ARTIKULO DIˈIB YAˈËXPËJKP 23
Jyobaa xëmë yajpääty mët ëtsäjtëm
“Jyobaa wingon yajpääty mä niˈamukë pënaty mëgäjpxëp” (SAL. 145:18).
ËY 28 Wiˈix mbäät nnaymyaˈayëm mëdë Jyobaa
DIˈIB YAJNIMAYTYÄˈÄGÄÄMP *
1. ¿Tiko Dios mëduumbë näˈäty nyayjyawëdë naytyuˈuk?
MBÄÄT näˈäganäˈäty nnayjyäˈäwëm naytyuˈuk, näägë nmëguˈukˈäjtëm jeˈeyë tuk tiempë duˈun nyayjyawëdë, per ta net nääk diˈib xëmë duˈun nyayjyäˈäwëndë. Nan ta nääk diˈib nayjyäˈäwëdëp naytyuˈuk oy jyayajpäättë mëdë mayjyaˈay. Ets ta diˈib tsiptakxëdëp tmëyujtë ja myëguˈuktëjk mä jembyë kongregasionk. Ta net näägë nmëguˈukˈäjtëm diˈib mëët tuˈugyë fyamilyë yˈittë ets ko tmëjagamgaˈaktë, ta tjantsy pyaˈˈayowdë. Nan ta diˈibë jyiiky myëguˈuk të yˈooky ets nëgooyë tpaˈˈayoownëdë. Ets ta net näägë nmëguˈukˈäjtëm diˈib näämnëm tëjkëdëp ëxpëjkpë, naytyuˈuk nyayjyawëdë mët ko ja fyamilyë o myëtnaymyaayëbë tyukmëtsipˈatëdë ko Tyestiigëty.
2. ¿Tijaty nˈatsoowëmbitäˈänëm mä tyäˈädë artikulo?
2 Jyobaa wäˈäts xyˈixyˈäjtëm ets jyaygyujkëp wiˈix nnayjyäˈäwëm. Yëˈë nyijäˈäwëp näˈä naytyuˈuk nnayjyäˈäwëm ets xypyudëkëyäˈänëm. Mä tyääbë artikulo yaˈˈatsoowëmbitäˈäny: ¿wiˈixë Jyobaa xypyudëjkëm ko nnayjyäˈäwëm naytyuˈuk?, ¿ti mbäät nduˈunëm pën nnayjyäˈäwëm naytyuˈuk? ets ¿wiˈix mbäät nbudëjkëmë nmëguˈukˈäjtëm diˈib nayjyäˈäwëp naytyuˈuk mä kongregasionk?
JYOBAA XYMYËMÄˈÄY XYMYËDÄJËM
Jyobaa tyuknigajxë Elías tuˈugë anklës parë ttukˈijxy ko kyaj nety naytyuˈuk yajpääty. (Ixë parrafo 3).
3. ¿Wiˈixë Jyobaa dyajnigëxëˈky ko myëmääy myëdäjë Elías?
3 Jyobaa tsyojkypy ets niˈamukë pënaty mëduunëp yˈittët agujk jotkujk. Yëˈë wingon yajpääty mä niduˈuk niduˈuk ëtsäjtëm ets nyijäˈäwëp ko mon tuk nyajpatëm (Sal. 145:18, 19). Min nˈokˈijxëm wiˈix tpudëjkë ja kugajpxy Elías. Yëˈë jyukyˈajty ja tiempë mä axëkjäˈäytyëjk tnibëdëˈëktë ja Dios mëduumbëty, axtë yaˈoogandë Elías (1 Rey. 19:1, 2). Elías wyinmääy ko yëˈëyë nety akwëˈëmp extëmë Diosë kyugajpxy ets pääty nyayjyäˈäwë mon tuk (1 Rey. 19:10). ¿Wiˈixë netë Jyobaa tpudëjkë kugajpxy Elías? Ko ttuknigejxy tuˈugë anklës diˈib anmääyë ko kyaj nety naytyuˈuk yajpääty ets ko tamnëmë nety nimayë israelitëty diˈib kyaj tmastuˈuttë Jyobaa (1 Rey. 19:5, 18).
4. Extëm jyënaˈanyë Markʉs 10:29, 30, ¿wiˈix xytyukˈijxëm ko Jyobaa myëmaapy myëdajpy pënaty të dyajtëgoytyë fyamilyë o myëtnaymyaayëbë?
4 Jyobaa nyijäˈäwëp tijaty të nmastutëm parë nmëduˈunëm. Mbäät kyaj oy nekyˈijtëm mët ja jiiky mëguˈuk o ja mëtnaymyaayëbë diˈib kyaj tmëdundë Jyobaa. Waˈan yëˈëjëtyë apostëlë Pedro ojts tmëmay tmëdäjy, pääty tˈanmääyë Jesus: “Ëëtsëty tëts nmastuˈuttë diˈibëtsë nety nmëdäjttëp tëgekyë es nbanëjxtëpts mij, ¿es tiitsë net nmëdattëp?” (Mat. 19:27). Jesus, ta tsuj yajxon tˈanmääy ja yˈëxpëjkpëty ko myëdatandëbë nety ja jyiiky myëguˈuk diˈib jyawëyandëp extëmë fyamilyë (käjpxë Markʉs 10:29, 30). Etsë Jyobaa, ja nDeetyˈäjtëmë tsäjpotmëdë twandaˈaky ko kyaj tmastuˈudäˈäny pënaty mëduunëp (Sal. 9:10). Min nˈokˈijxëm wiˈixë Jyobaa xypyudëjkëm ko nnayjyäˈäwëm naytyuˈuk.
TI MBÄÄT NDUˈUNËM PËN NNAYJYÄˈÄWËM NAYTYUˈUK
5. ¿Tiko yˈoyëty nwinmäˈäyëm wixatyë Jyobaa xypyudëjkëm?
5 Ko nwinmäˈäyëm wiˈixë Jyobaa xypyudëjkëm (Sal. 55:22). Tyäˈädë yëˈë xypyudëkëyäˈänëm parë kyaj nekynyayjäˈäwëm naytyuˈuk. Carol, * tuˈugë kiixy diˈib naytyuˈuk Testiigëˈäjtp mä fyamilyë, jyënaˈany: “Diˈibëts xypyudëjkëp parëts kyaj nekynyayjyawëdët naytyuˈuk, yëˈë kots nwinmay wiˈixëtsë Jyobaa të xypyudëkë kots të nbäätyë amay jotmay. Tyääbë yëˈëts xytyukˈijxp ko Jyobaa ninäˈäts xykyamastuˈudäˈäny”.
6. ¿Wiˈixë 1 Pedro 5:9, 10 mbäät myëjääwmoˈoyëdë pënaty nayjyäˈäwëdëp naytyuˈuk?
6 Ko nwinmäˈäyëm wiˈixë Jyobaa tpudëkë nmëguˈukˈäjtëm diˈib nayjyäˈäwëdëp naytyuˈuk (käjpxë 1 Pedro 5:9, 10, TNM). * Hiroshi, tuˈugë nmëguˈukˈäjtëm diˈib kyajë fyamilyë tyestiigëty, jyënaˈany: “Mä kongregasionk, mbäät nˈijxëm ko nmëguˈukˈäjtëm yˈakmëdäjttëbë yˈamay jyotmay. Per kots nˈixy wiˈix dyajnimëjääwdäˈäktë parë tmëdundë Jyobaa, mëjääwmooyëdëbë nmëguˈukˈäjtëm diˈib kyaj fyamilyë yˈëxpëktë extëm ëjts”.
7. ¿Wiˈix mbudëkëty ko xymyënuˈkxtaˈagyë Jyobaa?
7 Ko xëmë oy nDiosmëduˈunëm. Jëjpˈam ets nyaˈˈawatsëmë jot korasoon parë Jyobaa ndukmëtmaytyakëm wiˈixën nnayjyäˈäwëm (1 Peed. 5:7). Massiel, tuˈugë kiixy diˈibë fyamilyë mastutë ko tyëjkë Dios mëduumbë, jyënaˈany: “Tuk pëky diˈibëts xypyudëjkë parëts kyaj nnayjyawëdët naytyuˈuk, yëˈë kotsë Jyobaa nmënuˈkxtaky amumduˈukjot. Duˈunëts njäˈäwë extëmtsë nDeety, bom bomëts ijty nmënuˈkxtaˈaky. Kanäkˈok mä tuˈukpë xëëw ets ndukmëtmaytyaˈagyëts wiˈixëts nnayjyawëty”.
Ko nmëdoowˈijtëm mä të yajgrabaratyë Biiblyë etsë ëxpëjkpajn, mbäät xypyudëjkëm parë kyaj nnayjyäˈäwëm naytyuˈuk. (Ixë parrafo 8). *
8. ¿Wiˈix mbudëkëty ko xykyajpxyë Biiblyë ets ko xypyawinmay?
8 Jëjpˈam nenduˈun parë xëmë ngäjpxëmë Biiblyë ets nbawinmäˈäyëm diˈib xytyukˈijxëm ko Jyobaa mëk xytsyojkëm. Bianca, tuˈugë nmëguˈukˈäjtëm diˈib wingäjpx jëjpkäjpxëbë fyamilyë, jyënaˈany: “Mëjwiin kajaajëts xypyudëkë kots ngajpxyë Biiblyë etsëts nbawinmay, nenduˈun kots ngajpxyë eksperiensyë mä nmëguˈukˈäjtëm diˈib duˈumbë jotmay të tpäättë extëm ëjts”. Näägë nmëguˈukˈäjtëm nan jyäjttëp agëbajkyë tekstë diˈib mbäät pyudëkëdë extëmë Salmo 27:10 etsë Isaías 41:10. Etsë wiinkpë diˈib pudëjkëdëp parë kyaj nyayjyawëdët naytyuˈuk, yëˈë ko tˈëxpëktë tijaty naxäämp reunyonk ets tkäjpxtë Biiblyë ko tmëdoowˈittë audio.
9. ¿Wiˈix mbudëkëty ko mnëjkxy reunyonk?
9 Tsojkëp nduˈunëmë mëjääw parë kyaj ndëgoyˈäjtëm reunyonk, pes jap mä nnaymyëjääwmoˈoyëm nixim niyam ets mä nˈixyˈäjtëm niˈigyë nmëguˈukˈäjtëm (Eb. 10:24, 25). Massiel, diˈib të yˈokˈyajmaytyakpë mä parrafo 7, jyënaˈany: “Jantsy wintsoytyuˈunëtsë nety, per tatsë nwinmäˈäny nbëjtaky kots xëmë nˈyeˈeyaˈany reunyonk ets kots ngomentaratäˈäny. Tyääbë yëˈëts xypyudëjkë parëts niˈigyë ja nmëguˈukˈäjtëm nmëwingoony”.
10. ¿Tiko jyëjpˈamëty nnaymyaaybyëjkëm mëdë nmëguˈukˈäjtëm diˈib xëmë myëmëdoowdëbë Jyobaa?
10 Nˈoknaymyaaybyëjkëm mëdë nmëguˈukˈäjtëm diˈib xëmë Jyobaa myëmëdoowdëp. Mbäät mëjwiin kajaa xypyudëjkëm ko nnaymyaˈayëm mëdë duˈumbë nmëguˈukˈäjtëm, oy wiˈixëm ja xëëw jëmëjt tmëdattë ets oy mä tsyoondë. Biiblyë jyënany ko taaˈäjtpë “wijyˈäjtën mä mëjjäˈäy mëˈˈënäˈkpë” (Job 12:12). Perë nmëguˈukˈäjtëm diˈib mëjjäˈäy mëˈˈënäˈknë, nan mbäät mëjwiin kajaa tijaty tyukniˈˈixëdë ënäˈktëjk. David mëdë Jonatán kajaa ojts nyaygyugaˈagëdë, per jantsy oy nyaymyaayëdë (1 Sam. 18:1). Nixim niyam nyaybyudëjkëdë parë tmëduundë Jyobaa oy tpattë amay jotmayë mëjwiin kajaabë (1 Sam. 23:16-18). Irina, diˈib naytyuˈuk Testiigëˈäjtp mä fyamilyë, jyënaˈany: “Mbäät ja nmëguˈukˈäjtëm njäˈäwëm extëmë tääk teety o extëm ja mëgaˈax. Jyobaa, mbäät yëˈë yajtunëdë parë nbatëmë familyë diˈib nyajtëgoyˈäjtëm”.
11. ¿Ti tsojkëp nduˈunëm parë nbatëmë oybyë mëtnaymyaayëbë?
11 Mbäät näägë nmëguˈukˈäjtëm tsyiptakxëdë tpäättëdë myëtnaymyaayëbë, ets mas niˈigyë ko wyintsoytyuˈunˈattë. Min nˈokˈijxëm wiˈix tnimaytyaˈagyë Ratna diˈib jantsy wintsoytyuˈun. Ko tyëjkë ëxpëjkpë, ta myëtsiptsoˈonë jyiiky myëguˈuk, yëˈë jyënaˈany: “Nbëjkëtsë kuentë ko nyajtëgoyˈajtypyëtsë nety etsëts xypyudëkëdët ja nmëguˈukˈäjtëm diˈib mä kongregasionk”. Waˈan näˈäty xytsyiptakxëm pën ndukmëtmaytyakëm wiˈix nnayjyäˈäwëm, per duˈunën nnaymyaaybyëjkëm mëdë nmëguˈukˈäjtëm. Pes ja nmëtnaymyaayëbë xypyudëkëyäˈänëm ets xymyëjääwmoˈoyäˈänëm, per tsojkëp ndukmëtmaytyakëm wiˈixën nnayjyäˈäwëm.
12. ¿Wiˈix nbatëmë mëtnaymyaayëbë ko nëjkxëm ëwäˈkx käjpxwäˈkxpë?
12 Ja tuk pëky wiˈix mbäät nbatëm ja mëtnaymyaayëbë, ja ko nëjkxëm ëwäˈkx käjpxwäˈkxpë mëdë nmëguˈukˈäjtëm. Carol, diˈib të yˈokˈyajmaytyakpë mä parrafo 5, jyënaˈany: “Mayëts kujkë nmëtnaymyaayëbë njantsy pyaaty kots nëjkxy ëwäˈkx käjpxwäˈkxpë mëdë nmëguˈukˈäjtëm ets kots nduunë Diosë tyuunk. Nuˈun kujkë xëëw tiempë nyaxy, Jyobaa yëˈë yajtuumbyë nmëguˈukˈäjtëm diˈibëts mëët naymyayëdë parëts xymyëjääwmoˈoytyë”. Pääty, oy ko nˈëxtäˈäyëmë mëtnaymyaayëbë diˈib xëmë Jyobaa myëmëdoowdëp, pes ko nbatëmë amay jotmay yëˈë yajtuunëdëbë Jyobaa, extëm ko nnayjyäˈäwëm naytyuˈuk (Prov. 17:17).
NˈOKˈYAJNAYJYÄˈÄWËM JA NMËGUˈUKˈÄJTËM EXTËMXYËP NFAMILYËˈÄJTËM
13. ¿Ti tsojkëp nduˈunëm niˈamukë?
13 Niˈamukë mbäät nyajjaˈäjtëmë tuˈugyëˈäjtën etsë tsojkën mä kongregasionk. Ko duˈun nduˈunëm, ta kyaj pën nyayjyawëdët ko naytyuˈuk yajpääty (Fwank 13:35). Mbäät pyudëkëtyë nmëguˈukˈäjtëm mëjwiin kajaa tijaty nduˈunëm o extëm nˈanmäˈäyëm. Tuˈugë nmëguˈukˈäjtëm jyënaˈany: “Kots nnijäˈäwë ja tëyˈäjtën, tats njäˈäwëdë ja nmëguˈukˈäjtëm extëmtsë nfamilyë. Koxyëbëts yëˈëjëty xykyapudëjkëdë, tsipxyëbëts nDestiigëˈäjty”. ¿Ti mbäät nduˈunëm parë ja nmëguˈukˈäjtëm nyayjyawëdët ko yajtsojktëp mä kongregasionk diˈib kyaj fyamilyë yˈëxpëky?
14. ¿Wiˈix mbäät nnaymyaaybyëjkëm mëdë nmëguˈukˈäjtëm diˈib näämnëm jäjttëp mä kongregasionk?
14 Nˈoknaymyaaybyëjkëm mët ja nmëguˈukˈäjtëm diˈib näämnëm jäjtp mä kongregasionk. Mbäät duˈun nduˈunëm ko tsuj yajxon nˈagëˈë nˈaxäjëm pënaty apenënëm jäjtp mä kongregasionk (Rom. 15:7). Per kyaj jeˈeyë tsyokyëty nˈëboˈkx ngäjpxpoˈkxëm, nan tsojkëbë mëët nnaymyaaybyëjkëm. Pääty, oy ko nˈijtëm ajiiky amëguˈuk ets yajnigëxëˈkëm ko njantsy myëmäˈäy njantsy myëdäjëm ja nmëguˈukˈäjtëm. Nˈokjaygyujkëm tijaty jotmay pyattëp. Per kyaj net tijaty nyajtëˈëw nyajtudakëm diˈib axëëk yajnayjyawëdëp. Nˈokjaygyujkëm tijaty jotmay pyattëp, pes ta näägë nmëguˈukˈäjtëm diˈib tsiptakxëdëp tnigäjpxtët wiˈix nyayjyawëdë. Pääty, oy ko kyaj mëktaˈaky nyajtëˈëwëm wiˈix nyayjyawëdë ets nˈëxtäˈäyëmë winmäˈäny tijaty mbäät nyajtëˈëwëm, etsë net nmëdoowˈijtëm maˈkxtujkën myëët. Extëm nˈokpëjtakëm, mbäät nyajtëˈëwëm wiˈix tˈixyˈäjttë Jyobaa.
15. ¿Wiˈixë mëjjäˈäytyëjk mbäät tpudëkëdë ja nmëguˈukˈäjtëm diˈib mä kongregasionk?
15 Niˈamukë ja nmëguˈukˈäjtëm kyëktëkëdë myëbëjkën ko nmëmäˈäy nmëdäjtëm. Per mas niˈigyë ko duˈun ttundë ja mëjjäˈäytyëjk ets ja nmëguˈukˈäjtëm diˈib oy Dios mëduundëp. Melissa, diˈibë tyääk yajˈyaˈk yajpatë mä tëyˈäjtën, jyënaˈany: “Kyajts nbäätyë ääw ayuk wiˈixëts mbäät nguˈëw ngukäjpxë nmëguˈukˈäjtëm diˈibëts xypyudëjkëdë nuˈunëts nˈyeˈky nbejty, diˈibëts duˈun njäˈäwë extëmtsë ndääk ndeety. Tëgok tëgokëts nmaytyäˈägäˈäny wiˈixëts nyayjyawëty, nnijäˈäwëbëts ko tamë nmëguˈukˈäjtëm diˈibëts mbäät ndukmëtmaytyaˈaky”. Minë net nˈokˈijxëm wiˈix jyënaˈanyë Mauricio, tuˈugë mixy diˈib ja myaˈestrë myastut ja tëyˈäjtën. Yëˈë jyënaˈany: “Mëjwiin kajaats xypyudëjkë kots nˈijxy wiˈixëts ja mëjjäˈäytyëjk xymyëmay xymyëdäjtë. Pes jyuˈttë ja tiempë parëts xëmë ojts xymyëtkäjpx xymyëtmaytyäˈäktë, xywyoowdëts ëwäˈkx käjpxwäˈkxpë ets xëmëts ijty xytyukmëtmaytyäˈäktë ti të tˈëxpëjkpäättë mä të tkäjpxtë Biiblyë, axtë xywyoowdëbëts ijty ëyëˈk kuyäjtpë”. Tyäˈädë nmëguˈukˈäjtëm mëjwiin kajaa ttukˈoyˈäjttë ko duˈun yajpudëjkëdë, pes tyam tyundë Betel.
¿Mˈixyˈajtypy tuˈugë nmëguˈukˈäjtëm diˈib mä mgongregasionk, diˈib myëjjawëp ko mëët myajpäädët? (Ixë parrafo 16 axtë 19). *
16, 17. ¿Wixaty mbäät nbudëjkëmë nmëguˈukˈäjtëm?
16 Nˈokpudëjkëm ja nmëguˈukˈäjtëm (Gal. 6:10). Leo, diˈib misioneerë ets jagam yajpääty mä fyamilyë, jyënaˈany: “Diˈib jeˈeyë myajtëgoyˈajtypy yëˈë ets pën yˈoyjyaˈaytyäˈägët mä meerë xyajtëgoyˈaty. Tëgok kots nˈayoˈonbaty mëdëtsë ngarrë, tëtsë nety njantsy nyayˈatsëˈëk njantsy nyayˈajawëty kots njäjty mätsë ndëjk. Per tats tuˈugë kasäädë jäˈäy xywyooy kaabyë mä tyëjk. Kyajts nekyjyamyetsy tits xymyooytyë, per diˈibëts njamyejtsypy yëˈë wiˈix tsuj yajxon tmëdoowˈijttë kots ndukmëtmaytyaky wiˈixëtsë nety të njaty. Ets yëˈëts xypyudëjkë parëts oy nnayjyäˈäwë”.
17 Agujk jotkujk njantsy nyayjyäˈäwëm ko nduˈukmujkëm mët nimayë nmëguˈukˈäjtëm extëm ko tpäätyë asamblee. Ets tuk pëky tiko duˈun ndukxondakëm, yëˈë ko nyajpatëm mët ja nmëguˈukˈäjtëm ets nnigäjpx nnimaytyakëm tijaty jam näjxp. Per min nˈokˈijxëm wiˈix jyënaˈanyë Carol, diˈib të yˈokˈyajmaytyakpë: “Xytsyiptakxëbëts ko tpäätyë asamblee, pes oyëts njayajpääty mët milˈamë nmëguˈukˈäjtëm, naytyuˈugëts nnayjyawëty mët ko nimay ak mëdë fyamilyë yajpäättë. Xytyuktëjkëbëts ja moˈon tujkën kots naytyuˈuk nyajpääty”. Ta net näägë nmëguˈukˈäjtëm diˈib të kyuˈooky, tsiptakxëp ëgäˈäny nyëjkxët naytyuˈuk asamblee mët ko të nety tˈijxwëˈëmy ko nyëjkxtë nimajtsk. ¿Jam pën nˈixyˈäjtëm diˈibë duˈumbë jotmay pyatypy? ¿Mbäät nwoˈowëm parë mëët tuˈugyë nyajpatëm mä asamblee?
18. ¿Wiˈix mbäät nyajnigëxëˈkëm ja oyjyaˈayˈäjtën extëm jyënaˈanyë 2 Corintios 6:11-13?
18 Nˈokˈyajnäjxëmë tiempë mëdë nmëguˈukˈäjtëm. Oy ko nwoˈow nwijtsëm ja nmëguˈukˈäjtëm mä tijaty ndunäˈänëm, ets mas ja diˈib mbäät nyayjyawëdë naytyuˈuk. Nyaˈˈawäˈätsäˈänëm ja jot korasoon mët yëˈëjëty (käjpxë 2 Corintios 6:11-13, TNM). * Melissa, diˈib të yajmaytyaˈaky mä parrafo 15, jyënaˈany: “Jantsy oyëts ijty nnayjyawëty kots nääk ja nmëguˈukˈäjtëm xywyowdë mä jyëën tyëjk o kots mëët nëjkxtë bakasyonkˈäjtpë”. ¿Jam xyˈixyˈatyë nmëguˈukˈäjtëm diˈib mbäät mëët mˈoyjyaˈaytyaˈaky?
19. ¿Näˈä yˈoyëty nyajpatëm mëët näägë nmëguˈukˈäjtëm?
19 Ta xëëw jëmëjt mä näägë nmëguˈukˈäjtëm mbäät tmëjjawëdë ko mëët nyajpatëm. Extëm nˈokpëjtakëm, ta diˈib kyajë fyamilyë yˈëxpëktë ets mbäädë net mon tuk nyayjyawëdë ko ja myëguˈuktëjk xyëwdun xyëwgäjpxtë. Ets ta net näägë nmëguˈukˈäjtëm diˈib jyäˈäwëdëbë jäj jëmuˈumën, ko ja xëëw poˈo tpääty ets tjamyajtstë mä yˈoˈky tyëgooy ja myëmëjjäˈäy o ja kyujëën kyudëjk. Ko nyajpatëm mëdë duˈumbë nmëguˈukˈäjtëm, yëˈë nety nyajnigëxëˈkëm ko njantsy myëmäˈäy njantsy myëdäjëm (Filip. 2:20).
20. Extëm jyënanyë Jesus mä Matewʉ 12:48-50, ¿wiˈix xypyudëjkëm ko nnayjyäˈäwëm naytyuˈuk?
20 Kanäk pëky jyaˈˈaty tiko näˈäty nnayjyäˈäwëm naytyuˈuk. Per oy ko njamyajtsëm ko Jyobaa nyijäˈäwëp yajxon wiˈix nnayjyäˈäwëm. Ets yëˈë xëmë yajtuumbyë nmëguˈukˈäjtëm parë xymyoˈoyëm tijaty nyajtëgoyˈäjtëm (käjpxë Matewʉ 12:48-50). ¿Wiˈix mbäät ndukˈijxëmë Jyobaa ko nmëjjäˈäwëm? Ko nbudëjkëm ja nmëguˈukˈäjtëm. Per oy näˈäty nnayjyäˈäwëm naytyuˈuk o mon tuk, nˈokjamyajtsëm ko kyaj naytyuˈuk nyajpatëm, tamë Jyobaa diˈib xypyudëkëyäˈänëm.
ËY 46 Dyoskuyëm, Jyobaa
^ parr. 5 ¿Të näˈä mnayjyawëty naytyuˈuk? Pën të, mbäät mˈity seguurë ko Jyobaa nyijäˈäwëp wiˈix mnayjyawëty ets mbudëkëyanëp. Mä tyääbë artikulo nˈixäˈänëm ti mbäät xytyuny ko duˈun mnayjyawëdët. Nenduˈun xytyukniˈˈixëyäˈänëm wiˈix mbäät nbudëjkëmë nmëguˈukˈäjtëm diˈib nayjyäˈäwëdëp naytyuˈuk.
^ parr. 5 Të näägë xyëëw tyëgatstë.
^ parr. 6 1 Pedro 5:9, 10, TNM: “Per jëjpkuwäˈägëdë ja Mëjkuˈu, yaˈittë mëk ja mëbëjkën, pes nenduˈun niˈamukë ja nmëguˈukˈäjtëm tmënax dyajnaxtë ja ayoˈon jotmay. 10 Per ko nety waanë të mˈokˈayowdë, ta ja Dios diˈib nëgooyë yˈoyjyaˈayˈäjnë, diˈib të mëjwowëdë mä ja myëjˈäjtënë winë xëëbë tuˈugyë mëdë Kristë, yëˈë yajjëjpkëxaampy diˈib të mdukniˈˈixëdë. Yëˈë mëk myaˈitanëdëp, yëˈë myajkumëjääwdäˈäganëp ets yëˈë myajwäˈktäˈätsanëdëp”.
^ parr. 18 2 Corintios 6:11-13, TNM: “Corinto jäˈäyëty, tyam miitsëty nmëˈˈëwäˈän nmëgäjpxäˈändë ets tëts nyaˈˈawäˈätstë ja njot ngorasoon. 12 Nyajnigëxëˈktëbëts ja ntsojkënë winë ääw winë jot, per miitsëty të xyˈawitstë ja mtsojkën mëët ëëtsëty. 13 Pääty nmëgäjpxtë extëmtsë nˈuˈunk nˈënäˈk, miitsëty nenduˈun yaˈˈawäˈätstë mjot mgorasoon”.
^ parr. 62 YAJNIMAYTYAˈAGYË DIBUJË: Tuˈugë nmëguˈukˈäjtëm diˈib të kyuˈoˈknë, tmëdoowˈityë mä të yajgrabaratyë Biiblyë etsë ëxpëjkpajn.
^ parr. 64 YAJNIMAYTYAˈAGYË DIBUJË: Tuˈugë nmëguˈukˈäjtëm mëdë nyëëx tkuˈixëdë tuˈugë nmëguˈukˈäjtëm diˈib të myëjjäˈäyënë ets duˈun ttukˈixtë ko tsyojktëp.
