Pablu karaspti: “Jimbokarini lei uándikuskia ka iásï ísï jarhaskani komueska uarhirini jarhani para leini jingoni, para eskani irekaaka para Diosï” (Gal. 2:19).

Ambe enga Pablu karapka, jindeespti jukaparhakua ambe enga aianguani japka Galasia anapu kúnguarhikuechani engaksï Roma japka. Máru kristianuechaksï niáraspti jakajkuni ambe engaksï jorhentpienga no jurhimbiti jorhentpiricha, engaksï jorhentpienga eska paraksï pʼímutantskata uérani jatsispkaksï para úni ambe enga xáni Moisésiri Lei uandeenga ka sánderia paraksï sirkunsidarikuarhini. Joperu Pablu mítespti eska Tata Diosï nóteru kurhajkuarhisïrengia paraksï imeeri marhuaricha sirkunsidarikuarhini. Kurhangutaraaspti ka exeraaspti eskaksï inde jorhenguarhikuecha no jurhimpitispka ka úspti eskaksï erachicha sánderu mintsikapiringa tata Jesukristueri uarhikuani (Gal. 2:4; 5:2).

Biblia uandasïndi eska enga kʼuiripu ma uarhijka, no ma ambe miásïnga ni pʼikuarherani ambe enga úkuarhini jarhajka (Ecl. 9:5). Enga Pablu uandapka eska isï jarhaspka komu “uarhirini jarhani para leini jingoni”, arhikuekaxapti eska nóteru jatsispkia para úni ambe enga Moisésiri Lei uandeenga. Joperu seguru jarhaspti eska niáraspka irekani para Tata Diosï, jimboka mintsikasïrenga euajpintskuani.

Pablu úspti ísï úni Leini jimbo. ¿Néna? Pablu sánititu antesi uandaspti eska kʼuiripu ma “no uaaka ambakikua exeminhani jimboka jánguarhisïnga úni eska Lei na juramujka, sino jimboka mintsikasïnga Jesukristuni” (Gal. 2:16). Ísïisti, lei marhuaspti para ambakiti ambe úkuarhini. Pablu arini ambe arhiaspti Galasia anapuechani: “Lei únhasti parajtsïni jánhastani ambe enga jindeeka pekadu, mientrasi enga jupiringa ima desendienti enga aiaminhapka aiatsperakuani” (Gal. 3:19). Ísïisti, Lei xarhataspti eskaksï kʼuiripuecha engaksï imperfektuepka ka pekadorini, nóksï úpiringa iámindu ambe úni enga Lei uandeenga ka eskaksï uétarhinchasïreenga kéjtsïtakua ma enga perfektuepiringa ka enga jarhuataapiringa para méntkisï. ísï jimbo, Lei jarhuataspti iretani paraksï kuenta íntskukuarheni eska Jesúsi jindeespka “desendienti”. Ka enga nema mintsikaska tata Jesukristuni, Tata Diosï uaati isï exeni komueska kʼuiripuni ma enga jurhimbitku jámajka (Gal. 3:24). Ísï jimbo, Pablu ísï exenhaspti eska kʼuiripu ma enga jurhimbitku jámajka, jimboka Leini jimbo niáraspka jiókuarhini Jesúsini ka mintsikani. Ka ísï jimbosï “uarhirini japti para lei jingoni” ka niárani “irekani para Tata Diosïni jingoni”. Ísï jimbo, nóteru jatsisptia para úni ambe enga Lei uandeenga, joperu jatsispti para úni ambe enga Tata Diosï uandeenga.

Pablu sáno májkueni jásï ambe arhiaspti Roma anapuechani enga karakuapka: “Ístu jindeesti para chánksïni jingoni juchiiti eramanuecha, jimbokajtsï chá Kristueri kuerpuni jimbo uarhirixaka para leini jingoni [...]. Peru iásïchi nóteru juramuminhaxaka leini jimbo jimbokaksï uarhirixakaia para indeni ambe jingoni engajtsïni juramuchienga” (Rom. 7:4, 6). Ini bersikurhuecharhu ka Galasia 2:19 jimbo, Pablu no arhikuekaxapti eska ísï uarhipiringa komueska pekadori ma jimboka Lei ísï uandasïreenga, sánderu sési, arhikuekaxapti eskaksï nóteru jatsispkia para úni ambe enga Lei uandeenga ni ima ka ni máteru kristianuecha engaksï ístu mintsikapka tata Jesukristueri uarhikuani.