Pawulo o ngwadiye gore: “Go ya ka molawo ke kgwile ka gore a ke sa maka dilo tso di hlayang ke molawo, gore ke thogo phela ka ho ga tso tsa Modimo.”—Magal. 2:19.

Tso Pawulo a di ngwadiyeng ke mo di yelana le taba ye kgolo yo ke mo a yi botsa diphutego tsa phrovinsi ya Roma ya gore yi hala Galata. Makreste ya mangwana gana hone ke mo ma kutšetsela ke tso ne di bolabola ke ba go tšhutisa matsaka. Batho bone ke mo ba tšhutisa gore mo motho a nyaka go phona, di nyaka a latelele dilo ka mokana ga tsona tso di hlayang ke Molawo wa Moše, ka matlamatla yowa ya go bollwa. Mara Pawulo ke mo a di tšiba gabutši tsa gore Modimo ke mo a sa sa nyaka gore Makreste ma bollwe. O ba beyele ditaba gabutši la gore ba šale ba kgotsofele gore tso ne ba tšhutisiwa tsona ke matsaka, tsotsone di ba tiyisiye gore ba dumele ga sehlabelo sa Jeso Kreste sa go ba lepolla.—Magal. 2:4; 5:2.

Bhayibele yi napa yi di beya lekgwaying gore mo motho a kgwa, aa sa kwa selo le ka gonyana kela go bona tso di makegang ho thina. (Mmo. 9:5) Nakwela Pawulo a hlaya gore: “Go ya ka molawo ke kgwile,” ke mo a ra gore ke mo a sa sa lawola ke Molawo wa Moše. Gabutšibutši Pawulo ke mo a sa kamake gore mo a dumela ga sehlabelo sa Jeso, ke mo “a phela ka ho ga tso tsa Modimo.”

Pawulo o tšhentšhiye lephelo lage “go ya ka molawo.” O di makiye byang tsotsone? Ke mo go se botala a fetsiye go ba hlatollela gore “mo ba šinya ba re motho o lukiye, a yi ka taba la gore o maka dilo ka molawo mara nka taba la gore o na le tumelo ga Jeso Kreste.” (Magal. 2:16) Ke nnete gore Molawo wo makiye selo se segolo ka matla. Pawulo o hlatollele Magalata gore: “Molawo ne wo le gona gore wo thogo šupetsa dilo tsa go befa tso batho ba di makiyeng gore setlogolwane sowa se tshepisiwweng se šinye se segela.” (Magal. 3:19) Go fo ba ka mokgonone, Molawo wo di beyye lekgwaying gore batho ba gore a baa yenela, ba gore baa sinya, le mo ba ka latelela se sengwana le se sengwana so se hlayang ke Molawo, ke mo go sa na go nyakega selo se sengwana sa mafelelo, sehlabelo sa gore se yenele. Byalo Molawo ke wona wo makiyeng gore batho ba di bone gore Kreste ke “pewu.” Mo motho a dumela ga Jeso Kreste, Modimo ke mo a tseya gore motho yene o lukiye. (Magal. 3:24) Tso di makiyeng gore Pawulo a hlaye ka mokgonone ke gore Molawo ke wona wo makiyeng gore a yamogele Jeso a boye a mo dumele. Tsotsone di makiye gore Pawulo a “thogo phela ka ho ga tso tsa Modimo.” Ke mo a sa sa lawola ke Molawo, ke mo a lawola ke Modimo.

Pawulo o hlayye tsa go tshwana le tsowa ga mangwalo ya a ma ngwaleleng Maroma. O yitseri: “Magageru, le lune mmele wa Kreste wo le lokolliye ga Molawo wa Moše . . . Re lokologiye ga Molawo wa Moše ka taba la gore a re sa le mabhantiti ya wona.” (Marom. 7:4, 6) Lengwalo lone le lowa la Magalata 2:19 ma šupetsa gore Pawulo ke mo a sa bolabole ka go kgwa ga motho wa gore o sinnye go ya ka Molawo wa Moše. Mara ke mo a bolabola gore o lokologiye. Molawo ke mo wo sa sa mo lawola, fote wo sa sa lawola ba bangwana ba go tshwana naye. So se makiyeng gore ba lokologe ke sehlabelo sa Kreste.