kiserlior­tar­put. Ilaat sivikitsuin­narmik taamatut misigisar­put, al­lal­li sivisuumik. Al­laal­lumi inup­pas­suit akor­nan­ni kiserlior­tutut misigisin­naasar­pugut. Ilaasa ilagiin­ni nuuf­figisamin­ni ikin­ngutitaar­tor­nis­sar­tik ajor­nakusoor­tit­tar­paat. Al­lat ilaqut­tatik at­taveqarfigil­luak­katik qimal­lugit ungasis­sumut nuuk­kaangamik kiserlior­tar­put. Aam­ma al­lat asasatik toquk­kut qimagus­simasut maqaasingaar­tar­paat. Kristumiul­lu ilaat, ingam­mik sal­lusuis­sum­mi nutaajusut, ilaqut­tamin­nit ikin­ngutigisimasamin­nil­lu up­peqatigin­ngisamin­nit ajat­tugaaner­tik malersugaaner­til­lu kisimiit­tutut misigilis­sutigisar­paat. Il­lit taamatut misigisar­pit?

2. Al­laaserisami matumani apeq­qutit suut akis­sutis­sarsis­savagut?

² Jehovap ilisarisimal­luaramitigut paasisin­naal­luar­paatigut. Kiserlioraangat­ta qanor­piaq misiginersugut naluneq ajor­paa, aam­ma ikiorusut­tar­paatigut. Qanorli taamaalior­tar­pa? Uagut suut nam­mineq iliuuserisin­naavagut? Ilagiitsin­nilu kiserlior­tut qanoq ikiorsin­naavagut?

3. Jehovap Elia soqutigalugu qanoq ersersip­paa?

³ Jehovap kif­fami nuan­naar­nis­saat kis­saatigaa. Tamatsin­nut qanip­poq, nikal­lungagaangat­talu maluginiar­tar­paa.  (Tuss 145:18, 19) Jehovap Eliamut iliuusii eq­qarsaatigik­kit. Elia angutaavoq aalajaatsoq Israelimi pis­sutsit ajorserut­tor­neran­ni inuusoq. Taamanik­kut Israelimi inuit pis­saanil­lit Jehovamik pal­lorfigin­nit­tunik malersuip­put ingam­mil­lu Elia toquk­kusul­lugu. (1 Kng 19:1, 2) Elia aam­ma isum­mer­poq Jehovap pruf­fiitiini kiser­ngorus­simal­luni, taman­nalu suli nikal­lunganerulis­sutigisimas­savaa. (1 Kng 19:10) Jehovali iliuuseqapal­lap­poq. In­ngilini aal­lar­tip­paa, in­ngilil­lu Elia oqarfigaa Israelik­kut akor­nan­ni Jehovamik aalajaal­lutik pal­lorfigin­nit­tut suli amerlaqisut! – 1 Kng 19:5, 18.

4. Jehovap kif­faminut ilaqut­tamin­nit ikin­ngutimin­nil­lu tapersersor­neqarun­naarsimasunut soqutigin­nin­nera Markusi 10:29, 30-milu qanoq erser­pa?

⁴ Ilagut Jehovamut kif­faalerumal­lutik pil­liuteqangaar­tariaqarsimap­put, taman­nalu Jehovap nalun­ngil­luin­nar­paa. Im­maqa ilaqut­tamin­nit ikin­ngutimin­nil­lu Jehovamut pal­lorfigin­nin­ngitsunit tapersersor­neqarun­naarsimap­put. Im­maqa apustili Petrusitut misigip­put, taas­sumami Jiisusi er­numagunarluni ima aperaa: “Uagut suut tamaasa qimal­lugit malip­patsigit; sunami taava pisas­saraar­put?” (Matt 19:27) Jiisusip ajoqersuk­kani neriorsor­pai anersaak­kut ilaqutar­pas­suaqalerumaar­tut. (Markusi 10:29, 30 atuakkit). Jehovalu, anersaak­kut ilaqutariitsin­ni niaquusoq, neriorsuivoq kif­fani ikiorumaarlugit. (Tuss 9:11) Kiserlior­nin­ni Jehovap ikiuinera misigiumal­lugu iliuuserisin­naasatit maan­na sam­meriar­tigit.

5. Jehovap ilin­nik an­ner­toq­qusersuisar­neranik eq­qarsaatigin­nit­tar­neq qanoq iluaqutigisin­naaviuk?

⁵ Jehovap ilinnik annertoq­qusersuisar­nera eqqarsaatigisaruk. (Tuss 55:23) Taman­na kiserlior­tutut misigin­ngin­nis­san­nut iluaqutigis­savat. Carol * ueqan­ngitsoq Nalunaajaasunil­lu ilaqutaqan­ngitsoq ima oqar­poq: “Jehovap ajor­nar­torsior­nin­ni an­ner­toq­qusersuisar­nera eq­qarsaatigigaangak­ku  misigisar­punga kisimiin­nanga. Taava qulariun­naar­tar­para tamatigut ikior­tarumaaraanga.”

6. Kiserlior­tut Petrusip al­lagai siul­liit 5:9, 10-lu qanoq tup­pal­lersaatigisin­naavaat?

⁶ Uppeqatitsinnik kiserliortunik Jehovap ikiuisarnera eqqarsaatigisaruk. (1 Petrusi 5:9, 10 atuakkit). Hiroshi, ukior­pas­suar­ni ilaqut­tamini kisimi Nalunaajaasuusimasoq, ima oqar­poq: “Ilagiin­niit­tut tamarmik ajor­nar­torsiuteqar­tar­put. Tamat­ta Jehova sapin­ngisatsin­nik kif­far­tuup­par­put, taman­nalu ilaqut­tamin­ni kisimiil­lutik Nalunaajaasuusunut tup­pal­ler­nar­tar­poq.”

7. Qinuneq il­lit qanoq iluaqutigisar­piuk?

⁷ Anersaakkut ileq­qulius­satit ajun­ngitsut aallut­tuakkit. Tas­sa qanor­piaq misiginin­nik Jehova oqalut­tuut­tas­savat. (1 Petr 5:7) Mas­siel, ar­naq inuusut­toq, Nalunaajaasun­ngorami ilaqut­tani Nalunaajaasuun­ngim­mata kiserlior­tutut misigiler­poq. Taan­na ima oqar­poq: “Jehovamut qaman­nga pisumik qinusar­nera kiserliorun­naar­nis­san­nut iluaqutiginer­paasama ilagaat. Jehova ataatat­tut isigaara ul­lul­lu tamaasa arlaleriarlunga misigis­sutsin­nik an­nis­suif­figisar­para.”

8. Biibilimi atuak­kan­nik eq­qarsaatigin­neq­qis­saar­neq qanoq iluaqutigisar­piuk?

⁸ Biibili ul­lut tamaasa atuar­taruk, al­las­simaf­fiil­lu Jehovap ilin­nik asan­nin­neranik ersersitsisut eq­qarsaatigeq­qis­saar­tak­kit. Bianca, qatan­ngut ilaqut­taminit nikal­lor­nar­tunik oqaluf­figineqar­tar­toq, ima oqar­poq: “Uat­tul­li misigisaqarsimasut pil­lugit Biibilimi Biibililersaarutitsin­niluun­niit atuar­neq eq­qarsaatigin­neq­qis­saar­nerlu iluaqutigisaqaak­ka.” Kristumiut ilaasa al­las­simaf­fiit im­mik­kut tup­pal­lersaatigisar­tak­katik, soorlu Tus­siaat 27:10 aam­ma Esaja 41:10, alan­ngaar­talersimavaat. Al­lat im­mius­sanik tusar­naaraangamik kiserliorun­naamisar­put.

9. Ataatsimiigiar­tar­neq qanoq iluaqutigisar­piuk?

⁹ Ataatsimeeqataajuar­tar­nis­sat ilungersuutigiuk. Ataatsimiin­ner­nimi sam­mineqar­tut qiim­maal­laatigis­savatit up­peqatitil­lu ilisarisimanerulerlugit. (Hebr 10:24, 25) Mas­siel, eq­qaaneqareersoq, ima oqar­poq: “It­tuutugaluaqalunga ataatsimiigiar­tuar­nis­sara akis­suteqar­tar­nis­saralu aalajangiusimavara, taamaat­tumil­lu misigivunga ilagiin­niit­tut qanin­nerulerlugit.”

10. Sooq anersaak­kut qatan­ngutitsin­nik ikin­nguteqar­neq pingaaruteqar­pa?

¹⁰ Anersaakkut qatan­ngutin­nik ikin­ngutitaartorit. Ilagiin­niit­tut, ukiui kulturial­lu apeq­qutaatin­nagit, ilin­niarfigingaarsin­naavatit.  Taamaat­tumik ikin­ngutigilik­kit. Biibilimi eq­qaasin­neqar­pugut ilisimas­suseq ‘utoq­qar­niit­toq’. (Job 12:12, tastamantitoĸaĸ) Aam­mali utoq­qaat inuusut­tut ilin­niarfigisin­naavaat. Jonatanip Daavi, im­minit nukarliunerugaluar­toq, ikin­ngutigil­lualer­paa. (1 Sam 18:1) Ajor­nar­torsior­taraluarlutik Jehova kif­far­torfigiuarumal­lugu ikioqatigiip­put. (1 Sam 23:16-18) Irina, ilaqut­tamini maan­nak­kor­piaq kisimiil­luni Nalunaajaasuusoq, ima oqar­poq: “Up­peqatigut anersaak­kut ilaqutariler­tar­pagul­lusooq. Jehovap taak­ku aq­qutigalugit ilaqutaqar­tutut misigilersit­tar­paatigut.”

11. Ikin­nguteqarlualerumal­luta qanoq ilior­tariaqar­pugut?

¹¹ Ikin­ngutitaar­tor­nis­saq ajor­naatsuin­naasan­ngilaq, ingam­mik it­tuutugaan­ni. Ratna, qatan­ngut ar­naq it­tuutooq akerlilersor­neqaraluarluni Nalunaajaasun­ngorsimasoq, ima oqar­poq: “Anersaak­kut ilaqut­tan­nit ikior­neqar­tariaqar­nera akuerisariaqarsimavara.” Misigis­sutsit­ta al­lanut an­nis­sor­nis­saat saper­narsin­naavoq, taamaalior­taruil­li an­nis­suif­figisat qanimut ikin­ngutigilersin­naavat. Qularis­san­ngilat ikin­ngutivit qiim­mas­sarlutil­lu ikiorusuk­kaatsit, qanorli ikiorsin­naagaatsit il­lit paasitit­tariaqar­patit.

12. Sooq oqaluus­seqatigiin­neq ikin­ngutitaar­tor­nis­samut iluaqutaava?

¹² Oqaluus­seqatigiit­tar­tut amerlaner­tigut ikin­ngutigiil­lualer­tar­put. Carol, eq­qaaneqareersoq, ima oqalut­tuar­poq: “Oqaluus­seqatigisar­tak­kan­nik al­latigul­lu Jehovamut kif­far­toqatigisar­tak­kan­nik ikin­nguter­pas­suaqaler­nikuuvunga. Ikin­ngutit taak­ku aq­qutigalugit Jehovap ukior­pas­suar­ni an­ner­toq­qusersor­tar­paanga.” Up­peqatitsin­nik aalajaatsunik ikin­ngutitaar­tor­neq iluaqutigingaar­tar­par­put. Taak­kumi aq­qutigalugit Jehovap an­nikil­lior­nitsin­ni, aam­ma kiserlior­nitsin­ni, ikior­tar­paatigut. – Uss 17:17.

13. Ilagiin­niit­tut tamarmik suna akisus­saaf­figaat?

¹³ Ilagiin­ni kinaluun­niit kisimiivit­tutut misigilin­ngin­nias­sam­mat eq­qis­seqatigiin­neq asaqatigiin­nerlu tamat­ta siuarsar­tariaqar­pagut. (Joh 13:35) Oqaatsigut iliuutsigul­lu al­lanut sun­niuteqangaar­tar­put! Qatan­ngut ar­naq ima oqar­poq: “Sal­lusuis­sut ilin­nialerak­ku ilagiit ilaqutar­taaraak­ka. Taak­ku tapersersor­tigitin­nagit Nalunaajaasun­ngorsimanavian­ngik­kaluar­punga.” Ilaqut­tamin­ni Nalunaajaasutuaasut ilagiin­nit asaneqar­tutut qanoq misigiler­tis­sin­naavagut?

14. Nutaat ikin­ngutigilerumal­lugit qanoq iliuuseqarsin­naavit?

¹⁴ Nutaat ikin­ngutigilerumal­lugit iliuuseqarit. Aal­lar­niutigalugu ilagiin­nut asan­nit­tumik tikil­luaq­qusin­naavatit. (Rom 15:7) Ikin­ngutigil­lualis­saguk­kil­li aam­ma soqutigin­nin­nermik ersersitsivigisariaqar­patit. Peq­qusiileqitin­ngik­kaluarlugit paasiniarsin­naavat qanoq ajor­nar­torsiuteqar­tut. Inus­siar­nersumik aperisak­kit akis­sutaal­lu tusar­naaq­qis­saarlugit. As­sersuutigalugu sal­lusuis­sut qanoq ilik­karsimaneraat aperisin­naavatit. Eq­qaamas­saval­li ilaasa an­nis­suinis­sar­tik ajor­nakusoor­tis­sin­naagaat. Taamaat­tumik pin­ngitsaalil­lugit oqalutsin­niar­tas­san­ngilagut.

15. Anersaak­kut inersimal­luar­tut ilagiin­niit­tunik qanoq ikiuisin­naap­pat?

¹⁵ Ilagiin­ni isumas­soqatigiik­kut­ta tamat­ta  anersaak­kut ineriar­tus­saagut. Ingam­mik anersaak­kut inersimal­luar­tut, soorlu utoq­qaaner­tat, isumas­suisar­nis­saat pingaaruteqar­poq. Melis­sa, anaanaminit sal­lusuis­sum­mik ilin­niar­tin­neqarsimasoq, ima oqar­poq: “Angutit ilagiitsin­niit­tut uan­nut ataatatut it­tut qujamasuf­figeqaak­ka. Taak­kua pif­fis­saqarfigalungalu soqutigin­nin­nermik ersersitsivigisarsimavaan­nga. An­nis­suinis­sara pisariaqar­tik­kaangak­ku saaf­fis­saqar­tuaan­nar­punga.” Qatan­ngut angut inuusut­toq, Mauricio, kiserlior­tutut misigiler­poq im­minik atuaq­qis­saaqatigin­nit­tarsimasoq unit­toormat. Ima oqar­poq: “Utoq­qaaner­tat isumas­suinerat iluaqutiginikooqaara. Oqaloqatigikulasar­paan­nga, oqaluus­seqatigisar­paan­nga, atuaq­qis­saar­nermin­ni paasisimasamin­nik avitseqatigisar­paan­nga al­laal­lu timersoqatigisarlunga.” Kingor­na Melis­sa Mauriciolu pif­fis­saq tamaat kif­far­tulersimap­put.

16-17. Al­lat qanoq ajun­ngisaarfigisin­naavagut?

¹⁶ Ajunngisaartarit. (Gal 6:10) Leo, ilaqut­tani qimal­lugit nunami al­lami ajoqersuiar­tor­titatut kif­far­tor­toq, ima oqalut­tuar­poq: “Pif­fis­saal­luar­tuk­kut ajun­ngisaar­nerin­narluun­niit naam­mat­tar­poq. Eq­qaamavara ul­lut ilaan­ni biilinik ajutooreerlunga angerlarama ajutoor­nera sun­ner­tisimaarutigeqalugu. Taavali aap­pariit neriar­toq­quaan­nga. Sutor­nerluta eq­qaaman­ngilara, eq­qaamavarali tusar­naaq­qis­saaraan­nga. Taman­na iluaal­laatigeqaara!”

¹⁷ Nalunaajaasoqatit­ta ataatsimeersuaqatigisar­nerat tamatumanilu sam­mineqar­tut pil­lugit oqaloqatigisar­nerat tamat­ta nuan­naarutigisar­par­put. Taamaak­kaluar­toq Carol, eq­qaaneqareersoq, ima oqar­poq: “Ataatsimeersuar­ner­ni qatan­nguter­pas­suit akor­nan­niik­kaluarlunga kiserlior­taqaanga, amerlanerim­mi ilaqut­tatik ilagisar­paat is­siaqatigisarlugil­lu.” Al­lat aap­pamin­nik toquk­kut an­naasaqaq­qam­merlutik ataatsimeersuaqataanis­sar­tik saper­nar­tit­tar­paat. As­singusunik atugaqar­tunik ilaqut­tatil­lu nalun­ngisaqar­pisi? Taamaap­pat soormi ataatsimeersuar­ner­ni as­sigisaan­niluun­niit ilaserigus­siuk?

18. Inoroorsaar­niaraangat­ta Korinthimiunut al­lak­kat aap­paat 6:11-13 qanoq maleruarsin­naavar­put?

 ¹⁸ Uppeqatitit peqatigisakkit. Anersaak­kut qatan­ngutitit as­sigiin­ngitsut ilaserisak­kit – ingam­mik kiserlior­tut. Taak­kunun­ngami ‘uum­mater­put am­marusup­par­put’. (2 Korinthimiut 6:11-13 atuakkit). Melis­sa, eq­qaaneqareersoq, ima oqar­poq: “Ikin­ngutitsin­nit ilaqutaan­nil­lu qaaq­quneqaraangat­ta angalaqatiserineqaraangat­taluun­niit nuan­naar­taqaagut.” Ilagiis­sin­ni il­lit kina inoroorsaarfigisin­naaviuk?

19. Up­peqatit­ta ingam­mik qaquguk­kut ilagineqar­ner­tik iluaqutigis­savaat?

¹⁹ Up­peqatit­ta ilaasa ul­luni aalajangersimasuni eq­qaamaneqar­ner­tik nuan­naarutigingaar­tar­paat. Ilaasa ilaqut­tatik Nalunaajaasuun­ngitsut nal­liut­torsior­tut ilagis­sal­lugit ilungersunarisar­paat. Al­lat ul­loq asasamik toquf­fia nal­liuk­kaangat ar­torsangaar­tar­put. Qatan­ngutit taamatut unam­miniagaqar­tut ilagiumagaangatsigit ‘isumagerusul­lugit’ ersersit­tar­par­put. – Fil 2:20.

20. Kiserlioraangat­ta Jiisusip oqaasii Mat­thæusi 12:48-50 al­las­simasut qanoq iluaqutigisin­naavagut?

²⁰ Jehovap kif­faa kinaluun­niit kiserliorsin­naasar­poq. Puiun­ngisaan­nar­tiguli Jehovap qanor­piaq misiginer­put nalun­ngil­luin­naraa. Amerlaner­tigut up­peqatigut aq­qutigalugit ikior­tar­paatigut. (Matthæusi 12:48-50 atuakkit). Uagul­lu anersaak­kut ilaqut­tatsin­nik ikiuinitsigut Jehovamut qujamasun­ner­put ersersis­sin­naavar­put. Qanorluun­niit misigigaluarut­ta kisimiin­ngisaan­nar­pugut, Jehovam­mi najor­tuar­paatigut!