Paulo atolemba ira mwailamulo miyo datokwa uilamulo moi kadinaji-ara thitho ira dikale waingumi wa Nlungu.”—Agal. 2:19.

Paulo atolemba vyevyi movwelanana na likundo nlukulu lawadela liye mipingo yau Galatiya. Puruvisiya lelo latongiwa na utongi wa Roma. Makristao enango aweo tanodhodhomi-iwa na anamafunji-a onama. Anamafunji-ala taonga vyoi ira mutu adhavulumuwe afuneela arela lamulo la Mose simbwasimbwa vamwasa oonga vyoineliwa. Mbwenye Paulo anoidhiwa ira Nlungu kaafuna ira atu anolambela taineliwenga. Liye atovelela umboni wakopolo voruni-a vyevyo anamafunji-a onamao vyafunji-a aliwa thitho atoakami-a abali ira tasaimbwenga roromela ira sembe ya dipo ya Yesu Kristu.—Agal. 2:4; 5:2.

Bibilya linoonga movweya pama ira mutu akwa kanaidhuwa venango kuziwana vyongo vili vyothene vinoireya. (Namal. 9:5) Ee-no vyaonga Paulo ira ndatokwa uilamulo athapulela ira kaafuneya thitho arela lamulo la Mose. Malomwee Paulo ali osikimiza ira mwasa ororomela khuto woombolana liye atokala waigumi wa Nlungu.”

Vyongo vyatochinja ee-ni wa Paulo mwalamulo. “N’nga ninathapulelan’ni vevo?” liye ali angamadhi oongawene ira mutu unooniwa kala olongomana mororomela Kristu Yesu akala namwasa wamabasa alamulo.” (Agal. 2:16) Mbwenye lamulo latokwakwaneli-edha vyongo vinango vyofuneya vinjinji. Paulo atoawandela atu au Galatiya ira: Tatojiwenjedhelavo ira vyodawa vioneele fiedhela vale ali mbeunimo angafiile wenuo ava-iwile yolanyedhiwayo. (Agal. 3:19) Onga imbarimbari lamulo lathonyi-edha pama ira atu a-ali olongomana katinaode ji-arela pamapama ee-no tanofuneela sembe yomari-edha yolongomana. Ee-no lamulo latokami-a atu idhuwa ira “mbeuyo” ndi Kristu . . . Akala ira mutu angaodile mroromela Yesu Kristu, Nlungu angamoni mutuo ira ngolongomana. (Agal. 3:24) Paulo atooniwa ira ngolongomana namwasa dhela mulamulo liye atorumela thitho mroromela Yesu. Ee-no veva Paulo atokwa ulamulo thitho atokala “waingumi wa Nlungu”. Lamulo kalan’nave kopolo waliye, mbwenye Nlungu.

Paulo atoonga thitho vyolandana na vyevi va karta lee lalembele liye makristau au Roma. Liye aongile ira: “Abalanga tutu la Kristu latouwiiri-ani nyo kala okwa wu ilamulo nitothathuliwa wu ilamulo mwasa nitokwa wu ilamulo lelo lanimangile.”(Aroma 7:4, 6) Valembali thitho va Agalata 2:19, Paulo kaaonga vyoonga ukwa namwasa oimwanana a-rela lamulo. Malomwee liye aonga vyoonga thathuliwa. Ee-no lamulo kalanave thitho kopolo waliye thitho waatu enango ale ali ninga liye. Aliwa tatothathuliwa na mwasa ororomela khuto woombolana wa Kristu.