Paul soniká: ‘Na nzila ya misiku mu me fwa na yina me tadila misiku samu mu vanda na luzingu samu na Nzambi.’—Gal. 2:19.

Bamambu yina Paul soniká vandá kwelana na bamambu yina yandi vandá sosa kuzonza na bimvuka ya Galatie, mosi ya barejon ya Rome. Malongi ya luvunu bandá kukota na bantima ya bakristo ya nkaka yina vandá kuna. Ya vandá na bantu yina vandá longa ti samu na kuvuuka, bantu zolá landa misiku ya Moyize, surtout mambu ya kuzenga kibakala. Kasi Paul zabá ti Nzambi vandá lomba ve na bakristo na kuzenga kibakala. Yandi natá bampangi na kutala ti malongi yina, vandá ya luvunu, mpe yandi kumisá kiminu ya bawu ngolo na sakrifise ya Yesu.—Gal. 2:4; 5:2.

Biblia ke lakisá pwelele ti ntangu muntu ke fwá, yandi ke zabá ata kima mpe bamambu yina ke na lutá pene-pene na yandi lenda sala yandi ata kima. (Lon. 9:5) Ntangu Paul zonzá: ‘Mu me kufwa na yina me tadila misiku,’ yandi vandá sosa kuzonza ti misiku ya Moize vandá dyaka ve na otorite na luzingu ya yandi. Kasi, Paul ndimá ti na nzila ya kiminu ya yandi na sakrifise ya Yesu, yandi vandá ‘na luzingu samu na Nzambi.’

Ni misiku natá chanjement na situasion ya Paul. Na wa’ faso? Yandi zonzá deja ti ‘Nzambi ke ndimá ve muntu faso muntu ya mbote samu yandi ke landá misiku, kasi kaka samu na kiminu ya yandi na Yesu Kristo.’ (Gal. 2:16) Ya vrai, misiku ya Moyize salá kisalu ya nene. Apotre Paul zonzá na Bagalate: ‘Ba bwelá yawu samu mambu ya yimbi talana pwelele, tii ntangu ke kwiza mwana yina ba salá promese.’ (Gal. 3:19) Misiku ya Moyize lakisá pwelele ti bantu ya masumu lendá landá ve na faso ya kulunga misiku ya Nzambi, mpe vandá na nsatu ya sakrifise ya kulutila nene, ya muntu yina ke ve na masumu. Misiku sadisá bantu na kuzaba ti Yesu vandá ‘mwana’ yina ba pesá promese. Si muntu tula kiminu na Yesu, Nzambi ke ndima yandi faso muntu ya mbote. (Gal. 3:24) Paul mpe, ni misiku sadisá yandi na kundima mpe kutula kiminu na Yesu. Na yawu, Paul ‘kufwá na yina me tadila misiku’ mpe kumá ‘na luzingu samu na Nzambi.’ Nzambi kumá na otorite na luzingu ya yandi, kasi misiku dyaka ve.

Paul basisá mpe dikanisi ya faso yayi na letre ya yandi na Baromain: ‘Bampangi ya munu, beno mpe kumá bantu ya kufwa na misiku na nzila ya nzutu ya Kristo [. . .] Ba me katula beto na misiku samu beto me fwa na yina me tadila kima yina vandá kanga beto.’ (Rom. 7:4, 6) Verse yayi mpe Bagalate 2:19, ke na lakisá ti lufwa yina Paul ke na zonzilá ke ve lufwa yina ke kwizá ntangu muntu ke landá ve misiku. Kasi, yandi vandá zonzila liberte. Misiku vandá dyaka ve na otorite na zulu ya yandi mpe bakristo ya nkaka. Kiminu ya bawu na sakrifise ya Yesu pesá bawu liberte.