Paolo el ga dito: “Par meso dela lege mi son morto par la lege, cossita che mi posso viver par Dio.” — Gàl. 2:19.

Quel che Paolo el ga dito l’era de acordo con quel che el parlea ale congregassion nela Galàssia, provìnsia de Roma. I falsi istrutori i era drio influensar arquanti che i ndea drio al Cristo. Questi òmini i insegnea che una persona la gavaria la salvassion sol se la fusse obediente ala Lege mosaica, come al comandamento sora la sirconsision. Ma Paolo el savea che Geovà no’l spetea che i dissìpoli de Cristo i fusse sirconsidadi. Paolo el ga spiegà de maniera pròpio giusta che quei insegnamenti i era sbaliadi e el ga giutà i fradei a gaver la fede pi forte nel sacrifìssio de Gesù Cristo. — Gàl. 2:4; 5:2.

La Bìblia la spiega che una persona che la ze morta no la sa e no la fà pi gnente. (Ecl. 9:5) Quando Paolo el ga dito che l’era morto par la Lege, lu el volea dir che no’l gavea pi de obedir la Lege de Moisè. Questo mostra che Paolo l’era sicuro che el podea “viver par Dio” par causa dela fede che el gavea nel sacrifìssio de Gesù.

La vita de Paolo la ga cambià par causa dela Lege. Poco tempo vanti, Paolo el gavea dito: “El omo l’è considerà giusto nò parché el ga fato quel che la lege la manda, ma sol par via dela fede in Gesù Cristo.” (Gàl. 2:16) L’è vera che la Lege la ga fato una roba importante. Paolo el ga dito ai gàlati che la Lege la ze stata data par mostrar quando qualchedun el fea robe sbaliade fin che el dissendente, che el gavea ricevesto la promessa, el rivasse. (Gàl. 3:19) La Lege la mostrea che i òmini imperfeti no i saria boni de obedirla de maniera perfeta. Par quela che lori i gavaria bisogno de un sacrifìssio perfeto e par sempre. Alora, la Lege la ze stata bona de far el pòpolo rivar al dissendente, o sia, Cristo. La persona che la mostresse fede in Gesù la podea esser giusta davanti de Dio. (Gàl. 3:24) Par meso dela Lege, Paolo el ga scominsià a creder in Gesù e el ga bio fede, cossita el podea esser giusto davanti de Dio. De questa maniera, Paolo l’è morto par la Lege e el ga vivesto par Dio. La Lege no la gavea pi poder sora Paolo, ma Dio si.

Paolo el ga dito una roba compagna nela carta ai romani. Lu el ga dito: ‘Me fradei, valtri sì morti par la Lege, par meso del corpo de Cristo . . . semo stati liberadi dela lege parché semo morti par la Lege.’ (Rom. 7:4, 6) In questo testo e anca in Gàlati 2:19, Paolo no l’era drio parlar sora morir come un pecador che la lege la condanea. Invesse, lu l’era drio parlar sora esser lìbero. La lege no la gavea pi poder sora lu e gnanca sora altre persone. Lori i ze stati liberadi par causa dela fede nel sacrifìssio de Gesù.